لاحظت ان موضوع سياقة المراءة أشغل الجميع (( من المدير الى الخفير )) .. وهو من المواضيع اللي تنزل والهدف رقم واحد منها تخلي الأعضاء يتهاوشون .. يعني زي مواضيع هالأيام (( ويش رايك في فوز الهلال )) و (( نتعلم انجليزي ولا نعتبرها لغة الكفاااااار )) و (( خذ رايي في هالسهم )) و (( ايفون احسن ولا كريستيان ديور ))
المهم وعشان الغي على الأقل موضوع واحد من هالقائمة الطويلة .. سمحت بسياقة المراءة تحت هذه الشروط واللي ترضي السعوديات والسعوديين
وهذه الشروط اللي توصلت لها...
- لازم نبني دور ثاني خاص للحريم يعني نفق زجاجي فوق الجسور وهذه فيها ميزة انك تحسي انك عايشة في المستقبل.
- الجسر هذا بكبره لازم نظلله عشان ناخذ راحتنا ..
- روحي لاي مكان بس بشرط أن خدمة الجسور توصل لها ...
- في حالة الأماكن المفتوحة ((( الثمامة ، المنفوحة، حاير )) تنزلي من مصعد خاص ومايفتح الباب إلا لما تطلع عين حرارية كبيرة تسوي دراسة لمسافة 50 كلم وتتاكد أنه مافي جنس رجال في هذه المنطقة ......... ولا تطلع لك صورة وجه بشنب ( واشارة حمراء مرسوم عليها هيكل عظمي تولع وتطفي ).
- للإحتياط يجب أن توصل السيارات بشبكة من الأعمدة الحديدة تشرف عليها إدارة المرور منعا للحوادث لا قدر الله تعرفون أحنا نختلف عن الرجال من ناحية الحوادث ( والله لو يصير لك خدش في جبهتك ماعاد تطلعي من البيت ) .
- تتواجد فوق كل اشارة مرور ... اشعة تحت الحمراء تفحص الوجيه عشان تتأكد ان مافيه متسلل من الجنس الآخر لجسر الحريم .
هذه الشروط لو تطبقت ... بتصير كل الفئات العمرية من البنات يقدرون يسوقون بأمان واطمئنان .. ولا يصير في اي مانع للأباء ..والإخوان .. وبتصير كل الأسواق في الدور الثاني .. ونريحهم منا مرة واحدة
بعثت هذه الشروط على ايميل الحكومة ( حكومة ويش تبون @ هوت ميل )
وردوا بهذه الرسالة
((ايتها المواطنة الصالحة (( نملة كشخة )) .. ندرس موضوعك وسوف يتم عرضه في العربية برنامج (( العين العشرين ))
وبرنامج الشارع السعودي في القناة الأولى .. وفي حالة الموافقة عليه ..
سنضعه ضمن الخطة الخمسية .. واذا عندك اراء ثانية لا تتحفينا فيها هنا ... نزليها في مكسات واحنا نطلع عليها من هناك ))
عشان كذا ودي اسمع ارائكم بأفكاري الرائعة لحل المشكلة ... وهل هناك امل في ان توضع افكاري ضمن الخطة الخمسية
المفضلات