املي في الحياة (قصة حب رومنسية )رووووووووعة

[لحظة تأمل]

مشكووووووووووورة على موضوع

[روائع]

مشكــــــــــــــــــــــــــــــــــــــــورررررر
بس البارت مره قصييييييير
شوقتينا بما فيه الكفايه
كمليه بسرررعه بليز

[الفارسه البيضاء]

القصه مررررررررررره حلوه ياليت تكمليها

[دموع الأثير]

الجزء الثالث عشر:

دانه راحت اتصلي ويا ساره و شيماء...لما خلصو رجعت دانه للماسنجر بس مالقت دلع<<قيس>> فكلمت صديقتها زهره...أتصل أبو وليد لساره و قال لها أنه بيجي لها بعد نص ساعه يعني تجهز نفسها.

جهزت كل شي و قعدت تسولف ويا شيماء.
شيماء:سارو أتحبي اتسافري.
ساره:يعني مو واجد..وأنتي؟!
شيماء:أمووووت في السفر و خصوصي أذا بنروح سوريا وأعشق الباص عشق مافي زيه.
ساره:أنتو في كل أجازه تسافرو؟!
شيماء:هيه الحمدلله.
ساره:وين اتروحو؟!
شيماء:رحنا سوريا ست مرات و لبنان مرتين و الأردن و أيران و الكويت و قطر و رحنا مكه والمدينه ثلاث مرات و البحرين ماأعتبرها سفره لأن مابين شهر و شهر انروحها.
ساره:ماشاء لله..و وين بتروحو هلسنه.
شيماء:يمكن انروح سوريا..عمري مابشبع منها أحبها موت.
ساره تصغي لصوت الي تسمعه:شيماء في أحد يعزف على البيانو.
شيماء سمعت الحن فتحت الباب اشوي علشان تسمع عدل:الله وحشني عزفه.
ساره:من الي يعزف؟!
شيماء:هادي.
ساره:كيف عرفتي أنه هادي؟!
شيماء:مستحيل ماأعرف الحن الي يفضله حبيبي.
ساره ابتسمت لها و قعدو يصغو للحن..فجئه اتغير الحن وصار لحن حزين مايل على الخشونه.
ساره:ليش غير الحن الي قبله أحلى.
شيماء بحزن:هذا لحن جواد مو هادي.

ساره كانت بتسأل شيماء ليش لحن جواد حزين بس حسته سؤال سخيف و ماله داعي.

دق عليها أبو وليد و قالها أنه قريب ويجي يعني تنتظره برى...وهي تمشي ويا شيماء لفتت أنتباها المكتبه الي في الصاله وقفت عندها.

ساره:أول مره أشوف هلمكتبه.
شيماء:لأن جواد توه شارينها و ما لاقت مع غرفته فحطها أهني.
ساره بدهشه:يعني كل هلكتب لجواد.
شيماء:هههههه لا عاد مو لهدرجه..نص الكتب له و الباقي لأمي و أبوي...جواد يحب يقره خصوصي الكتب الي عن النفس البشريه.
ساره(شكله من كثرة الكتب الي يقراهم اتعقد..اصلآ هو يبغى له أحد يحلل شخصيته مو هو يحلل شخصية غيره)
لفت أنتباها كتاب فوق الكتب(يعني من شكله يبين أن أحد كان يقراه)أخذته قرت عنوانه_تكامل الشخصيه_أتصفحته بهتمام شيماء لاحظت أهتمامها بهلكتاب.
شيماء:أذا تبغي تقريه خذيه.
ساره:حق من الكتاب.
شيماء عارفه أنها أذا قالت أنه حق جواد ساره بتنحرج مابتاخذه:الى أبوي وهو مو فاظي حق يقراه فعادي تاخذيه.
ساره تبتسم:شكرآ.

_________________

#غرفة قيس#

سكر الماسنجر وراح يصلي بعد ماخلص أنسدح على السرير يفكر في الورطه الي حط نفسه فيها وهو يفكر طرت على باله فكره و عجبته اكثير...يووووه أنا ليش ماسويت جذي من الأول كان بيمديني أسمع صوتها وقت ماأبغى...خلني أروح ألحق على عمري وأشوف كان فيه يبيعوه لو لأ.


طلع من البيت و راح يشتري الشي الي يبغاه و رجع البيت وأول شي سواه أنه دخل على الماسنجر و كلم دانه.

(شيماء كانت ويا دانه لما دخل عليها قيس)

ماأبي الحب الا منك:هلا.
أحب أعيش حياتي و أعيش في قلوب أعز ناسي:أهلين وينش أتأخرتي.
ماأبي الحب الا منك:لأني كنت ويا أخوي عشان جوالي.

شيماء:قولي له يتصل لش .

أحب أعيش حياتي و أعيش في قلوب أعز ناسي:زين عجل بدق عليش.
ماأبي الحب الا منك:لا مايمديش تدقي علي لأن أخوي خرب شريحتي...بس ويش صاير أول مره اتقولي تبغي تكلميني.

دانه:اففف و يش الحل.
شيماء:لا و لله ماتمشي علي الخرطه الي تخرطوها ثنينكم.
دانه متضايقه:أني وين وأنتي وين أني بديت أشك في الموضوع...أصلآ أني ماأعرف هلبنيه.
شيماء:كيف يعني؟!

في هلحظه رد قيس...ماأبي الحب الا منك:الووووووووو وينش.
أحب أعيش حياتي و أعيش في قلوب أعز ناسي:معاش.
ماأبي الحب الا منك:دانه أني عندي رقم قديم ماأستخدمه الا قليل..تبغي اتكلميني عليه
أحب أعيش حياتي و أعيش في قلوب أعز ناسي:ويش اتحارسي عطيني اياه ابسرعه.


شيماء اطالع دانه وهي أدق الرقم:حطيه اسبيكر ابغى أسمع.

دانه:الوو.
قيس(افف مو هذا وقته ينشال..اي زين أتعدل{يقصد الجهاز الي يغير الصوت..طلع ذكي})
دانه:الوو..دلع.
قيس بصوت أنثوي:هلا.
دانه أرتاحت:كيف الحال.
قيس<<دلع>>:الحمدلله..أنتي كيفيك أنشالله امنيحه.
دانه:ههههه أنقلبتي لبنانيه.
قيس(ياربي بتذبحني بضحكتها):دانه قوليلي ليش قلتي تبغي تكلميني الحين.
دانه:لحظه.

دانه:أتأكدتي أنها بنيه ممكن تدلفي برى.
شيماء:هذا جزاتي أني خايفه عليش.
دانه:شكرآ ماأبغى خوفش..أطلعي برى.
شيماء:مالت عليش يابقره.
دانه:بقره أنتين..يالصخله.
شيماء:اوفف أني أروح أشاهد أحسن لي.
دانه:أحسن..فكه.
(هم دايم جذي لما يكونو مع بعض يتشابقو بس مع هذا يحبو بعض)
دانه:الوو.
قيس:ويش فيش نقعتيني في التلفون.
دانه:لأن شيمو أختي غافتني هلغفيفه.
قيس:زين ماقلتيلي ليش قلتيلي أتصل.
دانه بدلع:ليش مو عاجبش صوتي.
قيس(ذاااااابحني):لا طبعآ عاجبني بس أبغى أعرف ليش الحين أخذتي رقمي مو من قبل؟!
دانه:لأن أختي شيمو...(قالت كل الا صار).
قيس:حرام عليش كل هلأنوثه الي تنقط مني و تقولي أني واحد.
دانه:كلامش كلام ارجال...دلع وشو هذا الصوت.
قيس(افف كان مو أنكشف خلني أسكر أحسن لي):دانه كلميني على الماسنجر.
دانه:ليش؟!
قيس:أحلى.
دانه:اوكى...باي.
قيس:فمان الله.
دانه:ماقلت لش كلامش زي كلام الرجال.
قيس(أنا لازم أعود نفسي ماأتكلم وياها جذي):ويش أسوي كل من أخوتي.
دانه:ههههه زي
قيس يقاطعها:زين أكلمش على الماسنجر..باي
دانه:باي.

قيس:اشوه كنت قريب و أنكشف..يمسك الي يغير الصوت..كل منك كنت ابنفضح كل شوي يزن..اااااااااه يامحلاة صوتها يذبح..بس يبغالي ماأكلمها واجد عشان لا أنكشف.

_________________

#غرفت ساره#

فتحت الكتاب بدت تقراه لين وصلت لجمله مأشر عليها بقلم أحمر "من شأن تكامل الشخصيه أن يشعر صاحبها بالثقه في نفسه"حست بغصه لأن هالصفه تتمنى أن تكون فيها...قلبت الكتاب و فتحت صفحة الفهرس لقت بجنب الصفحه كلام مكتوب بنفس القلم الأحمر.

المكتوب:

"في نظري أن مو كل أنسان كامل الشخصيه لأن لازم في شي يخرب عليه شخصيته مافي أنسان مايتمنى اتكون شخصيته متكامله بس لازم يسعى لهشي و يحقق طموحه.. والكمال لله...جواد(حط بجنبه توقيعه)"

ساره:الكتاب لجواد ليش شيماء قالتي أنه لخالي...قامت عن السرير حطت الكتاب في مجر كمدينتها طفت النور أخذت دبدوبها و أنسدحت على السرير...حاولت تنام بس ماقدرت تمت أتفكر بالكلام الي كاتبنه جواد أثر فيها كلامه بس ليش ماتدري.

_________________

اليوم التالي#محل الرميه الحاسمه#
(هذا مكان يتجمعو فيه الشباب حق يلعبو البولينغ يعني تقريبآ صالة رياضه)

جواد و هادي يلعبو بكرة البولينغ.
هادي:جواد..شيماء بتسوي لها حفلة عيد ميلاد؟!
جواد:ولله زين أنك ذاكر ان عيد ميلادها هالسبوع.
هادي:أكيد بذكر عيد ميلاد حبيبتي ليش ماأذكر.
جواد يرمي الكوره: توها قايله لأبوي أنها تبغى تسوي لها حفله و طبعآ أبوي وافق.
هادي ياخذ له كوره عشان يرميها:ويش بتهديها؟!
جواد:شيماء تحب الأجهزه بشتى أنواعها يعني بشتري لها جهاز.
هادي:وشو الجهاز؟!
جواد:يمكن استيريو لأن الأستيريو الي عندها اخترب.
هادي:اهااا...جواد في واحد جاي جهتنا دور شوف تعرفه.
جواد لف شاف سلمان فتقدم له سلم عليه و سولف وياه..

.....

هادي راح مواقف السيارات لسيارة جواد عشان بياخذ منها حاجه اليه.

تم يدور الشي الي يبغاه بس مالقاه و لما كان بيطلع أنتبه لصورة ساره و جواد.. اتذكر ان جواد خلى صديقه يصوره هو وساره عشان سالفة شيماء...غريبه لحد الحين محتفظ بالصوره ليش ماعطاها شيماء..يمكن نساها..بعد اشوي بقوله عنها..حط الصوره في الطبلون حق السياره ورجع للمحل.

.....

سلمان:ها جواد مو قلت بتجي تتغذى عندنا
جواد:هههه أصلآ أنا مايمديني اتغذى في البيت تبغاني اتغذى عندكم.
سلمان:ليش
جواد:على حسب دوامي في المستشفى.
سلمان:يعني أنت اشتغلت..مبروووووك..اممم من الي كان وياك.
جواد:هادي ولد خالتي..في هالحظه جى هادي..جواد عرفهم على بعض وتمو يسولفو لين كل واحد فيهم راح بيته.

_________________

[دموع الأثير]

بعد يومين #غرفة فاطمه#

فاطمه:اوكى راشد بس ربع ساعه و بخلص .
راشد:فطوم حبيبتي مو تتأخري أنا ماأصبر.
فاطمه:عشر دقايق و تعال.
راشد:زين بس ماأبغاش تتأخري لأن مالي خلق حق هذرة قيس.
فاطمه:ههههههه خلاص مابتأخر.
راشد:مع السلامه.
فاطمه:الله يسلمك.

حوراء:وين بتروحو؟!
فاطمه:بس بنتمشى بسياره.
حوراء:أهااا.
فاطمه:صح ماقلتيلي ويش صار لما رحتي بيت أهل رائد.
حوراء عافسه وجهها:جنانو كانت اهناك.
فاطمه:ويش فيش تقوليها جذي.
حوراء:لأني ماطقتها من أول ماشفتها ماقدرت ابلعها حسيت بغصه و ماتنحب و مو حليوه.
فاطمه:عاد زوديتها مو لهدرجه.
حوراء:بلا زودتها بلا بطيخ..هي ماتنطاق.
فاطمه:أعترفي أنش اتحبيه و تغاري عليه.
حوراء:مافيها شي لو غرت عليه لأنه خطيبي.
فاطمه:زين عورتي راسي ممكن تطلعي برى عشان أجهز.
حوراء:اوفففففف.

_________________

#بيت أبو جواد#

ساره أتصلت لشيماء و قالت لها أنها بتجي لهم (عشان تعود الكتاب).

شيماء:دانوو..ساره بتجي بعد اشوي ماتبغي تقعدي ايانا.
دانه بشكل جدي:شيمو في حاجه صارت و أبغى أقولها لش.
شيماء:ياي وناسه أحب السوالف يللا قولي.

دانه راحت اتسكر الباب و قعدت مقابل شيماء.

دانه:من قبل يومين كنت أني نازله عشان أشرب ماي و شافتني تينا قالتلي أن ساره بعديه ماتدخل أني قلت يمكن مستحيه فرحت برى بس قبل ما أطلع لها سمعتها تتكلم وياجواد.
شيماء:أي و بعدين ويش اسمعتي.
دانه: ماسمعت كلامهم من أول بس أسمعت ساره تقوله أنه طاح من عيونها و أنها تكرهه وهو قال لها أنها ماتهمه و طلع.
شيماء:متأكده من الي تقوليه.
دانه:أكيد..بس أبغى أعرف ليش ساره تكره جواد أكيد سوى لها شي.
شيماء:أني أعرف بس لاتقولي لأحد.
دانه: مابقول يالله قولي.

(قالت لها كل الي صار).

دانه:هالحقير الي مايستحي على وجهه كيف سمح لنفسه أنه يسوي جذي
شيماء:بس هو كان
دانه تقاطعها:مهما كان عذره الي سواه غلط...وين الصوره الحين.
شيماء تضرب جبهتها:يوووووه نسيتها ماأخذتها من عند جواد.
دانه:روحي أتصلي له أسئليه وين ودها يالفالحه.

تركتها و راحت تتصل لجواد بس مارد عليها و تمت ادق عليه ليما زهقت و راحت اتعدل نفسها عشان ساره قربت توصل لهم.


جت ساره عودت الكتاب و قعدت تسولف مع شيماء...هي كان في بالها أنها بتقعد اشوي ه تطلع بس سوالف شيماء ماتخلص ولا ينمل منها فقعدت وياها مده أطول...طرى على بال شيماء أنهم يلعبو لعبة الصراحه فلعبوها(مع انها ماتناسب أثنين يلعبوها بس لعبوها)

ساره: ماعندي أسئله.
شيماء: عادي أي سؤال يخطر على بالش.
ساره: أممم من هو أقرب شخص لش؟!
شيماء ببتسامه:معروفه جواد.
ساره:ليش؟!
شيماء:أولآ لأنه أخوي الكبير و مفروض اني أحبه وأني أحبه...ثانيآ هو الوحيد الي يفهمني ويدللني و يراعي مشاعري و يحبني و حنون وطيب...الله يهني الا بتاخذه
ساره(قولي الله يعينها بتاخذ واحد ممكن يخونها في اي لحظه)>>>{ولا اتغيرت نظرتها}.

.......

دخل سيارته الكراج و توه بيدخل داخل الا ويشوف تينا تنظف الزراعه.
جواد:تينا لما اتخلصي نظفي سيارتي من داخل.
تينا:أنا مايئرف.
جواد:بس رتبيها و بخريها لأنها نظيفه ماتحتاج لتنظيف.
تينا:زين بابا.

عطاها مفتاح السياره و دخل داخل البيت...شاف ساره و شيماء وهم يلعبو في الصاله.

جواد:السلام عليكم.
شيماء و ساره: و عليكم السلام.
شيماء: عمرك طويل تونا اتكلم عنك.
جواد يجلس على الكنبه:ليش تتكلمي عني و ويش قلتي؟!
شيماء: قاعدين نلعب لعبة الصراحه و ساره سألتني من هو أقرب شخص الي فأني قلت أنت.
جواد قام من الكنبه و راح أخذ غرشة ماي و قعد جنب شيماء:بلعب وياكم..فر الغرشه و صارت على جهة شيماء.
جواد:يللا بسألش..لحظه أنتو حالفين تجابو صح مو.
شيماء:هيه حلفنا.
جواد ببتسامه عريضه:سؤالي من قسم لقسمين...لو مثلآ اجي أقولش أن هادي خطب ويش اتسوي.
ساره(ويش هالسؤال المحرج)
شيماء سكتت اشوي: بكيفه مالي دخل فيه.
جواد:أوكى و أذا كانت الا خطبها دانه ويش اتسوي؟!
شيماء بنبره زي الصراخ:كان أذبحه كفايه أنه بيكون لاعب علي طول هالسنين و أخر شي يخطب و مايخطب الا أختي عدمو البنات الا
جواد يقاطعها:بس خلاص هدي مو سؤال أكلتيني بقشوري.
شيماء:عشان مره ثانيه تسألني سؤال عدل مو جذي...فرت الغرشه و جت على جهة ساره...أممم أبغاش تشبهيني أني و جواد بشي.
ساره:مافهمت.
شيماء:زي لين قلت لش أنش قمر يعني من جمالش.
ساره استحت:لحظه بفكر..بعد دقيقه وشوي..أنتين زي الطير..الطير مايقدر يثبت في مكان يحب اسافر وهذي الصفه فيش..الطير دايم يغرد وما يسكت وأنتي ماتقدري تسكتي وماتسولفي..في بعض الطيور تتأقلم بسرعه وأنتين ماشاالله اجتماعيه وبسرعه تتأقلمي..الطيور مره احليو وأنتين احليوه وتهبلي.
شيماء:جبتيها شكرآ هذا من ذوقش...يلا شبهي جواد.
ساره طلعت فيه ودارت وجهها لجهه ثانيه: البحر.
شيماء:كيف يعني؟!
ساره: ساكته

[دموع الأثير]

بعد ساعه تقريبآ سمع دق على باب غرفته.
جواد:الباب مفتوح.
هادي: السلام عليكم.
جواد:و عليكم السلام
هادي:سلامات ماتشوف شر عافك الله.
جواد:بل وتبغاني أرد على هذيل كلهم
هادي:عادي مافي اشكال
جواد:الله يسلمك و الشر مايجيك و الله يعافيك.
هادي:ههههه مافيك شي كيف خالتي تقول أنك بتموت وحالتك حاله ومادري شو
جواد:يعني ماتعرف الأمهات لازم ايمصخوها
هادي:انزين ممكن تقولي السبب الي خلاك ادخن .
جواد:صورة ساره..ماأدري وينها أخاف تكون طاحت في الشارع لما صدم
هادي:الصوره في سيارتك.
جواد:أنا فتشت سيارتي كلها و ماشفت الصوره
هادي:بس أنا حطيتها في الطبلون لما رحنا*الرميه الحاسمه*بس نسيت و ماقلت لك.
جواد:أنت متأكد
هادي:مليون بالمئه
جواد:أنا دورت عليها في الطبلون بس مالقيتها
هادي:يمكن أحد ركب وياك وأخذها.
جواد:ماحد ركب وياي غير العيله
هادي:يعني احمد ربك ماراحت لأحد غريب
جواد:أشكرك ريحتني اشوي.

_________________

طول ماأهي في السياره وهي اتفكر ولما وصلت البيت ماكان عندها مزاج حق تتعشى وعلى طول راحت غرفتها..ياربي أني ليش قاعده افكر به كنت افكر في الموقف الي سواه بس..بس الحين افكر في كل شي يتعلق به..لايكون لالالا أني أكيد امخرفه و أصلآ حتى لو كان جذي مو بهالسرعه مامداني...اوففف خلني أنام أحسن لي.

_________________

مكالمه تلفونيه بين قيس<<دلع>>و دانه.

دانه:عاد تعالي الحفله ورى بكره أبغى أشوفش.
قيس(ياريت):ماأقدر عندي ظروف.
دانه:حاولي عاد.
قيس:قلت لش ماأقدر
دانه:اوفففففف
قيس:انتي بتطلعي اليوم؟؟؟
دانه:هيه باروح أشتري لي اثياب حق العيد ميلاد.
قيس:وين بتروحي.
دانه:بعدي ماأقرر.ليش تسألي؟؟؟
قيس:أني باروح أشتري لي ثياب وأبغى أعرف اي مكان بتروحيه يمكن أشوفش اهناك.
دانه:مافكرت أنتي وين بتروحي؟؟
قيس:مجمع الواحه
دانه:ماأحس أنه لذاك الزود
قيس:أنتي روحي ولا عليش
دانه:اوكى بقول لأخوي مع السلامه.
قيس:الله يسلمش

قالت لجواد و شيماء أنها تبغى اتروح الواحه و اتصلت لقيس<دلع< عشان تقوله أنها بتروح.

*مجمع الواحه*

دانه أتصلت لقيس<دلع< بس طلع لها مقفل فقعدت تتسوق هي وجواد شيماء..وهم يمشو رن جوال جواد

جواد:الوو
المتصله بتردد:السلام عليكم
جواد(ويش هالصوت اجنن):وعليكم السلام
المتصله:كيف الحال
جواد:الحمد لله بس من وياي؟؟؟
المتصله:أنت جواد مو
جواد:لحظه...باروح اشوي و باجي لما اتخلصو دقو علي...اتباعد عنهم وجلس على كرسي من الكراسي الموجوده.
جواد:هلا
المتصله:عندك أحد
جواد:مو مهم ماقلتيلي من وياي ويش بغيتي؟؟
المتصله:من أني سوري ماباقولك
جواد:اوكى من وين جبتي رقمي.
المتصله:بتصل فيك بعدين..مع السلامه
جواد: الله يسلمش..من هي هذي أول مره أسمع صوتها..يالله بعدين بعرف.

.....

دانه و شيماء ماأنتبهو لقيس الي طول ماهم يمشو هو وراهم بس من بعيد لين دخلو للمحل الي يتمنى انهم يدخلوه..دخل وراهم (الشاب الي يبيع في المحل واحد من معارف قيس من جذي اتفق مع قيس على انه يبدله اذا دخلو محله )جلس قيس مكان صاحبه
شيماء:شوفي دانو الشاب أحلى من الي قبله.
دانه ملتهيه في البدله الي عندها:افخر فيه خله يولي..شوفي هذي حليوه.
شيماء:اي اتهبل يالله بسرعه ماأحب الأسواق
دانه:اني بعد رجايلي عوروني...بكم هذي؟؟
قيس(ماورى اتكلمتي)سوى نفسه يقرى جريده وما سمعها.
دانه:ويش فيه دا مايسمع(هذا الي شفته في مزايا الغذاء).
شيماء:خلصيني أسأليه.
دانه:بكم هذا؟؟
قيس: ب175 ريال بس عشانش ب150.
دانه(احلف)فتحت شنطتها وطلعت 200 ريال وعطته البدله والفلوس.
قيس أخذ البدله وحطها في كيس:اتقابلنا من قبل مو.
شيماء قرصتها دانه وساسرتها:وين شفتيه.
دانه:اي عورتيني ويش دراني..هيه شفته في مزايا بعدين أقولش.
قيس عطاها الكيس والباقي 50 ريال:ماجاوبتيني.
دانه أخذت الخمسين:عندش خمسه وعشرين؟؟
شيماء:لحظه..طلعت خمسه و عشرين وعطتها
قيس:قلت لش ب150 يعني يبقى لش .50
دانه حطت الخمسه و عشرين على الطاوله:اذا ماتبغاهم وديهم للفقاره أحسن..طلعت هي و شيماء.

_________________

ساره كلمت حوراء و أمل..قالتلهم عن حفلة عيد ميلاد شيماء و اتفقو أنهم يجتمعو في بيت جد ساره عشان يروحو محل الهدايا القريب منه..بعد ماأشترو الهدايا رجعو بيت جد ساره.

حوراء:سارو شغلي المكيف الجو حار
ساره:فاظيه لش قومي شغليه انتين لا تقولي تستحي لأنش اتعودتي على البيت
حوراء راحت شغلت المكيف و جلست جنب ساره
حوراء ادز ساره: شخبار حبيب القلب
ساره:اي حبيب
حوراء:ماتعرفي اي حبيب
أمل:يمكن عندها أكثر من واحد
ساره:بلا مصاخه
أمل:صحيح حوراء أنتي شفتي جنان غير هذيك المره
حوراء:ويع لاتجيبي لي طاريها اتلوع جبدي على طول
ساره: كل هذا على ان هي تحب رائد ماليها ذنب اذا هي حبته لأن الحب ما يجي على كيفش و لا هواش
أمل:حوراء *أني بعد قلت *(هالكلمه يقولها أذا يتمسخرو)ان ساره ماتحب
حوراء: قلت قبلش امبين عليها ماتحب
ساره:ويش فيكم عليي لو أحبه كان انتو أول ناس بتعرفو
حوراء:زين زين ماتحبيه بس روحي جيبي لي ماي.
ساره:أخدمي نفسش ابنفسش ماأقدر أقوم وأتعب نفسي عشانش
حوراء:مالت عليش ماتعرفي اسلوب الضيافه.
ساره:خليته لش
أمل:جيبي لي بعد

[دموع الأثير]

حوراء راحت عشان تشرب ماي بس لما جت بتدخل سمعت حركه في المطبخ مادخلت بس طلت شافت سلمان بس عاطنها ظهره يعني ماشافها..رجعت لهم

أمل:ماجبتي لي ماي
حوراء:يووووه نسيت
أمل:أني عطشانه
ساره:جيبي لنفسش
أمل:أنتين ماعندش الا هالجمله قولي شي مفيد
حوراء:جيبي لي أياش.
أمل:توش شاربه
حوراء:عادي أبغى بعد

راحت أمل المطبخ أخذت لها كاس شربت ماي و لما جت بتصب لحوراء دخل سلمان من الباب الثاني
سلمان(متشقق):السلام عليكم..كيف الحال
أمل(حدها مستحيه مو عارفه شتسوي)ماردت أخذت الكاس و دارت عشان اتروح
سلمان:على الأقل ردي السلام
أمل:وعليكم السلام
سلمان:وحشتيني{مصخها}
أمل صار وجهها مو بس طماطه الا أكثر.. فضلت أنها اتروح ابسرعه قبل لايقول شي ثاني

_________________

اليوم التالي#بيت ابو جواد#

ساره أول الواصلين لأن شيماء طلبت منها تجي قبل المعازيم عشان تمكيجها لأنها تعرف للمكياج..مكيجت دانه أول عشان تتفرغ لشيماء لما خلصت دانه راحت اتبدل في غرفتها..ساره مكيجت شيماء و لما خلصت طلعت من الغرفه عشان شيماء تبدل ثيابها..توها بتروح غرفة دانه الا تسمع جواد يناديها فتغطت.

جواد:ساره شيماء في الغرفه
ساره:في غرفتها بس لاتدخل لأنها بتبدل.
جواد:وأنتي ليش متغطيه؟؟
ساره:متمكيجه.
جواد:أهااا
شيماء من داخل الغرفه:ساااره..ساااره
ساره:نعم
شيماء:تعالي اشوي
جواد:ساره دقي على جوالي شوفيه في غرفتها.

ساره دخلت الغرفه:ويش تبغي؟؟
شيماء:السلسال علق في شعري.

شالته من شعرها و لبستها السلسال..أخذت جوالها دقت على جوال جواد(شيماء سجلته عندها)
رن الجوال تحت السرير أخذته لا أرادي طلعت في الأسم..امسجل رقمي عنده!!ليش امسميني جذي؟؟؟!!!

(مابقول لكم الأسم خلو فضولكم يشتغل)

طلعت لجواد عطته أياه قالها اتقول لشيماء تسرع لأنه بيوديها الأستيديو حق التصوير

.....

بعد ساعه و نص أمتلاء بيت أبو جواد بالمعازيم (عاد شيماء معارفها واجد ماشاء لله)قبل ماتدخل شيماء حطت دانه غنية ليلة عيد الى أيوان..الكل أنبهر من جمالها و أنوثتها..بدى الرقص حوراء و ساره باهرين الكل برقصهم و من غنيه لغنيه..جى وقت تقطيع الكيكه راحت دانه لشيماء
دانه تساسرها:في مفاجئه الش اسمعيها الحين.

رنة دانه على جواد و جواد قال لهادي يبدئ في العزف شيماء عرفت عزفه على طول...هادي يعزف لي يابعد عمري.
دانه:شيمو قصي الكيكه لاتفشلينا.

قطعت الكيكه و لما خلصت رنة دانه على جواد و جواد سوى حركه لهادي.

هادي وقف العزف و أخذ المايكريفون:أهدي هالمعزوفه الى حبيبة قلبي صاحبة الحفله.

كل البنات طلعو في شيماء الي وجهها صار حدث ولا حرج فشلانه و مستحيه لحدها.

هادي:شيماء أنا طلبتش من أبوش أتمنى ماتخذليني..أحبش من كل قلبي.

أرتفعت أصوات البنات الي تصفر و الي تصفق والي اتبارك ومن هذا القبيل بس شيماء كانت مو عارفه هي تفرح و لا تحمق على فشلتها أصلآ هي مو مستوعبه الي صار.

.....

بعد ماطلعو كل الناس راحت غرفة جواد دقت الباب سلعت صوته دخلت.

جواد:هلا و لله..راح لها مسك ايدها وداها غرفتها فتح الباب..اتوقعت أنش تجي لي قبل ماتجي غرفتش..ويش رايش(أشر على الأستيريو).
شيماء:يااااي مشكور ياقلبي الله لايحرمني منك.
جواد:تعالي باراويش شي...
شيماء:الله لاب توب ماكنت أتوقع أنك بتشتري لي.
جواد:هذا مو من عندي..ببتسامه خبيثه:هدية هادي.
شيماء أستحت: ساكته
جواد:بتركش اجمعي أفكارش..تصبحي على خير.

_________________

اليوم التالي:

ساره أتصلت لسلمان و قالت له أنها بتجي تتغذى وياهم..بس لما راحت البيت مالقت جدتها و سلمان دقت على سلمان أكثر من مره بس مايرد بعد ساعه و ربع رن جرس البيت...سلمان عنده المفتاح مو معقول بيدق الجرس..لبست عباتها للأحطيات...فتحت الباب واتفاجئت
ساره:جواد!!!!!!!
جواد بوجه شاحب:جيبي شنطتش و مفاتيح البيت و تعالي.
ساره خافت من شكله:وين و ليش؟؟
جواد:باوديش البيت.
ساره:ليش؟؟؟
جواد:مو الحين تعرفي.
ساره:اسفه ويش الا بيضمن لي أنك بتوديني البيت مو مكان ثاني...اصلآ أنت ليش جاي أهني؟؟
جواد:ساره ثقي في بس هالمره.
ساره:مابطلع من أهني الا لما يجي سلمان.
جواد بحزن:سلمان مايقدر يجي ياخذش.
ساره بخوف:سلمان فيه شي؟؟؟؟
جواد:عظم الله أجرش
ساره حطت يدها على فمها مو قادره تصدق.

[دموع الأثير]

الجزء الرابع عشر:

ساره بخوف:سلمان فيه شي؟؟؟؟
جواد:عظم الله أجرش.
ساره حطت يدها على فمها مو قادره تصدق:لا تكذب علي سلمان ما مات
جواد بسرعه:لا مو سلمان..نزل راسه..جدتش

راحت له مسكت كتوفه اتهزه و ادموعها أتطيح أربع أربع:جواد تكفى قولي أنك تكذب علي ريحني
جواد مسك ايدينها حرك وجهه بطريقة نفي.
ساره بدى اصياحها يعلى صارت اتصيح بطريقه تقطع القلب..جواد ماقدر يستحمل منظرها.
جواد بحنان:ساره الي تسويه مايصير هذا
ساره تقاطعه:هذي أمي تعرف ويش معنى أنها أمي أنت ماتحس أبوي مات أمي وجودها زي عدمه مابقى لي الا هي..رجعت تصيح.
جواد ماتحمل اصياحها و بحركه عفويه مايقصد منها أي شي غلط حضنها..ساره ماحست بلي حواليها لأنها في قمة الصياح..بعد ثواني أغمى عليها جواد أبتلش ابها ماعرف شيسوي و مو معقول بيتركها جذي فحملها دخلها داخل البيت كان بيبطحها على الكنبه بس الكنب حقهم الواحد مايرتاح فيه{يعني كنب حق الزينه}..ركب فوق شاف غرفه مفتوح بابها و اليتات امشغله فدخلها و حط ساره على السرير غطاها بالبطانيه و طلع من الغرفه..طلع جواله من مخباه أتصل على شيماء

شيماء:هلا
جواد:أبوي في البيت؟؟
شيماء أستغربت:هيه بس ليش تسأل؟! فيك شي؟؟
جواد:جدتت ساره ماتت
شيماء شهقت:أنت شقاعد تقول
جواد:قولي لأبوي يجيبكم بيت جد ساره بسرعه
شيماء بعدها منصدمه:زين
جواد:شيماء لاتتأخرو..باي
شيماء:زين..باي

قالت لأبو جواد و راحو كلهم ماعدا أم جواد تمت في البيت.

.....

وصلو البيت و كان جواد قاعد في الصاله.

أبو جواد و شيماء و دانه:السلام عليكم.
جواد:و عليكم السلام..شيماء..دانه أركبو لساره فوق.

ركبو دانه و شيماء...أبو جواد:ويش صار؟؟
جواد:ساره أتصلت لسلمان و قالت له أنها بتجي بس قبل ما تجي تعبت جدتها واجد سلمان وداها المستشفى بس أول مادخلت المستشفى ماتت مالحقو عليها.
أبو جواد: ويش دراك بهذا كله؟؟
جواد:أنا أشتغل في نفس المستشفى الي سلمان راحها..لما شافني قالي أجي أخذ ساره وأوديها البيت.
أبو جواد:لا حول و لا قوة الا بالله..أنا لله و أنا له لراجعون..أنا باروح لسلمان و أنت أقعد مع خواتك

أول ما طلع أبوجواد سمع جواد صراخ فركب فوق.

في طريقه لغرفة ساره شاف دانه جايه له تركض

دانه:جواد ساره كسرت العطور الي عندها و جرحت ايدها و الدم يسيل من ايدها.
جواد بصراخ:وانتي ويش تنتظري روحي جيبي لفه و ديتول و هالأشياء.
دانه:زين زين..وتنزل بسرعه.

جواد دخل الغرفه شاف شيماء ماسكه ساره تهديها و أيد ساره مليانه دم بس مو لذاك الزود.
جواد:ساره جيبي أيدش بشوفها.
ساره:أطلع برى مابغاك اهني.
جواد:ساره بلا عناد جيبي أيدش
ساره بطريقه هستيريه:أنت ماتحس قلت لك اطلع برى أنت سبب عذابي أكيد ماتت بسبتك..أطلع برى مابغى أشوفك ولا مره اشوفك اصير بخير أنت أكيد تكذب تكفى قولي أنك تكذب شيماء قوليله أني أحبها ماأقدر أعيش بدونها هي أمي عمري ماحسيت بالحنان الا بجنبها..أنتو ماتفهمون..قعدت اتصرخ شيماء اتحاول تهديها بس مو فايد حتى جواد حاول فيها بس مافاد.
لين جت دانه و معها كل المستلزمات...جواد مسك أيد ساره بالغصب و بدى يعقمها و يلفها..ساره كانت اتصارخ بس لما مسك ايدها بدت اتصيح بهدوء بس تشهق لما خلص طلب من شيماء تقعد معها لين اتنام.

جواد راح مع دانه الصاله قال لها كل الي صار.

جواد:دانه لما رحتو لساره ويش كانت اتسوي.
دانه:كانت نايم بس لما فتحنا الباب قعدت و صارت اتصارخ بطريقه مو طبيعيه..ليش صابها جذي؟؟
شيماء تدخل:يمكن من أثر الصدمه..حولت نظرها لجواد..نامت
جواد:زين قعدي وياها يمكن تقعد لازم تلاقي حد جنبها لأنها في حالة هستيريا<<hysterical.
شيماء:يعني ويش؟؟
جواد:هذا نوع من الأضطراب يصيب الأنسان اذا اتعرض للقلق أو الصدمه ممكن أنه يسبب اضطرابات في الوظائف الحسيه أو الحركيه أو الداخليه و هي صابها جذي لأني غبي مامهدت لها الموضوع على طول صدمتها.
دانه:عاد توك تدري أنك غبي.
جواد عصب:دانه مو هذا وقت مسخرتش.
دانه سكتت ولاقالت شي.

في المغرب رجع سلمان البيت وهو حالته حاله...شيماء و دانه كانو في غرفة ساره بس طلعو الصاله لأن سلمان دخل لها.

سلمان مسح ادموع ساره و حضنها:ساره لاتسوي في نفسش جذي ادعي لها بالرحمه هي محتاجه دعاش مابيفيدها اصياحش.
ساره رفعت راسها:بس أني أحبها.
سلمان:أنتي صليتي؟؟
ساره هزت راسه بالنفي.
سلمان:اذا اتحبيها قومي صلي واقري قران ادعي ليها بالرحمه و المغفره
ساره بوجه حزين:انشالله
سلمان باسها مابين عيونها و طلع من الغرفه...شيماء و دانه ساعدوها على أن هي اتروح تتمسح و اتصلي.

بعد ساعه امتلاء البيت بالناس..ساره رفضت أن أمها تقعد معها..قعدت جنب شيماء و دانه و حوراء و أمل الي أول ماسمعو بالخبر جوا على طول

أبوجواد وجواد و عمام وخوال سلمان قامو بالواجب يعني حضرو الدفن و قدمو الماي و القهوه الى الجو يعزوهم.

....

[دموع الأثير]

بعد أيام العزا...طول الأيام الي مرت وشيماء دانه أمل حوراء ماتركو ساره اي شي تبغاه يجيبوه لها مع أنها ماتطلب شي حتى الأكل ماتاكل الا لما يغصبوها لأن هي مارجعت البيت تمت في بيت جدها عشان سلمان و عشان ذكرى جدتها لأن كل زاويه في هالبيت تذكرها بها

أمل:ساره مو زين الي تسويه في نفسش لازم تاكلي أنتي ماتاكلي زين.
حوراء:وجهش شاحب لازم تاكلي.
شيماء:باسوي لش عصير ليمون..توها بتطلع.
دانه:لحضه أنتظريني باروح معاش...و نزلو تحت للمطبخ.

ساره:أمل بطلب منش طلب بس لاترديني.
أمل:أمري ادللي لو تبغي عيوني بعطيش أياها.
ساره:هذا الغذا واجد علي ماباكله كله أبغاش تجيبي صحن وتحطي لسلمان تعطيه اياه.
أمل:باروح اجيب صحن و بحط له بس مو أني الي بعطيه اياه أنتي وديه له.
ساره:أنتي مابتسوي شي غلط بس بتوديه له..أدري أنك تبغي تتطمني عليه.
أمل:بس
ساره:خلاص اذا مابتروحي أني باروح.
حوراء تدخل:لالالا لاتقومي من مكانش أنتي ماأكلتي شي لو بتقومي بتطيحي..خلاص أني بوديه له.
أمل بسرعه:لا عيوني قاعده تحلمي أخليش تروحي له هذا الاناقص...أخذت الصحن وطلعت من الغرفه..حوراء ظحكت عليها:أمبين عليش تبغي تشوفيه..ساره ابتسمت.
حطت له الغذى في صحن وركبت لما وصلت لغرفته اترددت بس بعدين دقت الباب.
سلمان افتكرها ساره:دخلي الباب مفتوح.
أمل(فشله مستحيل ادخل)ردت دقت الباب.
سلمان(ويش فيها دي ماتسمع)قام عن سريره بتثاقل وهو بعده بيجامة النوم..فتح الباب
سلمان:أمل!!!!!!!!!!!!!
أمل مو عارفه شتقول:ااعظم الله أجرك.
سلمان اتسند على الباب اتأملها اشوي وتنهد:اجرنا و اجرش.
أمل قلبها يدق بقوه :ساره قالتلي اجيب لك الغذى..مدت الصحن له..طالعها اشوي اخذه.
سلمان:أمل.
أمل:لازم اروح.
سلمان:أمي كانت تتمنى تعرفش أكثر قبل ماتموت..أنا قلت لها أني ابغى أخطبش.
أمل نزلت راسها:الله يرحمها.(تمنت أنها تخفف عنه وأن يكون يحق لها أتكون معاه في محنته)
تركته ورجعت غرفة ساره..ساره خافت من شكل أمل:ويش فيش؟؟؟سلمان فيه شي؟؟؟
أمل صاحت:حالته تقطع القلب اهئ اهئ.
ساره:عشان جذي قلت لش تروحي له لأنه حالته اعظم مني صحيح هو ماسوى مثلي بس هو يتعذب من داخله.{وعلى قلبي صار وحيد}

_________________

بعد سبوعين#غرفة جواد#

جواد يكلم البنت الي كلمته في مجمع الواحه.

جواد:ليش ماأتصلتي من ذاك اليوم.
البنت:لسببين الأول:اني حسيت بتأنيب الضمير الثاني:اني ماأبغى اشغلك بس أبغى اسمع صوتك.
جواد:يعني الحين ماتحسي بتأنيب الضمير.
البنت: ساكته
جواد:الوو
البنت:جواد بسكر
جواد:لحظه أنتي انزعجتي من سؤالي
البنت:أني مو زي البنات الي تكلمهم.
جواد:أنتي تكلميني يعني زيهم.
البنت:لا أنا غير
جواد:كيف يعني؟؟
البنت:أنت ماتعرفني و لا حتى بتقدر تعرفني الا اذا اضعفت و قلتلك اسمي اذا صار هالشي ماراح اكلمك و بغير رقمي.
جواد:اهاا عشان جذي ماتحسي بتأنيب الضمير الحين..زين دام أني ماأعرفش كيف تعرفيني؟؟؟
البنت:أنا أعرف كل شي عنك.
جواد:زي ويش

البنت قالت له كل شي تعرفه حتى سالفة سالي أتكلمت عنها يعني كأنها عايشه معاه

جواد متفاجئ:أنتي كيف تعرفي كل الي قلتيه.
البنت:الي يحب لازم يعرف كل شي عن حبيبه.
جواد:زين انا شفتش من قبل؟؟
البنت:في حدود ثلاث لو اربع مرات.
جواد:يعني ممكن تكوني وحده من صديقات شيماء لو دانه.
البنت:مو شرط
جواد سمع دق على الباب:لحظه..فتح باب غرفته.
جواد:نعم
شيماء:مشغول؟
جواد:ويش تبغي؟؟
شيماء:ابغاك اتوديني لساره
جواد:ليش؟؟
شيماء:بقى ثلاثة ايام على الأختبارات وهي طول الأيام الي طافو غايبه.
جواد:اوكى هي في بيت جدها لو
شيماء تقاطعه:بعدها ماترجع بيتهم.
جواد:اوكى روحي اجهزي.
دخل الغرفه وسكر الباب
جواد:اسف طولت عليش.
البنت:لا عادي بس شكلك مشغول وأنا ماأبي اعطلك..باي
جواد:متى اكلمش؟؟
البنت:لا أنت لا ادق أنا بدق عليك.
جواد:على راحتش..باي
سد الخط و راح يبدل ملابسه.

....

[دموع الأثير]

في السياره

جواد:شيماء جيبي جوالش.
شيماء:حق ويش تبغاه؟؟؟
جواد:جيبيه و خلاص..عطته الجوال..شاف ارقام جوالها و رقم البنت مو عندها.
جواد عطاها جوالها:ساره ويش حالها؟
شيماء اتنهدت:زينه الحمدلله
جواد:طبعآ بتأجلي خطوبتك مو؟
شيماء:اكيد أني ابغى ساره تحضر خطوبتي.

وصلو بيت جد ساره ..جواد قال لشيماء أنه بعد ساعه بيجي لها.

ساره كانت تنتظر شيماء في الحديقه و أول مادخلت سلمت عليها دخلو داخل.

ساره:ماأبغى أكمل
شيماء:بلا غباء باقي بس هالأمتحانات و تخلص المدرسه تبغي اضيعي تعب هالسنه كله
ساره: سلمان يقولي أكمل بس أحس اني مابقدم عدل.
شيماء:لا انشالله اتقدمي عدل.

علمتها الأشياء الي طافت عليها و حلت معاها أسئلة الكتاب{الأسبوعين الي غابت فيهم ساره كانو للمراجعه لأنهم خلصوا المناهج}

بعد ما خلصو كل شي...ساره:شيماء أني أبغى أعرف ويش صار يوم وفاة جدتي الله يرحمها أني ماأذكر شي.
شيماء:ويش الي ماتذكريه؟؟
ساره:كل شي أني ماأذكر كيف جرحت يدي و من الي وداني غرفتي و يعني ماأذكر شي.
شيماء:لماسمعتي بالخبر أغمى عليش جواد حملش وداش غرفتش
ساره:جواد!!!!!!!!!!!
شيماء:هيه جواد...المهم انك قعدتي تصارخي كسرتي كل العطور الي عندك جرحتي ايدك اني و جواد حاولنا انهديش بس مافاد و اذكر انش سبيتي جواد
ساره:شو قلت له؟؟
شيماء:ماأذكر بس هو ماهمه الكلام الي قلتيه أخذ يدش و لفها.
ساره: ساكته
شيماء: ساكته
رن جوال شيماء
شيماء:هلا
جواد:اهلين يالله اطلعي أنا أنتظرش.
شيماء:اوكى الحين جايه.
جواد:باي
شيماء:باي

شيماء:ساره اذا احتجتي شي اتصليلي.
ساره:انشالله
وصلتها لين الباب..ساره:سلمي عليهم.
شيماء:كلهم{قصدها حتى جواد}
ساره:هيه.
شيماء ابتسمت:الله يسلمش..طلعت راحت ركبت السياره.
شيماء:اتسلم عليك.
جواد:زين سكري الباب ابغى امشي لأني مشغول.
شيماء سكرت باب السياره:أنت ويش فيك ماتعطي خلق هاالأيام.
جواد:اسف بس ولله مشغول.
شيماء:زين زين امشي.

.....

أول ماطلعت شيماء على طول راحت غرفتها..جواد حملني[احمرو اخدودها لمجرد انها اتخيلت الموقف]طالعت غرفتها..يوووه فشله أكيد شاف اصوري(كانت امعلقه اصورها في الغرفه)جلست على سريرها مسكت دبدوبها حضنته(سلمان جابه لها من بيتهم لأنها ماتقدر اتنام بدونه)..سمعت دق على الباب
ساره:اتفضل
سلمان دخل جلس على سريرها:باقي كم يوم على الامتحانات؟؟؟
ساره:يوم السبت
سلمان:يعني باقي ثلاثة ايام..ويش هي الماده
ساره:جغرافيا و مكتبه.
سلمان:يالا قومي بذاكر لش جغرافيا ومكتبه أنتي ذاكريه.
ساره:انت تتكلم جد
سلمان:لا أتمسخر..يالله قومي توني ادري انش كسلانه.
ساره:امشي خلني أشوف كيف الشاطر بيذاكر لي.
سلمان:ههههههههههه.

_________________

اليوم التالي#بيت أبو قيس#

حوراء تكلم رائد
حوراء:رائد تكفى ابغى اذاكر.
رائد:يعني اسكر.
حوراء:ماأدري
رائد:ويش بتفيدش المذاكره دامش بتتزوجي.
حوراء(افف):مابتفيدني بس ابغى اذاكر ممكن.
رائد:خلاص بسكر بس بشرط
حوراء:قول
رائد:قولي حبيبي رائد بعد قلبي ممكن تسكر.
حوراء بدلع و خجل:رائد
رائد:اذا ماقلتي مابسكره.
حوراء:خلاص بقول..تاخذ نفس.
رائد:هههههه كأنش رايحه حرب.
حوراء:رائد استحي.
رائد:مو شغلي لازم اتقولي.
حوراء:زين..حبيبي رائد بعد قلبي ممكن تسكر>> عشان أشتاق لك و تشتاق لي.<<
رائد:عجبتني أخر جمله..خلاص عمري فمان الله.
حوراء:فمان الكريم.

*غرفة قيس*

مل وهو ينتظر دانه تدخل الماسنجر فتصل لها.

دانه:هلا
قيس>>دلع:اهلين..كيف الحال.
دانه:يعني كيف بكون اكيد زفت.
قيس:ليش
دانه:علي امتحان جغرافيا و توحيد فأكيد بكون مزاجي زفت لا والأزفت من جذي أن أبوي قالي أذا شافني على الكمبيوتر بيحرمني منه.
قيس(افف ويش هالحظ):يعني مابكلمك على المسن.
دانه:نهي
قيس:عجل مابعطلك مع السلامه.
دانه:الله يسلمش.سدت الخط و طلعت من الغرفه عشان تغير جو...وهي طالعه شافت جواد وشيماء يشاهدو.

دانه:مايصير كيف ابوي يرضى انش تشاهدي وأني مانعني من الكمبيوتر.
شيماء:ابوي مو هني وهذي فرصتي اشاهد الفلم.
دانه:لا ولله انتي ثانويه عامه يعني لازم تجيبي مجموع.
شيماء:ولازم أخذ لي قسط من الراحه.
جواد مندمج بالفلم:ممكن تسكتو ابغى اسمع.

انظمت لهم دانه و قعدو يشاهدو.

_________________

[دموع الأثير]

أول يوم في الأختبارات كان يوم تعب بنسبه للبنات و أول مارجعو بيوتهم صلو و على طول نامو ولما صحو ذاكرو الماده الثانيه و هذي حالتهم طول فتره الأمتحانات.

*أخر يوم في الأمتحانات*

ساره قاعده مع شيماء أمل حوراء..هم يسولفو وهي ساهيه..لاحظت سكوتها أمل.
أمل:ساره ويش فيش ساكته؟؟
ساره اتطالع جهه ثانيه:شوفي مرام تطالعني بنظرات حقد.
شيماء سمعتها:وين هي؟؟
ساره:عند الشجره.
شيماء طالعت مرام بس مرام حولت نظرها لجهه ثانيه.
شيماء:ماعليش منها خلها اتولي.
حوراء:صبايا بتسافرو؟؟
شيماء:أكيد لأني مابسجل في الجامعه.
أمل:وليش مابتسجلي؟؟
ساره ترد عن شيماء:لأنها بتتزوج هادي عن قريب فما له داعي الجامعه.
شيماء:مو بس عشان جذي..لأني ماحب الدراسه ماورى علي افتكيت من المدرسه تبغيني أروح الجامعه.
حوراء:راي من رايش.
أمل:بس اني ابغى اروح الجامعه.
شيماء:لازم الأراء تختلف...وانتي ساره تبغي تروحي الجامعه لو لا؟؟
ساره بوجه حزين:ماعندي طموح ليش اروح الجامعه..حتى نسبتي أكيد نزلت.
حوراء تغير الموضوع:هيه ماقلتولي وين بتسافرو؟؟
شيماء:يمكن سوريا.
أمل:أما أحنا مابنسافر لأن أبوي ماعنده أجازه.

بعد لحظات فتحو باب المدرسه عشان يطلعو الطالبات..لما كانو يلبسو عباياتهم جت وحده و عطت ساره ورقه على طول راحت..ساره قرت الورقه واتفاجأت.

شيماء:ويش مكتوب فيها؟؟
ساره عطتها الورقه و شيماء قرت المكتوب وانصدمت.

المكتوب:
"بنتقم وبحرق قلبش زي ماحرقتي قلبي على الكف الي عطيتيني اياه و ماأكون أني مرام اذا ماأنتقمت"
شيماء عصبت:هالحيوانه و تهدد بعد.
ساره بلا أهتمام:ماعليش منها أصلآ لو ماكانت خايفه كان جابت الورقه بنفسها أو قالت هالكلام بلسانها.
أمل:تتوقعو ويش بتسوي؟؟
ساره:ولاشي مابتقدر تسوي شي لأني ماأشوفها الا في المدرسه و أصلآ ماعندي شي تحرق قلبي عليه.

__________________

#بيت ابو جواد#

*غرفة جواد*

جواد يكلم البنت الي كلمته ذاك اليوم.

جواد:يعني انتي تدرسي من جذي ماقدرتي تكلميني.
البنت:ياريتني كلمتك كان احسن.
جواد:ليش؟؟
البنت:لأني كنت محتاجه لصوتك و ماقدمت في الأمتحان عدل.
جواد:اي سنه انتي؟؟
البنت:هذي أخر سنه.
جواد:يعني بعمر شيماء.
البنت:و معاها بنفس المدرسه.
جواد:عسى بس في نفس الفصل.
البنت:ماراح اقولك تالي تعرفني.
جواد:لهدرجه ماتبغيني أعرفش.
البنت:وأكثر..ياللا باي بسكر
جواد:هااا لحظه مو تسكري.
البنت:نعم
جواد:ازعلتي؟؟
البنت:يهمك اذا ازعلت؟؟
جواد:ماأحب أحد يزعل مني.
البنت:ماأزعلت بس أنت أكيد مشغول
جواد:انتي كل شاكه اني مشغول..قلت لش مو مشغول.
البنت:انت مشغول و الدلاله انك بعد ماتسد الخط بتروح لخواتك و بتتنزهو بسيارتك لأنك قبل كنت تمشيهم في أخر يوم للأمتحانات عاد ماأدري اذا لحد الحين تمشيهم أو لا.
جواد:انتي تفاجئيني من وين تعرفي هالمعلومات؟؟
البنت: مو مهم..مع السلامه.
جواد:الله يسلمش.
جواد(اكيد وحده من صديقات شيماء..ماعليه بكره بعرفش)

طلع من غرفته و راح قال لشيماء انه بيمشيهم طبعآ وافقو..اتمشو في الكرنيش بعدين راحو مطعم و اتعشو.

بعد نص ساعه رجعو البيت دانه على طول راحت الماسنجر كلمت قيس>>دلع.

أحبك:هلا عمري وحشتيني واااااجد.
أحب أعيش حياتي و أعيش في قلوب اعز ناسي:هلا ولله..ليش غيرتي أسمش؟؟
أحبك:ماأدري حسيته أحلى.
أحب أعيش حياتي و أعيش في قلوب أعز ناسي:عجل لحظه بغير النيك نيم.

غيرت النيك نيم.

وحشونا الغالين:ها شرايش؟؟
أحبك:حلوه..شو أخبارك.
وحشونا الغالين:الحمدلله زينه وانتي؟؟.
أحبك:زفت زفت زفت.
وحشوناالغالين:لييييييش؟؟؟
أحبك:دانه..أني أحب.
وحشونا الغالين:!!!!!!!!!!
أحبك:ادري أنش مستغربه بس لا تفهميني غلط.
وحشونا الغالين:فهميني الصح.
أحبك:حبيته من دون ماأدري..أحبه حب عذري صدقيني.
وحشونا الغالين:قوليلي كيف حبيتيه و من هو؟!
أحبك:ولد جيرانا..كيف حبيته ماأذكر لأني حبيته من ثلاث اسنين.
وحشونا الغالين:وهو يحبش؟؟
أحبك:اهني المشكله.
وحشونا الغالين:مافهمت.
أحبك:هو يعرف اني أحبه..عطاني رساله كتب فيها انه يحبني و يبغى يكلمني..وأني محتاره أصدقه واكلمه لو اتركه.
وحشونا الغالين:طبعآ و بدون مناقشه لاتكلميه ماعندنا بنات يكلمو شباب.
أحبك:بس يمكن يحبني.
وحشونا الغالين:لو يحبش كان طلبش من ابوش مو يقولش اتكلميه..أنتي هبله أكيد يلعب عليش وأنتي تصدقيه..أحسن شي أنك تحقريه.
أحبك:يعني لو كنتي مكاني ويش بتسوي.
وحشونا الغالين:ولا شي.
قيس(يابرودش)

_________________

[دموع الأثير]

#بيت سلمان#

راشد وقف عند البيت طلع من السياره راح عند باب سلمان حمله على كتفه دخله داخل الحديقه.
راشد:روح غرفتك و أرتاح قول لبنت أخوك تقول لأمل تطلعلي برى..على فكره كنت أمزح معاك هذي بنت أختي.
سلمان ماأنتبه لكلام راشد لأنه كان في عالم ثاني.

راشد راح ينتظر أمل في السياره.

أول مادخل شاف أمل و ساره في وجهه..ساره خافت عليه لأن امبين من وجهه أنه تعبان.
ساره:سلمان شفيك؟؟
سلمان باعدها عنه وجه كلامه لأمل:أطلعي برى ماأبغاش في بيتي.
ساره:أنت شق
سلمان يقاطعها بعصبيه:أنتي سكتي أحسن لش...ماأبغى وحده صايعه في بيتي.
أمل مع أنها متفاجئه بس هذا مامنعها أنها تدافع عن نفسها:ماأسمح لك تقول عني جذي.

فجئه طراااااااااااااخ عطاها كف جامد.

عم الهدوء على المكان الكل متفاجئ حتى سلمان ماأتوقع أنه يسوي جذي.

أمل وصلت حدها:أنت ماتستحي مايحق لك تضربني أبوي الا هو أبوي عمره مامد يده علي
سلمان:لأنه ماعرف يربيش..رن جوالها..ردي ليش ماتردي أكيد هذا حبيبش راشد هو ينتظرش برى.
أمل فهمت أنه فاهم الموضوع خطأ:هذا خالي..سلمان انصدم..حسافه الحب الي ضيعته فيك.

طلعت..ساره كانت بتلحقها بس سمعت صوت شي يطيح ورجعت شافت سلمان طايح على الأرض.......

[دموع الأثير]

الجزء الخامس عشر:

ساره كانت بتلحق أمل بس سمعت صوت شي يطيح فرجعت شافت سلمان طايح على الأرض.

ساره ماسكه راسه:سلمان رد علي تكفى ماأقدر أتحمل أكثر من الي صار.
سلمان بصعوبه:اتصلي..لجواد.
ساره:جواد!!!!!!!!!!!!!
سلمان:هيه جواد يللا بسرعه.

دقت رقم جواد بس هو اتأخر ليما رد عليها.

....

جواد يكلم نفس البنت.

جواد:هههههههه وشنو صار بعدين؟؟
البنت:بس ومن ذاك اليوم و أنا ماحب الأيس كريم.
جواد:لحظه حبي..شاف رقم ساره (خدمة انتظر)..ساره متصله غريبه أكيد صاير شي.
جواد:بدق لش بعدين.
البنت:ليش صاير شي؟؟
جواد:الأهل يبغوني.
البنت:خلاص باي.
جواد:باي.

جواد:الوو.
ساره بخوف:سلمان أغمي عليه وقالي أتصلك.
جواد بنفعال:أنتو وين الحين؟؟
ساره بنبرة اصياح:في البيت..جواد تكفى تعال ابسرعه ماأعرف اتصرف.
جواد:خلاص الحين جاي.

وهو نازل صادفه ابوه فراح معاه.

_________________

*غرفة حوراء*

حوراء جالسه على السرير مو عارفه شتسوي.
فجئه أتصل رائد(هو متعود يتصل كل ليله).
حوراء متردده أترد عليه لو ماترد..ياربي أرد لو لا..برد عليه و بيشوف هالسبال.

حوراء بعصبيه:ألوو
رائد:هلا حبي.
حوراء:رائد بلا كذب.
رائد مستغرب:اشفيش حبي.
حوراء:لا تسوي نفسك ماتعرف شي و بريئ.
رائد:حوراء أنا مو فاهم شي
حوراء:خلي جنان تنفعك..سدت الخط..قعدت تصيح.
رائد:الوو حوراء..هذي ويش تقصد ..اوه كان مو عشان أني وديت جنان المارينا..لا ماأظن.

أتصل لقيس..
رائد:الووو
قيس:هلا و غلا .
رائد:حوراء راحت المارينا اليوم؟؟؟
قيس:ليش تسأل؟؟
رائد عصب:قيس جاوبني على قد سؤالي.
قيس:لا تعصب مو مجبور اجاوبك.
رائد:قيس أنا في مشكله و الحل عندك فاتكفى جاوبني.
قيس:ويش المشكله؟؟
رائد:قييييييييس
قيس:هيه راحت و رجعت امعصبه لحدها.
رائد:اتوقعت..باي.
قيس:رائد رائد..هالحمار سكره بوجهي..بعدين اوريه مو فاظي له الحين.

رائد أتصل لحوراء عدة مرات بس هي ماترد عليه ففكر أنه يروح لها بكره .

_________________

*غرفة أمل*

من رجعت من بيت سلمان وهي اتصيح و كل ما حاولت اتهدي تزيد أكثر...وقفت عند مرايتها اتحسست خدها..أني لازم ماأصيح هو لو كان يحبني كان ماشك بي ..أصلا مايحق له يضربني..خلاص خله يولي ليش قاعده أصيح بسبته وهو مايستاهل..مسحت ادموعها وراحت اتنام بس أول ماغمظت عيونها ذكرت كل الي صار.. رجعت تصيح.

_________________

#المستشفى#

ساره و أبو جواد ينتظرو جواد لأنه راح يشوف حالة سلمان.

جى لهم جواد..
ساره ماسألت جواد عن حالة سلمان بس هو شاف في عيونها أنها تبغى تسأله بس خايفه من جوابه.
أبو جواد:كيف حاله الحين؟؟ويش فيه؟؟
جواد يطالع ساره:الحمدلله هو بخير..بس بنخليه في المستشفى.
ساره:دام أنه بخير ليش بتخلوه في المستشفى؟؟جواد سلمان فيه شي؟؟
جواد:قلت لش هو بخير..بس
أبوجواد:بس شو؟؟
جواد:هذي المره الثانيه الي يتعرض فيها سلمان لصدمه فبنخليه عندنا لأن ممكن تحصل له مضاعفات.
ساره:بس هذي أول مره أشوفه جذي.
جواد سكت أشوي :لما ماتت جدتش صابه جذي بس أخف .
ساره شكلها يكسر بالخاطر:أقدر أشوفه؟؟
جواد:لا شوفيه بكره.
أبوجواد:ياللا ساره قعدتش مامنها فايده تعالي معاي البيت..بخليش تجي له بكره.

......

[دموع الأثير]

راحت ساره بيت خالها..مارضت تتعشى..نامت مع شيماء بغرفتها..
في الفجر صحت ساره صلت قرت قرأن وقعدت تدعي لسلمان..رجعت نامت.

في الصباح...
نزلت للمطبخ لقت خالها يفطر.
ساره بابتسامه:صباح الخير.
أبو جواد:صباح النور..تعالي افطري.
ساره تجلس على الكرسي:وين الباقي ؟؟مابيفطرو؟؟
أبوجواد:أم جواد توها قايمه دانه بعدها نايمه جواد و شيماء من زمان فطرو.
ساره:اهاا.


ابوجواد:ساره أنا باروح الدوام بعد اشوي أنا قلت لجواد يوديش معاه المستشفى
ساره: ساكته
ابوجواد:بعد ماتخلصي فطورش روحي له.
ساره:انشالله.

......

*غرفة جواد*

شيماء:جواد من زمان ماغنيت لي..نفسي أسمع صوتك.
جواد:اوكى بس بشرط ..روحي ورى البيانو و طالعيني.
شيماء راحت ورى البيانو وحطت ايدها عليه تتأمل جواد وهو يعزف و يغني.

"كل القصايد من حلا عينيكي من دفا ايديكي اكتبتنو الكي..

هودي القصايد مش حكي ياروحي او بكي قصايد هولكي كلون.

كل القصايد من حلا عينيكي من دفا ايديكي اكتبتنو الكي..

هودي القصايد مش حكي ياروحي او بكي قصايد هولكي كلون.

هودي الأغاني غرام اسنين
هودي دموع و نغم و حنين.

هودي أيامي معك،،البي الي بيوجعك أنا لولا هواك أناااااااا مييييين.

كل القصايد من حلا عينيكي من دفا ايديكي اكتبتنو الك..

هودي القصايد مش حكي ياروحي او بكي قصايد هولكي كلون."

شيماء تتأمل جواد:جواد أنت اتحب؟؟
جواد برود:لا ليش تسألي؟؟
شيماء:فيك لمعه بعيونك.
جواد:وهذا معناه اني أحب..أنتي غلطانه.
شيماء:انزين ماتبغى اتعرس؟؟
جواد:شيماء..الي في بالش قوليه بلا لف و دوران.
شيماء:ابغاك تتزوج
جواد:و من هي سعيدة الحظ
شيماء:ساره..أنت قلت أنك ماتحب يعني مو في بالك أحد و ساره أكثر وحده تناسبك.

[دموع الأثير]

جواد رافع حاجب:ساره ماتعجبني..وأنا مستحيل أتزوج وحده الناس كلها شبعت من وجهها.
فتح الباب عشان يطلع(الباب كان مفتوح بس مو واجد) الا ويشوف ساره قدامه.

جواد:صباح الخير.
شيماء(ويش هالفشله أكيد سمعته..وهذا جواد حده بارد)
ساره اتحاول تخفي تأثرها بلكلام الي سمعته:ص صباح النور.
جواد:خلصتي؟؟
ساره:هيه
جواد:زين أنا نازل لسياره.
شيماء:باروح معاكم.
جواد:وانشالله أنتي بعد بتزوري سلمان.
شيماء برطمت:خلاص روحو.


راحو لسياره...

جواد فتح باب السياره و توه بيدخل الا ويشوف ساره بتركب ورى.

جواد:لحظه..رفعت نظرها له..تعالي أركبي قدام.
ساره:أني مو أختك ولا أمك عشان أركب بجنبك.
جواد:عادي
ساره:لا تحلم واجد..من سابع المستحيلات اركب بجنبك..ركبت ورى.

ركب السياره حركها من دون مايقول اي شي.

بعد دقايق قليله..

ساره:جواد تقدر توديني البيت..باخذ ثياب لسلمان.
جواد مارد عليها غير طريقه لبيت سلمان.

وقف عند البيت..
جواد:مو تتأخري.
ساره نزلت من دون ماترد عليه..دخلت البيت راحت غرفة سلمان أخذت له ثياب وحطتهم في كيس..راحت غرفتها أخذت دبدوبها حضنته صاحت...كانت حابسه صيحتها طول المده...أنتبهت أنها أتأخرت على جواد..مسحت دموعها..وأخذت الأغراض .

.......

مل من الأنتظار ه توه بيشغل له شريط أغاني الا يرن جواله.

جواد:هلا عمري.
البنت:صباح الخير حياتي.
جواد:من متى صحيتي؟؟
البنت:من ساعه.
جواد:ليش مادقيتي علي؟؟
البنت:خفت تكون مشغول.
جواد:اذا كنت مشغول بفضى عشانش.
البنت:أنت وين الحين؟؟أكيد مو في المستشفى.
جواد:أنا رايح الحين.
البنت:وليش متأخر مو من عوايدك.
جواد:باودي الأهل المستشفى..شاف ساره جايه السياره..انزين عمري باكلمش بعدين.
البنت:توك تقول مو مشغول.
ركبت ساره السياره.
جواد:أنشالله بكلمك بعدين.
البنت:اهاا فهمت معاك احد
جواد:هيه.
البنت:خلاص عجل ..باي
جواد:باي.
سد الخط حرك السياره من دون مايقول و لا كلمه.


وقف سيارته عند محل الورد(نفس المحل الي شاف ساره فيه).

جواد:تبغي تشتري له ورد؟؟
ساره:هيه أكيد.
جواد:يللا نزلي.


دخلو المحل...
كل واحد أختار له باقه على الشكل الي يبغاه.
جواد للهندي:ابغى الورود كلهم حمران .
ساره:أني أبغى الألوان امنوعه..أحلى
الهندي:زين..زين

رن جوال ساره..
ساره:هلا
حوراء:سارو أني في مشكله مو عارفه أحلها.
ساره:حوراء..أني برى البيت بركب السياره وبكلمش.
حوراء:انزين..باي.

أنتظرت ليما خلصت باقتها وباقة جواد راحو لسياره.

ركبت السياره أتصلت لحوراء...
ساره:هلا.
حوراء بصياح:ساره ماني عارفه ويش اسوي.
ساره:وين فاطمه عنش؟؟
حوراء:فاطمه اتكلم راشد..ماحبيت أكدرها.
ساره:زين قوليلي ويش صاير.
حوراء:رائد
ساره:ويش فيه؟؟..لحظه حوراء...جواد ممكن تخفض الصوت.(كان حاط غنيه اجنبيه)
جواد طالعها بنظره:خفظيه أنتي..عطاها الرموت.
ساره استغربت(سخيف لحده)طالعت الأزرار:اي وحده فيهم تخفضه؟؟
جواد لف لها أشر على الزر بالغلط صارت يده على يدها.
ساره سحبت يدها على طول وهي حاسه بجسمها كله حار قلبها زادت نبضاته...ظغطت على الزر.

[دموع الأثير]

ساره:الوو
حوراء:ساره أنتي وين رايحه؟؟
ساره:ماعليش مني قولي ويش صار؟؟

قالت لها كل الي صار...
حوراء:والحين اني مو عارفه ويش اسوي.
ساره:أنتي متأكده أنهم كانو بروحهم.
حوراء:هيه.
ساره:اسمعيني زين...مو عدل أنش تحكمي عليه من دون ماتسمعي دفاعه عن نفسه
حوراء تقاطعها:بس أني شفته.
ساره:حتى لو لاتهدمي كل شي بينكم على حسب شي أنتي شاكه فيه..اصلآ لو ماكان يحبش ماخطبش و ترك الا تحبه.
حوراء:خلاص بفكر .
ساره:زين..باي.
حوراء:باي.

حطت جوالها في الشنطه..
جواد:ماتلاحضي أنش متناقضه.
ساره رفعت نظرها له:مافهمت.
جواد:اتقولي النصيحه بس أنتي ماتسويها.
ساره:ممكن اتوضح كلامك أكثر.
جواد:أنتي ماتركتي لي فرصه ابرر لش الموقف.
ساره: ساكته
جواد:شفتي أنش متناقضه.
ساره اتطالع الشارع:الي سويته مايحتاج لتبرير وأنت قلت أني ماأهمك يعني مايحتاج تبرر الي صار.
رفع على الغنيه الي كان حاطنها و سكت.

_________________

*غرفة حوراء*

حوراء سدت الخط و قعدت تصيح.

دخلت عليها فاطمه...
فاطمه:حوراء ويش فيش؟؟
حوراء: اتصيح
فاطمه حضنتها:ياعمري ليش تصيحي
حوراء زاد اصياحها (اذا أحد حضنها تنفجر اصياح)
فاطمه انتظرتها تهدي و حوراء قالت لها الي صار.
فاطمه:حوراء قيس قالي ان رائد بيجي اليوم.
حوراء:ماأبغى أشوفه.
فاطمه:لازم تشوفيه عشان تتفاهمي معاه..حوراء كلام ساره صح ولازم تسوي الي قالته.
حوراء مسحت دموعها:زين ويش البس؟؟
فاطمه:هههههههه حتى وأنتي زعلانه تبغي تتكشخي له.
حوراء:صحيح أنه مايستاهل بس ماأقدر اخليه يشوفني بهالثياب.

_________________

#المستشفى#

جواد و ساره داخلين غرفة سلمان...
جواد و ساره:السلام عليكم.
سلمان ببتسامه:وعليكم السلام.
ساره حطت الباقه على الكمدينو و كيس اثيابه على جنب:سلامات يابعد قلبي ماتشوف شر أنشالله أني ولا أنت.
جواد:ماتشوف شر.
سلمان:الشر مايجيك.
جواد:كيف صحتك الحين؟؟ماتحش بشي يألمك؟؟
سلمان:لا الحمدلله الحين أحسن.
جواد حط الباقه:اذا احتجتو اي شي نادوني...طلع.


سلمان:كلمتي أمل؟؟
ساره اتحاول تغير الموضوع:فطرت..أكيد مافطرت باروح اجيب لك فطور.
سلمان:ساره لا تغاوري..ويش قالت لش؟؟
ساره:ماكلمتها.
سلمان:اتصلي لها الحين.
ساره:لا مستحيل أني عارفه أمل..وعارفه الكلام الي بتقوله.
سلمان يسند راسه:ساره ارحمي بحالي...اتصلي لها وحطيه اسبيكر.
ساره:سلمان تكفى ماأقدر أشوفك جذي.
سلمان:اذا اتحبيني اتصلي لها..أبغى اطمن عليها.
ساره:خلاص بتصل...أخذت جوالها حطته اسبيكر.

ساره:الووو
أمل:هلا وغلا شخبارش عمري.
ساره فتحت عيونها على كبرهم طالعت سلمان الي كان مستغرب أكثر منها..

ساره:زينه الحمدلله..أنتي شخبارش؟؟
أمل:زينه بس مشتاقه لش..شو رايش تجي لي
ساره:ما أقدر.
أمل تغيرت نبرة صوتها:ليش...سلمان مانعنش؟؟
ساره:لا مو جذي..سلمان مايقدر يجيبني لأنه في المستشفى.
أمل طاحت دمعتها : ساكته
ساره:أمل سلمان ماكان قصده..هو تعبان
أمل:قوليله يخلي ضميره يرتاح لأني سامحته.
ساره:حلفي(سلمان ينتظر ردها)
أمل:بس الي كان بيني و بينه انتهى و قوليله ينساني.
ساره(اتوقعت)طالعت سلمان..أشر لها اتحاول.
ساره:أمل لا تضيعي الحب الي كان بينكم باهالسهوله.
أمل:وتسمي الي صار سهوله..ساره سلمان أهاني تعرفي ويش معنى أنش تنهاني من أكثر شخص تحبيه..صعبه ولله صعبه..صاحت.
سلمان ماقدر يتحمل اصياحها أشر لساره ترجع الجوال على الهاتف.

ساره حطته على الهاتف:أمل خلاص لا تصيحي.
أمل:ساره بسكره.
ساره ماحبت تضايقها أكثر:اوكى باي.
أمل:باي.

قعدت على الكرسي الي بجنب سرير سلمان:سلمان أمل بعدها متأثره بالصار.
سلمان اتنهد:أحبها ولله.
ساره: ساكته
سلمان:جيبي لي ماي.

عطته ماي قعدت تسولف معاه ليما جت لها الممرضه وقالت لها أن وقت الزياره خلصت فقررت أنها اتروح لجواد عشان تشوف اذا يقدر يخليها تقعد مع سلمان أكثر [اصلآ هي بتروح عشان شي بداخلها خلها اتروح].

[دموع الأثير]

راحت الأستقبال سألت عن غرفته راحت له بس بالغلط دخلت غرفة الممرضات الي بجنب غرفته.

دقت الباب دخلت...
ساره:السلام عليكم.
الممرضات:وعليكم السلام.
ساره:لو سمحتو وين غرفة جواد..أقصد الدكتور جواد.
الممرضه نهى:أنتي قريبته.
ساره:هيه.
الممرضه لمياء:حلفي أنتي قريبته.
ساره:يعني ليش بكذب عليش.
الممرضه نرجس أخذت ايد ساره قعدتها على الكرسي:عندي أسئله واجد.
نهى:وأني بعد..ماني قادره على جماله.
لمياء:بيعئد(اعقد) من أول ماشفتو وهو ساحرني لازم أعرف كل شي عنو.
نرجس:كم عمره؟؟
لمياء:متزوج؟؟
نهى:خاطب؟؟
ساره(مصختوها صحيح جميل بس مو لهدرجه..حدهم سخيفين)طالعتهم بنظرة أشمئزاز طلعت.
نرجس:ويش فيها ماردت علينا.
نهى:اففففف أني أبغى أعرف اذا خاطب لو لأ.
لمياء بتفكير:بتعرفو باين عليها خطيبتو..نظراتها نظرات بنت غيرانه.
نرجس:قصدش أشمئزاز.
لمياء:لا هو الظاهر أنها نظرات أشمئزاز بس لما تتعمقي فيها بتلاحظي أنا نظرات غيره.
نهى:ماعلينا منها خلها اتولي.

....

وهي تمشي عشان تروح غرفته التقت بممرضه عند باب غرفته.
ساره:لو سمحتي هذي غرفة جواد.
الممرضه:وأنتي كيف تسمحتي لنفسش تقولي أسم الدكتور جواد من غير كلمة دكتور.
ساره(حلفي هذا الا ناقص بعد)طالعت الباب مكتوب "د:جواد" دقت الباب توها بتدخل.
الممرضه:أنتي شايفه الدنيا سايبه عشان تدخلي من دون موعد.
ساره:وأنتي ليش جايه ايدش فاظيه يعني مو جايبه اوراق لو ملفات.

....

[دموع الأثير]

سمع دق على باب غرفته..
جواد:اتفضل..اتفضل
ماسمع رد فطلع عشان يشوف.

جواد:ساره!!!!!!!!!!!
الممرضه فشلانه:أنت تعرفها.
ساره بغير أرادي وقبل مايرد جواد:هيه ممكن اتروحي لأن عندنا كلام خاص.
الممرضه راحت وهي حدها مفتشله..
جواد فتح عيونه على وسعهم سند يده على حافة الباب ناظرها: شو هو الكلام الخاص.
ساره أرتفعت عندها الحراره لفوق:هااا..ولاشي..أقصد هيه أبغى اقعد مع سلمان أكثر بس قالولي ممنوع.
جواد لاحظ أرتباكها(فيها شي متغير):أدري أنا قلت لأبوي يجي ياخذش لأني ماأقدر أطلع من المستشفى الحين..بس قعدي معاه ليما يجي ابوي.
ساره:يعني اقعد معاه عادي.
جواد:هيه.
ساره مو قادره تتحمل نبظات قلبها أكثر:شكرآ..راحت
جواد:غريبه.

.....

الممرضه راحت غرفة الممرضات...
نهى:ها ويش صار؟؟
أيات:ماصار شي جت وحده واتكلمت معاه..اخ بطت جبدي هالسباله.
نرجس:بيضه و حليوه.
أيات:هيه...و لا قالت لي[ممكن اتروحي عندنا كلام خاص<<<قلدتها بطريقه تظحك]
نهى:هههههههه تستاهلي.
لمياء:شفتو قلت لكن خطيبتو بس ماصداتوني.(صدقتوني)
نرجس:بيشوف..يخطب و لايلبس خاتم بس عشان يعلقنا فيه..أن مانشرت خبر خطوبته ماأكون أني نرجس.

_________________

[دموع الأثير]

#بيت أبو قيس#

رائد في المجلس ينتظر حوراء تجي له وهو قاعد على أعصابه.

دخلت حوراء...
حوراء:السلام عليكم.
رائد:وعليكم السلام.
قعدت على الكنبه:يللا هذاني جاهزه.
رائد:جاهزه حق شو.
حوراء:حق أسمع خراطك أقصد دفاعك عن نفسك.
رائد: ساكت
حوراء: ساكته

رائد قال لها كل شي..
حوراء:أنت سخيف أتركبها بجنبك عشان برستيجك.
رائد عصب:أنا غلطان عشان جاي أفسر لش.
حوراء:ماطلبت منك تفسير.
رائد طلع وهو امعصب..
حوراء خافت عليه لأنه قليل اذا عصب و مو زين يطلع وهو امعصب..اتصلت له على جواله بس مايرد..راحت لقيس.

حوراء منشغله:قيس وين جوالك؟؟
قيس:ليش تبغيه؟؟
حوراء:رائد طلع وهو امعصب..أخاف يصير فيه شي.
قيس:حلفي رائد مايعصب..أنتي ويش قلتي اليه.
حوراء:مو هذا وقتك.. جيب جوالك.
قيس أخذ جواله و أتصل على رائد...
رائد بعصبيه:الوووو
قيس:أشوه ماصار فيك شي..وين أنت الحين؟؟
رائد:في السياره باروح البيت.
قيس:زين هدي وسوق ببطئ..في التئني السلامه و في العجله الندامه.
رائد:اففف مره ظريف.
قيس:ادري من زمان..يللا باي.
رائد:باي.


قيس:هو بخير..يللا دلفي غرفتش.
حوراء:مالت عليك..طلعت.
قيس:فكه(يووه صرت اتكلم زي دانه..الله يساعدني عليها)

فتح الماسنجر كلم دانه...
أحبك:هلا و غلا.
وحشونا الغالين:وينششششش كل ماأدخل ماأشوفش وأتصل عليش ماتردي عسى ماشر.
أحبك:دانه..حبيبي مات.
دانه أنصدمت...
أحبك:طلع يحبني عن جد.
دانه مو عارفه شترد عليه.
أحبك:دانه وينش؟؟
وحشونا الغالين:معاش بس انصدمت..الله يرحمه.
أحبك:مو قادره اتخيل كيف بعيش من دون ماأشوفه..كنت أشوفه كل يوم.
وحشونا الغالين:كيف مات؟؟
أحبك:كان في بيتنا و أني كنت في الحديقه شافني كان بيتكلم معاي بس أني صديته وطلع من بيتنا امعصب صدم سياره ومات.
دانه ماردت..
أحبك:لما رحت بيتهم عشان العزى أخته ودتني غرفته راوتني كل الأشياء المحتفظ فيها عشاني..كان يحبني.
دانه أتأثرت عدل{وعلى قلبي يخرط عليها وهي اتصدق}
أحبك:دانه مو قادره أصدق أنه مات بسبت غبائي.
وحشونا الغالين:دلع بتصل لش الحين.
أحبك:اوكى...راح قفل باب غرفته..أخذ جواله الثاني[أشترى له جوال ثاني بس عشان دانه اتكلمه به].

أتصلت دانه....
دانه بحنان:الوو.
قيس(الله يخلي لي هالألوو و راعيتها).
قيس<<دلع:اهئ اهئ دانه صعب علي انساه لو وافقت اني أكلمه كان ماصار جذي.
دانه قلبها يتقطع:دلع ربش كاتب له يموت في ذاك اليوم
قيس<<دلع:بس مو بسببي..خلاص أنا بسافر.
دانه:وين؟؟
قيس<<دلع:مادري.
دانه:أني بسافر سوريا
قيس<<دلع:لا أني باروح بلد بعيد.
دانه:يعني مابقدر أكلمش.
قيس<<دلع:هذي ظروفي.
دانه:الله يساعدش.
تمت تسولف معاه...

[دموع الأثير]

#بيت ابو حسن#

زهراء تدق على باب غرفة أمل بس أمل مافتحت لها الا بعد مده.

زهراء بفرح:املوا يللا أجهزي بنروح بيت جدي.
أمل:ماأبغى اروح.
زهراء:كل العائله بتروح.
أمل:قلت لش ماأبغى اروح.
زهراء:بتروحي لأن أمي مابتخليش بروحش في البيت و يللا أجهزي.
أمل:افففففف اطلعي برى.
زهراء:انزين بطلع بس بدلي اثيابش...طلعت.

_________________

وهو يسوق سيارته أنتبه على الدبدوب الي ورى...دخل سيارته الكراج..طلع من السياره راح لورى..أول ماشاف الدبدوب ابتسم..أخذه دخل البيت.

....

ساره كانت مع دانه الي بعدها متأثره بلي قاله قيس.

شيماء كانت في الصاله..جى لها جواد.
جواد بكل تعب يجلس على الكنبه وهو ماسك الدبدوب.
شيماء:ويش فيك؟؟
جواد:تعباااااان لحدي.
شيماء جلست بنجنبه :حق منو هاالدبدوب؟؟
جواد:حق ساره نسيته في السياره.
شيماء:ولله عندها حق اتحبه..مره احليو..أمس قالت لي أنها ماتقدر تنام ابدونه
جواد:لهدرجه الي عطاها اياه غالي عليها.
شيماء:هي ماتذكر من عند من.
جواد:اهااااااا.
شيماء:جيبه بوديه لها.
جواد:ليش اتعبي نفسش ناديها تجي تاخذه.
شيماء:وليش اتعبها وأني الحين بركب.
جواد:انا أبغى اتكلم معاها.
شيماء بفضول:ويش بتقول لها.
جواد:ناديها و بتعرفي.
شيماء:خلاص بناديها بس بقول أني ابغاها.
جواد:مو مهم.

شيماء اتصلت لساره...
ساره:هلا
شيماء:تعالي لي تحت.
ساره:بل لهدرجه اتخافي على صوتش.
شيماء:شو بدي أعمل مابقدر اندهلك بخاف على حسي.
ساره:هههههه خلاص الحين جايه..باي.
شيماء:باي.

شيماء:يللا قول.
جواد:اصلآ أنا مابقول لها شي.
شيماء:أحلف عجل ليش قلتلي أناديها.
جواد:بقول لها أن سلمان بيرخصو بكره.
شيماء حمقت:سخيف.

جت لهم ساره..أول ماشافت جواد حست برتباك..عدلت شيلتها.

ساره:السلام عليكم.
جواد و شيماء:و عليكم السلام.
جواد يعطيها الدبدوب:هذا لش؟؟
ساره أخذته:شكرآ.
شيماء:قعدي ليش واقفه.
ساره جلست على كنبه بعيده عنهم اشوي:ويش تبغي؟؟
شيماء:جواد يبغاش.
جواد:سلمان بيرخصوه بكره يعني مايحتاج تزوريه بعدين.
ساره:بس أني أبغى اروح عشان اناوسه.
جواد:مايمديش لأن صدقانه بيروحو له.
ساره: ساكته
جواد:شيوم مادريتي .
شيماء بفضول:شوو.
جواد:جت وحده للممرضات و سألوها عني لأنها قالت أنها قريبتي هي حقرتهم و غير جذي قالت لوحده من الممرضات أنها تبغاني في كلام خاص(ناظر ساره وهي قريب تموت من الأحراج)
شيماء:و بعدين شصار؟؟
جواد:الممرضات قالو أنها خطيبتي و مابقى أحد ماعرف أنها خطيبتي.
ساره وجها صار كل الألوان:شيماء باروح لدانه.
شيماء:اوكى...وأنت شفت البنت.
جواد:هيه شفتها.
شيماء:كيف شكلها..احليوه.

ساره كانت تركب الدرج ..لما سمعت سؤال شيماء وقفت عند أخر الدرج عشان تسمع رده من دون مايشوفها.

جواد:ماأعرف أوصف..وقف.
شيماء:وين رايح؟؟
جواد:بروح غرفتي حدي تعبان.

ساره سمعته يقول جذي راحت لدانه.

....