السلام عليكم ورحمه الله وبركاته
هذي اول مشاركه لي بهذا القسم
ويسعدني ان أقدم لكم بيوت من الشعر
شفتها بموقع فحبيت اسويها هني
*********************************************
رعشة الليل
منزلك ما بين الحنايا والاهــداب
وموضعك مني ياحبيبي مكاني
الحب يبقى لك ولو ناظري غاب
يا أغلى وأرهف من سكن في كياني
نحيا على مر الزمن ربع وأحباب
والله لا يحرم زمانك زماني
من كثر ما تهوى وأنا أهواك الاعجاب
احتار فيك وصار شوقي أغاني
كل حرف لك في رعشة الليل ينساب
وحبر الغلا يا كم يذرف حناني
للحلم مع طيفك مواعيد وأسباب
حتى ولو تهيع عيوني ثواني
وصلك مهاجر واللقا وصلك اغراب
وتبقى الضيا في عربتي والأماني
انته بخفوقي صاحبي وصل وغياب
لا البعد عنك .. لا التلاقي كفاني
لاجلك فتحت أبواب .. وانسدت أبواب
معنى الموده لك عيون المعاني
وتعلم بأنك صاحبي زد الأصحاب
واحد ولا في القلب والروح ثاني
سافرت بك والموج عاتي وعباب
لا مات حبي .. لا ولا يوم فاني
تبقى لحروفي دايم حضن وكتاب
يا بحر موجي .. هاجسي والمواني
يا كيف أخفي الجرح .. والجرح ما طاب
يا طب جرحي منك جرحي وأعاني
أسأل ضميرك .. خاطرك واحسب حساب
إذا صاحبك مجني ترى الحكم جاني
سمو الشيخ / هزاع بن سلطان بن زايد آل نهيان
اللامعقول
سيل لعابي لعاب الشفه المعسول
اللي يمرر على شفتك بلسانك
صرت آتمدد بجمرة سفتك وآطول
نحوك .. وحسبي على ثغرك وشيطانك
معقول خصرك يشابه معصمك معقول
ومعقول ياضي الجسد من خلف فستانك
ومعقول أكتب قصيدي بك وأنا مقتول
ومعقول يا قاتلي ( شارون ) باعيانك؟!
شعر
محمد بن مسعود
اضافة رد مع اقتباس
المفضلات