مشاهدة النتائج 1 الى 9 من 9
  1. #1

    ياليتني كنت الكفن يوم تمشون !!

    السلام عليكم

    .............................................

    ياللي دفنتـوا جثتـه.. ليـه تبكـون؟
    لولا الحيا..لأقـول : معكـم خذونـي
    منه انحرمت وكنت انا عنه مسجـون
    ما أذكر لمحته .. غير مـره بعيونـي
    شفته ..وكانت فرحتـي مالهـا لـون
    عجزت لأوصف .. من لمحته شجوني
    ياليتني ..كنت الكفـن يـوم تمشـون
    أبقـى معـه بالقبـر ثـم تدفنـونـي
    أو ليتني .. من خلفكم كنت (مجنـون)
    أتبع خطاكـم والعـذر هـو : جنونـي
    أبكي وراكم .. وأدعي ان كان تدعون
    مايكفي انه عـاش عمـره بدونـي؟؟
    تكفون < هاكم عمري اليـوم تكفـون
    برخـص حياتـي دام خابـت ظنونـي
    مافادني صبري !! ولا فادنـي عـون
    ولا فادني دمع(ن) .. حرق لي جفوني
    ياما بكيتـه والبكـي يحـرق عيـون
    ميت أو انه حي .. دمعـي بعيونـي!!
    العام كان بفرحتـه.. يعـزف لحـون
    واليوم ؛ تحت الأرض .. ماهو بكوني
    لكن أنا في فرحتـه.. كنـت مدفـون
    فوق الثرى .. واليوم موته سجونـي
    (سميت قلبي عقـب فرقـاه ملعـون)
    هو و الليالي .. عن هنـاه امنعونـي
    ياليتني.. ماعشـت لحظـه بهالكـون
    وياليت ربعي .. في سكات اذبحونـي
    وياليتكم .. عن همّي اليـوم تـدرون
    منه انحرمت > ومن عزاه .. احرموني
    حتى بوفاته !! يوم أنا طحت مطعـون
    أخفيت طعناتي .. قبـل لا يفضحونـي
    بكيت!! لكـن .. ماتظاهـرت بالهـون
    أبكي وأقول : الموت هو سبة طعونـي
    وإن كان في حبّـي أنـا ..ماتحسّـون
    دلوني لقبـره .. وهنـاك ..اتركونـي..
    . . . . . . .
    مع التحيـه..


    .....................................






    attachment

    °¨¨¨™¤§ô¤][.!!.

    ان للمدارس عائدون وللنوم مودعون ومن الحصص شاردون وللمعلمات مجنون وللنت مفارقون

    !!][¤§ô¤™¨¨¨°




  2. ...

  3. #2
    بصراحه روعة تسلمين عالكلامة الرائعة

    الله يعطيج العافية

    وتسلم اناملج الذهبية الي صفت هذي الكلامت الرائعة

    ربي يوفقج ان شاء الله

    وصح شخبارج اختي؟؟

    عساج مرتاحه

    وينج ما تبينين بصراحه لج وحشه
    wolfman

  4. #3
    اهلين ولفوه مشكور ع مرورك اللي فرحني خخخ
    انا الحمدلله تمام انت شحالك؟
    والله اني موجودة بس محد معطني ويه ياحسره
    خخخخخخخخ

  5. #4
    مشكوره اختي على القصيده الاكثر من رائعه ..

    لا تحرمينا من جديدك ..

    بالتوفيق ..

    اختك سالي ..
    4782c611598a9986891a8a40666c39ad

  6. #5
    اهلين ولفوه مشكور ع مرورك اللي فرحني خخخ
    انا الحمدلله تمام انت شحالك؟
    والله اني موجودة بس محد معطني ويه ياحسره
    خخخخخخخخ
    العفو اختي هذا واجبي واقل من واجبي

    دووم الفرحه هب يووم

    انا حالي من حالج

    افاا من هب معطنج ويه انتي اشري وانا بعلمه الادب

  7. #6

  8. #7
    تسلمين عالكلمات المعبره

    وسلمت يمناك الي كتبت هذي الكلنات

    وبالتوفيق

    اخوك

    كيلوى زولديك

  9. #8
    شكرا جدا اختي
    على هذا الشعر الرائع بل الخطير
    وننتظر مذيدك
    وبالتوفيق دائما
    7a274d268cadfdf9c36142c997cdbed5
    ...
    We will rise again


  10. #9
    يا هلا بيكم جميعا
    تسلمون ع المرور
    ويزاكم ربي الف خير
    فمان الله!!

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter