مشاهدة النتائج 1 الى 7 من 7

المواضيع: هتسقط يا جمعاوى

  1. #1

    Talking هتسقط يا جمعاوى

    طبعا لسة فكرين جمعاوى والضحك الرهيب ألى هتضحكوا


    بس المرة دى جية فى وقتها وقت الامتحانات


    وعنوان الحلقة :
    هتسقط يعنى هتسقط يا جمعاوى
    بدأ

    ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..

    لبست هدومي..وقبل أن أخرج من باب البيت..نظرت إلى الكتاب..وقولتله: وربنا..وربنا ما حذاكرك تاني..

    ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة-طبعاً ده إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!

    وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد يا جمعاوي .. معقول .. هو ده امتحان؟؟ .. مش ممكن!! .. ده امتحان محصلش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..كالآتي:-

    ----------------------------------------------------------------------------------------------

    الاسم:اكتب اسم الحاجة أمك :............. رقم موبيلك:...............

    الإيميل:.................... السيبر المفضل:..............

    السؤال الأول:اختار من بين الأقواس الكلام الصح:

    1- حنان ترك اتحجبت يعني............(لبست جزمة - لبست ساعة - لبست ايشرب)

    2- اللي بنى هرم خوفو..............(طلعت مصطفى - المقاولون العرب - مقاول عادي - خوفو)

    3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)

    4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............(يا ماما - يا بابا - يا خالو - يا ريس - يا مصر)

    5 - مصر هى أمي نيلها جوا...........(بطني - رجلي - جيبي - دمي)

    6- رئيس مصر القادم السيد......(جمال مبارك - جمال مبارك - جمال مبارك - كل ما سبق)



    السؤال الثاني:أكمل الجمل الآتية بكلام م الآخر:

    1- انتبه من فضلك السيارة ترجع إلى........................

    2- ماما زمنها...................

    3- من خلال تجاربك السابقة...البامبرز استيك منه.............

    4- طلعت أدّب نزلت أدّب لقيت الدب بيأزز............

    5- اسم والد اللاعب وائل جمعة الحاج..............



    السؤال الثالث:ضع علامة NIKE أو علامة غلط أمام الكلام الجاي:

    1- بابا فين؟؟ ..بابا هنا..قوله مين؟؟ قوله عمو ( )

    2- الشرطة دائما في خدمة الشعب ( )

    3- اللي بيته من سيراميك ميحدفش الناس بالبلاط ( )

    4- شاي الجوهرة حتة سكرة ( )

    5- يحكم مصر النظام الملكي ( )

    "ملحوظة:لو معرفتش سؤال ابقى طلع المنفستو اللي معاك يا جمعاوي..غش براحتك..كده كده حتسقط يا جمعاوي عشان تحرم تقول لكتاب المادة بتاعتي كده..ماشي يا جمعاوي!!!!"

    ----------------------------------------------------------------------------------------------

    قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي يا جمعاوي..ماشي يا جمعاوي

    -جمعاااااااااااااااوي..أنت يا وااااااااااد يا جمعاااااااااااوي قوم بقى..عشان تروح الامتحان

    -استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب.


    ويا رب يعجبكوا وما تنسوناش


    م ن ق و ل
    [IMG]48befabc0d[/IMG]
    [IMG]d3a9f1def1[/IMG]


  2. ...

  3. #2

    غضب

    فين رددكم يا جماعة

    أنتو نسيتوا تردوا

    مش مشكلة نعذركم يمكن الكيبورد كان معلق مش مشكلة

    محدش يعرف فى أيه الايام دى فى الكمبيوتر أول ما يجى يكتب الكمبيوتر يقفل مش مشكلة ليهم عذر

    bye bye

  4. #3
    السلام عليكم


    انا واللهي لسه بقراه


    احلى شي عجبني
    6- رئيس مصر القادم السيد......(جمال مبارك - جمال مبارك - جمال مبارك - كل ما سبق) ههههههه



    اما عليه حلم هههه



    اشكرك اخوي




    تشااااااوووو
    audrey_hepburn1

    أحيانا نؤثر الصمت
    لأننا نعجز عن التعبير عن مشاعرنا !!
    في لحظه تشعر أنك شخص ما في هذا العالم
    بينما هناك من يشعر أنك العـــــــالم بأسره !!!

  5. #4
    موضوع قشطة يا باشا
    جامد كحت

    تسمحلى اجاوب

    السؤال الاول

    1- لبسه ايشرب
    2- طلعت مصطفى
    3- حلاق و اللي يقول غير كده اقطعه
    4 - يا خالو
    5- دمي


    السؤال الثاني

    1- الامام
    2-عند الكوافير
    3-ما بيسربش
    4- سعد الصغير
    5- عمرو زكي

    السؤال الثالث


    1- nike
    2- Nike
    3-nike
    4-nike

  6. #5

    Talking

    مشكوررررررررررررررررأخوى على هذا الرد الجميل

    وأظاهر أن أجباتك كلها صح

    أنا هعطيك 100%asian 100

    يلا مبروك نجحت فى الامتحان عقبال الدوكتراهgooood

  7. #6
    مضوعك ممتاز وأكتر حاجة عجبتني :-

    6- رئيس مصر القادم السيد......(جمال مبارك - جمال مبارك - جمال مبارك - كل ما سبق)
    تقبل خالص تحياتي ,, ومهما قلت عشان أوصف روعة الموضوع مش حقدر ,,

    بأنتظار جديد إبداعك

    مع أطيب تمنياتي ,, وخالص تحياتي

    أخوك

    مصطفى

    ^____^
    أحلاماً سعيدة =)

    نهاية الارسال...


  8. #7
    مشكور على الإمتحان الرائع
    إمتحان سهل بس فى بعض النقاط الصعبة أوى أوى
    وهى التى لن يتمكن من حلها إلا الطالب المتفوق
    على العموم أنا شكلى هنجح بجيد جدا فى المادة دى
    أصل دكتورها صحبى وكنت بدرسله أيام إبتدائى
    بس محدش يعايب عليه أصل ده كلام سر

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter