السلام عليكم
جيتكم بتصويت... ابيكم تقولو لي من تحبونه من اولاد الانيمي الخطير بليتش؟
جبت لكم اللي اكثر شي احبهم (ماعدا واحد فيهم بس حطيته من كثر ماطلع فقلت يالله شنسوي بعد )
حتى لوماشفتو بليتش صوتوا
المهم ابيكم تختارون من هالعشرة:
1- كوتشيكي بياكويا Kuchiki Byakuya
هو الراس لعيلة كوتشيكي... شخصية هاديه ويحب يمشي على التقاليد والقوانين وهو القائد للفرقة السادسه في السول سوسايتي Soul Society .
2- كوروساكي اتشيجو Kurosaki Ichigo
هو البطل الرئيسي للمسلسل... عمره 15 سنه.. يحب عيلته وربعه ودايما يسعى لحمايتهم وسعادتهم. كان يعيش حياة طالب عاديه وعنده القدره على رؤية ارواح الناس الميته لين ماجات روكيا وغيرت حياته.
3- زراكي كينباتشي Zaraki Kenpachi
قائد الفرقة الحادية عشره, يحب يقاتل انداد اقوياء, وماعند حس اتجاه ابدا يعني كله يضيع (ويسمي نفسه كابتن) بس تحفه هالزراكي.
4- هيتسوجايا توشيرو Hitsugaya Toushiro
هو قائد الفرقة العاشرة وهو اصغر شينيجامي يصير قائد لذلك يسموه Boy Genius ويجنن شكله لما يتضايق من حد يناديه يا قصير او شيرو-كون.
5- إتشيمارو جين Ichimaru Gin
القائد السابق للفرقة الثالثه, ومثل ماتشوفوه من الاشياء اللي تميزه عيونه المشروطه ... لانه الصراحه لو يخلونه يفتح عيونه دايما كان اغمى على البنات خخخخخخ. كله حاط دوبه ودوب روكيا وهيتسوجايا بس بعد يهبل ولد اللذين.
6- يامادا هاناتارو Yamada Hanataru
وااااي! عاد هذا يحليله يجنن... ويحب روكيا كثير (كاخت او صديقه) وكله يستحي ومتوتر... بس وقت الصج يبان معدنه الطيب. وهو في الرتبة السابع للفرقه الرابعه.
7- أوروهارا كيسكي Uruhara Kisuke
أوهوهوهوهو... عاد هالاوروهارا يجنن هو وقبعته, كان قائد شينيجامي بس الحين عنده محله الشوتين, وكله يلبس هالقبعه وصندل فسموه Sandal-Hat .
8- أباراي رينجي Abarai Renji
مساعد القائد في الفرقة السادسة (يعني مع بياكويا-ني-ساما) يحب روكيا وهم اصدقاء من هم صغار وكله يتهاوش مع ايتشيجو وله ميل انه يشوف نفسه قوي.
9- سادو ياساتورا Sado Yasatura
هادي بس قوي, من اصل مكسيكي وعلى انه شكله شوي يخرع او بالاحرى طوله بس هو حبوب وقلبه طيب على الاخر.
10- إيشيدا اوريو Ishida Uryu
الناجي الوحيد اللي من قبيلة كوينسي, هادي بعد ويستحي بس دايما يحاول يسوي نفسه كول جدام الناس, مقاتل ماعليه كلام... بس اللي يفاجأ الشخص فيه انه خياط ماهر... ياشيخ انا ماقدر اخيط مثله كيكيكيكيكيكي. اي ويسمونه بو اربع عيون... اللي يحب ساسكي وكرابيكا بيحب هالشخصيه اما انا مادانيه ولا ادانيهم. مع احترامي الشديد لكل محبيهم.
حطيتهم بالترتيب اللي انا احبهم
اكييييد انا احب بياكويا-ني-ساما هو احلاهم بالشكل (سطحيه البنت) وحتى شخصيته من أخطر الشخصيات اللي بالمسلسل.
طبعا كل الكلام اللي قلته هذا من وجهة نظري الحين ابي اعرف راييكم انتو؟
لاتبخلو علي بردودكم
المفضلات