مشاهدة النتائج 1 الى 14 من 14
  1. #1

    تنبيه كيف الحال ... كان فعلا ً ... كيف الحال . !!

    keifalhal


    كيف الحال

    بطولة:
    هشام عبدالرحمن
    ميس حمدان
    تركي اليوسف
    خالد سامي

    إنتاج روتانا
    إخراج : المخرج الفلسطيني المقيم في كندا يزادور مسلم

    نبذه :
    الفيلم السعودي كيف الحال أول فيلم سعودي يظهر في الساحه الفنيه ومع أنه الفيلم الأول للسعوديه إلا أن أداء الممثلين كان رائعا فقد لعب هشام الحائز على لقب ستار أكاديمي دور البطوله وتشاركه فيها الممثله ميس حمدان.

    يتناول الفيلم قصة عائله مشكله من جد وأب وشابين وأم وفتاه مراهقه فالجد لديه خفة الظل وروح المراهقه كما أنه قريب جدا لحفيده الذي ينوي أن يكون مخرجا ويساعده الجد في إخراج فيلمه الأول حيث أن ابن عمه وهو الشاب الثاني متشدد دينيا ويريد تزويج ابنته لأحد أصدقائه وهو معلم متشدد ، أما الأب فهو رجل أعمال ويحب ابنته كثيرا وأيضا يؤمن في حق ابنته في التعليم والعمل وأيضا متفتح لها في بعض الأشياء الأخرى كقيادة السياره وما إلى ذلك بعكس الأم التي تشدد على بعض الأشياء ومنها آخر ما ذكرت.

    طابع الفيلم كوميدي إجتماعي درامي فهو يتناول بعض القضايا الإجتماعيه السعوديه كحق المرأه في القياده والعمل والوقوف في وجه الفن والتشدد والتزمت في الدين ، يعكس الفيلم صوره جزئيه - ليست كامله - عن المجتمع السعودي وقد تم تصويره في دولة الإمارات ونال نجاحا متميزا في كل من البحرين ، الإمارات ومصر كما أنه عرض في كان.

    جاء الفيلم ناطقا باللهجه السعوديه كما أنه حاز بالإعجاب الشديد لشرائح عده من العالم العربي.




    فقط للمعلومية قبل أن اخوض في تعليقي عن فيلم كيف الحال
    الأفلام السعودية الموجودة في الساحة أربعة أفلام هي:
    1. كيف الحال للمخرج الفيلسطيني يازودو مسلم
    2. 500كم سينما للمخرج السعودي عبدالله العياف
    3. نساء بلا ظل للمخرجة هيفاء المنصور
    4. ظلال الصمت للمخرج السعودي عبدالله المحيسن
    هذه هي الأفلام السعودية الأربعة التي أتنجت وعرضت في عدة مهرجانات حتى الآن


    بالنسبة لفيلم كيف الحال

    هناك قول مأثور عند السينمائيين وهو ( هوية الفيلم من هوية مخرجه ).
    فماذا سترجي من فيلم كاتبه مصري ومخرجة فلستطيني
    اين الهوية السعودية في الفيلم؟


    نعود للفيلم:-

    يحتوي الفيلم صراحة اخطاء فنية كبيرة وكثيرة

    استخدام الكمبيوتر على سبيل المثال كان غير مدقن أبدا ً بل واضح انها مركبة ومفتعلة بالكمبيوتر ، ليست هنالك اي احترافية في استخدامه وهذا واضح جليا ً في مشاهد مثل عندما خرجت الأسرة في رحلة برية (يوم يطلعون للبر)

    هنالك ضعف كبير في السيناريو والحوارات المستخدمة ، كان السيناريو يعاني من ضعف في الحبكة السينمائية ، يحسب لصالحة أنه كان مترابطا ً نوعا ً ما.

    ثم هنالك شيء آخر بما أن الفيلم سعودي لم كانت كل تصوير الفيلم في مدينة دبي وتكون صور مدينة الرياض ارشيفية وكلها إما منظر لطريق العليا العام أو طريق الملك فهد في تقاطعه من التحلية مظهرين الفيصلية والمملكة .... شيء لا يمكن أن يغتفر ، وكأن مدينة الرياض هي ضيف الشرف في الفيلم.

    التصوير كان بدائيا ً جدا ً بستخدام كاميرا واحدة في اغلب الفيلم وهي الكاميرا الثابته وكأن المخرج أو المصور لم يسمع ابدا ً بالكاميرا المتحركة أو الجانبية أو غيرها

    من المعروف ان في الافلام يعاد سجيل بعض الحوارات بعد الأنتهاء من تصوير الفيلم لعدة اسباب ، لكن الحوارات المسجلة لا تتجاوز 10 إلى 15%،لكن أن تصل إلى 40%من الفيلم فهذا شيء عجيب يدل على الضعف التقني في الفيلم (حتى المصريين مايسوونها).

    الإداء التمثيلي بين المتوسط والعادي ، الم يكن في الخليج كله ممثلة تستطيع تأدية سحر أفضل من ميس حمدان؟
    لكن وعلى كل حال يحسب للأداء التمثيلي شيئين:-
    الأول أداء الممثل خالد سامي رغم أنه مبالغ فيه إلا أنه هو كان نكهة الفيلم
    الثاني أداء الممثل تركي اليوسف صحيح انه مسطنع في اغلب الأحيان لكن يحسب له انه قدم دورا ً جديدا ً في مسيرته الفنية.



    في نهاية القول العظماء لم يبدؤا عظماء في أول حياتهم لا بد انهم اخطؤا في بداياتهم
    الفيلم ليس جيدا ً ولكنه سيء على كل حال
    لم يكن كما توقعناه بل حقيقة حطمنا
    يعني الفيلم كان على اسمه ... كيف الحال؟ ...يعني مدري وش يبي
    لكن كل سعودي سيفخر بفيلم مثل 500كم سينما هو الفيلم الناصع في غرة جبين السينما السعودية

    انتظروا موضوعي القادم عنه
    عن الفيلم السعودي 500كم سينما

    والسلام ليس الختام
    أخوكم جوروماكي



    El laberinto del fauno

    Downloaded Plies


  2. ...

  3. #2
    اقول كيف الحــــــال بس biggrin

    الفيلم شفته في ثاني عرض له في البحرين cool ويااااااااااااا ليتني لم أأأأراه frown
    ضيّع وقتي عالفاضي والمشكله عالم وززحمه على الفيلم ونقولهم الفيلم سيء سيء سيء بس المشكله الناس راكبه راسها الا تشوفه redface

    **هشام كتمثيل جدا سيء شويه ويطالع الكميرا وازعجنا بجده ياجدي ياجدي
    **يوم سافروا دبي طالعين يتمشون في عز الظهر ومستاجرين ليموزين فياقرا على مااظن
    والمطوع تركي اليوسف طااق التكميله smile والجد لابس بدله وكرفته biggrin
    بالله عليكم هذا احنا يالعائله السعوديه لين جت تسافر confused

    **الام فاطمه جايه عند بنتها مس الحمدان في الساعه 6 الصباح وهي نايمه
    يابنيتي redface
    تراكي كوبرتي frown وصرتي عروووسا والف ميييييين يتمناكي (تقولها جايك معرس وتبيها توافق)

    mad mad طيب هذا وقته يافاطمه والبنت نايمه خليها شويه اليما تصحى mad mad

    جدا فيلم سخيف ومايستاهل اي احد انه يدافع عنه

    يعطيك العافيه smoker
    attachment

  4. #3
    اللله يرجك يانايف والله اني جلست اضحك يوم شفت ردك...
    الزبدة اني ابغى اقول انو كبداية للسينما السعودية في الظهور لابد من وجود كل هذي الاغلاط ومستحيل انو الفيلم راح يطلع فلــة لا
    لازم انو يطلع حفلة شوي...
    وانا ابغى اثني على كلامك اخوي جوروماكي ، كيف يقولون انو الفيلم سعودي والكاتب والمخرج واغلبية الممثلين اللي فيه اصلا مو سعوديين ؟؟؟ حتى البطلة مو سعودية ، وش ذا؟؟ يقصون علينا؟؟
    بعدين من اللي قال انو هذا اول فيلم سعودي ؟؟؟
    كل هذ الكلام اصلا كان دعاية للفيلم ..
    لكن ارجع واقول انو كبداية للسينما السعودية لا بد من وجود الاغلاط وان شا الله تتعدل مع الزمن ...
    بعدين ماتدرون يمكن في المستقبل القريب تطلع افلام اكشن سعودية مثل سبايدر طفشان ولا سوبر طفشان او بات طفشان ..!!!!!!!!
    ويمكن يطلع 007 << اسمي طفشان ،،،،، جيمس طفشان>>! كل شي ممكن.................

  5. #4
    السلام عليكم ورحمه الله وبركاته










    ممكن سوال ليش في كل حلقه كل مسلسل كل مسرحيه كل برنامج والان فلم سعودي

    يجيبون رجااال مره متشدد والثاني مره متحرر>>>او نقول عشان لايزعلون بعض الناس متطور

    يعني زي مايقول المثل


    " اما حبى ولا برك"

    يعني يا يحبي او يجلس

    يعني مافيه انسان لديه الدين ولديه التسامح والنظره المحترمه للعالم

    يجيبون لك متشدد يقول الحرمه ماتطلع من البيت مافيه دراسه جامعيه

    مافيه رجال ياخذ الوظيفه اللي يبيها

    مافيه بنت تتزوج غير ولد عمها ؟؟؟؟؟؟؟؟؟

    ويجيبون لك رجال

    يقول خلي بنتي تسوق وتسوي اللي تبغى؟؟؟؟؟؟؟؟؟ يعني مسخره وربي مسخره

    سامحني اخوي على الكلام

    لكن تمنيت انه ذا الفلم على الاقل مايتكلم عن

    هذه المشاكل مشكله قيادة المرأة معقوله

    لكن تجيبون متشدد وما ادري ايش

    يعني خليتوا اللي يقول بنتي ماتسوق هذا متشدد ومررررررررررره متشدد بعد

    واللي يخليها تسوق هذا يؤمن بالحريه والافضل لبنته؟؟؟؟؟؟؟؟؟ الافضل لبنته انه اخوانها يلفلفون

    وهي تسوق لحالها؟؟؟؟؟؟؟؟؟؟؟


    اشكرك على التقرير ولا اشكر اصحاب الفلم!!!
    attachment

  6. #5
    هو الفيلم كان كيف الحال في كل شيء
    في التصوير
    في السيناريو
    في الأخراج
    في التمثيل
    في كل شيء
    لكن هذا لا يمنع أن له بعض حسناته لكن بالمجمل سيء

  7. #6
    نزلت البحرين وصاحبي الا يخليني اشوفه غصب

    وبعدها بغيت اضربه لانه ببساطه شافه قبل كذا وحب بس انه يغثني مثل ماهو انغث biggrin


    والله الكتاب مبين من عنوانه بالعل كاتب مصري واخراج فلسطينيrolleyes


    تحياتيcool
    get-11-2008-h9xkpwwn
    biggrin

  8. #7
    هو فعلا ممل نوعا ما وثقيل دم

    لكن زي ماقالوا الاخوة هذي بداية السينما السعودية و ان شاء الله مستقبلا نتلافى الأخطاء

    واعتقد من اسباب الفشل ان الفيلم خذ اكبر من حقه في الاعلانات

    والناس توقعت منه الشي الكثير

    وهشام بطل الفيلم بكل صراحة سخيف نوعا ما

    وبالمقارنة مع الفيلم الخليجي طرب فاشن
    طرب فاشن كان تجربة حلوة وكوميدية على الآخر

    لكن دور سعود ابوسلطان كان ممل

    ننتظر تقريرك عن فيلم 500كم سينما


    تحياتي....

    22ac3d01952615110c8795c2f59d4a78
    One Tree Hill
    goooodThe Best Tv Show Ever

  9. #8
    اسمحو لي بصراااااااااحه الفيلم في قمة السخافه رحت له قبل شهر بالسينما اول مانزلوه بالكويت وكانو الناس عليه زحمه عالفاضي وفعلا اول مادشيت وشفته اهون على نفسي واقول الحين بيطلع احلى والحين بتطلع القصه الحقيقيه وطول ما انا قاعده اشوف الناس تطلع منه يعني بصراحه هذا فيلم مستحيل يمثل السعوديه ولا الشعب السعودي وانا انسانه لي صداقات واهل بالسعوديه مو جذي ابدا عوائل في قمة الأحترام والرقي والتربيه ومستحيل السعوديين مثل مامثلوه كيف الحال السخيف هشام اللي ماله اي دور ولا ميس ولا غيرهم من الممثلين البايخيين لا قصه ولا سيناريو ولا حتى تصوير ومسوين عليه ضجة عالفاضي بأنه افضل فيلم خليجي مستحيل يوصلون لهالمستوى من المدح والأعلانات على الفاضي فعلا ما مثلو السعوديين ابدا ابدا ابدا ....... وانصح كل من له نيه انه يشوفه لا يشوفه ..... تشاااووو
    cb939b1c174af0d4fb95f3bac75eb0c0

  10. #9

  11. #10
    كيف الحال

    فعلاً بعد الفيلم تحتاج ان احد يسألك هالسؤال!!

    صراحه فيلم ماعرف شقول عنه!

