// ،...قـاموس بكلمات منطقتي ...، //

**Kaitoυ Jeanne** · 17-11-2006, 13:58

السـلام عليــكم ورحمــ ـ ـة اللـه وبركــ ـ ـا تـه **

طفشانة وزهقانة حدي .. ، فحبيت أنـزل موضوع أي موضوع المهم أكتب شيء .. تعبت من المـذاكرة ..
الله ياخذ المدرسة disappointed

.....

ههههه قلبتها مآسـاة .. ^^

شلونكم وأخباركم.. ،إن شاء الله بخيـر ، كيف المتعسـة وياكم tongue

سماعين هذي الأنشودة التقول :

أنـا مفتون في هواك ... ياربي ومالي سواك

قد ملأ الدنيـــا نــداك ... عميـت عيـنٌ لاتــــراك

والله مادري وش سالفتي قاعدة أتسمعها الحين وجى في بالي هاالسؤال ><..!

المهـم حـابة أعرفكم نوعاً مااا عن كلمات متداولة في منطقتنا .. وبشكل شاسـع ( مادري إذا صح كذا paranoid

)

والله مابتصدقوا أني عايشـة في KsA ههههه ^_^!

أدرية: الدرج أو السلم .

عفر: يمكن.

شمطوط: القطعة من الثياب .

إرفل أو رفلة : وسخة أو وسخ (من القـذارة )

عضروط أو عسقول: معصي أو ضعيف /خفيف/نحيل

طلعت من غبشة الغباش: طلعت مبكر من الصباح

الشموخ : الجرح في الجلد .

التلبزون : التلفزيون .

الكنبل : البطانية .

المجر: الدرّج

الصدح: الطابق الثالث من البيت ( آخر طابق) ويكون فاضي مافي
شيء مو مبني ^^

طاسة : الصحن المقعر التنشرب فيه الشوربة خخ.

كمجة : الملعقة .

دختور: الدكتور

حوي : الساحة الفاضية في حوالين البيت في الداخل .

الخواهر : الحر الشديد

بانكة : المروحة

الكالوج : الجوتي ، الحذاء.

كندرة : نفسه الحذاء لكنه يكون رياضي وغالباً مايستعمله الأولاد .

عسكريم : الآيس كريم.

في غيرهم ..، // راجعـة ليكم //

والعنده أشياء مشابهة يتفضل بالإضافة ^_^..!

**Kaitoυ Jeanne** · 17-11-2006, 15:47

خويتي : صديقتي (وتنقال الأثنتين) .

يرادة : جرادة ( الجراد ).

يحة : الجح ( البطيخ الأحمـر ..) ..

ضروس : أسنـان .

منضرة/منظرة: المراية أو المرآة .

كنبوس: القبعـة .

زولية : السجادة .

غشواية / بوشية :الغطاء ( مايستر به الوجه )

دفة : عباية ( عباءة)

جيس : الكيس .

جنطة : الحقيبة .

مزلف/شباص: مايمسك به جزء من الشعر ( الزينة الصغيرة) .

ربطة /كركوجة : مايمشك به كل الشعر لكن حجمها يكون أكبـر .

خشم: أنف ، بوز : فم .

صك/ سَكر(بفتح السين وسكون الكاف)/قحم : بمعنى أغلق ،أقفل .

سنورة biggrin

: قطة ، الهِرة .

أمبوة / ماي : الماء .

كلاص/كاس : الكأس.

شيول: مايزاح أو يحمل به الرمل .

كيمرا: الكاميرا .

الحوطة: مكان في البيت يتحتوي على كميات كبيرة من الرمال والحجارة .

لزقة : الشيء الذي يوضع على الجرح .

لزاق : مايثبت به الأشياء ..، مثلاً الأوراق ..

التيب : بنفس معنى لزاق ^^..

صفرية : الطنجرة (مايطبخ فيه الطعام ..).

أدريشة : النافذة .

صمول : الخبز المنتفخ .

البيبان مشرعة : الأبواب مفتوحة أكثر من اللزوم .

علوج : العلكة .

الميل : شيء طويل مجوف ..، يحسب أو يمص به العصير .. (المصاص)

زوعت جبدي / بطيت جبدي : قهرتني .

ماأحاجيج / أحاجيج : كلمة متداولة بيني وبين صديقاتي كل مانتفارس يوم كنا في إبتدائي خخ tongue

..، معناها ماأكلمج . أكلمج .. مخاصمتج .. كذا يعني^^..

إدراير : منشف الملابس .

شينكو : مايوضع على سطح المنازل قديماً ..

ههه هذا ماعندي لليوم ..، يلا استنى تعليقاتكم .. ولاتفشلوني ترى هذا أول موضوع لي هنـا غير التبريكات ^^!..

وخبروني إذا عرفتوا أي جلمة هههه ^_^ !..

نشوفكم على ألف خـير ...

**ايسامي** · 17-11-2006, 16:12

مشكوووووووووووووره اختي على الموضوووووع

لكن في كلمااااااااااات كثييييييره اول مره بحياتي اسمعها

بس فعلا كلمااااااااااات تضحك هههههههههههههه

**topgirl** · 17-11-2006, 20:50

هههههههههه كلمات مضحكة .... يسلمو عالقاموس اختي tongue

اختك في الله

**سوبر فنكيس بوي** · 18-11-2006, 08:25

هههههههههههههههه

رووعـــــــــــــــه اختي

ازيد : شطرطوون = تيب = لصاق هع *
خاشووقه = قفشه
بوتمبه = الشخص البطه المتين

هع هع هع
الف شكر لج اختي روووعه والله .. &_&

**سراب الروووح** · 18-11-2006, 09:05

ههههههههههههه

لكني استخدم بعضهم ^^

مكشووووورة خيتو

**ЯOSEL!A** · 20-11-2006, 13:26

اووو مـاي
هــايو جينا كيفج وشحالج اش مسويه تـرا صار لي خبره في لهجتكم وكمان زدتيها عـلي
تــسلمين gooood

بـس غــريبه
فيه كـلمات نفـس كلماتنه بس على فـريج امـي زي
الكمجه و الصفرية >> من ادوات المطبخ

وبالفـعل عـزيزتي ابدعتـينا و اسـفرتينا من هالظـلام وووحشتينا كمان
و الله يعينج عـلى المذاكريه
واذا كنتي في سنه ثالثه ثنوي فاسعدي بذلك واذا كنتي في ثاني نفسي ف هالله هالله بالمذاكره>> tired

<< مـتملله من الكتب
مابطول بـايـ ووو

**Kaitoυ Jeanne** · 20-11-2006, 13:49

السلام عليكم ^^

ايسامي

مشكوووووووووووووره اختي على الموضوووووع

العفو ولو ^^

لكن في كلمااااااااااات كثييييييره اول مره بحياتي اسمعها

بس فعلا كلمااااااااااات تضحك هههههههههههههه

ههههه اكيد ماقلت لكم tongue

topgirl

العفو ^^

سراب الروووح

ههههههههههههه

دووم هالضحكة biggrin

لكني استخدم بعضهم ^^
مكشووووورة خيتو

الحمد لله ..، العفو أختي ^__^

سوبر فنكيس بوي

هههههههههههههههه

رووعـــــــــــــــه اختي

ازيد : شطرطوون = تيب = لصاق هع *
خاشووقه = قفشه
بوتمبه = الشخص البطه المتين

هع هع هع
الف شكر لج اختي روووعه والله .. &_&

العفو أخوي .. وشكراً على الإضافات ^^

Msn_Girl

اووو مـاي
هــايو جينا كيفج وشحالج اش مسويه تـرا صار لي خبره في لهجتكم وكمان زدتيها عـلي
تــسلمين

اهلين هاروكا .. زمان عنج وين متغبية .. أنا بخير الحمد لله ^^.. و لازم نضيف على خبرتك wink

بـس غــريبه
فيه كـلمات نفـس كلماتنه بس على فـريج امـي زي
الكمجه و الصفرية >> من ادوات المطبخ

ههههه اجل رحنا وطي (كلمة تقال عند الخوف من شيء تقريباً يههه tongue

)..

وبالفـعل عـزيزتي ابدعتـينا و اسـفرتينا من هالظـلام وووحشتينا كمان
و الله يعينج عـلى المذاكريه
واذا كنتي في سنه ثالثه ثنوي فاسعدي بذلك واذا كنتي في ثاني نفسي ف هالله هالله بالمذاكره>> << مـتملله من الكتب
مابطول بـايـ ووو

ويي وش مسوية اني ..لوول أنا نفسج نفسج نسيتي The Same You هههه cheeky

الله يعينا ..

مشكورين كلكم على الردود الحلوة ^_^

تحيــاتي ..

**ЯOSEL!A** · 20-11-2006, 13:57

عن الازعاج مجرد رد وليس للتخريب... nervous

اهلين هاروكا .. زمان عنج وين متغبية .. أنا بخير الحمد لله ^^.. و لازم نضيف على خبرتك

انا بخير تمامز وانا تقريبا اتكلم كل اللهجات مكـس بس اكثر شي اعروف لها سعوديه و ايران ^^

ههههه اجل رحنا وطي
ايــه نفسنا
رحنا وطي او رحنا فيها نفس المعـنى

ويي وش مسوية اني ..لوول أنا نفسج نفسج نسيتي The Same You هههه

الله يعينا ..

ايــــوووه ايـــوووه اعرف
بس حسبتج تخرجتي قبل الاوادم biggrin

>> بصقتها
وعلى فكره ضيفي على قاموسج
ج: هي كلمه تضاف في الكلام عند البحرينيين
نايبه: مصيبه تصيبه وهي كلمه عاديه مش سبه
بصقتها: استخفيت محور الكلام
ســي ياا عــزيزتي