وصاتي لك من بعدي تموت فيها على شاني
ابيها تعيش وتحيا بك واظل بالذاكره مفقود
وصاتي لك تنسيها ملامح وجهي وتنساني
وتعزف لها قصيدة حب عكس اللي عزفته بعود
تراها مغرمه بالحيل ويشهد لي عدد الردود
وصاتي لك تسايرها ترا فيها من احزاني
طلبتك لايضيق بالك طلبتك والطلب مردود
وصاتي لك تناديها عمري ..حياتي ..ازماني
انا عودتها دايم ادلعها وانا موجود
وصاتي لك تعاملها بطيبه قلب واحساني
تراها تذرف الدمعه ودمعتها بلا حدود
وصاتي لك تحفظها سور وايات وقراني
وتخبرها عن الميت رحل لايمكن يعود
وصاتي لك ترسمها على قبري واكفاني
ابيها لوحه تبقى على طول الزمن محدود
وصاتي لك تمازحها وتشوف الضحكه على اسناني
سعيتك ياضحكه الكون طلبتك لاتكون جلمود
وصاتي لك تقهويها من دلالي وفنجاني
ترها تعشق السمرا ويكفيها دخون العود
وصاتي لك تركبها على خيلى وحصاني
وربي فارسه من قلب شهاده ماهي شهاده شهود
وصاتي لك تسفرها بلاد الشام ولبناني
ترى يحلالها تقطف ورده من بلاد الورود
وصاتي لك ترقصها على ألحاني ورحباني
ترى فيها من عرق الخاله وفيها من جنون السود
وصاتي لك تحببها فـ مخاوي الليل من بعد هاني
وتنسيها ندم غلطه انا فيها ترى مقصود
وصاتي لك تكرهها في تاريخي وعنواني
ابيها تلعن الحظه وتلعن كل فرح موعود
وصاتي لك تكلمها عن المجني والجاني
وتخليني انا الظالم وانا من حرق الخدود
وصاتي لك تشبهني بدم احمر قانـــــــــي
وانا هالقاتل السفاح مجــرم من عصر نمرود
وصاتك لك تحلفها تتوب تحبيني ثاني
ترا يكفيها ماعانت ويكــفي حيلها مهدود
وصاتي لك تنسيها قصيده قالها لساني
انا اخبرك رجل موقف وانت قدها وقدود
صديقي مالقيت غيرك يعرف وشلوان تنساني
امانه ضمها بقلبك ...ترى عبدالعزيز ... رحل مايعود...
منقوله
مره مره روعه من جد تبكي
ان شالله مايكون مات وكمان يكون ان شالله رجع لحبيبته
واذا كان مات الله يغفرله ويرحمه
إختكم / القلوب الطيبه
اضافة رد مع اقتباس
المفضلات