السلام عليكم ورحمة الله وبركاتة
قصيدة كتبتها وهي تصف حال الاسلام اليوم تقريبا واحوال العرب اللي ابكتنا وهي طويله شوي تقدرون تحملونها من الرابط وتسمعونها اذا ماتحبون القراءة الطويله وشكرا جزيلا لكم وجزاكم الله خير الجزاء ماقصرتو
رايط تحميل قصيدتي
http://www.alweehdatclub.net/ffh/dow...4ea8422974b9b8
مدري شقول مدري شختار قصيد
بس يالله بتكلم عن ابطال عروبتنا
كان مننا عنتر محطم الحديد
اشجع رجل مر على دنيتنا
والزير جى بعده انتقامه شديد
حارب اربعين سنه بجيزرتنا
وبعده جى الاسلام بنور جديد
ارسل ربي من يغير عيشتنا
محمد ابا القاسم الاسد الصنديد
اقوى رجل انهى جهالتنا
اسمحلي بيوتي لك محدده تحديد
لني اخجل منها يابطل امتنا
من مثلك يارسول الله تبيد
الاصنام اللي ضيعت عبادتنا
مهما احكي عنك ياحبيبي مايفيد
تعديت الوصف وحتى اللسنتنا
وصحابتك جو على ماكنت تريد
اقوى الرجال هم صحابتنا
ابو عبيدة وعلي وعمر وابن وليد
وكثرت الابطال حيرتنا
صحابه ابطالهم عن الالوف تزيد
وماننسى ابطال تابعيتنا
طارق بن زياد والمعتصم العنيد
اللي سير جيوش عشان بنيتنا
وبين كل التواريخ يصعب التعديد
ابطال راحت لاكن بذاكرتنا
وبعصر قريب في السعوديه بالتحديد
الملك فيصل من ابطال عروبتنا
اللي قال لمريكا (لا) وصاح بالوعيد
ليحرر فلسطين والاسلام رايتنا
وجهز جيشه الشجاع الصنديد
صايم وقال افطر بفلسطينتنا
لاكن جته طعنه واصبح شهيد
طعنه مسلم من بني جلدتنا
حنا العرب حنا جبنا العيد
اشتهرنا بالخيانه بالحيل اشهرتنا
والله مهما اقول وازيد واعيد
مانتحرك دام ماتت نخوتنا
الوف البنات في عاصمة الرشيد
اغتصبوهن المجوس راحت ضحيتنا
وتصرخ بصوت حيل شديد
وينك يامسلم المجوس اغتصبتنا
محدن التفت لاقريب ولا بعيد
الله علينا وين فزعتنا
القلب ماعاد يحس اصبح بليد
صرنا حريم انتحرت رجولتنا
وينك يالرسول وينك يالعضيد
شف بعدك ضاعت امتنا
وتعال ياعمر انت وابن الوليد
قيدنا طليان والغرب كلتنا
وياعلي المجوس لعربوتنا تكيد
ويدعون حبك وذي سالفتنا
وياعلي وينك يامن تحسن التسديد
علم الامة كيف كانت شجاعتنا
ويافيصل بطل مثلك نريد
قال للدنيا عيشتك ما همتنا
الله يرحمكم ياابطال ياصناديد
ويجعل مثواكم في جنتنا
وحنا العرب دهورنا التقليد
لين خلانا نمحي ثقافتنا
واليوم جهالتنا بالدين تزيد
اصحبنا مانعرف شي عن اصالتنا
واليوم هم المسلم يعيش سعيد
ماهمه اسلام ولاحتى عروبتنا
وحتى اللي يدافع ويرد ترديد
يبغي بس الشهره اللي اذبحتنا
لاهين كيف نزيد الرصيد
اموال وعيال وحبيبه خانتنا
او موضه ندور على التجديد
شف همنا شف سخافتنا
او كورة قدم شف لعب يزيد
ندور النصر لو بكورتنا
مالومكم النصر حلم بعيد
حين هجرنا اغلب عبادتنا
ماننتصر الا بايمان حديد
ونبيع حب الدنيا باخرتنا
وبكل صراحه خذ العلم المفيد
قرب يجي يوم قيامتنا
وتجي في زمن غفلة ياعنيد
جاوبني كيف حال غفلتنا
نسينا القيامة ويومها الشديد
حنا ضعنا ..الدنيا ماضيعتنا
حين اصبح هم ناصر ووليد
سعاده دنيويه واموال جمعتنا
وحين اصبحت ساره وغيد
همن فساتين ونبغى حريتنا
و بعض علماءنا جابو العيد
يفتني بلد الكفر حبيبتنا
للاسف اغراهم الفرش النضيد
باع الدين باموال اعمتنا
وحين اصبح الاغلبية يزيد ويعيد
اللهم نفسي لحظتها تشتتنا
نسينا مانقرى سورة (ق) بالتحديد
قال سبحانه عن خلقتنا
ونحنُ اقربُ اليهِ من حبل ِ الوريد
يعني الله اقرب لنا من اللسنتنا
مايلفظُ من قولٍ الا لديهِ رقيبٌ عتيد
يعني كل كلمة تنكتب ياحسرتنا
والايه تسعة عشر فيها الاكيد
اسمع وش تقول اياتنا
ونُفخَ في الصور ذالك يومُ الوعيد
يعني اسرافيل يعلن قيامتنا
شسويت لاخرتك يابو قلبن بليد
حس علامك لاتنهي علاقتنا
وبالنهايه قبل لاختم القصيد
مانبغى فزعه منكم ياعروبتنا
بغينا تصلون هذا كل مانريد
لني غاسل ايدي من نخوتنا
وربي على ما اقول شهيد
القصيد كتبته لكم يامتنا
وترى ربي ماهو ظلام للعبيد
حنا من ظلم ودنيانا اغرتنا
عسى يصبح بصرنا حديد
لان توها بدت حكايتنا
وسلامتكم
ثامرالحماد
اضافة رد مع اقتباس
المفضلات