تخيل لو انك هنا ... ماذا تفعل

[لحن الرومنسية]

تخيل***
تخيل لو انك حشرت او حبست في مصعد لوحدك*****
توقف فيك فجأة****
ورغم الصراخ والمناداة***** وضربك للجدران*****
لا احد يسمعك؟؟!!
انت تسمعهم من بعيد يذهبون*** ويأتون*** ويتحاورون****
لكن لااحد يسمعك *** او يشعر بك *** وكأنك غير موجود**** وهناك ****عندما يسود الظلام*** وتختنق الاصوات*** ويخيم السكون ***ويبقى جسد واحد الا وهو انت مالذي تفكر به****
وماذا تفعل؟؟؟!!!

[Barish]

اكيد بيكون معي موبايل اتصل واحاول طلب المساعدة فورا
اما اذا اذا ما عندي جوال الله يستر بصير في حاله هستيرية
وبقعد ابكي بس بحاول اتمالك نفسي لما يجي الفرج من الله
مشكورة اختي وان شاء الله ما تصير مع احد

[ساحرة السماء الفضية]

موقف لا يحسد عليه أحد

لو كنت في مكانه لجمدت من الخوف وألتزمت الصمت حتى تأتي المساعدة

وقد افكر بكتب وصيتي

تحياتي وشكري ..

[Eezabell Watson]

ربما سأكون محبطة وفاقدة للأمل في وضع كهذا ولكن يبقى الأمل بالخلاص موجودا

شكرا على الموضوع

[~Samar~]

انا والله سابدا بالبكاء بس والله يوم بطلع جايهم المصير


وشكرا عالموضوع

محبتكم : سمرمر

[غدير المملوحة]

والله انا عشان جذي ما اصعد بالمصعد..
اروح بالدرج(السلم..
لاني اخاف يصير فيني هالموقف
شكرا على الموضوع

[Dan Lover]

انا ماأطلع مصعد أخاف يحصل لي مثل هل الموقف..

[إماراتيه وافتخر]

مشكوووره ع الموضوع ....

في ردين :-

الرد الاول :-

إذا محد سمعني ..

بسبهم ليييين مااتعب و عقب باستغفر الله ..

و طبعا محد بيسمعني .. بيدق قلبي بسرررررعه ...

و إذا فقدت الامل .. بدعي ..

و يمكن ادعي عليهم لأنهم مب قد المسؤوليه (( كيف مايعرفون ان المصعد خرباان ))

************************************************** **********

الرد الثاني :-

بيدق قلبي بسررعه من الخوف .. و ما بيكون عندي حل إلا اني اتجه لربي .. و ادعيه و استجيره ..

وبستعيد شريط ذكرياتي .. بتذكر كل اثامي .. و بستغفر ربي و انا (( سااجده ))

لأن يمكن اتكون السجده الاخيره !!

هذا كل شي ..


مودتي :-

إماراتيه وافتخر

[Kuroro]

بفجر المصعد من فوق

وبركب من فوق وبسوي مشين انبوسبول

بستوي توم كروز

اونه المكان بينفجر وانا بطير من الانفجار

وبعدين اوني اركض فوق السطح

واتي هوليكوبتر تنقذني خخخخخخ

[لحن الرومنسية]

شكرا لمروركم وادلاء افكاركم

[ώαтея Ĺіlў]

السلام عليكم موضوع حلو زي راعيته ولو أنا صارلي كذا راح أدعي ربي وماراح أفقد الأمل
لكن أكيد راح أحس بالموت قريب وأنا وفي ذاك الوقت أبدا أرجع وأشوف شريط حياتي
وأبدا أبكي

[لحن الرومنسية]

شكرا للمرور اختي نارتو

[Angel Face]

مشكوره عا الموضوع اختي!!

وييه ذكرتيني.. انا صار لي ها الموقف يوم كنت بالجامعه

الصراحه ... الله لا يراوي حد الشعور اللي حسيت فيه...

طبعا اول شي يوم وقف المصعد تميت واقفه مكاني ما اتحرك لين ما استوعبت الموقف...

قمت على طول ادق عا الباب بس محد يسمعني لأني كنت محبوسه بين طابقين

طلعت الموبايل و شفت مافي ارسال !!!

وقتها خفت و قلبي تم يدق بسرعه و دمعت.. و الدموع مو راضيه توقف

تميت مره ثانيه ادق عا الباب و انادي وانا اصيح بس من دون فايده

عقب ما تعبت وتورمت ايدي من كثر الدق سرت لآخر المصعد و تساندت ويلست عا الارض.

طبعا ظلام.. و قمت احر شوي لأني يمكن تميت هناك ربع ساعه

وكل شوي ادق عا الموبايل عشان الضوء <<< اونه يسوي شي اللي يسمع احين

المهم فجأه حسيت المصعد نور و تحرك وفتح الباب بعد شوي.. وانا مثل المينونه مو مصدقه.. ركض برع اللفت (المصعد) و اصيح.. ومسكينه بنيه يت تهديني و عطتني كلينيكس ووحده ثانيه يابت لي ماء... و بعدين عرفت ان الكهرباء انقطعت و ان في بنات في اللفت (المصعد) الثاني علقو بعد!!!

وهاي تجربتي مع المصعد

سلام ^ ^

[لحن الرومنسية]

الله يعينك على هداك اليوم ...
شكرا لمبادرتك الحلوة....