قصة إنسان حرامي !!!

**shino-kun** · 09-12-2006, 17:39

اليوم , قبل لا أقعد من النوم , طرت على بالي هالقصه .. شلون يعني قبل لا تقعد من النوم فهمنا ؟؟
مادري بس إهي السالفه جذي , انت اسمع الحين بعدين علق .. أوكي ...

أنا ببلش بالقصه بعدين انت عطني إستنتاجك ...

كان يا مكان , في قديم الزمان وسالف العصر و الاوان ..
كان في شرطي يعيش في قرية .. وهالقريه صغيره وايد .. والناس شويه بهالقريه .. وعايشين على قد حالهم ...
الشرطي متخرج من كلية القريه للشرطة .. وكان الاول على دفعته .. ( لان ما كان في غيره بالصف )
المهم اللي كان يدرس الشرطي بالكليه منو يا حمود ؟؟؟ منو ؟
اللي كان يدرسه يطلع أبوه .. لان ابوه كان الشرطي الوحيد بالقريه .. وخاف لا تنقرض هالمهنه من الوجود لان مافي أحد يقدم عليها ... إنزين ليش مافي أحد يقدم عليها ؟؟ ... أهاااااااا اهني القمنده .. انا اقوولك ليش .. لأن هالقريه مافيها حراميه .. والمعاش اللي ياخذه الشرطي ينحسب على عدد الحرامية اللي يصيدهم .. فكان الشرطي أفقر واحد بالقريه ..
لان القريه أساسا ما فيها حرامية ..
أهااااا....................................
بعد 20 سنة وفي قريه مجاورة للقريه المذكورة أعلاه .. طلع واحد .. ينقاله المجرم الشرس ...
طبعا ما كان مجرم .. اهو حرامي عادي .. بس لأن بمثل هالمناطق اللي ما فيها حراميه عندهم هالشي غريب فالشباب مسمينه الحرامي الشرس .. أهو بس كان يبووق هدوم و أكل ...
المهم طردوه من القريه بعد ما طقوه طق وتملطش بو الشباب ..
ففكر حبيبنا إن ينتقل إلى قريه مجاوره عشان ينصب على أهلها ..
فوين راح تتوقعووون .. ؟؟
أكيد راح حق قرية الشرطي ...
المهم الشرطي ما صدق سمع خبر إن في حرامي منحاش ..
جان يسويله كمين ويقبض عليه بأسرع من الفتحه و أطول من الشده ...
وإنزلت مكافئه حق الشرطي .. وقدر يسدد فواتير تلفونه .. وقسط سيارته .. ويصرف على عياله الاثنين .. البنت الطبيبه .. و الولد إللي يصب بانزين ( لوول ) لا اتغشمر قصدي اللي يدرس بكلية الهندسة ...

................................

الحين السؤال المطروووح شنو الاستنتاج حسب وجهة نظركم من القصه ...؟؟

طبعا أنا راح اقوولكم الاستنتاج باختصار :
1- لو ما كان في حرامي جان ما قدرت الطبيبه تاخذ شهادتها وبذلك راح تنتشر الامراض بالقريه ..
2- لو ما كان في حرامي جان ما قدر المهندس يتوظف وبذلك ما قدروا يصلحون الكهرباء عندهم ..
3- لو ماكان في حرامي جان ماتت زوجة الشرطي من اليوووع ..

الخلاصه :
الحراميه هم سر الوجود ...
وشكرا

**Capt.Hussein** · 09-12-2006, 17:49

[GLOW]يــــــــــــــاسلام عليك يا حمود [/GLOW]عالقصه التي كلها مواعظ و حكم
بس حلوه حلوه منك
و يعطيك العافيه لانك خليتني اضحك
وشكراً
Trendy-Thank-u-(Pink)

**shino-kun** · 09-12-2006, 18:14

العفو حبيبي

**nawafn70** · 09-12-2006, 20:41

السلام عليكم

تدري أخر اربع سطوور من القصه

مافهمت منها شي لغه غير مفهومه

وش جاان وما ادري ايش ياليت

تكتبها عربي فصحا من جديد

اخر اربع سطوور بس

مع السلامه

**ملاس الوالده** · 09-12-2006, 20:56

الرسالة الأصلية كتبت بواسطة nawafn70

السلام عليكم

تدري أخر اربع سطوور من القصه

مافهمت منها شي لغه غير مفهومه

وش جاان وما ادري ايش ياليت

تكتبها عربي فصحا من جديد

اخر اربع سطوور بس

مع السلامه

خل الرجال يروح ينام... وراه دوام باجر

و أنا أترجملك يا الحبيب بس اللي أبيه منك تسوي اقتباس حق الشي اللي ما فهمته طيب

و أبي منك سرعة الرد و الا خليتك و مشيت

**Tecna** · 09-12-2006, 21:53

الاستنتاج إللي حصلت عليه هو أني أشكرك على الموضوع و ثانيا أن أحنا ما نقدر أنعيش من غير حرامية ههههههههههههههههههه

**shino-kun** · 10-12-2006, 12:34

**@ mimi @** · 10-12-2006, 12:34

ههههههههه , الإستنتاج خطيييييير tongue

و شكرا على الموضوع smile

**شارينقن** · 10-12-2006, 12:42

مشكور اخوي ع القصه الحلوه

وجان معناها كان <<<< على ما اعتقد

**Taskee** · 10-12-2006, 15:40

ما شاء الله عليك يا حموووووووووود

قصتك حلوة مرررررررررة ^^

ال انا بحيي الضيوف اللي جوني ناديت حراميه ههههههههههههههههههههههه

علشان نكسب فلوووووووووس خخخخخخخخخخخخخخخخخخخخخخ

**shino-kun** · 10-12-2006, 16:54

الرسالة الأصلية كتبت بواسطة Taskee

ما شاء الله عليك يا حموووووووووود

قصتك حلوة مرررررررررة ^^

ال انا بحيي الضيوف اللي جوني ناديت حراميه ههههههههههههههههههههههه

علشان نكسب فلوووووووووس خخخخخخخخخخخخخخخخخخخخخخ

هههههههههههههههههههه

مشكوور و يعطيك العافيه