على كف الغرام اللي .. سكت في لحظة التوديـع
على درب الفراق .. ودمعـة المحـروم وآهاتـه
جلست اجمع فرح عمر ... وسنين ٍ ما لها تجميع
واقول الله على غالـي .. تبـي تبعـد مسافاتـه
انا كيف اتركه يرحل .؟. واهيم برحلـة التلويـع
وكيف اترك وليف ٍ لي ... وكيف أثنـي قناعاتـه
وانا ما ظن ّ لي قلب ٍ ... على هم الفراق ايطيـع
وانا ماظن ّ به قلب ٍ .... يعييييييش ابدون نبضاته
اروح اعاتبه .؟ وألا .. اعيش بواقـع الترويـع
وانا وشلون اعاتب .؟ والعيون اتشوف دمعاته .؟
انا اشهد لحظة الفرقى .... بها كل العلوم اتضيع
يتوه الهرج له نوبه ... و نوب اتمـوت كلماتـه
ذهول ٍ مع سكوت ٍ مع دموع ٍ ما تبـي ترجيـع
معاهن حرقة ٍ تصرخ ... تدكّ الصمت و اسكاتـه
تعال اطلق عنان الدمـع ... دام بدمعنـا تمتيـع
مدام الوقت ظالمنا ...؟ فـلا تغريـك ضحكاتـه
هموم ٍ جالت بصدرري ... تقطّع بالأمـل تقطيـع
وانا هالوقت يصدمنـي .... تضيّعنـي متاهاتـه
أمل قربي مع إنساااان ٍ .... تربّع بالحشا تربيـع
بعد هذا يا كيف الرجل ..؟ تمشـي فـي نهاياتـه
ترى هالخوف والريْبه ... حشا ما هيب للتوديـع
اخاف إن سافر الغالي (( تسوق خطاي خطواته ))
تحياااااااااااااتي
![]()





تحياااااااااااااتي
اضافة رد مع اقتباس



المفضلات