\\\ لمبه نمبر تووو من راسي المستديره \\\

**GANNAG** · 15-01-2007, 18:16

بسم الله الرحمن الرحيم

السلام عليكم ورجمه الله وبركاته

اعزائي المكسيكيين ( جمع مكسات ههههه)

ارحب بكم في ثاني لمبات او طقات من رأسي المستديره ( اقتباس من ياسر التويجري )
ملاحظات غريبه شوي بس تصير

احيانا تكون بمكان بعيد شوي وتسمع اصدقائك تعلو ضحكاتهم من شي ماااا

وودك تروح وتشوف وش السالفه المهم

يوم رحت وسمعت اهم جزء بالسالفه وخلاص عرفت وش الي ضحكهم

وغالبا ماتقول بنفسك ياسخفهم على ذي السالفه كل ذا الضحك

وتهــــم هناااا بالعوده للي كنت فيه

لاااااا يجي يلاحظ صاحب السالفه العظيمه انك ما كنت موجود بالبدايه

عاد يمسكك ويحكي لك السالفه بالتفصيل الممل القاتل

وتسوي نفسك مهتم معاه بس غصب عنك تسرررررح بعالم آخر

وتسوي مشاريع لكل شي وبتروح للمنتدى عشان ترد على موضوعك ذاك الي مطنشه
وبتروح تشتري لاخوك دفتر من المكتبه زي ما وصاااك

انت بعالم وهو بعالم

وبتحب اسمك بطريقه عجيبه لما يناديك احد باسمك
وينقذك من الي انت فيه

وصاحب السالفه عاد يقول لسه توني ما خلصت وكله خيبه أمل

(عاد انت بنفسك ودك تقوله ارسلي الباقي مســــــــج هههههه)

بس طبعا الجواب الرسمي لصاحب السالفه

دقايق ورررراجع

تصير صح

موضوع ثاني المصاحفه

بسردلكم انواع المصافحات

في ناس تمد يدها من قبل ما يوصلك ب 4 امتار
وتتفشل ما تدري تركض له او تمدهااااا زيه هههههه

وناس تقبض على يدك ولا تفلتها ويصير يسال عنك وعن امك وابوك واخوانك فردا فردا وخالك وعمانك وشغالتكم سافرت او لا ووش صار بذيك السالفه ووووووو
وهو لسه ماسك يدك
وما تعرف متى تفلت يدك منه

وناس تمد اطراف اطراف اطراف اطراف الاصابع ماتدري وش تسوي تمسك اظافره او اظافرها
يقهرون ذولي وكثير منهم

وناس يمدون يدهم عالي وماتدري قصده يخمك او يصافحك

وناس يصاااافحوون بعد البوساااات واحيانا تصير مصافحات بالهواء الطلق بدون وجود اليد الاخرى
لان اليد الاخرى تحسب السالفه بس بوساااات مافي مصافحات ههههههه

وناس يضغطووون بقوه شديده لدرجه تسمع عظااامك (( انواع المبالغه ))

وناس تصافحك وتخمك بنفس الوقت ولاتدري متى تطلع وتوخر عنه

وناس تصافحك وبيدينهم مناااديل الله يستر وين كانت وناس الله يهديهم الله يهديهم يدينهم مبلله ماتدري مويه او عرق الله يهديهم اتضااايق منهم

ختا ما

الموضوع ماله ايه ابعاد فكريه او سياسيه او شئ له علاقه بالتفكير

هي مجرد ملاحظات وماخفي عندي كان أعظم

تشاااااااااااااااااااوووووووو

**سراب الروووح** · 16-01-2007, 19:43

موضوعك راااااائع اختي الكريمة ..

شكرا على مشاركتنا اياه

اسمتعت بقراءته

اطيب امنياتي

سراب الرووح

**باع** · 18-01-2007, 09:00

موضوع جميل ومضحك
ومشكورة عليه

**GANNAG** · 18-01-2007, 10:39

السلام عليكم

اختي سراب الرووح

واخ باع

اشكر مروركم واتمنى انه اعجبكم

**.: ناطق الشهادة :.** · 18-01-2007, 11:22

مشكورة اختى على الموضوع الرائع

**[القائد** · 18-01-2007, 15:47

السلام عليكم ..

مرحبا بك اختي مرة اخرى asian

ارحب بكم في ثاني لمبات او طقات من رأسي المستديره ( اقتباس من ياسر التويجري )
ملاحظات غريبه شوي بس تصير

صحيح انها غريبة
بس في معظم الاحيان ما ننتبه لها ونظنها عادية rolleyes

الجزء الماضي وهالجزء من موضوعك ، كل ما اقرأهم اتذكر هالمواقف و اقول " صدقتي " !!

وصاحب السالفه عاد يقول لسه توني ما خلصت وكله خيبه أمل

(عاد انت بنفسك ودك تقوله ارسلي الباقي مســــــــج هههههه)

بس طبعا الجواب الرسمي لصاحب السالفه

دقايق ورررراجع

ومعظم الاحيان تطول الدقائق لتصبح ساعات والساعات لتصبح ايام cheeky

موضوع ثاني المصاحفه

بسردلكم انواع المصافحات
في ناس تمد يدها من قبل ما يوصلك ب 4 امتار
وتتفشل ما تدري تركض له او تمدهااااا زيه هههههه

بس احيانا تمثل انك ما انتبهت tongue

وناس تقبض على يدك ولا تفلتها ويصير يسال عنك وعن امك وابوك واخوانك فردا فردا وخالك وعمانك وشغالتكم سافرت او لا ووش صار بذيك السالفه ووووووو
وهو لسه ماسك يدك
وما تعرف متى تفلت يدك منه

بعد لما يسألك عن اخبار العالم كله rolleyes

وناس تمد اطراف اطراف اطراف اطراف الاصابع ماتدري وش تسوي تمسك اظافره او اظافرها
يقهرون ذولي وكثير منهم

هالنوع احب اصافحهم بهالطريقة

وناس تقبض على يدك ولا تفلتها ويصير يسال عنك وعن امك وابوك واخوانك فردا فردا وخالك وعمانك وشغالتكم سافرت او لا ووش صار بذيك السالفه ووووووو
وهو لسه ماسك يدك
وما تعرف متى تفلت يدك منه

كأنك تشحت منهم سلامهم ermm

وناس يمدون يدهم عالي وماتدري قصده يخمك او يصافحك

وناس يصاااافحوون بعد البوساااات واحيانا تصير مصافحات بالهواء الطلق بدون وجود اليد الاخرى
لان اليد الاخرى تحسب السالفه بس بوساااات مافي مصافحات ههههههه

ما قابلتهم ولله الحمد asian

وناس يضغطووون بقوه شديده لدرجه تسمع عظااامك (( انواع المبالغه ))

ويقعد يقولك " والله ايدك صغيره "
وانت في نفسك تقول " اتركني يالخباز " tongue

وناس تصافحك وتخمك بنفس الوقت ولاتدري متى تطلع وتوخر عنه

احيانا يصافحك ويستنزل tongue

وناس تصافحك وبيدينهم مناااديل الله يستر وين كانت وناس الله يهديهم الله يهديهم يدينهم مبلله ماتدري مويه او عرق الله يهديهم اتضااايق منهم

انظر الى يد من ستٌسلم عليه gooood

لكن بعضهم يتعمد يستخدمك كمنديل tongue

هذي ثاني لمبات smile

..
والحمد لله اني حصلتها .. كانت بتفوتني asian

بانتظار جديدك ..

وشكرا ..
اخوكم في الله ..

**GANNAG** · 19-01-2007, 20:11

السلام عليكم

أشكرك اخ ناطق الشهاده

اشكر مرورك

شكرا اخ القائد العظيم

وشكرا على ردك

ومعظم الاحيان تطول الدقائق لتصبح ساعات والساعات لتصبح ايام ( اما هنا صادق تمر ايام وننسى بس تصدق صاحب السالفه مرات ما ينسى وما يصدق يقولها لك ثاني )

شكرا لكم

في أمان الله