سؤال ........

[زعيـم العنكبوت]

السلام عليكم جميعا...

هل أنت مرجوج ؟ هل انت مرجوجه؟


وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذا الاختبار النفسي ..


السؤال الأول :

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تضحك ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .

2- توخر النملة عن وجهك و تنتفها وانت تشتمها .

3 - تخلي النملة تدخل خشمك .

----------------------------

السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تسوي بكرة إذا بغت تسير في الضحى على أم صويلح .. ماذا تفعل : 1



1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الكورنيش.. حب ورثته من الجدوووود
هع هااااااااااااااااااي والله تسحيبة يمة .

2- تجي بشويش من ورى أمك وهي سرحااانة وتصرخ في أذنها وتقول : مساااااج الله بالخير .. وطبعاً هي بتنفجع وبتقول.. وجع.. الله يمسيك بعصا إن شاء الله .

3- تطلع غرفتك وماتسوي شيء.

---------------------------

السؤال الثالث :

انت توك مقيل وماخذ لك قيلولة على كيف كيف مرت جيرانكم... ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :



1- تجي يعنني تكنس وتغطي عليهم التليفزيون <<< أحلى يا أليسا

2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف .

-3 - تقعد تتفرج معهم.
-----------------------------------------

السؤال الرابع والأخير :
بعد العشاء اشتهيت لبن ونزلت تشتريه من البقالة ولقيت سيارةربيعك عند باب البقالة :


1- تنسم كفراته الأربعة .

2- تسلم عليه وتلزم عليه يعزمك على العشاء .

3- تشتري له لبن معك.
---------------------


النتيجة :

أعط نفسك لكل اجابة رقم واحد 3 درجات

ولك اجابة رقم 2 درجتين

ولكل اجابة رقم 3 درجة وحدة
--------------------------------------
9 - 12 :
أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

-------------------------------

5 -8
أنت مرجوج بس على بدفاشة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك الدفاشة.. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .
-----------------------------------

4 - 5
يا أخي انت مب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.



انا طبعا جاوبت وطلع لي الجواب الثاني يعني مرجوجه على دفاشه وهو صادق الصراحه بعض الاحيان اجيب العيدين بعد

يالله بشروني عنكم انتم..

[ka$h5a]

طلع لي 4 - 5
يا أخي انت مب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.
والإجابة صحيحة
ونت مرجوجة

[RoOoOozy]

هذا الموضوع أختي أنا كتبته مفروض تكتبين منقول

وأظن بينقلونه للمواضيع المكرره

[زعيـم العنكبوت]

انتي كاتبته... قولي والله ....

ما شفته وانا نقلته من منتدى ثاني ....

[.p.i.m.p.]

السلام عليكم وبعد


هذا الموضوع مكرر انا قد سبق وكتبت مثله


بس شكراً على موضوعك

[إيرومي و هيسوكا]

:الموضوع مكرر

لازم يكون في مصداقيه في النقل

[black itachi]

مشكورة زعيمة على الموضوع ..........

بس تراهم كفشوكي على النقل ........ خخخخخخخخ

أنا طلعلي الناتج 8 .............

[كيلوا القاتل]

5 -8
أنت مرجوج بس على بدفاشة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك الدفاشة.. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .
-----------------------------------

هذي نتائجي ................

وشكرا لك على الموضوع

^_^

[ساحرة هاري بوتر]

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

هذا اللي طلع لي خخخخخخ

مشكوره عالعبه

[زعيـم العنكبوت]

تسلمون ع المرور ...

[فانيليا]

من 5-8
شكرا على الموضوع