مشاهدة النتائج 1 الى 6 من 6

المواضيع: الشـــاعر ذوووق

  1. #1

    الشـــاعر ذوووق

    السلام عليكم ورحمة الله وبركاته

    انا اخوكم خالد من السعوديه من مدينه الخبر

    اول شي حبيت اشكر على القائمين على هذا المنتدى وبصراحه

    اول ما قريت الاشعار لقيت ناس تفهم وتهتم بالشعر

    واليوم انا ودي اكتب لكم اول قصايدي في المنتدى لعلها تعجبكم انشالله

    صحيح انها على قدي لكن انشالله بتعجبكم :

    اسف


    اسف يا بنت اعذريني ,, ادري عذبتك معايا
    بس حبيت انك تفهميني ,, ان انتي غايتي ومنايا

    تعبت الهوى مرات ,, ولاني راضي اتوب
    سالت القلـب كرات ,, لقيته يحترق ويذوب

    سالته ليه تعبتني معاك ,, وخليتني اتبع خطاك
    قلت لك شوفلي غيرها ,, وقاللي هو الحب بهواك؟

    حاولت اجاملك يا قلبي واتناسى ما في بالك يدور
    حاولت انسى هالغرام لكن الشوق غرقني فبحور
    حسبي عليك من بعدها .. خليتني احكي لها
    واصرّح ما في داخلك واقول
    وش حياتي من دونها؟؟

    صحيح لك يا بنت اعترفت ,, وجوابك انسى يا خالد محال
    بعدها ضاقت بي الدنيا وقرفت ,, ومابقى بقلبي غير هذا السؤال

    ودي اسالك قبل لا نفترق ,, وودي جواب من قلب صريح
    لما انا اشوف قلب يحترق ,, ولاجلي جالس يبكي ويصيح

    تقولين الخيانة ماهي من طبعك ,, ولا تفكري في بنت عمك تغدرين
    ولو تشوفي بكلامك ولد عمك ,, يمكن .. لا اكيد في كلامك ترجعين
    ابقول لك هالكلمتين وما ودي اهمك ,, واتمنى في كلامي تفهمين

    وش معنى كلمة خيانة في ظنك ,, هل اترك حبيبي بعد حبه سنين؟
    او الخيانة تَعَاقُـب الناس عنك ,, وسؤالهم عن شينك ونسوا مافيك من زين

    معنى الخيانه شي غير ,, معناها اكبر من كذا بكثير
    لما توفي لشخص وهو يخدعك ,, ويجرحك في كلامه ويودعك



    هذه الحياة يا بنت فيها الحلو وفيها المرار
    يمكن تكره لكن من الحب ابد مالك فرار
    ولما تفكري في حبي وقتها انتي ما تخونين
    انا اللي خنت ,, لكن خنت الخيانة
    وهالخيانة خلتني احب اعز انسانة
    خافت تخون بنت عمها .. ولا فكرت انها جرحت قلوب ولهانة

    فلانة يمكن تزعجك كلمة يا قلبي
    لا تلوميني وانتي ملكتيه يا حبي
    ويمكن تكون اخر مرة اقولها
    او تسمحيلي بقولها لنهاية دربي

    فلانة فهمتي من كلامي المراد
    وانا اعرف يمكن يزيد فيكي العناد
    وتقولي ماراح احبك .. انسى عاد
    ومثل ما قلتي لي البارحة ... وزدتي طعناتك الجارحة
    وسديتي كل باب فتحته ... ولا همك قلبي اللي جرحته



    فلانة .. صدقيني ماني جالس اجبرك
    حبي وعرفتيه وحكايتي كلها تحضرك
    يمكن تعيدي نفس الكلام ,, او يمكن تزيديني ملام
    وتقولي لي ولا في الاحلام ,, لا تحاول ياخالد وروح نام
    فلانة يمكن هذا اخر وداع ,, ويمكن يكون اول المشوار
    وان كان المشوار يا مرحبا الساع ,, وان كان الوداع فهو مشوار الدمار

    بالنهاية اذكريني.. واذكري انك كنتي غرامي
    وان ازعجك هذا الغرام ,, فتقبلي مني كلامي:
    اسف يا بنت اعذريني ,, ادري عذبتك معايا
    بس حبيت انك تفهميني ,, ان انتي غاية منايا


    وسلامتكم ..
    اخوووكم ,,, ذوووق
    Hikaru's Lover



  2. ...

  3. #2
    سلمت يمناك اللتي خطت هذه الكلمات الرائعه وربما الجارحه اللتي عبرت بها عن خلجات نفسك واحاسيس تدور في داخلكrolleyes

    وربما تظن انها لم تعبر كفايه عن وجدانك واحاسيسك لكنك نقلتها الينا بكل صدق وشفافيه فعلمنا احزانك وشاركناك اياها

    اخوي خالد كلماتك في غاية الروعه ومنتهى الصدق والشفافيه ويبدو انها قد اخترتها بكل دقه وعنايه شكرا على مجهودك الرائع

    وياهلابك فمكسات نحن نفتخربك smile

    و تسلم اخوويه اتمنى لك التقدم المستمر ويشرفني اكون اول وحده ترد عليك ولاتحرمنا من كل يديد

    نحن بانتظارك
    gooood

    اختك

    داركر
    sigpic110275_1

  4. #3

  5. #4
    الله يعطيكم العافية ....

    وهذهـ قصيدتي الثانيه اتمنى تحووز على اعجابكم ...

    تظن ابنسى

    ابسالك يا هوى البال .. تجاوبني هذا السؤال
    في حبي ابني امال .. والا امالي بتصبح محال

    علميني فهميني .. وان اصريت ابيكي تعذريني
    اعذري قلب نسى صاحبة .. حتى العيون صارت شاحبة
    من زود حبك ماني قادرانام ,, وانتي بهجرانك تجرحيني

    سالتك الحب مرة .. ودنيتي بعد الجواب مرّة
    رجعت وعدتها كرة .. وزاد بي الهم حرة

    عذبيني اجرحيني .. ما همني جرحك دامك معي
    ولو الجرح يخليني اشوفك .. ترى جرحك هو مطمعي
    بس عندي كلام بقلبي وودي يا فلانة تسمعي

    حبيت ووفيت ,, ولقلبك انا حنيت
    اهديت لك قلبي ,, لكن انتا ولا حسيت

    تصدق .. ودي احكي لك وش حصل لي
    كنت ادعي ربي كل ما جيت اصلي
    انعم بقلبك لو دقيقة .. وابين لك ما بلقلبي من حقيقة


    ابعترف اني فشلت في حبك
    واني ضعت في دروب قلبك
    وحتى في حلمي صرت احلم بك
    وش اسوي اذا مشكلتي احبك



    حلمت اني من دون قلب وش يمكن اكون
    توقعت اني راح ارتاح واعيش بسكون
    واني من دون قلبي يمكن انسى من تكون
    لكن لقيت كلي ميت عليك ويحبك بجنون

    يا بنت اسمعيني وافهميني وكفايه منك تجرحيني
    لو غيري صابه هالجرح مرات .. يمكن ينجن او يمكن يصيبه الممات
    لكن انا هذا انا ابين لك هواي .. واني احبك واخترتك من بين البنات

    قلتي لي انسى .. وتظن ابنسى
    جرحتي القلب بكلمتك .. وعذبت قلبك بكلمتي
    حبيتك ووفيت لمحبتك .. وللاسف هذي هي غلطتي



    وسلامتكم
    اخر تعديل كان بواسطة » عازف الخبر في يوم » 09-01-2007 عند الساعة » 16:49

  6. #5
    جميل جدا
    فيه نوع من الاحساس الرفيع
    يسلموا
    [CENTER]

    339e11e4aa536b4e07b8d351328e14c3
    0.1337118299

  7. #6

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter