إزعل

**همسة حزن** · 11-05-2003, 08:57

إزعـــــــــــل

إزعل ..ارمي كلامك ..

أكشف قناعك ..

خلني أشوفك .

على ما أنت عليه .

إزعل ..ودي أشوف ..

لون نابك ..

ومن تخالط ..

من ذيابك ..

ودي أعرف .

بس لا تظن ..إني أهابك ..

أعلى ما فيك صوتك ..

وهذا اللي تقدر عليه ..

إزعل ..واكشف عذابك ..

واكتب بدمعك جوابك ..

ودي اعرف لون حبرك ..

ووصفك ووصف حرفك ..

يعجبني أو اشره عليه ..

إزعل ..وسد في وجهي بابك ..

بعتذر لك .

بس لا تظن برجع أهابك .

لا تظن على عملتك ..

أقول لك .. ما عليه ..

عزتي الزم ..

وقلبك مثل ما له ..

ترى عليه ..