رنيم وزمن الأنين << رواية سعودية اهل جدة من تأليفي يشرفني حضوركم

[بـسـمـة خـجـل]

السلام عليكم ورحمة الله وبركاته


هذه رواية بدأت كتباتها ... في إجازة الصيف .. والحمدلله انتهت..


اتمنى انها تنال إعجابكم...

ويشرفني كثيرا حضوركم...

تراها من وحي الخيال......

كم استنيت هذه الساعة اللي أبدا انزل القصة حمااس بس ان شاء الله تعجبكم ابغا رايكم في كل جزء وايش

عجبكم وايش ماعجبكم وكدا طييييب




((1))

البداية..

فتاة عادية .. كانت تحلم باشياء بعيدة المدى .. وفي قلبها امل كبير بان تحققها ...

ولكن لم تتوقع ان تحلم به .. ان تحلم بالحب ..

كانت ضد الحب .. وضد الكلام المعسول .. لايعجبها ماتسمعه من القصص الغرامية ...

وقصة روميو و جليد وحبهم الابدي والقوي ..

لم تؤمن به

.. ولكن كله تغير منذ لقاءها به

.. احبته ولكن .....!!


***********
كانت رنيم .. فتاة رقيقة وجميلة .. بشعرها البني المتعرج .. وعينها السوداوان رقيقة

بمشاعرها .. حكيمة باسلوبها..لها علاقات كثيرة مع كل البنات .. تحب اكتشاف الجديد والغريب..وتجربة كل شي .. حلمها الذي تسعى اليه هو (البحر)

كانت تحب النظر اليه ترى فيه غير الذي يراه البشر لم تكن تراه انه ماء فوق التراب..او

انه يغطي اكبر مساحة للارض..على العكس كانت تراه شي جميــل بداخله اسرار

كثيييرة..تتمنى دائماً ان تكون مثله .. الكل يحبها .. ولكن من يغدر بها ترميه بين

أمواجيها الهائجه وتدفنه في أعماقها..تريد ان تكون مثله جميلة بالخارج والداخل.. وقد

كانت كذلك من يعرفها يحبها..ومن يدخل الى اعمقها يكتشف اشياء جميلة

وغريبة.....هذا هوا حلمها((علم البحااار))


في يوم مثل باقي الأيام الاسبويعة .. تستيقظ من النوم على صوت أمها وبعد المعارك اليومية للذهاب للمدرسة
ام رنيم : رنيم ...! يلا قومي تحركي.. بتتأخري على المدرسة ..

رنيم : طيب ....! اففففف متى ربي ياخذ دي المدرسة وافتك اف اف اف ,,

وكعادتها تذهب بوجهها المعفوس .. ومزاجها المقلوب ,, تدخل المدرسة :: هااي بنات

كيفكم ..؟؟؟اعطوني حل واجب الرياضيات ,,

أمس سهرت اتفرج تلفزيون والله جا في ((الشوتايم)) فيلم خطييييييييييير ماقدرت اقوم
واحل الواجب ..
تررررررررررررررن دق الجرس ..

وطبعا كعادتها ((لميس)) صديقة رنيم المقربة ولكن لم يدم على صداقتهم سواء

شهور..تتأخرعن الدوام .. وماتجي إلاّ بعد مايدق الجرس ..

جات لميس وسلمت على البنات وهي طفشانة ..

وراحت تهمس في أذن رنيم : رنيم ..!! هي رنيم ..

رنيم : نعم الله يرجك فجعتيني ..!

لميس: اقلك ماحليت الواجب أمس والله رحت على ستار بكس مع اخوي لؤي ومشانا

شوي على الكورنيش ومارجعت إلاّ باليل مهلووكة ومكسرة رحت نمت

وماحليييييييييييييييييت ايش اسوي ..؟؟


رنيم:: عااااادي..كلنا بالهوا سوا..
لميس: انتي ماحليتي !!

رنيم : ايوا دحين اسكتي لاتجي االمعلمة دي وتهزأنا تراني مو ناقصتها هيا وصوتها المزعج ..
المهم .. انتهت الإذاعة الصباحية المملة عند كل البنات..

وطلعوا لفصولهم ..جات لميس لرنيم وبنات الشلة وصاروا يتحكوا ويتكلموا عادي ..
زي كل البنات ..

عن الافلام .. والاغاني .. والمعلمات .......الخ


وكانت لميس دايماً تتلكم عن اخوانها لحبها الشديد لهم..والكل يسمعلها..بالذات فتاة

اسمها(((هبة))) وكانت قريبة جداً ل لميس ..وبنات الشلة ينادوها الدب القطبي..لانها

شوي تخينة زي الدب .. و باااردة مثل الثلج..


المهم في دا اليوم جات هبة عند رنيم وقالتها :: رنيم..!! امس صار لي شي وابغى احد يساعدني..

رنيم: تفضلي ايش في ..؟؟

هبة: امس دق على جوالي رقم غريب قمت انا رديت .. قالي : ممكن فيصل..؟؟ قلت الرقم غلط والله..قام قال معليش وقفل,

انا قلت ل لميس لمن كلمتها امس قالتلي ايش الرقم .. قلتلها هوا قامت قالت : كانوا

رقم اخويا لؤي .. دقيقة دقيقة وراحت لمن رجعت انا غيرت اخر رقمين ..وبعد ماقفلت رحت ارسلت مسج

(( انا عارفة انت مين .. وبلاش استهبال ..))

قام رد (( انت مين ؟؟ انت الدب القطبي ..))

قمت رديت (( شوف اللي ماترضاه فاختك لاترضاه على بنات الناس)) قام رد(( طيب good night my girl frind ))



رنيم عصبت .. وقامت تهزيء في الولد وفي هبة ..

وقالتلها انتي اصلا ليش ترجعي ترسلي .. ولازم لميس تعرف ....

هبة: لا لا لا .. بلا هبل تبي تسوي مشاكل خلاص انا حليت المشكلة وبس حبيت اقلك..

وعادي رنيم سكتت بس صارت كل ماتتكلم لميس عن اخوها تجي تقولها: انا اخووك دا مايدخل مزاجي..

وبس رجعت البيت وهي في بالها كلام هبة .. وايش تسوي ..

دقت على بنت خالتها (( ملاك )) ..
رنيم : الو!

ملاك : الو! هلا ..

رنيم: ملاك الحقي..

ملاك: ايش في..!!؟؟

رنيم: فاكرة البنت اللي اول حكيتك عنها هبة ..

ملاك :مين.,,..

رنيم : يووه اللي برجها الثور

ملاك : ايوا ايوا اشبها ..

رنيم : اليوم جاتني وقالتلي انو اخو لميس لؤي قعد يرسلها رسايل ودق عليها يعمل انو

الرقم غلط يعني مسكين .. وهيا راحت ترسلوا انو اذا انت ماترضى انو اختك تكلم اولاد فلا ترضاه على بنات الناس ..

وانا اااااااااخ مرة متنرفزة .. ليش يقعد يرسل ايش القلة الحية دي ..


وانت تعرفيني ماحب دي الحركاات ,, قوليلي ايش اسوي.


ملاك كاتمة ضحكتها :: ممممم هههههههههههه ....

رنيم : ايش يضحك ..!!!

ملاك: دحين انت معصبة عشان كدا .. وداقة عليا في الظهر وماخليتيني انام .. والله

اتحداك اذا غيرتي ملابسك حتى .. عشان تقوليلي كدا..

رنيم : ايوا طبعاً ايش المصخرة اللي هما فيها دي ..

ملاك: انت طيب ايش يخصك .. حريقة تحرقهم .. انتي مالك دخل فيهم ..جا هوا وأذاك انت ولا ارسلك ..
رنيم :: لأ..

ملاك: خلاص طيب انسي انسي ونامي .. يلا بروح انام تبي شي.

رنيم : لا سلامتك مع السلامة

انتهت المحادثة لكن رنيم ماهدأت رجعت وصارت تفكر ايش تسوي تقول ل لميس..؟؟؟

لا لا لا راح تسوي مشاكل ,,

مالقت غير انها تسكت ,,


المهم نامت رنيم ..


وبالها مشغوول ,, على دا اللي صار ..

صحيت رنيم الساعة 6 المغرب وصلت صلاة الهنود (( زي ما تسميها امها ))

العصر + المغرب ..

وقامت كاعدتها تتفرج تلفزيون .. فشار و بيبسي والغرفة المظلمة.. هي واختها

وابوها..يسهرون على الافلام بالشوتايم .. ونسيت الموضوووع .. مشيت حياتها عادي ....


**********************************

رنيم : الو..!

.......: نعم

رنيم: لميس موجودة ..؟؟

..........: ايوا دقيقة..

لميس:الو..!

رنيم: مين دا اللي رد عليا..

لميس: لوىء..

رنيم ::اهاااا..ترى فجعني..اول مارد قال نعم...مرة يفجع يقول السلام عليكم طب الو..!

لميس:هههههههههههههههههه .. لوىء فجعت رنيم..بقولتك نعم

لوىء: معليش والله ,,, متعوووود..

لميس:رنيم ايش رايك تجي عندي ..؟؟؟؟
؟
رنيم : متى؟؟؟؟

لميس : بكرة...اصلا راح اكوون لوحدي لانو ماما وبابا واخواني بيطلعوا الطائف وانا

ماحب اروح هناك بالحرّ

رنيم: اشوووف ماما اذا ماعندنا شي .. وانتي كلمي البنات ..

لميس: ان شاء الله ..

رنيم قفلت من هنا ..

وراحت تجري عند امها ..

رنيم: اميي ...!!>>>بدلع طبعا عشان ترضى امها

امها: خير ايش عندك في شي..

رنيم :: لالالا بس جايا اشووف تبي مني شي..

امها : قولي قولي ايش عندك بلاش لف ودوران ..

رنيم: طب كويس لميس تبغاني اجي عندها بكرة طيب..!!!!

امها:مممممممممم طيب .. اصلا ماعندنا شي بكرة..

رنيم .. موووووووووووة شكر شكراI love you so mutsh

امها: ايوا هذا اللي انتي فالحة فيه...





جاو البنات عند لميس .. كانت اول وحدة جاءت هي تماضر وهذي كانت صحبة رنيم .

. لكن صار بينهم مشاكل فانتهت علاقتهم .. وهذي تماضر شوي نحيفة .. وكانت طويلة

اطول وحدة بالشلة فكانوا ينادونها((بينك بانثر)))

المهم جات بعدها هبة ((الدب القطبي)) وبنت خالة لميس كانت بعمرهم ثانوية عامة بس

مو بنفس المدرسة وجولي اسمها الحقيقي جوهرة لكن اهلها يناودنها جولي.. بنت

جديدة بالمدرسة هي من الخبر ونقلت مع اهلها على جدة كانت لها ابتسامة جذاابة تميزها عن اي بنت بالمدرسة.. وبعديييييييييييين جات رنيم ..

دخلوا لبنات .. طبعا فلللة اغاني ورقص وهيصة .. لكن رنيم ماكنت في نفس الجو .. بتضحك معاهم لكن بالها هناااك مع (( لؤى ))

كانت تفكر ياترى انا ظلمته .. هوباين عليه انه طيب وحبوب .. طب ليش عمل كدا مع هبة .. تكون هبة تكذب ؟؟؟؟

قطع تفكيرها صوت لميس : ياهووووو فين رحتواللي شاغل بالك يتهنابو..

رنيم : ههههههههههههههه ولاشي بفكر عااادي فين برووح بكرة وكدا ..

لميس: علينا .. اههه قولي قولي ..

رنيم : لميييييس لاتسوي كدا حركات منجد .. كنت بفكر كدا المهم يلا يلا نرووح نهيص..
رنيم .. ماكانت على علاقة وثيقة بهبة ولا تماضر اكثر شي كانت مع لميس..فجأة وهم بالهيصة حقتهم دق جواال هبة

هبة:الو..!

المتصل:الو..!

هبة:نعم..وفتحت الاسبيكر ..

المتصل:كيف الحلوووين ,,

هبة : مين معايا..<<< تماضر تضحك..

المتصل:ماشاءالله كم انتو..عشان اجيب اصحابي يتعرفون عليكم..

هبة:: لا مشكووور..خليهم لك هههههههههههههههههه
وقفلت في وجهه..

رنيم ماعجبها الحال.. وصارت مفجوعة من اللي صار .. وخرجت من الصالة وراحت على غرفة لميس لوحدها قاعدة..

وطبعا اخذها فكرها الوااسع لعالم اخر..

دحين كل الشباب يدوقو على رقمها بالغط ...!!!!

اااااااااااه ياليتني اعرف الحقيقة ما احب اظلم احد .. بس ايش اسوي اسال لميس..

دخلت لميس عليها..:: فينك يابنت ..!!

رنيم : ولا شي بس ماعجبني اللي صار..

لميس: عشان الولد اللي دق..
رنيم : ايوا انتي تعرفيني ماحب كدا..

لميس: يييييييييييه .. مع هبة وتماضر كلوو كدا..

رنيم ((تلكم نفسها)) الله يريحك يالميس اعطيتيني الجوااب..

رنيم: لميس!!كتبتي خااطرة جديدة..؟؟

لميس:ايوا..

رنيم: فينها هاتي بقرأها..

ليس:يووووووووه مادري فين الدفتر .. لحظة اعتقد انه جوت دا الدرج..غمضي عيونك

ترى الدرج دا اخر لخبطة .

.
لميس:هههههه اهووو...!


رنيم : شكراا

الخاطرة (( سؤال الليل ))
بدء اليل يطرح أسئلته التي تتكرر يوم بعد يوم ..

اين من اشتاق لرؤياهم وسماع صوتهم .. اين هم ..؟؟

فكنت كالطفل اليتيم الذي لم يعرف بعد من كان سبب مجيئه لهذه الحياة..؟؟!!

اوكرجل ضائع في صحراء موحشة في ظلمة اليل المرعبة وفي ذلك البرد القارس فلا

يعرف مكان ولا يجد أحداً يسأله فكلما ذهب من مكان يئس منه فذهب للاخ

ر وعلى هذه الوتيرة أهذا السؤال صعب ..؟؟! ام اني لم أجد جواب ..؟؟! أم ان الدنيا

((لقاء تعارف حب ومن ثم فراق وشوق))آآآآآآآآآه يئست من البحث عن إجابة فقد

تبعثرت أفكاري وتناثرت أقلامي وأوراقي..


انهت رنيم قرات تلك السطوور القليلة التي افاقت من داخلها بركااااان املها .. الخامد ..

وملئت عيناها بالدمووع لتعبر عن حيرتها التي لاحل لها..لم تستطع التوقف عن

البكااااء..إلا عندما قطع فكرها وخيالها صوت لميس..

لميس:ايش فيك رنيم...!!!

رنيم:مافي شي .. بس بكتني خاطرتك.
.
لميس:الله الله ..!! لدي الدرجة ..

رنيم:ههههههههه

لميس : يلا يلا قومي غسلي وجهك وتعالي اقعدي معانا مرة تاني مارح اقراك ششي زي كدا..
رنيم : ههههههههه طيب دحين بلحقك..
رنيم ((تكلم نفسها)) دحين ايش اسوي مين الصادق ومين الكذااب؟؟؟؟ تكون هبة بتكذب..؟؟؟؟ طب ليش راح تألف وتتبلى على الولد انا لازم اسال هبة..بس هي ممكن تزعل بالذات هيا ماتحب احد يكذبها لا انا بروح واعرف بطريقي ..





يــــــــتــــــــــــبع....



ايش رايكم ..؟؟

ايش ماعجبكم..؟؟

ايش عجبكم..؟؟؟

[son of the dark]

صراااااحة القصة مرة رووووعة وصراحة مبدع اعجبتني القصة بس اختي حاولي انك تخلينها قصيرة الأن لو خليتها طويلة محد بيقرها شوفي انا ماقريتها كلها بس عجبتني المقدمة ف لو تخليها حوالي عشرين سطر بس وهذا مجرد رأي ^^ ومشكورة مرة ثانية ع القصة الفنانة وان شالله نشوفك كاتبة عما قريب وانا انتظر التكملة وننتظر جديدك
تحياتي سنوو

[son of the dark]

صحيت رنيم الساعة 6 المغرب وصلت صلاة الهنود (( زي ما تسميها امها ))

هههههههههههههههههه والله انو اختي قامت تضحك علي من كثر مااضحك على هذي الجملة وهية مااتعرف شو السالفة

[بـسـمـة خـجـل]

هههههههههههههههههههههههههههه


والله ان حضورك مرة اسعدني................


وشاكرة لك...

وترى انو هيا ماهي قصة...انو عشرين سطر هاذي اجزاء 13 جزء...وفي كم منتدى قالولي نفس كلامك...وبعدين جلسوا يقرأوها يعني هيا رواية .. مو قصة قصيرة والرواية شوي تكون طويلة....





امن على حكاية الجملة خخخخخخخخخخخخخخخخخخخ الله يدوم لك هالضحكة ياربب.....

[son of the dark]

هههههههههههههههههههههههههههه

دامت الضحكة ^^

والله ان حضورك مرة اسعدني................

وهذا لشرف لي ^^:p

وشاكرة لك...

العفوو

وترى انو هيا ماهي قصة...انو عشرين سطر هاذي اجزاء 13 جزء...وفي كم منتدى قالولي نفس كلامك...وبعدين جلسوا يقرأوها يعني هيا رواية .. مو قصة قصيرة والرواية شوي تكون طويلة....

اها انا افتكرتها قصة ^^ ماشالله 13 حمستيني والله ^^ ماكنت اعرف انها رواية ..
بس صراحة مرة حلووة اعجبتني

امن على حكاية الجملة خخخخخخخخخخخخخخخخخخخ الله يدوم لك هالضحكة ياربب.....

هههههههههههههه تسلمي والله ^^ عاد اسمحيلي اذا ازعجتج ف ردي الثاني

[son of the dark]

رنــيــم وزمــن الأنــيــن...<< رواية سعودية اهل جدة من تأليفي >>

http://www.mexat.com/vb/showthread.p...66#post4916866

ليش كذا شو رايك تسوين مثلي ^^ كلام ورابط مرة وحدة

[بـسـمـة خـجـل]

واللــــــه اخــوي ما زبط معاي..فمشيت حالي كدا..................

[بـسـمـة خـجـل]

((2))

دخلت رنيم .. وصاروا البنات تماضر وهبة وإسراء..يطبلون لها

((هلا..بالطيب الغلا..عزيز وشوفتك حلوة))

رنيم:هههههههههههههههه بسكم والله انكسفف..!!

راحت وقعدت جنب هبة

رنيم: هبة ... انت ليش تردين عل الارقام غريبة ترى مو كويس

كدا..مايجي وراها غير المشاكل والبلاوي
هبة:ههههههههه لا عااايدي اصلا انا ارد واسكت وهو يقعد يكلم نفسه

لا ولا دحين طالعين بموضة الاغاني يدق ويشغل اغنية .. يعني يعني

انه رومنسي وبياخذ قلبي..هههههههه .. مرة صاير دمهم ثقييييل ..

رنيم:طيب انت لو ماتردين احسن .. تراه وراها بلاوي كثير
..
هبة : لا بلاوي وللا شي .. فلله يخيتي ايش ورانا...

ويقطع كلمها صووت جوال هبة يدق

((ولا في الاحلام ولا اي كلام يوصف ......))

هبة: رقم غريب مين دا..؟؟

رنيم:لاتردي ..

هبة:الو...!وفتحت سبيكر على طوول

وجات تماضر وإسراء جري..

المتصل:هلا و غلا ..

هبة:نعم اي خدمة..

المتصل:ممكن اتعرف عليك ياحلوو..

هبة: لا طبعا روح دور لك وحدة زيك..ههههههههههه مع السلامة انا

مو حق دي الأشكال اللي زيك ههههههه

وقفلت بوجهه وصارت تضحك هي والبنات..

ورنيم .. صنمت في مكانها مفجووعة من اللي صار ولا هي مصدقته

انا بحلم ولا بعلم .. ياربي .. ايش دا .. وش اللي صار بالعالم ..

ويقطع تفكيرها صوت مسج على جوال هبة ..

عااد هبة ماصدقت وقاامت ترجي تدور عليه لقته وكل البنات حولها

اكيد هو نفسه اللي ارسل ..

وفجاة تقلب لون هبة .. قمات رنيم: ايش في ياهبة خير..؟؟

هبة: الحقوني ياويلي شوفوا ايش ارسل

(( انا اللي ادور وحدة مثلي..

انا اشتريك و ابيعك واشتري من امثالك 100 وحدة مو بمحتااج لك..

وهالحركة راح تندمين عليها .. والله لأوديك ورا الشمس انت واهلك)))

هبة: يابنااات ايش اسوي ..

دخلت لميس .. ولقت وجوه البنات كلهم مقلوووووبة ..

اشبكم .. خير ايش صاير...

رنيم : هبة ردت على رقم غريب وهزاته قام ارسلها تهديد ..

لميس : يوووووووووه ايش حتسوي.....

رنيم : لميس فين كنتي..؟؟؟

لميس: يوه ذكرتيني لوئ يبغي جواله ..
هبة : طب اسمعي خذي جوالي واعطيه لاخوكي خليه ياخذ الرقم ويكلم

الرجال..
لميس: طيب هاتي...>>>مسكيييييينة على نياتها...

ونزلت لاخوها وطبعا كل البنات عند الباب يبغوا يشوفو هذا الشاب
اللي دايما تحكي عنه لميس..

وطبعا هبة تبي تشوووف اللي عاكسها ..!!

اخذ لوئ الرقم وراااح .. ورنيم .. راحت في صدمة مالها نهااية..

لميس تساعد هبة في الغلط..وهبة تطلع حق شباب..!!!!!!!!!!!!

بس هي قامت .. وراحت وجلست مع البنات..ونــاويــة في قلبها

انـه دي اول واخر جلسة معاهم .. دامهم على دا الحال..

وانتبهت لارتباك جولي .. والحزن اللي بعينها..كانت عينها مليانة

دمووع وكلام ماله نهاية.. قعدت وياهم وصارت تقوول دحين الاقيها

من هبة ولا من جولي..اشبها جولي..ما احب كدا .. ارووح اسالها ولا

ايش ...؟؟!! بس انا اخاف احرجها معايا .. انو مابينا شي غير سلام وعليكم السلام...!!

بس في الاخير هيا صحبتي .. ولازم اشيل عنها شوي...ولو بسؤال

قامت جولي قالت بصوتها الهادئ المكتوم ..:: لميس وين الحمام ..؟؟!

لميس: اخذت جولي وصلتها لمكان الحمام اللي بغرفتها وخرجت ..

ولحقتهم رنيم ..

دخلت ولقت جولي قاعدة على السري لوحدها

جولي : ابتسمت

رنيم : ممكن اقعد معاك

جولي : ايه اتفضلي خذي راحتكتش.
.
رنيم : ليش قمتي ..؟؟؟

جولي : مافي شي بس كذا حسيت نفسي مخنووقة هناك ..

رنيم : سلامتك ليش ..

جولي : لا مو تعبانة ولا شي ..

رنيم :ايش برجك ..؟؟

جولي : انا العقرب ..

رنيم : ههههههههههههههه انا القووس .. احب برجك ..

جولي : والله شكراا ..

رنيم : العقرب كتوووم ..

جولي : عنجد!!..انا ما عرف كثير عن الأبراج ..

رنيم : اووووف لا والله انا مرة يعني مرة ممكن تسميني عاشقة ابراج

جولي : الله الله عندك اخوات ..

رنيم:لا بس انا واخوي سامي

جولي: لا ماعندي بس انا ..
رنيم : جولي

جولي:ها يقمر..

رنيم : ممكن تعتبريني اختك و صديقتك

جولي : ايه اكيد لي الشرف والله

رنيم :: ههه طب ممكن اعرف ايش فيك ؟؟؟ لان عنجد من اول يوم

بالمدرسة وانا حاسة ان فيك شي..

سكتت جولي .. كانها تجمع الكلام .. وتمسك نفسها من البكااء..

رنيم : حبيبتي جولي صدقيني .. محد راح يعرف انا بس حابة اعرف

ايش فيك يمكن اساعدك

جولي : ماحد راح يقدر يساعدني في مشكلتي .. غير الله..

رنيم : طب على الاقل تخففي على نفسك وتتكلمي..انت كدا تتعبي

نفسك..جولي ترى الدنيا ماتسوى .. صدقيني ماتسوى اي اي شي ..

جولي دمعت عيونها : رنيم !! انا مررررة تعبااانة من الدنيا..من يوم

مافتحت عيوني وانا عايشة بين صارخ .. ماسمع غير صراخ ابوي و

صراخ امي ..

هاذي حالتي لين الحييين...

ولا احد منهم راضي يحس بالي فيني .. على الاقل لا يضاربون قدامي

والله تعبت من الصراااخ .. كل اليووم على الموال..

رنيم: حبيبتي .. هذي مشاكل عائلية..في كل البيوت

جولي: لأ ... انا اعرف المشاكل العادية اللي بين ابوي وامي شي ثاني

.. كل واحد يعاند الثاني..وابوي يتزوج على امي بس عشان

يقهرها..طب لييييش؟؟ يعني مايعرفوا يحبوا بعض..

رنيم : اهدي ياجولي اهدي..
جولي: اهدأ ...!!!! طيب لمن اكون عايشة حياة هادئة اصلا..اصحى

يوم مالاقي امي .. وينها؟؟؟راحت بيت اهلها...انا لوحدي عايشة

بالبيت.......!!!!!
لا ابوي يقعد فييه عشان امي ولا امي ترضى تقعد فيه عشان ابوي..

تخيلي ان كل واحد ينام بغرفة لوحده..

والله كل يوم احمد ربي ماكتب ان يكون لي اخواان..لاكانو تعقدوا...

البيت مافيه شي ..

رنيم:طيب ممكن اسال سوال..؟؟؟

جولي: تفضلي..

رنيم : ليش ماطلقوا..!! كان احسن لهم ولك ..

جولي: مين قلك ماطلقوا..طلقوا...بس اهل امي...!!!

رنيم : اشبهم ؟؟؟

جولي:يقولون ماعندنا بنات يطلقون..ويوم اللي طلقها ابوي
ضربوها....!! والمشكلة انا شفتهم وهم يضربووها اااه..

رنيم كل مافتكر شكلها ابكي واخاف..من الدنيا خلااااص ابي اموت

ماهي عيشة دي..!!!

رنيم : استغفرالله لاتقولي كدا..!!!

جولي : رنيم..ترى انا اللي شفته مو قليل شفتهم يضربوها..!!

يشدونها من شعرها وخالي صقعها في الجدار نزل الدم منها وانا

اناظرهم..وقتها كنت صغييرة..يمكن عمري 7 سنين..!!!

افتكر ذاك اليوم قمت اصيح باليل وماقدرت انام .. وفضلت شهوور

يمكن 4 شهور احلم بكوابيس ولان كل ماشوف الدم..!!! على طول

اخاف....اااااااااه...وابوي مايقصر بالبيت..كان كل كل كل كل يوم

اصحى صراخ امي من ضرب ابوي..وانام من بكا امي.وابوي يخرج

باليل ومايرجع إلاّ بالفجر..طبعا.هه سكرااان .. مو داري عن نفسه..
سكتت رنيم من اللي سمعته .. صارت مفجووعة..هي تعرف ان في

ناس تسكر بس ماكانت تتوقع انو احد تعرفه ممكن يكون عايش زي

كدا..مرت بينهم ساعة صمت..

جولي: ايش فيك .. قلتلك مشكلتي مالها حل غير عند الله...

رنيم:لا ان شاء الله ربي يسهل امورك ..

جولي : هو بدات تتحسن..!!

رنيم : والله الحمدلله..

جولي: بس تتحسن كيف يعني..امي صارت ماتسكت يعني ترد على

ابوي..وماتسكت على حقها .. ماتخليه يضربها.. يمكن لها الحين من

يوم ماجينا هنا على جدة صارت كدا...!!!!!

وابوي .. ... قام تزوج عليها عشان يقهرها.. بس تزوج ميين وحدة

قدي..!! بعمري انا تخيلي .. وش فيه مادري ...

عنجد انا كل ماشوفه احتقره و وتنقلب نفسي..صرت اكره كل الرجاال..

..
رنيم:لاجولي ماينفع كدا..مو كل الرجال زي ابوكي زي مو كل الحريم

زي مامتك..!!

جولي: هه اكييد.. بس وينهم قلاااال.تدرين اصعب شي لمن يكون ابوك

وامك قدوة سيئة لك ومثال حقير في الحياة..المفروض اعلم منهم بس

ااااااااه..تخيلي ولا احد منهم يبيني..!! لا امي ولا ابوي..بلاه كيف راح

تكون نفسيتي وانا بين ناس مايبوني .. والمشكلة انهم مو اي ناس

المشكلة انهم اهلي امي اللي مالي غنا عنها..!!! وابوي .. ااااه ابوي

اللي المفروض يكون سندي بالحياة اللي التجاله لمن اكون

بمشكلة..اللي يحميني ويوفرلي الراحة والسعادة مايبوني .. اسمعهم

دايما .. كل واحد يحط اللوم على الثاني لاني جيت ,, امي كل ماجي

اكلمها دايما تقولي ((اقلبي وجهك كل ماشوفك افتكر ابوك الله لا يوفقك

انت وياه))اااااااااه ليييش انا وش سويت انا وش ذنبي..؟؟؟؟؟؟؟؟؟؟؟

لا و ابوي ماقصر .. راح يجبلي عريس اكبر منه يزوجني اياه..وانا

كان عمري يمكن 16سنة .. كل دا ليش ماعرف..؟؟ انا وش سويت

مااعرف..ويش هو ذنبي..؟؟اااااااااااااااه ابي احد يجاوبني .. انا وش

ذنبي من اللي قاعد يصير..

رنيم : جولي .. جولي اهدئ .. وايش صار مع العريس اللي جابه لك ابوكي..

جولي :لا تذكريني ديك الاياام .. والله كانت كانها كابوس....حسبي الله

عليهم .. .. الحمدلله .. ان الرجال بطل .. مادري ليش..؟؟

يمكن لمن شافني صعبة عليه الله اعلم...!!!!! بس حمدت ربي وقتها

ان في احد له قلب بها الدنيا..!!!

رنيم : جولي حبيبتي..ترى الدنيا لسا فيها خير والله مارح ينسى صبرك

هذا واكيد بيعوضلك كل تعبك ذا ..وان شاء الله تتزوجي واحد يعيشك

ملكة..وبعدين انت حلوة ماشاء الله .. ما ابيك تكوني كدا .. تفاءلي

ترى الدنيا والله لسا فيها خير اضحكي .. وانسي كل الهموم الدنيا ماتسوى ... والله ماتسوى..امسحي الحزن اللي في

عينك..اضحكي وابتسمي ابتسامتك الللي تميزك عن كل البنااات..

كوني اقوى من كدا..لاتخليني الدنيا تتحكم فيك .. و الاقدار.. هذا اختبار من الله ولازم نصبر ونكون اقوى من

كدا..امسحي هالدموع الي من عيونك .. واضحكي .. عشان الدنيا تضحكلك.. ترى ربي ماينسا احد..دايما تذكري ان

ربي .. مارح ينساك.
.....
دقيقة

جولي:وش تدوريين..؟؟

رنيم : ابغا ورقة وقلم..

حولي اهو هنا في ..

رنيم " طيب كويس.. شوفي ياعسل انا راح اكتب لك كلام ابيك تفهميه وكل ماتقفلت الدنيا في وجهك تذكريه..

جولي : هههه طيييب..

رنيم : ايوا كدا اضحكي..وامسحي دموعك




الحياه تحب من يحبها .. والتعاطف أساس الأخلاق .. والصدق لغة التفاهم


الحياة كالوردة .. كل ورقة خيال .. وكل شوكة حقيقه



البكاء ضروري ولكنه ليس حلاً



لنسعد أيامنا بالإبتسامة بدلاً أن نملاها بالدموع



بين السعادة والحزن خيط من دخان .. قد ينقطع بنسمة هواء



لا تيأس إذا تعثرت أقدامك ..
وسقطت في حفرة واسعه ..
فسوف تخرج منها وأنت أكثر تماسكا وقوة !!والله مع الصابرين


لا تكن مثل مالك الحزين ..
هذا الطائر العجيب الذي يغني أجمل الحانه وهو ينزف ..
فلا شيء في الدنيا يستحق من دمك نقطة واحده !



ذا أغلقت الشتاء أبواب بيتك ..
وحاصرتك تلال الجليد من كل مكان ..
فانتظر قدوم الربيع وافتح نوافذك لنسمات الهواء النقي
وانظر بعيدا فسوف ترى أسراب الطيور وقد عادت تغني ..
وسوف ترى الشمس وهي تلقي خيوطها الذهبيه فوق أغصان الشجر ..
لتصنع لك عمراً جديداً وحلماً جديداً .. وقلباً جديداً

صديقتك : رنيم ....

[بـسـمـة خـجـل]

رنيم : تفضلي...!!!


جولي اخذت تقرا تلك السطور التي تحمل معاني كثيرة قد تساعدها على تحمل هذه الدنيا..وتزيل الدمع الدايم في عينها

وتدخل السرور او القليل من السرور إلى حيتها قد تضيء لها ثغرة صغيرة في حياتها او تفتح لها باباً بعد ان اغلقت

كل الابواب فب وجهها...

اخذت تقرا تلك السطور .. وتزيد فرحاُ والدموع تتساقط من عينها .. الجميلتين..

رنيم:ايش فيك ..؟؟؟ المفرووض تبتسمي مو تبكي.
.
جولي : ههههه مو هذي دموع تصبرني..مشكورة رنيم والله حاسيت كانو شي ثقيييل انزاح من قلبي.. ااااااااه حاسة

براااحة ماعمري حسيتها..كنت عنجد محتاجة لاحد اكلمه..بس كنت ما اثق في احد..لكن انت ريحتيني..الله يريحك دايما

ويسرلك امورك..والله مو عارفة كيف اشكرك..

رنيم : لا ياقلبي والله مايحتاج دا كلو..المهم يا عسل احنا دحين توجيهي انسي المشاكل دي..وشدي حيلك عشان تتيسر لك مورك ان شاء الله..ذاكري كويس..

جولي : ماقدر بيتنا كله صراخ..الله يستر هذي السنة ..

رنيم: طب انا عندي فكرة..

جولي: ايش؟؟

رنيم : تجي عندي ندرس..!!

جولي: وي هذي ثالث ثنوي مو هباال..لا مابي اعطلك ..

رنيم : ايش تعطليني ومادري ايش لا بالعكس ندرس مع بعض على الاقل دحين بالاجازة..

جولي : لا تسلمين..انا بروح عند خالتي اذاكر.....

رنيم : اوكي على راحتك الله يوفقك اهم شي تذاكري كويس

جولي : انا كل سنة في الاختبارات اروح لعندهم


دخلت عليهم لميس : ايوا ايوا قعدوا هنا وتركونا هنااك.يلاقوموا..

رنيم : والله انا ماحبيت المصخرة اللي بتعملوها..

لميس : اي مصخرة..

رنيم : لميس!! كانك ماكنت موجودة..

لميس : ياشيخة فلي ابوووها

رنيم : والله ,, يعني صاار بالنسبة لك شي عااادي ..

لميس: يعني بلاه ايش صار بس ضحكنا وانتهى كل شي..

رنيم: طيب لمن يصير شي ساعتها تعرفي انو الله حق..

جولي : خلاص ايش فيكم عصبتو .. يلا قوموا نرووح هناك ..

رنيم: لا انا اصلا خلاص برجع على البيت ..

لميس : لاااااااااااااااااا,,

رنيم : والله مرررة نعسانة يابنت الساعة 11 ونص خلاص عبال مايجي السوااق 12 ..

لميس : طيب خلاص .. براحـتـك

جولي : انا الحين بيجي ابوي ياخذني,,

لميس : طيب يلا قوموا معانا هناك عبال ما يجوا اهلكم..

راحو بالصالة لعند ( هبة و تماضر و إسراء )

ولا هي دقايق إلاّ دق الباب..

لميس: ايوا مين ؟؟؟

............ : وين جولي..؟؟؟ قوليها ابوتش برة ينتظرك .. خلها تطلع بسررعة..

لميس: طيب ان شاء الله ..!!

........................

لميس: جولي ابوك برة ..


جولي ارتبكت : وي طيب بسرررعة اعطيني عبايتي ..!!!

ولبست بسررعة ولا هي ثواني إلاّ طلعت ,,

لميس : وي ابووها مرة عصبي ايش دا .. كان يصرخ قوليها بسررعة تطلع انا اتظرها يلا ..!!


رنيم بينها وبين نفسها : الله يسهل امورك يارب كل دا فيك و ولا احد حاس بيك....الله يسهل امورك ياارب

هبة : ايوا استغفر الله على دول الاباء انا الحمد لله ابوي ولا هو داري عنا .. طو ل الوقت بالشركة او مسافر.. وامي الله

بس عليها دايم بالسوووق احلا شي .. !!!

تماضر : ههههههههههههههههه لا انا ابوي اصلا مو فااضي لنا اصلا اتحدى اذا كان يعرف انا سنة كم .. بس فالح

يتزوج .. الظاهر ناوي على 4 الحمدلله انه طلق امي .. ورضي اني اعيش معاها ,, بس طلعلي اخوي .. لكن امي تسكته ..

الحمدلله ..

لميس: ههههههههههههههههههههه

((((( بكيتك لين ملتني عيوني .. صبرت وطال صبري وانتظار......)))

رنيم : فين جوالي .. ياربي .. اهو اهو لقيته .. الو..!

سامي : ايوا رنيم يلا اطلعي انا برة..

رنيم: طيب دحين بطلع

سامي : هي اسمعي خذي راحتك بس احب اقلك انا ترى مو السواق

رنيم: طيب والله دحين بطلع مو مطولة..يلا مع السلامة ..لميس .. فين عبايتي.. ؟؟؟

لميس: ايش دا بس شوي اقعدي..

رنيم : لا مررة ماقدر ...

لميس : طيب تعالي..

لبست رنيم العباية وراحت تسلم على البنات ...

رنيم: يلا مع السلامة ...!!

ركبت رنيم السيارة .. وكان اخوها حاط اغنية ..

((( ياليت ربي ماخلقني .. ولا عرفت الحياة اللي بها عذبوني ..

وين السعادة والهنا وراحة النوم وين وين ..؟؟؟

لا ياحبيب العمر خلك حنوني..

جاوب صدى صوتي اناديك مظلووم مظلووم................)))

ودمعت عيونها اااااااااااااااه .. ليش انا دحين قاعدة ابكي.. ااااااه احس اني مضااايقة وابغي ابكي لاخر عمري ,, ليش احس كدا .. ياربي...!!!

سامي..: رنيم .. !!

رنيم : نعم ..

سامي: كيف انبسطتي..

رنيم : ايوا الحمدلله..

سامي : تبي عشاء..

رنيم : لا شكراا ..

سامي: هههههههههه على بالك لو قلتي ايوا راح اوقف ...!!! والله مسكييينة ..

رنيم : هههههههههههه .. الله يقلعك .. وانا عالمة اني ذوووق .. << مو وقتك ..

دحين .. عرفت ليش هبة ماهمها شي .. ولاهي خاايفة من حاجة وعاادي تقدر تطلع مع شباب .. لان ماحد يراقبها .. لا أب

مهتم .. ولام .. تعرف تربي .. الله بس المستعاان .. دحين الاباء مايعرفووا انو الابناء امانة .. في رقبتهم وراح ينسألوا
عنهم .. ؟؟؟؟؟؟!!!!
وتماضر كمان .. بس الله يستر عليهم ويهديهم ..

سامي: رنيم .. رنيم .. رنيم .. هي رنيم

رنيم : ها نعم فجعتني..

سامي : من اول اناديك .. ماتردي

رنيم : طيب ايش تبغى دحين ..

سامي: هي هي هي وصلنا يختي يلا انزلي..!!

رنيم:افففففففف الحمدلله .. والله كاني وصلت الجنة ..

نزلت .. ودخلت غرفتها اللي تشبه مدينة الاعاب .. كلها دبب..

رمت نفسها على سريرها .. ااااااااااااه دحين ايش الحل..!!!!

كيف اقدر اساعد هبة وتماضر...!!! المشكلة لهم فترة وهم كدا كلامهم كله عن الشات والشباب والمعاكسات اللي تصرلهم

وهم بالسووق ..!! ولميس بدات تصير مثلهم ياربي كل صحباتي بيغرقوا وانا اتفجر فيهم .. !!

كيف اساعدهم .. اكلمهم .. مارح يسمعووا.. انا اعرفهم ..راح يشوفوني ثقييييييييييييييييية دم .. ولا رح يسمعوا .. الله

يستر بس .. وجولي ياربي..اكيد اللي قالته ولاشي من اللي تشوفه كل يوم..

الحمدلله والله الواحد مايعرف النعمة غير لمن يشوف الناااس..الله يسهل لك امورك يايجولي..يارب

(( حبيت اسلم علييك واخذ اخبارك واذكرك بالغلا اللي تناسيته...الخ ))

ياربي مين اللي بيدق علي في دا الوقت اكييد ملاك .. مافي غيرها..!!

رنيم: الو!

ملاك : الووووووووووو..!! كيفك

رنيم : الحمد لله .. كيفك انت ..؟؟

ملاك: بخيير .. اشبك ..؟؟؟؟!! ليش صوتك متغير ..

رنيم: ولا شي بس نعساانة ..

ملاك: طبعا مو رايحة تهيصي عند لميس . وانا هنا لوحدي محبوووسة ولافكرتي انو عندك بنت خالة..!!!

رنيم:ههههههههه ..اسمعي انا بقفل دحين عشان ابغا استحمى وانام..

ملاك : نعم !! رنيم اشبك ..

رنيم : والله ولا شي

ملاك:لا فيك وفيك .. لانو انتي في اليل تتستحمي لوفيكي شي ..

رنيم:ههههههههههههههه مين قلك دي القاعدة

ملاك: انا لاحظتها ..!!

رنيم: لا حبيبتي مافي شي هالمرة ..

ملاك : طيب براااحتك بس لوحبيتي تقولي عندك رقمي ..

رنيم: ان شاء الله .. مع السلامة

ملاك: مع السلامة ..

اووووووووه .. مارح اقوولها اللي صار اليووم .. ملاك مارح تفهمني راح احل كل شي لوحدي..




(( ابغاكم تقولولولي ايش تسوي رنيييم لصحباتها في رايكم..؟؟؟؟؟

وايش حل مشكلة جولي..؟؟؟ هل لها حل..؟؟؟!!!

[son of the dark]

واللــــــه اخــوي ما زبط معاي..فمشيت حالي كدا..................

ايش رايك اعلمك كيف تعملي زيو انا ف الخدمة دائما^^

=================================================

امسحي هالدموع الي من عيونك .. واضحكي .. عشان الدنيا تضحكلك

عجبتي مرة كثير هالجملة وصراحة تكلامتها مرة حلووة مسكينة (جولي) كسرت خاطري ليش خليتي كدا اهلها قطعت قلبي ايش دا الحالة ربي يبعدنا من هذي الناس الي ماتعرف ربهم بس صراحة حمستيني للتكملة وانا انتظرها الا اتطولي علينا كثير

تحياتي سنووو

[Pink Devil]

مساء الخير حبيبتي........

يمكن أنا إتأخرت عليك في الرد.......

بس ما شاء الله عليك ...... فناااااااااااااااااااانة

والقصة رووووووووووووووعة

أنتظر جديدك حبيبتي .......

[بـسـمـة خـجـل]

ياهلا فيكم ...


اخوي son << والله انو مو مرة مهتمة عايدي ماشي كدا بالعكس احسه احلا .... واذا عن جولي...ترى في ععوائل كدا وانا كان لي صحبتي كدا اهلها .. فانا دخلتها بالقصة عشان مرة مسكينة.....




---------------------------------------------------



اختي pink اهلا اهلا اهلا فيييك...ولا فنانة ولاشي والله انك بتبالغيييين يسلموووو على مرورك ..واسعدني وجودك والله ..............................

[son of the dark]

ناديني سنوو ^^ اهاا اوكية على راحتك بس حبيت اخبرك يعني ^^ " .. ياحرام والله صدق لي قالو الزمن غدار" <<<شو دخل يلااا طيب كملية

[بـسـمـة خـجـل]

ولكم الجزء الثالث..



(
( 3 ))

المأسأة

طب الحين لازم افكر مزبووووط .. ايش راح اسوي مع هبة وتماضر ولميس..جولي حخليها على جنب لين اقرب منها اكثر..


بس الحبين هبة وتمااضر .. كيف بساعدهم ..!!!!!

لقيتها...!!! راح اشتريلهم كتاب فيها قصص عن بنات تعرفوا على شباب ...!!!

ايوا صح يمكن يتعظو .. او يأثر فيهم ..!!

ولميس .. اااااااه من لميس .. دي تتاثر بالناس مرة كثييير .. لازم اكلمها..ماينفع كدا ...!!!


الله يكون بعوني دحين بخرج وروح اصلي ركعتين ادعي لهم ..

وانااااااااااااام ..

*****************************

خلاص دحين انا ارتحت بعد ماصليت ودعيت ربنا ارتحت بروووح انام والله يوفقني ..نامت رنيم وماصحيت إلا على نغمة جوالها

*************************

(((الله لا يحرمني منك ياعسى عمرك طوييل ياللي كل النااس عندي..))

يووووووووووووووه مين اللي بيدق عليا افففففففففف .

رنيم: الو..!!

لميس:اهلييييييييين .. وي يابنت لسا نايمة قوووومي يلا ..

رنيم: ايش تبي

لميس: ولا شي .. طفشااانة قلت ادق عليكي ..

رنيم: الساعة كم ..؟؟

لميس: 11 خلاص بعد شوي بيأذن يعني باقي 5 دقايق وتصير 12

رنيم:طيب انا دحين بقووم .. ارووق ودق عليكي ..

لميس: يوووووووووووه انتي ترويقتك دي يبغالاها سااعة .. عبال ماتقوومي وتشربي قهوتك وتصلي .. وتشوفي

جدولك اليومي .. تكون سارت 1 .. على العموم طيب يلا انتظرك تدقي

رنيم:طيب يلا مع السلامة

لمس:مع السلامة..

يووووووووووه .. اليوم جمعة لازم نرووح عند جدتي .. ااااااااااه مافيا .. ياربييييييي
..
يلا بس خليني اقووم . .

((الله اكبر الله اكبر............))

الحمدلله انه اذن خليني اقووم واصلي .. وشوف ايش راح اعمل اليوم لازم اروح على المكتبة عشان اشتري الكتب اللي

ابي اعطيهم اياها بكرة بالمدرسة .. وشوف ايش البس لمن بنرووح عند جدتي ..

على العشااء ياربي ايش هالحووسة .. لا هما يعملوها حفلة وفي قاعة وماعرف ايش مرة قرف مايعرفوا البساطة يعني

يلا بس خليني اقوووم .. والله يسهل ها اليوووم ..

دقت امها على رنيم

رنيم: مييييييييييييين..!!

امها: رنيم : يلا قومي..

رنيم: ايوا انا دحين كنت بقووم ..

امها : لاتنسي اليوم جمعة ,,!!

رنيم : يعني ..!!

امها : لاتنسي تقراي الكهف وكماان اليوم بنرووح عند جدتك نتعشا ..

رنيم: ايوا عاارفة مو دي بالذات مانسيتها ..

امها:هههههههههههه الله يهديك دوول اهل ابووك يعني صلة رحم ..

رنيم: مو عشان كدا انا مستحملاهم .

امها: قومي بس يلا ..

رنيم : طيب دحين قاايمة ..

**********************
توضت رنيم وخلصت صلاتها .. واكيد دعلت لهم .. وراحت على الصالة عند اهلها ..

رنيم: سلاااام ..!! وراحت تبوس راس ابوها كيفك ابويا ..!!

ابو رنيم : وعليكم السلام..! الحمدلله

رنيم: ابويا!! حبيبي

ابورنيم: نعم!!

رنيم : دحين السنة

دي اخر سنة لي بالمدرسة .. يعني بتخرج ..

ابورنيم: ادري..!!!

رنيم: طيب لمن حتخرج ايش حدخل..!!

ابورنيم : انت ايش تحبي وغير كدا نسبتك هي اللي تبين ايش تدخلي يعني النسبه لها دور كبير ..


رنيم: طيب بس انا ابغا شي مو هنا..!!


ابورنيم: ايييش..؟؟؟!!

رنيم : ابغا ادخل علم بحار..

ابورنيم : رنيم حبيبتي .. هذا شي مررة صعب .. اولا ماقدر ارسلك لوحدك برة مامعك احد ...!! وانت بنت إذا اخوك وهو ولد

ماخليناه يرووح .. ثانيا هالمجال مو معرووف يعني مارح تستفيدي شي ..!! وكيف تدخلي الغووص وانت بنت مسلمة

الحجااب فين يرووح ..

رنيم دمعت عيونها : ابويا إذا على الحجاب فاصلا هما يلبسوا زي الكاب لمن يغصوا..
ابوها: طيب انت فكري في غيره وربك يحلها ان شاء الله ..

رنيم : طيب!!
ام رنيم: يلا الغداء جاهز ..


قامت رنيم وهي ماسكة نفسها تبي تبكي بس عشان لا يقولوا عنها دلووووعة ..!!

ابوها: قولوا بسم الله ..!!
امها : اليوم ترى بنروح عند امك عشان اختك جات امس من المانيا هي وزوجها ..!!

الاب : ايوا .. أدري كلمتها ..

سامي: ابوي انا ماحقدر اجي بروح مع اصحابي..

الاب : تستهبل انت .. اقلك عمتك جات من المانيا تقولي ماحجي..


رنيم : هوا كدا ماتعرفه يحب يستعبط ..

سامي: والله وانتِ اشلك انا حرّ ..!

الاب: المهم بتجي والبس الثوب الجديد حقك .. بلا هالبناطيل والتيشرتات المسلتحة اللي كنك فلبيني ..!!

سامي: كمان البس ثووووب !! طيب بس الله يعدي هاليوم ..
رنيم : الحمدلله شبعت ..

الام : اشبك غريبة ماخلصتي صحنك .. مع انك تحبين المكرونة دي..


رنيم: لا عاشن دوبي صحيت .. يلا بروح اشووف ايش البس على العشاء الخطيير اللي بنروحله دا ..!!


****************
ياربي اففف مابغا اخرج مالي نفس اشووف احد .. لا ودحين بيجوا يعملولي حفللة وهيصة وقومي ارقصي وقومي

مادري ايش اعملي ولا التاني دا ولد عمتي المتخلف (( عبدالله )) بيجي يسويلي فيلم غراامي .. .. ايش البس خليني اقوم دحين افك الدولاب بس الله يستر لتطيح علي الملابس..

مممممممممممممممم ايش البس .. البس دي التنورة لا قصيرة مرة ودا عبدلله عيونه طويلة خصوصاً انهم بيخطبوني ليه والله ماتزوجه بلا هبل ..!! المهم دحين ايش البس افففففففف!!!


((الله لا يحرمني منك ياعسى عمرك طوييل ياللي كل النااس عندي...))

رنيم : الو!
لميس: الوووووووو!

رنيم : ايوا هلا!! اشبك ..

لميس : لا والله .. انا ايش قلتلك دقي عليا مو ..!

رنيم : يوووووووووووه والله مرة نسيت معليش ..بس عشان اليوم رايحين عند جدتي فمرة ماعندي وقت لسا اطلع لبسي واسوي شعري وخراااابيط ..!!

لميس: اهاااا طيب خلاص لا عطلك ..

رنيم : لا وي اسمعي قوليلي ايش البس..!!!

لميس: طب انت اوصفيلي ملابسك وانا اختار..

رنيم : طيب عندي التنورة البيضة اللي اول لبستها في حفلة اختك ..!! مع بلوزة جديدة اشتريتها لونها احمر بودي

وفتحت الصدر حقها سبعة .. مع حلق شوي كبير من دون سلاسال يجي حلوو..
لميس: ايوا دا حلو
رنيم: ايوا حلوو بس في مشكلة ..

لميس : خير يخنتي ..!!

رنيم:ههههههههههه لا بس دا عبدالله .. عيونو طويلة ..

لميس: اها دا اللي يحبك ههههههههههه

رنيم: ايوا المتخلف دا ..! يعني التنورة مو مرة قصيرة ليين الركبة بس البلوزة مرة .. وبعدين هي مخصرة يعني كل شي
حيبان ..
لميس: يا عيني يا عيني..!! وعاد انت جسمك ماشاءالله تبارك الله حلوو..

رنيم : بلا استهبال منجد بتكلم.

لميس: والله منجد ماتريق..

رنيم : طيب يلا قوليلي ايش البس...!اففف ياربي..

لميس: انت بس تتأففي ..! ايش عندك تاني..يعني محترم عشان اللي ميت فيك دا ما يموت بزياادة ..

رنيم: ههههههههههههههههه في بنطلون رصاصي واسع برمودة مع بلوزة بودي فيها ترتر من فوق خفيف فوقها زي الجكت صوف رصاصي ...! عرفتيه ..

لميس : ايوا ايوا دا حلووو عليك البسيه ..!

رنيم: بس مايناسب حفلة عاد انت تعرفي حفلات العائلة حقتنا تكون كبيرة
لميس:ايوا والله ..!

رنيم: في فستان جديد اشتريته .. شكلي حلبسه ..!!

لميس: كيف شكله..؟؟

رنيم: ولا شي اسود قطيفه .. مخصر من فوق والفتحة الصدر سبعة عليه حزااام من الوسط مايل كدا زي السبعه لونه فضي ..

لميس: حركاااااااااااااات يلا البسيه دا

رنيم: طيب شكررررررررررررررررررررررررااااا مرة كثير

لميس: عفووووووا مرة اكثر ..

رنيم: طيب يلا مع السلامة


لميس : يلا مع السلامة..

***************************

رنيم : اميييييييييييي!! تعالي شوفي ايش حلبس

امييييييييييييييييييي

امها : نعم دحين بجي..

رنيم : طيب !

امها يلا وريني ..!!

رنيم: هذا الفستان.. ودا الحلق .. وماحلبس سلسال .. خلاص الحلق يكفي..

امها: اهااا طيب حلو وشعرك كيف بتسويه ..

رنيم: ولا شي(( فلوو)) او يمكن اسوي خصل بال(( الفير بسيطة ..))

امها: اها طيب خلاص كويس..يلا ابداي جهزي اغراضك

ودي البس خليها تكويه .. وشوفي العباية اللي تبي تلبسيها ..!!!
طيب..

رنيم : طيب !!!

(( الله اكبر الله اكبر........................)))

رنيم : اذن العصر ..!! طيب مرررة مافي وقت يدوب اصلي واعمل شعري والميك آب وراح يأذن المغرب اصلي والبس ..!!

خلصت رنيم صلاتها.. ولبست وسوت كل خرابيط البنات..والحوووسة الي يسوها..
.................................................. ......................

رنيم : امي تعالي شوفي شكلي خلاص كدا كويس....!!!!!

امها : طيب ..... ايوا مرررررررة كويس يلا بس خلينا نمشي ترى تاخرنا مرة ..

رنيم : يلا بس البس العباية انت انزلي دحين لحقتكم..
.................................................. ................

[بـسـمـة خـجـل]

دخلت رنيم على هالحفلة وكانت ملكة جمال هالحفلة كل العائلة يطالعوون فيها ..

دخلت وقعدت في الكرسي وكانت اشبه بالاميرة في يوم تتويجها للملك

وطبعا كل الشباااااااااااااااااااااااب (( اولاد العائلة )) طاحو فيها من نظرات ومن غمزاات ... واللي قام وقعد معاها .. وكلو كوووم و
(( عبدالله )) كووووووووم ثاااني ..

جاتها عمتها ام عبدالله : كيفك حبيبتي رنوووم ..

رنيم: بخير الحمدلله ..

عمتها : قومي ارقصي يلااا ..

رنيم: لا وي في اولاد هنا ماقدر ..

عمتها : يلااااا بلاش دلع ..

رنيم : لا لا لا!!!

عمتها : طيب انا برووح اسلم على اهل زوجي واجي ..

رنيم : طيب..!!

ملاك : رنيم رنيم !!

رنيم: نعم ..!

ملاك: شوفي مو كنه هذا عبدالله جاي علينا..

رنيم:ايوا والله خليني اقووم ..

ملاك : بلاهبل باين انك تتهربي منه خلاص اقعدي ..

عبدالله : سلام عليكم ممكن اقعد معاكم..
ملاك : ايوا طبعا تفضل ..

عبدالله : كيفك رنيم ان شاء الله بخير ..

رنيم : الحمدلله بخير ..

عبدالله : وكيف الدراسة

رنيم: تمام
عبدالله: إذا محتاجة شي ترى انا حااضر ..

رنيم: لا مشكوور لا تعب نفسك..

عبدالله: تعبك رااحة ..

رنيم : مشكور

عبدالله: شكلك اليوم حلو

رنيم: عيونك الاحلا..

عبدالله : رنيم .. ابغى قلك شي

رنيم : تفضل خير ان شاء الله

جاتهم عمته ام عبدالله عاد هي ماصدقت تلاقيهم مع بعض

ام عبدالله : يالله يحفظكم ان شاءالله .. شكلكم يهبل من بعييد

رنيم : ههههه شكرا انا استاذن طييب
عبدالله : فين بتروحي...

رنيم: بروح اقعد مع امي .. والبنات

ام عبدالله : الله معاك

راحت رنيم

عبدالله : امي ايش دا .. اف

ام عبدالله : ايش فيه خير ياخي اركز بلا شغل المراهقين دا

عبدالله : انت تعرفي انو انا ماصدق اتكلم معاها .. اف انا بروح ..!
ام عبدالله : على فين ..؟؟

عبدالله : مادري مادري بس ماني قاعد هنا ..!!

ملاك : رنيم الحقي ..!!

رنيم : ايش في انت وعيونك اللي زي البومة ورا كل واحد دخل وخرج..

ملاك : دوبه عبدالله اتضارب مع امه شان اللي سوته ..

رنيم : وايش يدريك..

ملاك : باين من وجهه ..

رنيم : لا تظني في احد من غير ماتتأكدي طيب..

ملاك : طيب يارنيم عبدالله يحبك من جد .. وهو مرة طيب وحنون ..

رينم : SO….What??

ملاك : عبريه .. فكري فيه .. حاولي تحبيه .. ترى لاتروحي للي تحبيه وروحي للي يحبك .. لان ساعتها راح يعيشك ملللكة

رنيم : ملاك انت من فين تفهمي .. عبدالله زي اخوي يعني ماتوقع يوم انه يكون زوجي طيب ..!! احبه واحترمه مثل

اخوي بس مو اكثر لكن هو اللي حبني ماعرف كيف .. انا طول الوقت واحنا مع الاولاد اقعد وكدا يعني انهم اخواني

بس .. لكن هو اللي فكر بطريقة الحب..

محد كان يطالع فيني غير اني اخته إلاّ اهو ..

ملاك: ايش يدريك .. اهو عندك رياان طلع يحب اخت عبدالله .. ((نورة))

رنيم : اففففف اولاد استغفرالله عليهم ..

بس تفكيرهم بالحب ..وبعدين انا اصلا في واحد يعجبني..يعني مستحيل افكر في احد غيره

ملاك : الله الله الله.. مين دا اللي اخيرا مال قلب رنيييم ليه؟؟؟
رنيم: مو حب إعجاب بس..

ملاك: ايوا طيب حب إعجاب مافرقت كلها واحد..

رنيم : لا ..
ملاك:طيب بس إعجاب من هوا..يابنت.

رنيم : لوئ ..!! اخو لميس..

ملاك : حركاااااااااات بعد السب اللي اول من حركته.
.
رنيم:لاطلعت هذي هبة تكذب..

ملاك:اها اها اها وانا اقوول اول ليش كل دي العصبية اتريه عشانك تحبيييه صح ..!!

رنيم احمرت خدودها : لا لا لا مين قاال

ملاك : طيب طيب خلاص هدي هدي .. ترى انت بحفلة يلا قومي نرقص..

رنيم : لا مابغا .. ماقدر منتي شايفة الأولاد

ملاك : مو دوبك تقولي انهم مثل اخوانك..

ام رنيم : رينم يلا قومي .. بلاش دلع
رنيم:طيييييييييب امري لله

طلعوا يرقصوا على اغنية

(( من أغلى ناسي.. من أغلى ناسي..

ياروحي قلي وش صار ومن أغلى ناسي.........................)))

رنيم .. اخذت ترقص بفستانها الطويل .. المخصر وبشعرها البني وجسمها الرشيق

كانت احسن وحدة ترقص من كل بنات العائلة ..
بحركاتها ,, محد قدهاا .. لكن .....!! في جهة تانية كان يجيها نظرات وكلام مايسر احد من طاولة (( اولاد العائلة))

ريان : اقلكم دقو دقوا على عبوود والله لا يجي ركض عشان يشووف رنوومة وهي ترقص

فهد : ايوا والله ..!! المهم دحين شوفوا البنات الله يقلعهم من اجساام


خالد : ايوا والله شوف دي رنييم .. هي وحركاتها..واااااااااو ..
الللللللله عليهم ..

رياااان : ههههههههههههههههه ... والله فاتكم عبوود انهبل ..

وجاي دحيييين بسررعة ..

فهد : والله منجده يحبها دا..

خالد : راايح فيها الولد


**********************
خلصت الاغنية ونزلوا البنات .. وكل وحدة تاخذ مكنها من القاعة .. وهم قاعدين البنات عادي..دق جوال ام عبدالله ..
ام عبدالله : نعم ..!!

المتصل : الو ..!! انت ام عبدالله

ام عبدالله : ايوا خيير ..
المتصل : يريت تدقين على الوالدعبدالله وتقليله يجي على مستشفى ((الملك فهد ))

ام عبدالله : ليش ايش في عبدالله صارله شي؟؟!!

المتصل : لا لا هو حادث بسيط وعبدالله اصيب اصابات خفيفة..

بس يريت تدقين على الوالد ويجي ..

ام عبدالله : طيب طيب دحين ..






ايش تتوقعوا صار لعبدالله...؟؟؟؟؟؟؟؟؟؟؟؟؟؟؟؟؟؟؟؟؟

[son of the dark]

ايوووة والله حمستيني كثيييييير ..

يلا انتظر التكملة..

لا تتأخر .

[Pink Devil]

وااااااااااااااااااااااااااااااااااااااااو

أولا : سوري علتأخير ...................................
ثانيا : ثانكس علتكملة والله كنت أترياها من زمان ................
وأنا في إنتظار يديدك ....................

[الظافري]

مشكوووووووووووورة على الموضوع الحلوووووووووووو

[بـسـمـة خـجـل]

اخـــــــــواني اسفة على اللي صار وقطعتي لكم .....

وشكرا لانكم اتحمستو معاي...


بس انا راح اسافر والموضوع جا فجأة فنشغلت ديك الفترة ومارح اقدر ادخل بعد كدا.....



فنزلت لكم الوراية بملف مضغوط على الورد الرواية كاملة خذها وقراؤوها برواااااااااااق على مهلمك...وانتظر رايكم لو قدرت ادخل

[بـسـمـة خـجـل]

وهذا لكم الملف.....