    مثل ماتفضلت اخوي جوروermm

    تاخذها من وين ولا من وين..من السناريو والحوار ولا القصة اللي دووم تتكرر مع بعض البهارات الاكشنية!!
    حتى يستقطبون أكبر عدد من المشاهدين!!cheeky

    يعني حسيت القصة مبتذله وكأنه مسوين الفيلم لمجرد الربح ولا غيره

    لين متى وقصص إذلال الحريم مستمره؟

    يعني مثل مانتوا عارفين عندنا الخليجين يحبون هالنوع من الحكاياتrolleyes

    اللي الريال يظهر فيها بمظهر القوةsmoker
    والمراءه بمظهر الضعف والانكسارdead

    اللي ابي اقوله..
    انا شفت الفيلم وكان بالنسبة لي نص ونصsleeping
    يعني لو ما الكوميديا اللي فيه جان زهقت وطلعت منه!!
    .
    .
    يلا إن شالله هالاخطاء تتلاشى والفيلم السعودي يطلع بأحلى صورهgooood

    بس ماتشوفون ان البداية لازم تكون بالسماح بافتتاح السينمات وعرض الافلام بكل حريه نفس دول الخليج؟
    ولا شرايكم؟smile
    .
    .
    يسلمو خيووو على الموضوع & يعطيك العافيةsmile



    Mexat will be always in my heart

    Bye

  12. #11
    شكرا على هذا التقيري وان شءا الله اشوفه لصداه الواسع
    [CENTER]

    339e11e4aa536b4e07b8d351328e14c3
    0.1337118299

  13. #12
    هلا والله
    biggrin looooooooooooooooooooooooooooooooooool
    شبلاكم مره على الفلم تراه يناس فلم سعودي يعني:

    انجااااااااااااااااااااااز[/SIZE]

    صحيح انه مب ذاك الي مره wooooooooooooooooooooooooooow
    وكله اغلاط بس خلنا نشجع السينمى السعوديه ونستنى اشياء احسن في المستقبل انشالله gooood



    وشكرا على الموظوعwink

  14. #13

    Thumbs down



    حياك الله اخوي الغالي على التقرير المتكامل وبصراحة انا من رأيي انو من الغلط انهم

    يسلمون الفلم لكاتب مصري ومخرج فلسطيني لانهم مايعرفون شيء عن المجتع السعودي الا بالاخبار وبس

    وهم على هذا الاساس بنو فكرة الفلم وبصراحه مع احترامي للمخرج اول مره اشوف مخرج يغلط مثل هذي

    الغلطات الي مخرج الاكاديميه مايغلطهاا ومن رأيي والله لو سلموا الإخراج لمخرج سعودي والله بتقلل

    نسبة الاخطاء بالفلم ... مثل أسماء كبيره تقدر تتعامل معاه مثل عامر الحمود أو عبد الخالق الغانم بالقليل يعني

    لكن عموماً الفلم نسبياً جيد كونه الأول ...


    لكن الشيء الي ودي أعرفه هو وش سبب تسميته " كيف الحال "


    وأتمنى أنهم يتفادون الأخطاء بالافلام الجايه ....

    .................................................. .............


    ولك تحياتي على التقرير مره أخرى .
    اخر تعديل كان بواسطة » The bomb في يوم » 26-12-2006 عند الساعة » 18:02

  15. #14
    السلام عليكم كيف الحال ؟؟

    خخخ ..صراحه شوقتوني اشوف الفيلم بس علشان أضحك عل هالمهزله ...عادج أنا محتارة عندي في راس السنة على ال ل بي سي الساعة 9:30 يعرض هالفيلم ..
    وعلى ون تي في دبي يطلع هاري (وأنا مدمنة هاري )
    وعلى روتانا سينما ظرف طارق لاحمد حلمي وهالانسان يضحكني ...
    وعندي دعوة من صديقاتي نشوف فرقة دبي الحربية في الملاهي ..


    أبي الخلاصة بعد هالتحليل اذا بغيت استانس وش اختار ؟؟؟ .... هل اشوف كيف الحال بما ان ال بي سي مسوية عنه دعاية ضخمة ؟؟؟؟؟؟؟؟؟؟؟؟ ...

    تشوفونه يستاهل ؟؟؟


    شكرا عالموضوع أدري اني داخله عرض .. بس مااتبين لي رأي واضح عن هالفيلم .. هل هو فاشل أم ...جيد ؟؟ جيد جيدا ؟؟ ممتاز ؟؟ كم نجمة تعطونة بالنسبة لكونه الفيلم الأحدث؟؟

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter