مشاهدة النتائج 1 الى 5 من 5
  1. #1

    ابتسامه مجنونة فيني أو أنا فيك مجنون ؟؟!!؟؟!!

    مقبل عليك بحب وأشواق وشجون

    وبداخلي كل الأحاسيس تختال



    مجنونة فيني أو أنا فيك مجنون

    ماعاد تفرق دامنا خبال فخبال



    خل العذارى في هوانا يغنـّون

    للصـّبح لين يجرنا الصبح موال



    ودي يعرف الناس وشكثر مفتون

    باللي هواها يشرح الصدر والحال



    يابنت ليتني أكون اللي بغيتي لك يكون

    وأغرق في حبك ونبقى للحب تمثال


    مهووس حبك؟ لا .. أنا فيك مسكون

    جنـّيتك دايم معي فكل الاحوال



    لو خيـّروني بينك ومال قارون

    لاختارك أنتي مابها شكّ وجدال



    دامك تمونين .. إيعقب غيرك يمون

    راسي لجل راسك من المتن ينشال



    مانيب أحبك رمش وخدود وعيون

    حبيتك أخلاق وأحاسيس وأفعال



    فكري بناته من غلاتك يفزّون

    ماهو بتواضع مير تقدير وإجلال



    أهيم وأهديك بشعر حب موزون

    وأسعى مابين الحب والشعر رحال



    أشباه ليلى خلف سورك يصفـّون

    والقلب حارس والمعاليق أقفال



    إنتي سحابة شوق تمطرني مزون

    وإن جفّ ماها قلت تكفيني ظلال



    مالك لوا .. ما أخون والله ما أخون

    عمرك سمعتي الطيش قد خان الأطفال؟؟



    !!
    ولا سمعتي إبليس وإبليس ملعون

    صام رمضان وزاده بست(6) شوال ؟؟



    ماخونك الا لا غدى القبح مزيون

    ولا أشوف الذل بقلوب الأبطال



    هذاك وقت ٍ كل شي ٍ به يهون

    حتى المشاعر فيه بالصدر تغتال



    وشكثر أحبك؟؟ وشكثر؟؟ كثر هالكون؟

    مدري ..!! ترى ما شفت للحب مثقال ..



    يمكن أحبك ألف ألفين مليون

    ولا أحبــكـ موت وأمـوت بالحــال



    ماللمحبه عــد ّ أو طــعــم أو لــون

    ولاهي قصايد لا سرى الليل تنقال



    هي الجواب اللي به الناس يلقون

    تفسير فورة دم حرمه ورجال



    وانا أشهد ان دمـّي ودمـّك يفورون

    فورة مشاعر جيل من عرض الأجيال



    منتي((الجوهرة)) ... إنتي الــدرّ مكـنون

    من وسط قاع البحر شفتك على الجال



    شفتك يقين يشيل عن متنه ظنون

    وذبيتي شالك والحقـه منـي عقــال



    وقـرّبت منك وإنتي تمشين بالهون

    وبستك على خدك فوق حبة الخال



    وشفت الشفايف عضت لسان وسنون

    كنهم يقولون الجفى يالغضي طال



    وراودت نفسي لا أضيع ويضيعون

    لاني بجيب العيد في نشوة هبال



    وصديت صدة يوسف وصحت تكفون

    خلوا لنا في صفحة الطهر منزال



    وقلتي : أحبك طيـش وأحبك جنون

    ورديت : أحبك عقـــل وأحبك خبـال


  2. ...

  3. #2
    واااااااااااااااااااااااو
    الكلمات مرررررررررره روعه وحلوه وكوووووووووول
    مشكوره اختي يا احلى جداويه
    والله يعطيكي العافيه وننتظر جديدك
    [/SIGPIC<font color=Red>اللهم زد من يحبني جنونا بي 
                                                      وامنح من يكرهني نعمت العقل</font>][SIGPIC]

  4. #3

  5. #4

  6. #5
    صح السانك


    وتسلمين على القصيده الحلوه

    دمتي بود:
    عذبه

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter