مشاهدة النتائج 1 الى 8 من 8
  1. #1

    ^^__^^*ابتسم فانت بالاردن*^^__^^

    السلام عليكم

    هذه الطرفه جاءت لي بالايميل من مغترب اردني ينتقد الحال باسلوب ساخر

    اتمنى ان تعجبكم

    ملاحظة : النكته باللهجة الاردنية العامية


    > >ابتسم فأنت في الاردن ...

    > >شو حلوه يا بلدي ..... شو حلوه ياعادات بلدى.



    اذا بيوم من الايام حضرت عرس ... ونزلت الشباب عالدبكه وبلش العرق يزرب
    ...
    وحميت مع أبو اسماعين ( رقيب متقاعد ) وسحب الكلاشنكوف وطررررررر ..
    بلش طخ عن جنب وطرف وهو برقص وبدبك ... وسقط ثلاث شهداء من جراء القصف العشوائي ..... ابتسم .. انت بتحضر عرس اردني ..



    اذا تجوزت .. والناس واقفيتلك عالمسطره بتستنا أسبوع العسل لما يخلص
    عشان يفيعو عليك ويهجموا هجمة رجل واحد .. وكل واحد فايت يا بجيبلك طقم
    فناجين قهوه .. يا صينيه ...
    وبالآخربتحوشلك سبعطعشر طقم قهوه .. واحدعشر صينيه .. واستنا مناسبات
    عشان ترجعها لصحابها
    بتكون بتمارس واجباتك الاجتماعيه بالاردن ..... ابتسم ..



    اذا فتت انت ومرتك أو خطيبتك أو صاحبك على قهوه واجتك المنيو ...
    القهوه بليره
    والميلك شيك أبو فراوله بليرتين . وحضرتك طلبتهم ....
    شو ثلاث ليرات ... ولا اشي ..
    ولما اجت الفاتوره ولا هي بقدرة قادر خمس ليرات وثلاثين قرش .... كيف ما
    بتعرف ..
    ابتسم .... انت بتمارس الرفاهيه بالاردن ..



    اذا كنت قاعد على مكتبك بوظيفتك .... وكل المراجعين اللي اجوك طلعو يا
    قرايبك يا نسايبك يا مخاولك (سوم هاو) وكل واحد الا يسالك بتعرف فلان
    الفلاني .... هذا ابن عم جدتها لبنت عم مرة أخوي اللزم هاتلك بوسه يا
    زلمه اممممموا .. اممممممممممممممموا .. ابتسم حبيبي .. فانت في الاردن
    .



    اذاكنت ماش بسيارتك مستعجل بدك تلحق موعد .. ولا الشارع مليان سيارات
    عن اليمين والشمال ... امشي .. امشي . امشي ... والسير يالله ماشي ...

    فجأه بتشوف هالسياره المزينه ... وكلها ورد وشبر.. والعريس النضوه حاط
    نيوتر وداحل ...

    وليش السير شبه واقف .. لانه
    كل واحد من المحترمين اللي بالفارده بده
    يوقفله خمس دقايق جنب سيارة العروس يزقفلهم شوي وينظر النظره الاخيره
    للعروس هنيال ابوها ..
    اذا صار معك مثل هذا الموقف ... مش تبتسم بس ... اضحك واقلب ع ظهرك ..
    انت بالاردن يا عمي ..


    اذا كنت بصلاة الجمعه ... كلك ايمان وخشوع بعد الخطبه المؤثره ...
    والامام صوته ما شاء الله بيدغدغ القلوب .. وأول ما سلم الامام ..
    وخلصت الصلاه سمعت :
    " أحمر يا زر البندوره .. ليره البكسه ليره "
    " أصابع البوبو يا خياااااااااااار ... أربعه كيلو بليره .. يالله
    يالله "
    " عالسكين يا بطييييييييخ ... أحمر أحمر يا يا ابو قرعه "

    وطار الخشوع ... وفقع قلبك ... وصحتين وعافيه ...
    ابتسم .... وابتسم .... وخلي طواحينك يبينو ... انت على باب جامع
    بالاردن .


    biggrinbiggrinbiggrinbiggrinbiggrinbiggrinbiggrin



  2. ...

  3. #2
    ههههههههههههههههه

    ضحكتني والله

    تسلم أخوي على الموضوع الطريف
    [IMG]http://www3.*********/2006/12/11/20/44206308.jpg[/IMG]

  4. #3
    إقتباس الرسالة الأصلية كتبت بواسطة عينـ وربي ـاوي مشاهدة المشاركة
    ههههههههههههههههه

    ضحكتني والله

    تسلم أخوي على الموضوع الطريف


    شكرا لك ع مرورك الكريم و ان شاء الله عجبك الموضوع biggrin

  5. #4

  6. #5
    إقتباس الرسالة الأصلية كتبت بواسطة كشكوشة مشاهدة المشاركة
    ويش السالفة
    مافهمت شي ممكن ترجمcry
    مشكورة على المرورasian

  7. #6
    حلوووووووووو كتير
    يلي بصير عندكن في الاردن بصير عنا بفلسطين كلنا بالهوا سواااااااا
    ضحكتني شو هالصراحة هاي ؟؟؟؟؟؟؟؟؟
    والله حالكن ما بيختلف عنا الله يشفي امة محمد آمين يا رب

  8. #7
    إقتباس الرسالة الأصلية كتبت بواسطة boss fa6me مشاهدة المشاركة
    حلوووووووووو كتير
    يلي بصير عندكن في الاردن بصير عنا بفلسطين كلنا بالهوا سواااااااا
    ضحكتني شو هالصراحة هاي ؟؟؟؟؟؟؟؟؟
    والله حالكن ما بيختلف عنا الله يشفي امة محمد آمين يا رب

    ايه صح يا جاره
    و ربنا يستجيب لدعائك و مشكورة للمرور الحلو

  9. #8

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter