السـلاموو عليكمووو
حيهم يوزر ورى الثاني
شلونكم وشخباركم عساكم كلكم منيحين عم تزئحون <== اقول لايكثر بس وهات من الاخر
طبعا الموضوع واضح من عنوانه الشيق الممتع الذي لايخفى على الجميع كيف تحمس ورعص عليه
والله احسكم تقولون وش الي قردنا ودخلنا بموضووعه لابوه لابو الي دله على درب الاقلاع
المهم بقلط بالموضوع والزبده مالنا بالطويله والهذره الزايده الي مالها اول ولا تالي
انا شاب في مكتمل العمر ورغبت في الزواج من الفتاه الذي اخترتها شريكه لحياتي او اكون اكثر صاقآ
الذي اختاروها الاهل بحديثهم عنها وبتتطيري للعجه كل ماشافوني قالوا فرج لفطوم وفطوم لفرج الى ان بنوا هواجس واحلام بمخيلتي ( ادري الاسم مدري وش يبي ولعله احد الاسباب رفضها لي كـ زوج )
وصرت افكر بها ولم ابين لهم في بدايه الامر اني خاق معها بالعكس ينقالي اتغلى واقول مابقى الا اخذها طسوا بس ( يسمع بالثقل )
لم يكونوا فطوم واهلها معنا ذيك القرابه ولذلك كنت احسد ولد خالتها الدبشه عندما يآتون اليهم كنت اتمنى ان تعطيني نظره من عينيها الخلابه
كنت اتمنى ان الصدور كانت شفآفه عشان ترى بآم عينيها كيف كان حبها يكبر يومآ بعد يوم < ويقولون السعوديين موب رومانسين
بعدها بكم يوم جاءني خبر شقلب حياتي وقردني وانا مقرود خلقه
بعد ان تكيت مع الاهل اتقهوى صرفت امي اخواتي وقالت لي بصوت مخنوق يـمه ترى البنت الي نبيها لك سمعنا ان ولد خالتها بتقدم لها
وعلى ماعتقد ان ولد خالتها اولى منك وراح يزوجونه وبسحبون عليك !
والمشكله في ابوك الحين موب راضي عنها ولايبي يشوف رقعه وجهها خير شر انا تفاهمت وياه وقال لعاد اشوفك تجيبين طاريها ابيك ياولدي تواجهه وتقوله هذي حياتك ولاتفرطها ويمكن لك نصيب تاخذها لان ولد خالتها اصغر منها بسنه واحتمال مايوافقون على هالبزر ..
طيب يمه ابشري انا لها وضربت بيدي على صدري
::
بعد ماطفحنا وتغدينا رحت لابوي بالصاله وكان قاعد يكرع صدته وهو يكحل في ايمان بندوره والله مايلعب هالشايب
يبـه فاضي ابيك بكلمه ..
طيب اجلس وهات ماعندك
والله مدري شقول بس اظاهر امي قالت لك وزبدت لها ؟
طيب دامك جاي عشان ذاك الموضوع اقلب وجهك والدرب الي جيت منه تدله
يا ابتي خليك نايس خليك فري خليك هلالي ولاتصير مستقعد انت الي بتاخذها وتعيش معها ولا انا ؟
انا راضي فيها بشينها وزينها
بس هذي ماتصلح لك هذي اقل منا وهذولا سمعت ان عايلتهم متفتحه اكثر من الازم لدرجه ان بناتهم يسافرون لحالهم للخارج من دون محرم ؟
يا يبـه كله كلام جرايد وانت مصدق كل الي ينقال عنهم هذا جارهم الي يسرد هالحتسي اكبر نصاب وشكله حاط البنت براسه ويبي يزوجها لولده
اقول انت توك جاهل ماعرفت شى تفكر بقلبك وماتفكر بعقلك ؟
خذ لك بنت عمك اصرف لك
وشف ياهيومن فكر بآي وحده غيرها ولك مني المهر لو يوصل 150 مايخالف..
يبه انا مابي اكلف عليك
لا عادي كلف
يلعن ابو البلشه ( طبعا بقلبي قلتها )
هذي ثلاثين ويخب عليها وموب شرط المهر غالي بالعكس الي مهورهم غاليه الاحظ انهم موب مرتاحين مثل الي مهورهم على قدهم واخرتها يطلقها ولا ماتناسبه ؟ بعدين هذي بثلاثين انا بدفعها من عرق جبيني وبنفسي ومافي امل اطلقها قسمن لاحلل المهر واطلعه من عيونها واخلف منها درزن زي الجيازنه واستثمر اساميهم في الاكتتابات
ورى ماتقول بعد ابي اتزوج هنديه يقولون ان حريمهم يعطون للرجاجيل المهور عاد مايكون احسن كذا وتوفر ؟
والله شورك وهدايه الله ما اقول لا
اقول كل تبن بس ومابي اعيد ولا ازيد بكلامي قلتلك تاخذها هذا حلم ابليس بالجنه !
طيب يبـه اممووه على هالصلعه ولاتزعل بربــ
خذ راحتك ياولدي تيـت ولاتطول علينا ود15
( عاد من النصب قلت له برب وقالي تيت )
لكن
بالنهاية
لم يحالفني الحظ تزوجها ولد خالتها الدبشه الله يوفقه
( موب من قلب طالعه بس ينقالي اخلاق عند البنات عشان يخقن )
في بدايه الامر لم اكترث وقلت ان نسيانها امر بيدي لا محاله ولكني اكتشفت ان نسيانها من الامر المستحيل
فـ لقد تولد حبها بقلبي وانا لا اشعر وحينما اتذكر كلام الاهل عنها وعن خجلها حينما يطرون اسمي عليها
احسست بالمثل الذي يقال ليس كل ما يتمناه المرء يدركه يطابق علي
كنت اتمنى اني لم اطاوع قلبي المغرور الذي تباهى بنفسه واغتر الى ان جآب العيد وتلحط !
كنت اتمنى ان الزمن يرجع لكي يسالوني عنها هل اريدها ؟
لاني حينها سوف ارد عليهم باعلى صوت : موافق موافق موافق
مايستفاد من الموضوع :
استفدت شى من تجربتي انه اذا فات الفوت ماينفع الصوت ولا الندم..
الفرصه تجى مره وحده يا انك تستغلها او انك تضيعها ..
الي حاط عينه على وحده يروح يسحب بامه لبيت البنت وتخليه يخطبها ولايسوي مثل محاتسيكم ثقل وبعدين يقعد يهايط ويصيح ..
اوقات فيها خيره اذا ماخذيت البنت بس ترضى ابوك وامك..
انتبهوا من ابهاتكم اخرتها يطلعون راعين شات وتسطيح
واخيرن القصه من وحي الخيال والشلخ بس اتمنى انها نالت على رضاكم واعجابكم ..
المفضلات