مشاهدة النتائج 1 الى 2 من 2

المواضيع: &&مــرحــبــا &&

  1. #1

    &&مــرحــبــا &&

    قصيدة للشاعر " عفتان السهلي " بعنوان " مرحبا "



    هلا مرحبا باالصــاحب الغالي المملـــوح
    وجيتك هذي لي مانيـــــب ناســـيها

    تفضل ترى صدري من الحب قام يفـــوح
    يفوح بغلا معطاه ناسن يماشـــــيها

    وعندي علومن تشرح الخاطر المــجروح
    علومن على صدري عن الناس كانيها

    اجل ما ســمعت آخر خبر يالطيــف الروح
    قصيدة جديده فيك توني مســــويها

    ابين غــــلاك اللي معي ويـن انا ما روح
    وابين وصوفن فيــك محدن يماريــها

    الا ياعيون اللي كسر بعد شـــاف اللـوح
    مخالبــــه من دم الحبـــاري محنيـــها

    وياعود زملـــــوقن نما جنب جال الصوح
    بدارا ثلاث شهور والغيث يسقيــــــها

    ويابو جديلن ريح مســـكه يرد الــــــروح
    شعتني اقرونك كل ما جيت ثاعيـها

    كما ذيل شقرن تحت شيخن ماهو منطوح
    على نطحت وجيه المشايخ مضريـــها

    وكن الشفايف جمرتيــــن على لافـــــوح
    تجدد من اللافـــوح لامر صاليـــــــها

    وخـــدن كـما برقن بغر المــــزون يلـــوح
    اليامن برق ســـود الغداري يضويـها

    وصوفك عجـــايب يالطيف الحشا المملوح
    ولكن ما ادري وين بالضبط اناحيــها

    لكن القصــيده جتك جدن ماهوب مــــزوح
    وفيها بيوت وضمنها البيت ذا فيــــها

    الا ياحمامن فـــوق الغصــــون تنــــــــوح
    مع صوتك اهل الحب جرت قوافيــها

    ولا ادري وش اخرها ولكن قول مسموح
    اريد السموحة منك ضيعت تاليــــــها



    وسلامتكم
    0162ccfebb9102d1aaa42ec52fd58836


    ec3861dd3b1326440a6256b019ffac80


  2. ...

  3. #2
    ابدااااااااااع اختي عجميه
    القصيده رااااااائعه والا روع من ذلك اختيارك لها لتنقليها لنا في هذا المنتدى
    فنعم الاختيار عجميه ونعم اليد التي نقلتها لنا

    ولك مني كل الود والعرفان

    ودمتي بخير


    بقايا لروح

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter