قالت وش أحلى مايقول المحبين ***** ساعة لقاهم بعد غيبه طويله
قلت اصبري قالت أنا أقولك زين ***** قلت أتمنى ما تكوني بخيله
قالت عسى موتي على أيديك هالحين ***** إن كان قيلت بين خل وخليله
قامت تفكر قلت يالله وبعدين ***** كن اصبعك طول يلف الجديله
قالت كليب قلت خير وش تقولين ***** قالت رجع وش هو شعور الجليله
قلت اليمامه ماهي أقوى تحسين ***** من يوم مات جبير صارت هبيله
وش بك سكتي ليه قمتي تلفين ***** قالت أخاف إن قلت أطلع ثقيله
أخاف أقول وكلمتي تجرح الدين ***** وأشيل ذنبٍ ما أقدر إني أشيله
استغفر الله وين وصلتنا وين ***** وأنتي تعرفيني والأصيله أصيله
ضمت يديني قلت توك تحنين ***** قالت يدينك بس هذي قليله
يوم إحضنتني دمعت قلت تبكين ***** قالت أظن الدمع أصدق وسيله
ردت وقالت وش عذاب المحبين ***** قلت الغياب وفي عيونك ذليله
ف ي ر و س ا ل ح ب
المفضلات