.~.. جيــت أبنســـاك ..~.

[دمعة سراب]

السلام عليكم و رحمة الله و بركاتهـ

شلونكم..؟شخباركم..؟

اليـوم حابة أحط لكم قصتي الجديدة" جيت أبنساك "
كملت من كتابة الجزء الأول..و قريب بكمل الجزء الثاني
بليز أبي تفاعــل
و هالله هالله بالردود السنعة إلي تثلج الصدر
و لا تنسون آرائكم و إنتقاداتكم

((.. الله إشرح لي صدري و يسر لي أمري و احـلّل عقدةٌ من لساني يفقاهُ قولي..))

دائماً تأتي الكلمات متكسـرة
في مدينة الضياع
تائهة..و كأنها متغربة
حزينة و ذابلة
هـذه الكلمات تتكلم عن بطلة القصة
مشاعرها و أحاسيسها
دموعها و آلامها
جرحهـا
الدنيـا كلها أربـع كلمــات
" هكذا الحياةُ بسمةُ و دمعة "
فـ البسمة
تأتي في أوقات الفرح و السرور
و الدمعة
تأتي في الحزن و الفرح..و لكن غالباً ما تأتي في الحزن

(( نشرت القصة بمنتديات غير بأسماء غير عشان محد يقول إني ناقلتها ))

[دمعة سراب]

الجزء الأول


(.. ليش يا عماد تسوي فيني جذي ؟ آنه شسويت لك عشان تعاملني بالهطريقة..؟ كل يوم طق و سب و إهانة..بس خلاص ما أقدر أستحمل..! هذي حالتي من يوم تزوجنا..تعبت آنه خلاص...أبي أحد أفضفض له..أكلمه..مالي إلا بيت أبوي ..)
راحت للكبت و خلت هدومها و نزلت له شنطة من فوق الكبت و رتبت الثياب..دموعها مليانة في عيونها..سكرت الشنطة و توها بتقوم..جرها من شعرها...
عماد : وين بتروح مني يا الحقيرة ؟
أمل و تبجي بصوت عالي : بس خلاص كفاية إهانت كل يوم..بس ما أقدر أستحمل أكثر من جذي..حسّ شوي
عماد : و تعلين صوتج عليّ بعد ؟؟
عطاها كف قوي ع ويهها
أمل تيود خدّها و تصيح : بس تعبت آنه..أرحمني شوي يا عماد
عطاها كف ثاني و أقوى من الأول..فصاحت أكثر
أمل : عماد, أرحمني
عماد : سكتي..ولا كلمة
سحبها من شعرها..و طاحت ع السرير
أمل قعدت تصيح
عماد : دموعج ما راح تنفعج..تبين تروحين لبيت أبوج من دون إذني يعني بتنحاشين مني .
و رفسّها ع ريلها
أمل متألمة و دموعها مالية عيونها : بس كفاية يا عماد
عماد : و لا كلمة
أمل : حسّ فيني شوي
عماد: قلت لج و لا كلمة
و عطاها كف قوي, خلاها تصيح بصوت عالي
أمل : طلقني يا عماد..كفاية إهانات..تعبت آنه
عماد ما عطاها أي إهتمام, و طلع بره الغرفة ,و قفل عليها الباب
قعدت تصيح..حسّت روحها بتطلع..مختنقة تبي هواء
قامت أمل و هي منكسرة تبي تهرب تشهرد أي مكان تروح حتى لو تقتله و تدخل السجن..بس لا مفر.
خمس دقائق دخل عليها عماد
نقزت
عماد : جهزي نفسج, بنروح بيت أبوي
أمل : ما بروح
عماد بحده : قلت لج قومي أحسن لج
قامت و هي خايفة لبست عباتها و شيلتها و مسحت دموعها
عماد : إياني وياج إذا نطقتين بكلمة وحده عن إلي صار
أمل : إن شاء الله..شئ ثاني
عماد : ما أبيج تركبين مع خواتي فوق في دارهم
أمل : حاضر.. في شئ غيره
عماد : ما في شئ..يلا جدامي
أمل مشت قبل ما تحصل زفة ثانية

