حروف هيرغليفية في الهوتميـل

[Emily Rashy]

السلام عليكم و رحمة الله و بركاته

أخواني و أخواتي .. أريد إفادتكم في المشكلة اللي أوجهها حالياً و هو أن البريد الالكتروني الخاص فيني تطلع الرسايل فيه على شكل حروف و طلاسم المشكلة موجودة من زمان لكن الحين ضروري أفهم وش معنى هالرسالة لأنها معاملة ضرورية


ÇáÓáÇ&atilde ; Ú&; &OslashYacute; &;áÑíÎ 1 / 2 / 2007 æÇæá ãÇ ÇæÕá &Eg;íÇÊí Ç&aute;ÞáÈí&arin g;


فياليت تخبروني وش هي المشكلة و أكون لكم من الشاكرين

أختكم ~ إيميلي

[Kill'em All]

أختي إيميلي ،، سؤالين

هل المصدر المرسل لهذي الرساله معروف .. وإذا كان معروف هل أرسلها لك وحدك
أم قام بإرسالها لمجموعة كبيرة من الإيميلات ..

أرجو الإفادة

[Emily Rashy]

أهليــين أخوي محمد .. كيف حالك إن شاء الله بخير ^_^

والله إنك سريع تو الموضوع نزل .. الله يسعدك يا رب

بالنسبة للسؤال: المصدر معروف و ثقة 100% .. وأرسل لي كرد بلحالي .. عموماً كل الإيميلات اللي ترسل لي بهالشكل منه أو من غيره .. البريد كله من مصادر مختلفة تطلع معي الحروف بهالشكل .. لكن العنوان عنوان الرسالة يطلع مزبوط بحروف مفهومة ^_^!

[عاشق النوم]

ههههههه

مشكلتك سهله جدا

اضغط رايت كليك على الكلام المو مفهوم

انزل لين ما توصل لكلمة الترميز

ادخل علية وحوله من ال Auto الى اللغة العربية

ان شاء الله افتدك

ولو مو فاهمه ان شاء الله افهمك بالصور

[Kill'em All]

طيب .. هذي مشكلة الترميز موجودة في المتصفح .. وتواجه الجميع في الياهو الوهتميل بالتأكيد ،،
حلها المؤقت هو أنك تحددي الكلام كلة وتضغطي بالزر اليمين من الفأرة بعدين تحتاري ..
خامس خيار من تحت الي هو (Encoding / ترميز "ماني متأكد من العربي " ) .. راح تطلع لك قائمة
جانبية .. أختاري اللغة العربية وإن شاء الله يصير كل شيء تمام

الحل الجذري لها .. في موضوع نقله لنا أحد الأخوان جزاه الله خير

لكن سألت عنه بعض الزملاء في إدارة نظم المعلومات في الجامعة ،، قالوا لا تسوي الحركة هذيك
ولا تسوي أي شيء في الـ registryحق الويندوز إلا إذا كان شيء يخصك وتعرفه مضبوط .. وقالوا كمان
هو صح أنها تشيل المشكلة جذرياً .. لكن أكيد تسبب مشكلة أخرى .. عشان كذا ريح نفسك وأستخدم
الطريقة اليدوية ..

إن شاء الله أكون أفدتك .. ومنتظر النتايج

حفظك الله ورعاك ،،

[Emily Rashy]

عاشق النوم
و
Kill'em All

أفدوتي الله يجزاكم الخير و إن كان بعض الكلام اللي قلته يا محمد ما فهمته بس المهم إن المشكلة انحلت ^_^

من أعلى المتصفح :
عرض > ترميز > العربية (windows)

وبالنسبة للطريقة اللي شرحتوها لي عن طريق رايت كليك ما يطلع معي ضمن القائمة (الترميز)


والله شي .. الحلول تجي بأقل من ساعة .. الله يجزاكم خير يا أخوان ما تقصرون
ممتنة لكم ^_^


دمتـم بحفظ الله ،،

[عاشق النوم]

لاعادي وهذا واجبنا

واي خدمة ثانية تراني في الخدمة

[Emily Rashy]

لاعادي وهذا واجبنا

واي خدمة ثانية تراني في الخدمة

شكراً يا أخوي شكراً .. ما تقصر يا الطيب ^_^

[Kill'em All]

أفدوتي الله يجزاكم الخير و إن كان بعض الكلام اللي قلته يا محمد ما فهمته بس المهم إن المشكلة انحلت ^_^

وإياك ^__^ ..

بالنسبة للكلام الي ما فهمتيه .. آسف لأني كنت مستعجل ..
الآن الطريقة الي فيها الحل الجذري لهذي المشكلة .. لها علاقة بالـ (Registry) ..
بتقولي اش هي الرجستري .. هذا المكان من الويندوز هو المكان الأساسي للربط
والمصادقة بين الملفات ومواقعها وتسلسل عملها وأحياناً يحتوي على قيم للأوامر
المهم الكلام هذا كله ما راح تفهميه لأنك ما سمعتي فيه من قبل .. لكن مو مشكلة إذا ما تعرفيه
المهم تعرفي أنه مكان حساس جداً ودائماً ينصح بعدم التغيير فيه إلا بمعرفه تامه بما يحدث

عشان كذا الحل الثاني الي في الرابط فوق .. ينخاف منه لأنه ما أنعرفت الأعراض الجانبيه
جراء تنفيذه ،،، أنا استفسرت من مختصين في وقالوا لي لا انفذ هذي الطريقة
ولكن ما شفت أحد اشتكى منها إلى الآن .. الله أعلم يمكن تسبب مشاكل مع الأشخاص على
حسب استخداماتهم .. فحطيت لك الطريقة وأنتي تختاري تسويها أو لا ،،،

إذا أنتي مرتاحه مع حركة الترميز .. خلاص ما يحتاج تجازفي

والله شي .. الحلول تجي بأقل من ساعة .. الله يجزاكم خير يا أخوان ما تقصرون
ممتنة لكم ^_^

هذا تبادل الخبرات ،،

ما شتفي شي إلى الحين .. أحياناً اضطر اسحب العضو إلى الماسنجر إذا ما فهم بسرعه
يعني خدمه مباشره ..

و

و

و

وشكلي راح أوقفها عشان اريح شوي
<< لا أحد يزعل إن شاء الله ترجع >>

في حفظ الرحمن ،،،

^__^

[Emily Rashy]

شكراً عالتوضيح أخي الرائع محمد .. جزيتم خيـراً

و معاك حق هذا [ تبـادل الخبـرات ] منذ عرفته .. اللي فيه ناس تحب تساعد من قلب لا لأجل شيء و لكن فقط لأنها تشعر بالسعادة في مد يد العون بالخبرة اللي عندهم و بنفع غيرهم .. شكراً لهم من كل قلبي ^_^

والله يعينك و يسعدك يا جعلي ما أشوف هالـ ( شي ) علشان ما أحقر نفسي أكثر ههههه

شكراً لك يا محمد و بالتوفيـق إن شاء الله ،،