سلاااااااام يااعضاء مكسات الحلوين شباب وصبايا
احم أكيد اسم الموضوع غبي عارفه وتقولوا ايش في؟؟؟
المهم ياأعضائي الاعزاء في احد فيكم عمره ضاع في اي مكان وصار له فيلم هندي خهخهخهخه
في اي بلد وفي اي مكان تصدقوا جا على بالي تيمون وبومبا حول العالم
ونشوف الحلوين الضايعين ومغامراتهم في الدنيا
يلا يلا أنا ابدأ طبعا اكيد ضعت ولكني كنت صغيره يعني مااتذكر بس ماما تحكيني حقولكم عن اخويا الصغير (أحمتوت )<<<إسم الدلع
دا ياحلوين اخويا المزعج ضاع في الاردن يافرحته مره كنا في الكرك منطقه في الاردن اسمها كدا المهم وماما متعوده دايما تنادي علينا واحد واحد تشوفنا كلنا موجودين ولالا(تذكرني بعائله ونيس ) خخخ وجات عند اخويا فين احمتووت ردوا عليا فين ؟؟
هيءءءء ماهوفي ؟ والله مافي؟
الا ماما صارت تصرخ الله لايكسبكم فين راح اخوكم مااحد فيكم ينتبه له كل شي على دماغ الي خلفوني ولا ايش وفتحت باب السياره وطلعت تجري وتدور وبابا وراها يقولها استني فين رايحه ؟؟ تقولوا اسكت مالك شغل الولد ضايع واحنا في بلد غريبه وانت على ابرد ماعندك ......وصارت تمشي وتدور
وبابا ماشي وراها يقولها ارجعي انا ادور عليه مايسير كدا وفي رجال صارت تقوله اسكت والا والله اعمل لك مجنونه واشيل الطرحه سامع ولالا الله يشيل بيت(؟) وبيت(؟) (بالعربي كدا سبت عيله بابا وعيلتها) خخخ
وصارت تمشي في الشوارع ووراها حريم واولاد صغار كأنهم اغنام ترعى في الارض وعاملين القطار السريع الله لايفضح مسلم قولوا امين
وفي الطرف الثاني من القصه يأتي دور الاخت ليدي الهاانم طبعا انا كنت اتفرج من بعيد لبعيد ولاكأني اعرفهم (نذله) وجات حرمه ورحت معاها أدور على احمتووت افندي ودرت كل حواري الاردن واتفرجت على معالم بلادي خخخخ ودخلت مساجد وافراح عاملينها الناس في الشوارع ويطالعوا فيا انا والحرمه ونسأل ماشفتوا ولد سعودي شكله هيك وهيك....... كلهم يقولوا نووو!
وفي الطرف الاخر من القصه وبعد مرور 3 ساعات على الحادث ماما ماتزال تبحث عن ابنها المفقود وكانت حتتجنن وخايفه لااحد يخطفه اويصير له حادث ولاشي لاسمح الله
وشويه كدا بابا يلوح من بعيد يقولها تعالي لقيته والله شووفيه هنااا ورفعه على فووق كأنه يرفع علم الاستسلام خخخخ
وتجري ماما على احمتووووت وفي الاحضاان والمشهد مؤثر اهئ اهئ والناس تطالع عليهم اخخ يالفشيله اي العيله دي ههههه
بعدين بابا قال لقيته في مركز الشرطه وكاتب في المحضر(أنا خايف بابا يروح السعوديه ويسيبني)
خهخخهخه عارفه موقف غبي الحمد لله والشكر بس من جد عمري ماانسى دا اليوم بس اجلس اضحك واقلد ماما في حركاتها اصلا ياويلي لو عرفت اني كتبت عنها خخخخ حاخد واحد قرموعي على راسي
يلا وانتوا كمان ياشبااب اذا واحد فيكم ضاع وتم العثور عليه بعد عناء يقولنا خليني اضحك شويه عليه يكسب ثواب
بااااااااااي
المفضلات