ممنوع الدخول..
أها..
تلايقيكم قاعدين تسألو ليه ممنوع الدخول؟!
عشان كل ممنوع مرغوب يا حلوين 
تنبيه مهم: إن هذا الموضوع بما يحتويه من ألفاظ مبني على الظرف فقط ولا يقصد به جرح مشاعر الآخرين فنرجو من ثقال الدم ألا يدخلوا
شفتو الظرف بس؟
لا بس لازم تحلف إنك مارح تزعل بعد ما تقرأ الموضوع
المهم فين كنا؟ 
إيوة 
في كتير من الأعضاء أشوفهم بشكل دائم..
يعني بس أبغا أسأل: ما عندكم شغل ولا مشغلة؟
يعني قاعدين طول الوقت فاضيين تتكلموا في مواضيع تافهة بدون هدف..
تلاقي ناس شغلته في هذه الحياة إنو يرد عالمواضيع بتعليق روتيني معتاد.. 
يعني تلاقيه مردرد عالمواضيع كلها..
طيب إنتا إيش أستفدت بالله عليك؟
والا قاعدين تتكلمو في شؤون الأمة يا فضيلة المشايخ؟!
يعني ما عندكم أهل تتكلمو معاهم؟!
ما عندكم شغل؟
ما تقدرو تسوو عمل يفيد هذه الامة المتخلفة؟
لا والأدهى والأمر إنو كتير عقولهم صغيرة وتلاقيهم ينضحك عليهم بسهولة..
يا اخي روح أتمشى مع أصحابك.. اتسكع .. عاكس
ولا القعدة العبيطة دي!!
ما عندك مزاكرة تزاكر؟
روح العب كورة، سلة، سباحة
حرك كرشك!!
يا أخي تكي في الشارع وسلم عالرايح والجاي..
والله أحسلك!!
ترا إنتو الآن تقريبا ناس منعزلين إجتماعيا.. 
هذا ما يسمى بإدمان الإنترنت..
كنت على وشك إني أقع فيه إلا أنني فقت ولله الحمد والمنة 
يا الله .. آخر فضاوة
قاعدين كده زي الطراطير..
على قول المثل: روحو شوفولكم شغلة 
دحين تلاقي واحد ملقوف منبرش يسالني وأنتا إيش مخليك في المنتدى؟
يا جماعة أنا نادرا ما افتح، إذا كنت في قمة الطفش..
أجي أتسلى عليكم
^ـ ودمتم سالمين،، ـ^
دخلت عليه من 
المفضلات