مشاهدة النتائج 1 الى 6 من 6
  1. #1

    تحقيق أو نبذه او قصه قصة بنت الرافدين في ارض الكنانة

    بسم الله الرحمن الرحيم

    [GLOW]امل هذه الفصة ان تعجبكم.[/GLOW]
    [GLOW]الفصل الاول (راوند المفاجأت)[/GLOW]
    اليوم اول ايام الدراسة بكلية طب سوهاج في صعيد مصر ,الجو مائل للحرارة و الشمس مشرقة و بعض الشئ حارقة.
    نصف سبتمبر و المستشفى الجامعي بكامل طاقتها , في مبنى العيادات الخارجية حيث المرضى و زويهم يتهافتون على نذاكر الحجز (3 جنيه مصري) فى عيادة أمراض الرمد و العيون (ophthalmology ) كان هناك 3 أطباء متخصصون بردائهم الأبيض يتقاسمون غرفة الكشف الواسعة كل منهم على مكتبه كل مشغول مرضاه و يشتركون في أجهزة فحص العين المعقدة للغاية. د/ محمد المراغي ( يسمونه أصدقاءه دوحة) أقرب طبيب الى الباب قام عند العاشرة و النصف و قال للموظف الإداري و الممرضة: انا طالع للروند (round)
    سمعه د/ حسام: طب شيل عني حالتين كمان دا اول يوم دراسة و عديها
    - ياعم دا اول يوم لازم اوريهم العين الحمراء و كمان دول بنات
    - د/ وليد: طيب يا دوحة سلام و عدي علي بعد ما تخلص عشان الواد احمد عثمان عمه مات في ساقلتة ولازم نعزيه.
    - قشطة جدا ايه دا؟! الظهر بيدن
    - لسه الساعة 10 و نص
    - امال ايه دا؟
    - دا الموبيل بتاع حسام
    - كمان مدخل الرنة بالدين إخوان ايه دول !!!!!
    دخل د/ محمد الرواند (أشبه بالفصل المدرسي حيث يتلقى طلاب الطب دروسهم العملية) الساعة الحادية عشر الا خمس دقائق. بدأت البنات الدخول بانتظام و قام محمد بشرب الشاي و بدأ بعد ربع ساعة ثم اغلق باب الغرفة حتى لا تدخلن المتأخرات.
    بدأ يمهد للطالبات عن طب العيون و كان حازما جدا و غاضب بعض الشئ ربما ليعطى الطالبات إحساس بالخوف منه. حاولت المتأخرات الدخول لكن يرفض في كل مرة.
    تقدمت بنوتة جميلة عينها رائعة سوداء كالسماء في الليل المظلم و وجهها ملائكي جميل منتهى الجمال تأسرك في رونقها و عبيرها و قمة أناقتها جمالها عربي.
    ملامحها ليس مصرية لأنها طويلة – جامدة – مهتمة بنفسها جدا , طرقت باب الغرفة و دخلت و وضعت ظهرها على الباب من الداخل مسنود عليه و في الحال أعلنت رقبة محمد حالة الطوارئ و انتفضت عينيه عن رؤيتها و لأول مرة يبدو متفاهما. د/ محمد: الساعة فأيدك كام يا دكتورة؟!
    ردت البنت المسكينة اما عنف كلمات محمد: - 11 و نصف
    - اتاخرت ليه؟
    - ظروف يا دكتور
    - الظروف دي مش في الراوند بتاعي اترزعي في الكرسي القدامي هنا
    - شكرا يا دكتور
    - العفو
    يخرب بيت الراوند , ايه الجمال دا؟!!! اتاري رابعة فيها الجمال دا, هكذا ورد في ذهن المدرس المساعد د/محمد. انتهى الراوند و عرف اسم البنت بينما كان يأخذ غياب الراوند وعرف اسمها , ندم.
    ايه الفقر دا على اول يوم, مُوزة (بنت حلوة) و اسمها ندم. دا اكيد ابوها ما عندوش نظر, يا عمي ندم مش ندم خلينا نروح الجنازة.
    بينما هو داخل السيارة
    - دوحة دوحة.
    - ايه يا وليد
    - سايق بشويش كده ليه؟
    - كنت سرحان
    - لا ابوس راسك طريق ساقتلته دا فقري..... سرحان في ايه؟
    - حته مُوزة في الراوند النهردة
    - والله العظيم انت كنت بتشرح و لا بتبصبص يمكن تاثير اول يوم
    - يا سلام طب دا انا ليه في الكلية دي 4 سنين بدرس
    - هههههههه
    - مين يقدر يجبلي اصلها و فصلها.
    - ما فيش غير الحُسيني
    في اليوم التالي, ذهب محمد لالحسيني (معيد في قسم الباثولوجي – علم الامراض-) في القسم.
    محمد: - تعرف بنت اسمها ندم
    - العراقية ؟!!
    - بتقول ايه ؟ ايه اللي جاب العراق في الموضوع.
    - ندم نافع دي عراقية. و الله
    - و تعرف عنها ايه؟
    - ابوها غني وجه مصر سنة 93 بعد الغزو بكل فلوسة من العراق بعدين مات و امها تزوجت من مهندس مصري و مات و عندها من الراجل العراقي بنتين ندم و آية ومن المصري ولدين هيثم و خالد, البنت دي جميلة فعلا
    - شطرة ؟
    - مقبول 3 سنوات سابقة بتنجح بالبركة ..... انت بتسأل ليه ؟!!!
    - اصلها عجباني عايز معلومات اكتر يا حسيني اسال بس انت.
    رجع محمد البيت و هو مندهش, عراقية, يعنى صدام ممكن انسبه!! ليه لا؟! على فكرة انا بدخل السياسة بالجواز , يا اخي افرض انها عراقية , دول احسن ناس بس البنت يا لهوي مذهلة جدا و اسمها ندم لا من هنا و رايح اسمها دودو.
    اليوم التالي في العيادة.
    محمد: الفاتحة على روح شهداء العراق.
    - ايه يا دوحة انت اشتغلت حنوتي.
    حسام: خدني معاك صبي حنوتي بعد الظهر.
    محمد: انتو ماعندكمش قومية عربية اسلامية.
    حسام: دا غير اصبح مع الثورة.
    وليد: سبنا لك القومية العربية يا عبد الناصر...... إحنا اممنا القناة
    محمد: ايه يا عبد الحليم ما تسمعني رسالة من تحت الماء.
    وليد: البنت العراقية بتلعب في دماغه.
    حسام: و جابت اهداف
    وليد: ما تكنش فاكرة نفسها فلافيو
    حسام: حرام عليك البنت ذي القمر و فلافيو زي القرد
    وليد:معلش يا دوحة
    محمد: انتو داكتره هم
    وليد: ربنا معاك يا ابو تريكة .
    أنتظروا الجزء الثاني (في البيت)
    يتبع
    اخر تعديل كان بواسطة » طبيب النيل في يوم » 18-01-2007 عند الساعة » 09:29 السبب: تعديل العنوان


  2. ...

  3. #2
    بسم الله الرحمن الرحيم
    اقدم لكم اليوم الفصل الثاني بعد غيبة.
    [GLOW]الفصل الثاني ( البيت )[/GLOW])

    بعدما اعجب محمد بتلميذته ندم فكر جديا بالزواج منها لكن ما كان يؤرقه انها ليست مصرية و قال بينه وبين نفسه يعني اصوم اصوم و افطر على عراقية. لم يكن محمد ليسب في بنات العراق بل كانت نظرة عنصرية الى الخلف تربط بعنقه بنخلة الجهل مع العلم انه يحضر دكتوراه.
    و عندما عاد الى شقته في الطابقة الثالث من منزل والده بشارع البسطا حيث يتكون المنزل من عيادة عيون لمحمد في الطابق الاول اما الطابق الثاني فشقة ابويه و شقته هو في الثالث.
    عادة من ينهي محمد كشفه الساعة 11 مساء و يصعد فوق و يتناول العشاء و ينام ليقوم باكر للعمل بمستشفى و كلية طب سوهاج.
    لكن تلك اليالي لا ياته نوم و العين كاشفة امامها صورة تلك البنت الحلوة التي ينتظر الصباح ليراها.
    و تمضي الايام و تاتي اجازة نصف العام ثم يحصل محمد على الدكتوراه لذلك سافر اليه ابويه ليحضروا مناقشتها ثم لا تبقى في رقبة محمد شئ ليتزوج فهو ما شاء الله اخذ صيته يذيع في المدينة و الف بنت تتمناه و قد صرحته امه فدار الحوار التالي.

    • يا بني انت خدت الدكتوراة و ما فيش حاجة منعاك من الزواج دلوقتي
    • بصراحة ربنا كده في بنت في دماغي
    • والله بجد معيدة ولا نائبة زملتك
    • لا دا ولا دا طالبة
    • مهيمش اسمها ايه بقى ؟ انت تعرفها ؟
    • اسمها يا ستي ندم و هي ساكنة في شارع الجمهورية و امها في شركة اتصالات مصر و ابوها متوفى
    • و جميلة ؟!
    • و طويلة كمان
    • و هي منين؟
    • العراق
    • مين ؟ بتقول ايه؟
    • العراق العراق
    • انت بتهزر
    • والله العظيم
    • طيب و بردوا ابني الوحيد اجوزه بنت معرفش اصلها ولا فصلها
    • انا عارف
    • عارف ايه؟
    • البنت نبتة طيبة
    • بلا طيبة و لا نيلة شيلها من دماغك و ما تفكرش فيها


    و هكذا اما عنصرية الاباء لا يملك محمد غير الدعاء
    و نلتقى في الفصل القادم ( حب في المشرحة )

  4. #3
    [GLOW]الفصل الثاني ( حب في المشرحة )[/GLOW]
    لانه لابد من الانصات للغير و الديموقراطية في المنزل كان لابد لمحمد ان يحاول ان يقنع ابويه بس بلا فائدة
    ثم سافروا مرة اخرى تاركين محمد في موقف صعب يحبها و خائف ان تضيع منه يدرك انها الافضل و انها لن تجد افضل منه.


    ذهب الى الحسيني.. و من المعروف ان الحسيني يستخدم خبثه الاجتماعي ففكر الحسيني ..... كل الناس بتفكر ماذا يفعلون لاجل صاحبنا ....... فقال لمحمد : بص انت تكلمها بعد الراوند عادي جدا و سيب الباقي عليا
    • طيب اقولها ايه ؟
    • قولها لو مش فاهمة حاجة قوليلي و انا افهمها لك بص خليها تفهم انك مهتم بيها شوية
    • و انت هتعمل ايه ؟
    • عادي هتعرف بعدين بس اوعى تجيبلها سيرة انك تعرف حاجة عنها اوكي.


    فعل صاحبنا ما طلب منه و ظهر الكسوف جاليا في كلامها اما هو فقد تخلى عن الشراسة التي يتمتع بها.

    3 ايام و اتصل الحسيني به و هو في المستشفى و قال : يا دوحة تعالى عن المشرحة بتاعت الاكاديمي
    فرد : حاضر . ....... ترك المرضى لحسام و مشي

    ذهب للمشرحة و دخل عن استاذه الدكتور عصام و وجد الجميلة ندم و الحسيني و اخت الحسيني ( معيدة تشريح ) قال في نفسه : ايه لم الشامي على المغربي

    قال د/ عصام : اهلا يا محمد ايه اخبار الحاج الكبير ؟
    محمد :كويس انت هنا يا ندم بتعملي ايه
    الحسيني : انت مش عارف ان الدكتورة ندم تبقى قريبة د/ عصام
    محمد : دكتورة !!!!! طيب
    د/ عصام : يا ندم محمد دا تلميذي النجيب و كان بيجاوب على كل اسالتي في السيكشن ايام مكان طالب و كان معاه واحد تاني تخين و بكرش من الامارات بروا اسمه خلف صح
    محمد : لا يا دكتور اسمه مصطفى على . انت مش وراكي محضرة دلوقتي يا ندم ولا خلعة منها
    ندم : اااه
    د/ عصام: طيب يا محمد انت عازمني عنك اشوف العيادة النهردة صح ولا مش هتوافق
    محمد : يا دكتور انا عنيه لك
    د/ عصام : طيب يالا بينا سلام يا حسيني سلام يا ندم
    محمد : يالا روحي على المحضرة و بلاش لكاعة
    وسوسه د/ عصام: يا اخي خلي عند ذوق
    ركبوا العربية و الكلام يحلى ان شاء الله
    [GLOW]في الفصل القادم ( ESCODA A5 )[/GLOW]
    يتبع

  5. #4

  6. #5
    [GLOW]الفصل الثالث ( ESCODA A5 ) [/GLOW]

    050216octavia6001


    خرج محمد و د/عصام و ذهبوا نحو سيارة د/عصام لكن محمد اشار الى سيارته الجديدة و في الطريق الى السيارة دار الحوار التالي...

    د/عصام : ايه رأيك في ندم ؟
    محمد : ما بتذكرش
    • مبروم على مبروم يعمل ايه؟
    • ما يلفش
    • بص يا محمد حسيني كلمني عليك و قالي انتك معجب بها
    • ايوة صح بس انا مش عارف اصلها و لا فصلها
    • حلو خالص انا ابقى اخو زوج امها المتوفى
    • و الله انا اول مرة اعرف

    ركبوا العربية الاوكتفيا و اعجب بها د/عصام و بدا يحكي له عن ندم
    فقال : البنت من اسرة كبير في العراق عمها كان نائب وزير ايام صدام لكن انت عارف صحبك ما لوش غالي فغضب عليه و قتله و هما هربوا لمصر من 10 سنين يمكن او اكتر.،،، ابوها كان تاجر هنا و مقاول و بنى برج الجمهورية اللي ساكنين فيه و انت عارفه .،،، كمان امها معها دكتوراه في هندسة الشيكلت من جامعة اسيوط و رئيسة فرع شركة الاتصالات الاماراتية هنا في سوهاج ،،،، من الاخر يا محمد دول ناس مبسوطين و عندهم اخلاق و اخوي الله يرحمه تزوج من ام ندم بعد وفاة ابوها ( في ظروف غامضة ) و خلف منها ولدين و مات في حادث سيارة.
    قال محمد : يا دكتور كل الكلام دا جميل و انا رايدها لكن اهلي غير موافقين !!!!
    قال د/عصام : كل دا حصل من اخوي الله يرحمه لكن استطاع ان يقنع الحاج و تزوج امها و بصراحة كانت نعمة الزوجة.

    سادت لحظات صمت بين المتحاورين ثم صرخ محمد : شوف السواق الحمار يكسر على و ما يدينيش اشارة !!!!!!

    و صلوا الى العيادة في شارع مدرسة البسطا في ارقى شوارع سوهاج ،،، و يجب القول ان العيادة تكلفت نحو 80 الف جنيه في تجهيرزها باحدث الاجهزة و ايضا في الاعلانات المرافقة لها و الحمد لله استطاع محمد بشغله و اخلاصه ان يسد المصاريف المتاحرة عليه في سنة و 3 شهور و ايضا دفع مقدم للسارة الفارهة التي يقودها و لم يبقى من الخمسة عين ( العيادة و العربية و العمارة والعزبة و العروسة ) الا الاخيرة.

  7. #6
    [GLOW]الفصل الخامس ( أمتحانات أمتحانات )[/GLOW]

    شهر يونيو الحر اشتد بصعيد مصر و بنت الرافدين تستذكر للعام الرابع على التوالى لديها اربعة مواد سهلة.
    في الصيف سوهاج تتحول في الظهر الى بركة نار و رطوبة و ذباب ايضا نظرا لمرور النهر الخالد فيها اما في المساء فسبحان الله على الجو رائع يحفز الشخص على الابداع المتناغم بهواء الصيف العتديد.
    الامتحان على الابواب فقط 7 أيام على بدأ الامتحانات التحريرية و الاكلنيكية وايضا الشفوي........
    أتصل محمد بدكتور عصام ....
    • ازيك يا دكتور انا محمد
    • اهل يا حبيبي عامل ايه في الحر دا؟
    • الحمد لله هنعمل ايه..
    • الحمد لله طمني عليك ايه اخبار الامتحانات
    • كوسية بس و الله الطب الشرعي جابتهلهم صعب شوية بقولك يا دكتور
    • اتفضل يا حبيبي
    • بابا و انا عايزين نشرب الشاي مع حضرتك في المشرحة
    • اوي اوي اتفضلوا
    • طيب هتكون موجود امتى بكرة
    • 11 و نصف كده هو
    • ماشي ان شاء الله
    • اهلا بك في اي وقت يا حبيبي

    بابا ؟؟؟!! هل وافق ؟!!!
    هذا شئ عجيب ...... استطاع محمد ان يقنع والده بعد جدال ان ينصت فقط ينصت لما سيقوله د/عصام عنها و ما سيقوله عن ابوها و امها لكن لا تزال امه تعتقد ان ابن النيل لا يجب ان يتتزوج الا بنت النيل.
    الشوارع مزدحمة و الدنيا حر و لا احد يطيق الاخر و بدأت الشمس تتعامد على الارض و بدا النهار ينتصف.
    ركب والد محمد بصحبة والده السيارة في هدوء و ابتسامة.
    خرجت السيارة من حارة البيت و في الطريق جلس الوالد يتحدث عن ما فعله صدام بإيران و ساعدته مصر آن ذاك و عن دور المشير ابو غزالة الذي يفخر الاب انه التقط له صورة معه.......
    وصلت السيارة الى بوابة الجامعة و هناك استوقفه رجل الامن ثم فحص وجود الاشارة الجامعية على زجاج السيارة و عبر الى داخل الجامعة....
    انه عالم اخر اولاد و بنات ضحك و بكاء كل شئ خصوصا انها فترة امتحانات....
    نظر الاب الى تلك الحياة التي عاشها من 35 عاما مضت و كانه يرى في هؤلاء الشباب صورته بعد ان زحف البياض الى شعره فجعله كالثلج نظر اليه محمد و هو يتامل من تلك الايام .....
    و بعد ان عبروا الجامعة توقفوا عند بوابة دخول المستشفى الجامعي لننتقل لحياة كلها بكاء و عويل امل و ياس حب و حب و حب و حب الحياة و الخوف من الموت
    وصلوا المشرحة ........
    يتبع

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter