السلام عليكم ورحمه الله و بركاته
طبعا ما يحتاج شرح الموضوع مفهوم من العنوان يعني كل اللي عليك ( تخش ) وتكتب الموقف
( و كالعاده الموضوع ملطووووووش )
( طبعا معرووووووف أنا أول من يبدأ)
الموقف (شويه عليه كلمه يفشل) طبعا معرووووفه أنا بأني كثيرة طلعات من الفصل ووقفه عند الباب
وحاله بس إني مؤدبه هذا بس في المدرسه (أما بالبيت مافيه أمل) والموقف اللي صاير لي بالمدرسه مره
واااااا كالعاده واقفه عند الباب وكانت صديقتي قدامي (حتى هي بعد عند الباب بس قدامي شوي) و
النفرض إن إسمها (حصه) حصه هاذي جالسه تلفت وتكلم البنات و مره تويق راسها مع الباب وهذي هي
حركاتهامن الصبح ويوم كذا مادريت إلا والله (شعفتها) يعني (شوشتها) وليت الشعر ناعم والله ( قراعيط )
قاعده تتمشى على فمي و أنا كلش ولا فمي يجيه شئ وقمت أصارخ بأعلى صوتي (طبعا هذا من النعومه)
وقلت لها ( حححصصصصصصصصصصصصه ) مار تلتفت علي مار أقول شعفتك دخلت ( بخشي ) طبعا هذي
كلمه أضيفوها لقاموسكم ( كنت أبقول خشتي وأبقول فمي والله ما دريت إلا وأنا دامجه الكلمتين مع بعض
وطلعت لي كلمه جديده) و لا ومن الطفاقه قمت وعدت الكلمه مره ثانيه وقلت بتعجب بخشي (ألحين قاعده
أتطنز بنفسي) والله مادريت إلا البنات متسدحات بالأرض ميتين من الضحك والمشكله إني جالسه أضحك معهم
بس بصراحه موقف يجننننننننننن عشانا ضحكنا (وأنا معرووووووووف عني عند صديقاتي أتطنز بهم وبنفسي)
و إنشاء الله أعجبكم الموقف وترى عندي مواقف ثانيه بس ماراح أقول إلا لما تقولون مواقفكم مو قاعده
أقول المواقف لنفسي وااااااا دمتم
المفضلات