..+* بسم الله الرحمن الرحيم *+..
الحمد لله الذي رزقنا المحبة والصداقة والرحمة بين الأخوان.. أشقاء أم جيران أم حتى لم يروا بعض إلا في المنام
.+* السلام عليكم ورحمة الله .. كيف حالكم يا أخواني الأعضاء *+.
...:::أنا وأخي هزيم:::...
الصداقة كنز لا يقدر بالملايين .. للصداقة قلب لا يعرفه اللئيم..
منذ أن ولدنا ونحن نتعرف على أناسٍ جدد، حملتنا أمهاتنا في أرحامهن 9 أشهر ..
ونخرج من رحم الأم الحنون لا نعلم من الدنيا شيئاً ..بلطف وحنان ورحمة لا تجد لها بين البشر مكان
ترضعنا وتسقينا وبماء الحياة تروينا حتى نغدو رجالاً ونساءً على أكمل قوانا..لنقف أمام مصاعب الحياة..
ولكن .. هل سنقف وحدنا ؟؟؟
أنا وأخي هزيم ..
كيف كنا ؟... وما أصبحنا ؟ لمحة لماضينا الجميل .. وكيف أصبح حاضرنا المشرق
أول مره أدخل فيها قسم تبادل الخبرات.. أنصدمت قلت هذول مساكين ليه محد يساعد بسرعه..
ولقيت أني والحمد لله .. أعرف حل جذري لأغلب المشاكل ... بدأت أساعد الأعضاء .. حتى أني
كنت ألحق بعضهم على الرسائل الخاصة ... لكن تفاجأت .. كان في ند قوي في حل مشكلات البرامج
حتى كان يرفع الشرح بالصور ... ويشرح ويصمم فلاشات للكل .. أنا وقتها كنت مضغوط لظروف شخصية
ما قدرت أتدخل كثير.. وكان الاتصال بطيء عشان كذا ما كنت أطول في المنتدى...
مع مرور الوقت .. شفت مشاكل ما يقدر عليها ... مسكتها وقعدت أحلها وحدة وحدة
طبعاً .. وأنا مبسوط لأن اللي بيننا منافسه .. كانت أحلى وأشرف منافسه عشتها في حل مشاكل الكمبيوتر
إلى أن جاء يوم احتجت مساعدته .. أرسلت له رساله خاصة .. قلت له فيها .. أبغى صور على اشكال ورق
قديم ... لأنه مهم جداً .. راح استخدمه في البرنامج الخاص بمكسات .. <<هذا الكلام قبل رمضان بشهر تقريباً
...::: موقف طريف :::...
احنا كنا متفاهمين جداً في القسم .. حتى كان أحياناُ يرد بعدي ويمدحني ...
لكن كان اتصالي بطيء ... عشان كذا ما كنت أقدر أرد عليه .. لكن والله شلت كل الكلام في قلبي ..
وكان الحب يمتلي فيه بدون حدود ..
عشان كذا .. رحت لا إرادياً كتبت في نهاية أول رسالة أرسلها له
رد علي وقال ... عطني الثانيه وخذ الأولى .. ههههههههههههههه حبوب من أول ايامك يا هزووومي ^^لك تحياتي وقبلاتي
وبعدين .. ارسلت له رساله ثانيه ... وحمقت عليه هالمره
قلت .. عندك سكايب ولا تتكلم .. انا اسمي .. ********** ..سوي بحث وتلقاني ..
^^ ومن يومها واحنا على طول مع بعض .. سواليف وترتيب لأفكار جديدة.. تصميم .. تنكيت نضحك مع بعض
وعلى بعض نشكي همومنا لبعض ... أخ وأخوه .... بكل معنى الكلمة..
ساعدني في حاجات كثير .. كنت أتعلم منه أشياء كثير .. <<الحق لازم ينقال ..
وكنت أعلمه اللي أقدر أعلمه عليه ..
يوم ورى يوم .. جت الإجازة .. موقف فراق طويل .. حزين ..
تحركت فيه القلوب لأول مره بشكل مبهر .. بشكل ملفت .. كأني بترك أخوي من جد وأتوه بعيد
هناك بس ... عرف كل واحد منّا قيمته عند الثاني .. حتى أنا وبكل صراحة اقول
أخوي هزيم .. لولا الله ثم وقفتك معي في أغلب الأوقات .. ما كنت Kill’em All اللي يعرفوه الأعضاء الآن
من طرائفنا في السكايب و الماسنجر...
معروفه مصطلحات الحوار في برامج الدردشه..
لما ينشغل الواحد.. يقول لخويه برب (بي رايت باك).. والثاني تيت (تايك يومر تايم)..
وإذا رجع يقول باك ...
جاء هزووم ...في يوم من الأيام.. مستانس مدري وش عنده .. يوم جا يقول باك ..
قالها بطريفه .. يبغى يضحكني .. قال .. باق ..
أنا ما تمشي علي هذي الأشياء أبد .. قلت له
بق بق بق بقيـــــــق ...وضحكت عليه شوي ..
.. ومن يومها وهي كلمتنا .. ..... (هزوم باق .. )
...::: برب دون رجعه :::...
في يوم من الأيام جتني فرصة ذهبية قعدت أسولف معه على الماسنجر ..
في الإجازة وانشغلت في نص الحوار.. قلت له .. هزووم .. برب .. قال تيت ..
والموضوع حسبته بيخلص .. ما خلص إلا الساعة 1 بالليل ...
خفت أنه زعل علي .. أرسلت له رساله أعتذار... بعد يومين ..
عنوانها >> وش رايك .. برب وإلى الحين ما جيت .
أما دباب توصيل الطلبات.. أترك الموضوع له.. هو اللي يكتبه لكم ^^
تتذكر يا هزيم ... يوم العيد .. يوم تدق على جوالي
أحسب أنه واحد ثاني أعرفه .. كل يوم يدق برقم .. هذا رقم أخوي .. رقم خويي رقم مدري مين
بس من جد أحرجتني .. دائماً سباق في فعل الخير ...ما شاء الله عليك
الله يحفظك ويخليك لأهلك ومحبيك
أخوي هزيم ... تعبت وأنا أكتب .. لكن تأكد كل ما تذكرت شيء .... بجي وأكتب هنا
... تدري ليه ...
أبي الناس يعرفوا كيف أخوتنا .. كيف أحنا مع بعض قلب واحد
نظرتنا وحدة إلى مستقبل واعد .. وفي عوننا قوه لتخطي أي صعاب
مش لأننا سوينا حاجات كبيرة ...
لكن لأن اللي يجمعنا شيء سامي ويجب الوقوف عنده ولو للحظة
أسأل الله أن يكتبنا في من قال فيهم ...
((ونزعنا مافي صدورهم من غل اخوانا على سرر متقابلين))
ومن من يظلهم الله في ظله ... يوم لا ظل إلا ظله ...
إن شاء الله راح أكتب كل ما اتذكر شيء جميل جرى بيننا
آسف على الإطالة
لكم تحياتي
المفضلات