.
.
السلام عليكم ورحمة الله وبركاته
مراااحب أيتها الفتيات المراهقات مرحبا بكن في صفحتي وشخابيطي شخابيط المراهقة وجدان
أولاً وقبل كل شيء راح أعرفلكم موضوعي
تعريف شخابيط مراهقة
لغة: فضفضة مراهقه
إصطلاحاً: سواليف وهرج لاينتهي منحصر على حياة المراهقات سواء في المدرسة أو غيره..
يعني ياحلوتات أنا أبكتبلكم وبطريغتي الغاصة >>الله والطريقة
سواليف البنات في المطرسة واليوم ان شاء الله أول سواليفي أتمنى أنها تعجبكم ولكم حرية الاختيار أما أنكم تعلقون بطريقتكم وبحرية أو أنكم تدقوني ركبة وأطلع مع الباب..>>اتوقع الخيار الاول احسن
بسم الله نبدأ...أول سالفة
((أعجااااااااب Xأعجااااااااب)))
يوة شوشتي طايرة لازم اصلحها ..اه الكحل نسيتة المعجبات ياربيه
زي منتو بتشوفوا وزي ماانا أنعميت من الي أشوفه الأعجاب وما أعجاب والله العظيم أنها حامت تسبدي من هل أعجاب تشوفون بس سالفة البنات في المطرسة فلانه معجبة فيني يابختي جابتلي وردة جابتلي بطيخ وكميثرى الظاهر الوحده لو تشوفلها عنز اعجبت فيها
ولا اللي أدهي من كذا لاشفتوا بنتين خااقين ببعض أنا يوم أشوفهم ماأمسك نفسي ودي لو أجيب معي كاميرا وأسوي فلم رومنسي بجد رومنسي بقوة..بقولكم بعض السوالف اللي مريت ضحيتها بالاعجاب.. من زمان يوم كنت بالمتوسط كان الاعجاب اهون من اللحين ..مره بنت بثاني متوسط والله البنت وش حليلها وش ملحها تهبل شفتها مره بالنادي وعاملتها عاااادي يعني كنها صديقتي وتعرفت عليها أنا وصديقتي بالنادي يومننا كنا نسمع البنات بعض الغنيات..ايوة ياطويلات العمر ويمر الوقت وتجيني أختي بشوشتها منهبله من الكلام اللي قالته البنت..تخيلووووووووووووووووو
أنها قالت أني انا وجدان بنت ابوي معجبة فيها
أنا جن جنوني تدرون وش سويت..اهههههااااي لاوالله ماتدرون
وانا اللي اشمر على يديني وأفتح أزرت البلوزة وأرفع شعري..>>والله ماباقي الا رشاااااش
مسستعدة للحرب مع البنت عاد وحده من صديقاتي ماخذه الامور ببساطه ماشية معي عشان تضحكني ولا اعصب على البنت
يوم رحتلها وأنا أفتح حوار سياسي اخخخ...مااتذكر بالضبط وش قلت بس اللي أذكره ان صديقتي ميته ضحك علي..قلت للبنت وبكل بساطه تراني وجدان اذا ماتعرفيني وسوالف أعجاب وما أعجاب والخرابيط هذي موب عندي أنا ..أنهبلت البنت وطارت عيونها ماتدري وش تسوي والله ماتدري وش انا اقول اصلا..عاد رحمت البنت بعد ماعطيتهاهل كم كلمة قلت خليني افر بجلدي قبل لايصير قطع رووووس بيننا..وبعدين أخر شيء ابتسمت لها وكنه مافيه شي صاير..
واللحين... صار الأعجاب عاااادي زي شرب الموية تشوفون البنت تجاهر فيه ولاكنه شيء صاير..يعني ماانسى موقف صارلي العام بثاني ثنوي يوم وحده بالمتوسط معجبة يارببببببييييية يالملاغه
بآخر ساحه المدرسة تصارخ بعد ماسلمت علي تقولون دجاجتن مقطوع راسها ..وتصارخ من أخر الساحه انتي قمر انتي مدري وشو وانا وتخيلوا كل بنات المدرسة يطالعوني اناااا طاااح وجهي وسويت نفسي ماعرفها ولاتعرفني ..وبعدها حرمت اطلع للساحه صرت اطلع بدري...>>اخسسس يالمواظبة انتي والله حب في السرير موب بالمواظبة يامال اللي
رحت للبنت وفهمتها بكل هدوء اننا نصير صديقات ازين من الاعجاب وخرابيطه ووافقت البنت ونجحت العملية>>الحمد لله مافيه سيوف وقطع قرون
والله العظيم ياني أكره الاعجاب كررره موب طبيعي ودي امسك االبنات وحده وحده وأصطرررررررهم الله وناسة اتعلم فنون الكارتية بس المشكلة انا اللي بروح فيها انا وعصاقيلي لاجتني وحده تقولين بوابة بنك >>ياعيني ع التشبية
بصراحه عندي هررج وااااجد عن الأعجاب بس دارية اني لاهرجت ماخلصت اخاف اقضي على حبر المنتدى
تبوني اهرج عن الاعجاب مره ثانية ماعندي مانع واذا عندكم اقتراحات عن أي موضوع تبوني اكتب عنه برضوا ماعندي مانع انتوا بس ارسلوه ع الخاص اذ حسيتوا فيه احراج يعني خذوا راحتكم باي طريقة..واخيرا
أتمنى انها تعجبكم سالوفتي الاولى وبأنتظار باقي السواليف
تحياتي
وجداااااانووو
المفضلات