الصراحة انا اغبطكم على هذا الافتتاح الاكثر من رائع
تستاهلون والله
الصراحة انا اغبطكم على هذا الافتتاح الاكثر من رائع
تستاهلون والله
Fox black eyes تسلمين على التوقيع
::من مواضيعي::
فلم Pirates of the Caribbean: Dead Man's Chest (مترجم عربي)
فلم الرعب The Hills Have Eyes $مترجم عربي$
صباح الخيــــر
.
.
هاي فيديو منقول عن تعليق بوسيف على لقطة فارسنا محمد بن حمد^_^
هنا
Mexat will be always in my heart
Bye
صباح النور
تراني حاط نفس اللقطة في التوقيع بعد
غير متواجد
اهلين
يبت لكم صور من الافتتاح
ومب انا مصورتهم<<لنج كنتي في مكسات ياعبقريه
اخوي مصورهم بس كلنا واحد
المشكله هو اول مرة يستخدم هالكيمرا عشان جي ثلاث ارباع الصور مب واضحين
يلا المهم صور شي عدل .. او على الاقل صور
لن لو عطيت واحد ثاني جان قطاها في الزباله وقال لعوزتني وفشلتني <<
هاي يوم شكلو علم قطر وكلمه بيس
.
يتبـع
قطر أوفت بالوعد ومحمد بن حمد خطف الأنظار
بدأ الإبهار من اللحظة الأولى لحفل افتتاح دورة الألعاب الآسيوية الـ15 "الدوحة 2006" وتواصلت الروعة على مدى الساعات الثلاث للحفل، لكن الحدث الأكثر إثارة تأخر إلى نهاية الحفل مع إيقاد الشيخ محمد بن حمد بن خليفة آل ثاني للشعلة العملاقة أعلى مدرجات ملعب خليفة الدولي.
وتلاحقت أنفاس نحو 50 ألفا احتشدوا في أكبر ملاعب العاصمة القطرية وهم يشاهدون الحفل الممتع الذي أشرف على تصميمه ديفد أتكينز الذي سبق له إخراج حفل أولمبياد سيدني عام 2000، لكن الجميع كان يشعر أن مفاجأة كبرى مازالت بالانتظار وهو ما تحقق بالفعل في اللحظات الأخيرة وبشكل لم يتخيله أحد.
فبعد دخول الشعلة إلى الملعب مع سفيرها الفخري الشيخ جوعان بن حمد آل ثاني تناوب على حملها خمسة من أبرز نجوم الرياضة القطرية في تاريخها المعاصر، ثم بدأت ملامح المفاجأة عندما انتقلت الشعلة إلى الفارس محمد بن حمد وهو نجل أمير دولة قطر الشيخ حمد بن خليفة آل ثاني.
وتحرك الفارس حاملا الشعلة ببطء وتركيز في أرجاء الملعب ما أثار جوا من الترقب قبل أن يفاجئ الجميع بالانطلاق بأقصى سرعة عبر سلم حاد الارتفاع في عرض خطف أنظار الجميع وانتهى بالوصول إلى منصة عالية توسطها المرجل الرئيس الذي قام الفارس محمد بن حمد بإيقاده قبل أن يتخذ شكل إسطرلاب ويرتفع إلى قمة برج "أسباير" الذي يرتفع لنحو 300 متر.
وسيبقى هذا المرجل متقدا حتى انتهاء منافسات الدورة في 15 ديسمبر/ كانون الأول الجاري.
.
.
المصدر: موقع الجزيرة الرياضيه
بما ان مباريات كرة القدم اهم شي بالنسبه لنا .. فهاي جدول مباريات اليوم :
وبالنسبه للميداليات لحد الحين الصين حصلت ميداليتين ذهبيتين
شكرا جزيلا ع الموضوع المتميز
وقد شاهدت حفل الافتتاح , فعلا كان المخرج غاية في الابداع .
وايضا اعجبتني اغنية السيدة ماجدة الرومي , فقد ادتها بشكل راقي وجميل ,
الي جانب العروض الفلكلورية الخاصة بكل دولة من دول اسيا
كان عرض في غاية الروعة ,,
اعيد واكرر شكري مرة اخري ع الموضوع الجميل
أهلاً شباب ، كيف الحال ؟؟؟ ،،،
أولاً تسلمي اختي على الصور ،،،
ثانياً عندي صور زيادة لحفل الإفتتاح بحطهم إذا مافي أي إزعاج ،،،
يتبع ،،،
" I Want To Be With You Kirie ... Forever "
هلا ميسمو
سلمي لي على اخوج الفلاوي
والله له مستقبل حلو في التصوير
والصور عموماً طالعين كشخه
.×.×.×.
بخصوص المباراه ان شالله اذا قدرت بروح احضرها
ويارب نفوز
اللقطة التي خطفت الأنفاس ،،،
من قناة الكأس ،،،
http://www.qfup.com/abod/adss.wmv
من قناة الجزيرة الرياضية ،،،
http://www.qfup.com/qat_cool/2006.wmv
و للأمانة اللقطات من موقع قطر فوتبول ،،،
السلام عليكم
بصراحه الافتتاح كان رائع وخاصة ارضية الملعب كانت روووووعه
لكن.....
اللي دخلوا بالحدايد شخيفيييييييييين كنهم سيابيل
ماكان لهم لزوم
وشكراعاشق الآزوري
Find me Here
squal
هه انا يوم شفته لابس ثوب .. قلت هاي يشبه عادل الانصاري -اللي مثل في حتى اشعار اخر- ،،اختي قالت لي مب يشبهه اهوعلى طاري عادل..انا عرفته من خشمه بس يوم كان في السفينة
باال والله ذكريات اتذكر ايام اول
اقرا عليه المعوذاتذكري الله لاينقطع الشريط
اي يالله بالتوفيق اليوم المباراةوايه ميسمو باجر مباراة المنتخب لازم نكون معاهم قلبا وقالباً لان لوفزنا بنقطع شوط كبير عشان نتأهل للادوار الباقية
وان شاء الله يبدع خلفان كالعاده عشان شوي يسكتهم
مشكور ^^
تدري يوم كنت اشوفه امس قلبي معلق وياه والله .. جنى انا فوق الحصان وخايفه وجي
بس الحين لم اشوفه احس لا كنا نبالغ لم قلنا انه بيطيح وجي عاد .. ياله من فارس شجاع
تسلمسلمي لي على اخوج الفلاوي
والله له مستقبل حلو في التصوير
مسكين امس الكل قطعه على التصوير ليش انه مب واضح وكل الصور مهتزه
بس والله انا ماقلت شي .. بالعكس بطير من الفرحه
ان شاء اللهويارب نفوز
حتى لو مافزنا نبي اداء حلو ^^
____________
" Mafuyu "
اي والله روعـهالحفل خيالي للغاية و الأفضل على الإطلاق ،،،
بس لحد الحين اقول شوي القصه طولت
اي الله يوفق قطـر .. ^^و أتمنى التوفيق لبلدنا في الألعاب الآسيوية ،،،
لا عادي حط اللي تبيثانياً عندي صور زيادة لحفل الإفتتاح بحطهم إذا مافي أي إزعاج ،،،
ومشكور عالصور ^^
___________
آنجل
اي انا بعد اقول جيبصراحه شي خيالي هالافتتاح .. في البدايه كان عجيب .. في النص كان شوي ممل
بس في النهايه .. شي خيالي ..
ولا الياهل يوم نشد النشيد الوطني قلت بي شدعوة بروحه احس مافي حماس
بس لم انشدو معاه اليهال والجمهور قمت انشد معاهم
ايه انا اصلا ماستوعبت انه ركب الا يوم تحنقلوالله اني حسيت نفسي بموت والحصان يركب الدري
والله في قلبي اقول يا عسى يوصل يا عسى يوصل
ايه اخوي يقول وناسه لكن تلعوزو بالمطر واايد ^^ويا حظهم الي كانوا هنـاك ..
عاد هو مادري عنه رجع البيت بدل وراح العديد ماظن تلعوز
_______________
واحدوو
تعالوا بقولكم سر .. كنت فـ الملعب !!!
اي واايدشي مشـ ممكن والله ! .. يعني صج صج صج حسيت بالوطنيه !. .
هههههههههههههماتت الخدامه يوم طلعوا الفلبين -
للأسف ماكانو يحطون الكميرا واايد ذاك الصوب بس على الشيخ حمدالمهم .. جفتوا وين الشـيخ حمد قاعد ؟ .. جفتوا يمينه ؟ .. هناك انا
حتى الشيخه موزة مابينت وايد
متى وين شلونتدرون شنو .. تسبحت .. شنو غرقت .. شنو مرضت وباجر لازم اطلع فـ التي في
اييولا هـ الصندوق اللي تحت كل كرسي فـ الملعب ع ـجيب !!
اخوي ياب لي واحد
قلت بفتحه وبصوره قطعه قطعه وبحطه بس الجارج كان مخلص امس والحين اخوي ماخذ الكيمرا مادري وين راح
؟B y O n D
______
برب
وتييت يا ساندي
لا ما في اجازه
الشيخ جوعان يوم راح الجامعه<<جامعه البنات
حاطين لافته كبيرة مكتوب عليها (نبي اجازه)
اشر لهم بصبعه لالالا
نسييت
تسلمين خيتوو على الموضوع والله الصراحه استانست بالحفله الافتتاحية
ابدعوا اخوانا القطريين
ويعطيهم الف عافية
وماقصر الشيخ محمد بن حمد ال ثاني
واكييد شيخنا وابونا الشيخ حمد بن خليفة ال ثاني << الله يحفظه
والسفير الفخري الشيخ جوعان بن حمد ال ثاني
وماقصرتي اختي الغالية
عدد زوار الموضوع الآن 1 . (0 عضو و 1 ضيف)
المفضلات