اجهضتي حبك بقلبي في لحظه طيش
وطعنتيه بظلمك في غرفة الانعاش
حاولت انقذه وجرحي صرخ ليش
تشيلني وانا صبري انفجر وطاش
اقتلني جى وقت تبدى التبليش
تقتل ذكراها في طلقة رشاش
باعتك ورضت من غيرك تعيش
نست وعدها و باعتك كاش
انساها وفلش حبها بداخلك تفليش
قطعه قطعه بسكراب الاوباش
يا جرحي ما عاد ينفعها تطنيش
قرر قلبي من غيرها يعتاش
و حبها ما يهمني تبيعه بيش
دام رخص حبي.. بيعها بلاش
ماتخدعيني بكذبك لاتقولي ايش
نسيتي تلفيف السوالف بفراش
صبرت وكلمتك وفهمتك بشويش
بغيتك تحسين بس خذاك الطناش
ومرت اسابيع وشوقك ماله وشيش
وين شوقي عن قلبك انحاش
وكلما اواجهك القى في هرجك تشويش
خط ثاني بسالفه معانا داش
وصاوريخ جو ارضيه ملطشه تلطيش
مثل كذبة الطياره و منقاش
ابتعدي طير حبك ماعادله ريش
نتفت حبك وشوقك الغشاش
دام مافي ثقة ليش قلتيلي ليش
قلبي عشقك في هواك طاش
ومن غيرك ماهتنيت بلقمة عيش
رغيفي حبك بس فيه اعتاش
يابنت حبك جى بلحظة طيش
ورحل لانه ابتدى من لاش
واجهضتي حبي وانا تمنيته يعيش
لاكن طلع حبك يابنت ماش
وسلامتكم
ثامرالحماد



اضافة رد مع اقتباس

المفضلات