كانت * مدرسه
بالأمس كانت مدرسه 00 واليـوم اراهـا مقبـره
فيها سكن مارد عنيد 00 هاوي الحفـر قبورهـا
في كفه الايمن قلم 00 شـال بيسـاره مسطـره
يرسم بهن دم ودمار 00 غيـر ملامـح حورهـا
ويرسم بهن 00ليلٍ كئيب خافيـه يشبـه مظهـره
من ظلمته نفس الشقي 00فيها سكـن ديجورهـا
غطا على نور الصباح00 شوه صفـاه ومنظـره
حتى الشموع الهاديه 00 غـاب وتلاشـا نورهـا
ويرسم على الباب الكبير00 قلب انطعن في خنجره
وعينٍ بكت حتى العما00 صـار العمـا دكتورهـا
ويكتب على باب الحضور00 كل الفصول مسكـره
واعلٍ نهاية مدرسه00 يطـوا الجفـاف زهورهـا
وستسلمت ذيك الفصول00 للأمر تخضع مجبـره
تشكي العنا لبيبانها 00 وتشكي العـذاب لسورهـا
حتى الدرايش للأسف 00خاطر عاشقهـا تكسـره
يصفق بهـا الريـح العنيـد متحطمـن بلورهـا
وطوايل الصف القديم 00 بعـد النظـام مبعثـره
حتى الكراسي تشتكي 00 حلم انطوى بجسورهـا
والاسئلـه ودروسهـا 00واقلامهـا والمحـبـره
وسبورتٍ فيها شرحة 00 يبكن من قل حضورهـا
وأنا اسأل عنها غربتي 00 وخان الجواب الحنجره
العين تجاهد دمعتي00 غصب طلعت عن طورهـا
اسأل ابي درب الامان 00 غريب واجهل معبـره
تشابهت كل الـدروب 00 فـي برهـا وبحورهـا
حزين ادور فرحتـي 00 اطـرد سعـاده مدبـره
اضحك مع الحلم القديم 00 عبر الخيـال ازورهـا
واضمها بلحظة جنون00 بحلمٍ الوقـت استكثـره
لوهو خيال وينتهي00 يمـلا المكـان عطورهـا
بالأمس كانت مدرسه00 الشاعر كتبهـا بدفتـره
فيها كتب عذب القصيد00 شعره مداد صطورهـا
واليوم صارت مقبره 00 لأصغر احلامه واكبـره
فيها زرع وردة غلاه00 ومارد يقـص جذورهـا
المفضلات