قصه حقيقيه....

**جارح الإحساس** · 04-11-2006, 16:30

السلام عليكم

اليووم جبتلكم قصة اعرفكم تموتون على هاي السوالف

القصة وما فيها .. بنت اتصلت على الشاب وبدأوا الكلام من مرحبا حتى الحب والهيام .. مين الشاب ومين البيت .. هذا اللي راح تعرفوه في اخر الموضوع ..
كنت نايم.. وبعالم الأحلام هايم

مادري في شو كنت أحلم

مرة احس اني اسوق سيارة..

ومرة اقول كنت مضيف طيارة..

كان الجو بارد..

وكنت متغطي وشارد..

رن التلفون

وقلت ياترى من يكون؟؟

هذا المزعج هل هو صديق ولا مزيون..

هل هو عاقل ولا مجنون؟؟

رديت عليه وانا كلي شك وظنون!!

وبـرقة بعد ماكنت عصبي انا انسان حنون..

سمعت صوت ماتوقعته.. :

ولا في خيالي تخيلته..

ولا حتى بحلمي سمعته.
.
بنت.. :خخخ:

قلت هلا

وقالت اهلين..

نورة موجودة؟؟

قلت وأنا صوتي رايح فيها..

لحظه شوي بناديها..

وبلشت أنادي واقول نورة .. يامن نورة يلاقيها..

ورجعت للسماعة وقلت مادري وين راحت الله يهديها..
بس دقيقة ماعندنا نورة!!

وبادر البنت خوف!!

قالت آسفه غلطانة..

قلت ولا يهمك عادي لا تكوني زعلانة؟؟

مايهم اذا ماعندنا بالاسم فلانة..

وقالت شكلك كنت نايم..

قلت لا.. يا دوبني قايم.. :lll:

قالت تدرس ؟؟

قلت الدراسة خلاص باح..

انتي شكلك تدرسين؟؟

كيف اختباراتك ؟؟ عسى أنكم مرتاحين

قالت باقي لنا ونخلص يومين

وخايفة والله من مادتين..

قلت من الاختبارات لآ تخافين.
.
ما دامك بالليل تذاكرين..

وعلى الله تعتمدين..

واللي يزرع بطيخ ما يحصد يقطين..

أهم شي انك ماتنسين..

قبل الاختبار الله تدعين..

ومن إبليس تتعوذين.. :شيطون1:

خلقه من نار وخلقنا من طين..

وبلشنا نسولف في أمور..

من شو اسمك حتى غلاء المهور..

قالت اسمي (ود) وقلت لها انا احمد..

وقالت صدفة غريبة اسامينا فيها دال..

تصدق كنت اتمنى يسموني نوال!!

تصدقين وانا كنت اتمنى يسموني جمال

وبلشنا نسولف في بحور الشعر والموال..

وماهمنا كلام الناس والعذال..

وفجاءة خلصت السوالف ولا لقينا اللي ينقال؟؟

وسكتنا..

وبدلع..قالت أنت تشجع القادسية

قلت في قلبي.. مادري أجاوبك بطراق ولا بنعال.. :rashashL:

بالله عليك هذا سؤال؟؟

قلت أنا عرباوي.. وما يهمني القيل والقال..

هذا الزعيم هذا حبه طاح في القلب ولا ينشال..

والشمس مايغطيها غربال ..

قالت اشمعنى العربي!!..

قلت يا بنت.. العربي فن ولعب ويفوز باللي حضر..

وجمهوره له كلمة وامر..

يابنت..لا تغريني بالكثير..

لو تضربين مليون بصفر تساوي صفر..

و احتشرنا وشبينا.. بس بسرعة انطفينا..

الظاهر بعضنا هوينا..

وبدرب الحب ابتدينا..

قالت.. احمد..

قلت آمري يا ود..

قالت اوصف لي شكلك.. :كبس:

هذا وين .. انفضحنا

شوفي العرب لونهم واحد

ولسانهم واحد.. واحلف بالله ولا غيره أحد

أني لا طويل ولا قصير..

شعري ناعم مثل الحرير. :جاكس:
.
قالت والعيون..

قلت العيون شبرين في ثلاثه اشبار

قالت اسد..

قلت شكرا يا احلى شهد

المهم انا تواعدنا..

والموعد باجر في البلد قررنا..

بين خوف وامل تواعدنا..

وقضيت ليلتي في حيرة..

شو البس؟؟ جنز ولا كندورة والله حيرة.. :kash5a:

مافي غيرها يفك الحيرة.. شيشه و تعميرة..

ورجعت للبيت اعاتب امسي وابتسم لغدي..

وبصعوبة نمت.. قعدت اتقلب وون..

يا قلبي قلي شو اللي من الحب اهون؟؟ :عاشق:

غريبة هالدنيا غريبة..

وراحت ليلتي.. وزادت بلوتي..

اليوم موعدي.. انا والحب بنلتقي..

وكشخت :kash5a:

لبست فوق راسي كوفيتي ..

في مكان اللقاء تغيرت حتى خطوتي..

صرت ارتجف واترنح بمشيتي..

كأني انساق للموت وهذي نهايتي..

مش سوالف شجاعة.. هذي اكبر بطولاتي..

اذا خسرت بتضيع احلى امنياتي.
.
بلشت ادور والف وحول المكان اطوف..

وين هذيك العين اللي عليها قلبي ملهوف..

ود؟؟ ياليت الناس تجي وتشوف..

وفجأة..

وصلني مسج..
يقول..

سويتها فيك يا احمد..

ارجع بيتكم واترك عنك هالسوالف ياتـعبان

روح نام ..

تعيش وتاكل غيرها

و سويتها فيك ..

المرسل :
الوالدة
ههههههههههههههههههههههههههههههههههههههههه
__________________
مع تحيات جارح الإحساس...

أنتظر ردودكم الغاليه....