مشاهدة النتائج 1 الى 10 من 10
  1. #1

    Talking زيزو " زين الدين زيدان " الجزء الاول

    خطير بالملعب , ساحر بلمسته , قائد بحكمته , قناص لفرصته , هداف بمزعته
    عصبي المزاج , مايحب الازعاج , يستحي ويكره الاحراج
    يسمونه الفنان , واسمه رنـــان , هذا انت يا زيــــدان

    أيه نعم زيدان .... زيدان العربي
    زيدان المسلم .... ذيــبان


    منقطع سره بمرسيليا الفرنسيه , في بيئة داجه وطفرانه وحالته حاله ... آخر العنقود من
    بين خمس اخوان
    مابهم احد يدري وش الكوره حتى أبوه كان يشتغل بالميناء سمكري سفن , ولكن هالبزر كان يحب
    يطقطق بالكوره حافي قبل مايشتري له ابوه كندره هدية النجاح !
    (والربطات بيشتريها لانجح السنه اللي عقبها )


    استلمس جلدة بالشوارع مطامر ورى الكوره ... ويقال والذمه للراوي انه كان يلعب بلحاله
    ويسحب في بنفسه ويشوت على نفسه الكوره ويحب يجيب الاهداف بنفسه حتى انه مره
    تهاوش هو ونفسه
    كانو اهله يدلعونه دلع لاصار ولا استوى ... وفي مقابله تلفزيونيه لامه سالوها لو بتعرفين
    زيدان بكلمتين ( قالت للتلفزيون : عنيد وراسه يابس ) ...
    ضحكو وقتها وماكان احد يدري وش قصدها يو انها تقول راسه يابس

    يوم دخل زيدان الاربعطعش .. شرى له ابوه اول كندره ... ماتدرون وش فرحته فيها ...
    خاصتن ان ابوه وقتها كان مطفر ومديون وحالته حاله ... بس ماتسوى عليه يكسر خاطر ولده
    وشاف الولد وش كثر مستانس ومستاسعن صدره ... ومتشقق من الفرحه وطلع يلعب كوره
    ومارجع الا ثاني يوم وصارت الكنادر برجول زيدان من ذاك اليوم ومافصخها
    من زود ماهو متعلقن بها , وكان يتمنى يصير مثل لاعب هاك الوقت اسمه ( آنزو فرانشســ .. الخ )


    يوم صار عمر زين الدين زيدان سبع طعش ... سجلوه بفريق كان الفرنسي ...
    وكان وكان ( كان ) داج وقتها وكلهم غشمان .. واللي لعبو اول مباراه مع فريق مرسيسليا
    أنت يا زيدان <<< لعيون فهودي
    عاد وقتها ابوه ماقدر يحضر المباراة أ اول مباراة لولده ) من كثر ماهو متروعن على ولده
    يخاف احد ينبرش عليه .. وصرف عمره وراح للدوام بوقت المباراة

    الين جاه الخبر ان فريق ولده فاز .. وان ولده سوى الهوايل وادهر بالملعب
    من فرحته ترك اللي بيده وانطلق لام عياله يبي يبشرها انهم جاوب ذيبان مهوب زيدان !

    وقتها ام زيدان انفجرت من الصياح والمشاهق من زود فرحتها بولدها ...


    استمر الولد مع فريق كان الين اختاروه بالمنتخب وكان وقتها احتياط .. وبهذيك المباراه
    كانت فرنسا منهزمه اثنين صفر .. ويوم خربت مع المدرب قال كلمته المشهور
    ( هي خاربه خاربه خلينا نعميها ... ياهوه دخلو زيدان )
    وماكان متوقع ان هالولد بيطلع منه شي لعبه يوم ضايقت حيلته

    وبالفعل اخذ راحته بالملعب وسجل الهدف الاول .. ومن زود الفرحه بالهدف نسوا
    يركضون علطول سنترو متحمسين ... وبالفعل سوى اللي محد توقعه انه يجيب الهدف الثاني
    لفريقه فرنسا ... ويقول لي واحد كان جالس مع المدرب انه بلع لسانه من كثر ماصارخ
    هذاك الوقت مهوب مصدق هاللي يشوفه
    وبغى يجيب هدف الفوز لكن فك الله عيونهم !!!



    عقب مشاركته ... راح زيدان لنادي بوردو .. واللي وقتها كان اطلق من كان .. وبدى مشوار
    مع هالفريق كــ ورقه رابحه لهم .. وجلس يلعب معهم اربع مواسم...
    وباخر المشوار شب على الفريق ووصلهم للمباراة النهائيه ... وكان قدام بايرن ميونخ ...
    بس حاقوها بالاخير وانهزموا .. وانهزموا الفريق ... بس الكابتن زيدان ما انهزم
    واللي لفت انتباه انظار اليوفي انهم كانو يخططون عليه

    6f191ddaed

    زيدان .. خربوه الايطاليين وطيحوه بالتتن !!


    وبالفعل اخذوه اليوفي يلعب معهم .. وراح لأيطاليا ... ودع فرنسا بكلمات يقول فيها:
    ( انا ماهان علي اترك فريقي واروح واخليهم ... بس هم زلايب ونزلوا للدرجه الثانيه ..
    وحاولت اني اضبط وضعهم ماقدرت ... مابقى بيدي الا اني انحاش وانقذ نفسي قبل
    مايجيبون فيني العيد ذا الرخوم )
    هههههههه ماعاقت وقلب عليهم ذيبان

    راح لليوفي ... وحاول انه يتآقلم معهم
    وخلال ثلاث شهور كان مزهبن اموره كامله ... وبدى مشواره مع اليوفي
    واللي كانوا يسمونه اللي يتابعونه بـ مشوار الذهب
    وادهر زيدان الفرنسي بالملاعب الايطاليه .. حرثها حرث ... سحب فيهم كلهم
    تعلقو فيه الجماهير بشكل مايصدقه احد ... حتى من تعليقات الجماهير كان واحدن
    راسم على وجهه .. وجه زيدان والصلعه صرفها بطربوش


    استمر خوينا مع اليوفي الين مونديال 98 ....
    واللي ماينساه احد وش سوى بهاك المونديال ... الديوك بشكل عام ... وزيدان خاص

    واللي لخصوا النقاد هاك المونديال بأسم حلبة استعراض ( زيدان )
    بالفعل كانت امه داعيتن له ... خطف عقول العالم كلهم ... صار اسمه على كل لسان
    وصورته بكل شارع
    مابقى احد ماتكلم فيه لاصغير ولا كبير ... حتى اللي مايدرون وش الكوره صارو يسولفون بزيدان
    وانا اولهم



    صار منتخب فرنسا المنتخب الاول بالعالم ... بعد ماصعقو البرازيل ثلاثه صفر على النهائي
    وكان لزيدان هدفين من ثلاثه ... واللي وقتها البارزيل مانفعهم لا رونالدو ولا غيره
    قدام هالفلته العربي الاصيل ( ذيبـــــــان )

    واستمر الفريق الفرنسي بلمعته .. وبكاس أمم اوربا 2000 كان زيدان لامع
    وسجل هدفين ماينساهن طول عمره ... الاول كان بمنتخب اسبانيا من فاول
    والثاني في البرتغال واللي وصلهم للمباراة النهائيه


    وفي المباراة النهائيه صار اللي محد يتوقعه ... واللي وقتها فرنسا كانو مهزومين
    واحد صفر ... الين قبل نهاية المباراة بدقيقه .. وجابو فرنسا هدف التعادل

    وبالاشواط الاضافيه .. انهو الفرنسيين المباراة بهدف محبوك ...
    واللي خلى زيدان يرفع اطلق كاسين ورى بعض



    ...........................................

    انشاء الله قريب راح يكون فيه تكمله للجزء الثاني
    ربي اتوب اليك ,, اغفر لي ذنبي واسرافي ,, انا بريئ من كتاباتي امام الله
    وحسبي الله ونعم الوكيل


  2. ...

  3. #2
    مشكووووووور على الموضوع
    وانا من اشد محبي زيزو
    واصل متل هده المواضيع واتمنى ان تزيد من عدد الصور
    dd9d411ce739fe537e153be3ff6a6490

  4. #3
    خخخخخخخخخخخخخخخخخخخخخخخخخخخخخخخخخخخخخ
    خخخخخخخخخخخخخخخخخخخخخخخخخخخخخخخ
    خخخخخخخخخخخخخخخخخخخخخخخخخخ
    زيدان أسطورة يخسي واحد ينكرها

    وتسلم أخوي على الموضوع المتميز بسرد ولا اروع للاعب القرن ذيبان خخخخخخخخخخخ

    ونتريا الجزء الثاني

  5. #4

  6. #5
    مشكوووووووووووووور على الموضوع
    بس هذا زيدان مهما تكلمت ما راح تكدر توصفه

  7. #6

  8. #7
    مشكور على التقرير
    بس زيدان لا تستطيع الكلمات وصفه
    سيبقى الأسطورة ولن يجد العالم بديل لزيزو
    خسارة تخسر الملاعب لاعب مثل زيدان
    0.35148011796454

    ليس كل ما تراه هي الحقيقة
    sigpic167300_1[IMG]http://www5.*********/2008/01/24/10/320202153.jpg[/IMG]

  9. #8

  10. #9
    الف شكر على موضوعك الرائع ...

    وننتظر منك أخي الكريم المواضيع التالية ... ^_^

  11. #10
    الف شكر على موضوعك الرائع ... gooood

    وننتظر منك أخي الكريم المواضيع التالية ... ^_^

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter