حركات الشباب ايام المذاكراه !
سلامممممممممممممم
كيفكم جميعا ؟؟
شوفوا حركات الشباب ايام المذاكرة
1- الثلاث وجبات الرئيسيه لابد منها ويقعد عليها قعده (جوعان المسكين ما ينلام) واحيانا يزيد وجبات اضافيه اذا كانت الماده دسمه.
2- يقعد يسوي عمره ملان وتعبان ويسير عند امه ويقولها ياربييييي مب قادر اذاكر مدري شو فيني حاس بكتمه .. الظاهر حد صاكني بعين .. تقعد امه المسكينه تقرا عليه وترشه من ماي زمزم ..
كل ها عشان اذا رسب يقولون ضاربينه بعين (انا ما اقولكم انه كل الي يسوون جيه يجذبون لان العين حق بس الغالبيه يمصخونها) وانا كنت اسويها لمن كنت صغير
3- بعضهم ينزل عليهم وسواس نظافه ايام الامتحانات يتسبح الصبح والليل وقبل كل صلاه وكل ما قالت له امه بكرا امتحانك ذاكر خلاص تقشر جلدك من السبووح .. قالها امي ان الله جميل يحب الجمال (وطبعا هالمثل ما يجي على باله الا وقت الامتحانات) ولا يطيح تلميع وتغسيل بالسياره وطبعا هذي من واجباته اليوميه
4- وبعضهم تنزل عليه صلة الرحم فجأه يقوم يكلم واحد من ربعه القدام الي من زمان ما كلمه .. يبي يشوف اذا ما عنده شي .. يمره بعد العصر يسلم عليه ويشوف شو صار عليه ويشغله عن المذاكره .. ويمر على جدتة وجدة وكل اهله يبداهم زياره من اول يوم لاخر يوم من الامتحانات وبعد الامتحانات (مسااااااااااااااافر في زمن النسيان)
5- وهذا المسكين اللي من قل الحيله الي يعور القلب لاقفلت معاه ... مسك المخده ونام لين ما تصحية امه الصبح ويقول يووووووه راحت عليه نومه
6- الي يأنبه ضميره ولازم يدخل المنتدى يشوف من رد على مواضيعه ومنو نزل موضوع جديد وما يودر موضوع إلا ويرد عليه ولا ويطيح رسايل خاصه لكل الاعضاء الي فاقدنهم طبعا هم لهم شهور ما دخلو بس توه يحس انه افتقدهم
7- وشي نوع الي ما يصلووون و يقيمون صلاتهم في البيت... عاد ايام الامتحانات .. تقول الله هداهم والخمس صلوات كلها في االمسجد.. وبعد الامتحانات يرد شرات قبل وألعن
ههههههههههههههه طبعا كل هاااا عشان يشغل عمره عن المذاكره
هيا شباب كل واحد يقول من منكم يسوي الشياء هذه
تحياتي
اخوكم صوت القمر
اضافة رد مع اقتباس
المفضلات