بسم الله
تحية عبقة ، وهذه اولى مشاركاتي معكم أتمنى تنال رضاكم.
ياللي خذاك الوقت وصرت بعالم النسيان
...........غريبة ينتهي حبي معاكِ وأنتِ أشجاني
حلفتي لي على المصحف بأنك باقية أزمان
............ولا ممكن تخليني أعيش العمر وحداني
تجرأ قلبكِ وأنتِ تجرأت على الحرمان
...........سلبتِ فرحة سنيني وقلتي عيش وإنساني
طوتكِ صفحة الماضي وأصبح بُعدكِ سيان
...............وأصبح خافقي شاهد بأنك آخر أحزاني
صحيح القلب ما يكويه إلا مفارق الخلان
.............وطعون الحب في قلبي من اللي راح وخلاني
أشوفك طيف يضحك لي بضحكه كنها ألحان
..............وأحسك نبضةٍ تسري عليها يذوب وجداني
تمادى خافقي فيكِ لحد العشق والإدمان
................وتعمّق حبكِ فيّه ألين أصبحت وجعاني
هني اللي بعمره عاش ولا مره عرف أحزان
...............وهني اللي ما خذاه الشوق تعبانٍ وطرباني
طريق الحب ما يرحم جحود وقمة النكران
...................طريقٍ متعبٍ كله وهو بالحيل أشقاني
المفضلات