×××

نادية : شفيج رايحة راده
فرح : عماد ويا أمل يايين اليوم.
" فرح 17 سنة – نادية 19 سنة "
نادية وقفت : بـل!!
فرح : أخاف أمي تقول له إنج رحتي السينما مع رفيجاتج و يطقج
نادية خافت : أمبي و إنتي الصاجة..كنت أفكر في هذا الموضوع..!
فرح : و آنه يوم أروح بيت رفيجتي ميساء
نادية : الله يعنيـن بس, إدعي لنا بالصحة و العافية و المسالمة و الأمن
فرح : يا رب يا كريم يا إلهي و يا مولاي عافينا شرّ أخينا و رحمنا برحمتك يا رحمن يا كريم.
نادية : إهئ إهئ يا الله
دخل عليهم عبدالعزيز و نقزوا
نادية : بسم الله الرحمن الرحيم..خرعتني
فرح ميوده قلبها و النبض شوي شوي يخف
عبدالعزيز : شفيكم قاعدين تدعون و ما أدري شتقولون..؟ يلا نزلوا يه أخوكم و مرته أمل
فرح راحت له و يودته من يده, و نادية نفس الشئ
عبدالعزيز مستغرب : شفيكم جذي إلي يشوفكم يقول شايف يني..!!!!
فرح : خافين من عماد
عبدالعزيز : شمسوين ؟
نادية : و لا شئ
عبدالعزيز حقرهم و مشى بس هم للحين لاصقين فيه
نزلوا من ع الدرج و هم خايفين حدهم
شافهم عماد و سلم
نادية & فرح : و و عليـــ ـ ـ ـكم السـ ـ ـ ـلام
عماد : شفيكم..؟ عبدالعزيز شفيهم
عبدالعزيز : و الله سألتهم بس لا من مجيب
يات أم عماد و هي حاملة في يدها الصينية فيها العصير
أم عماد : حيا الله من يانا
عماد : الله يحيج يمــه
أم عماد : ويه شفيهم هذلين..؟
عماد : و الله عاد سألناهم ما ردوا
أم عماد : خايفين منك يا وليدي
عماد فيه الضحكة : خايفين مني ! شقالوا لكم وحش و لا يني ؟
(.. أمل في نفسها..و الله لهم الحق إنهم يخافون..بس لو يدرون شنو يسوي فينا جان ع الأقل عذروني ..) في هاللحظة كانت بتنزل دموعها بس يودتهم
أم عماد : ما فيهم شئ بس عبدالعزيز......
قاطعها عبدالعزيز : بس كنا نبي نروح السوق و يخافون تردهم
عماد : إذا وياكم عبدالعزيز ماشي الحال
حمدوا ربهم البنات
نادية : مشكور يا أخوي و الله ما تقصر
قعدوا ويا بعض يسولفون قالت فرح : أمل تعالي بنروح فوق غرفتنا
أمل إرتكبت لأن عماد يسمعهم : لا ما له داعي و خصوصاً إني مشتاقة لخالتي أم عماد
نادية سحبتها : تعالي يلا بلا سخافة براويج كتاب عن الدراسات العليمة و أبيج تعلميني فيه
أم عماد : روحي يا بنتي تراهم من زمان ما شافوج
أمل هزت راسها و راحت مع البنات و هي خايفة من إلي بيصير اليوم لها

×××

هناء : أبراروا شفيج..؟
أبرار : متمللة و أبيج تقعدين وياي
هناء : مب متفرغة لج آنه همي يكفني
أبرار : شنو همج بعد !
هناء : نسيتي طلاقي من مراد اللعين
(.. هناء 21 سنة مطلقة..أبرار 17 سنة..)
أبرار : الله يلعنه الحمار
هناء : الحمدلله فتكيت منه و من شرّ إخته
أبرار : ما أدري ع شنو شايفة نفسها مغرورة..لا و القهر إنها مب متحجبة
هناء : بسنا غيبة عليها
أبرار : ههههههههه..تصدقن أول مرة استغيب بس لكن ما يعتبر إني أستغيبها لأنها جليلة حيّا
هناء : المهم يعني
أبرار : ياليت أمل ويانا ألحين..تشوفينها متعذبة في بيت عماد
هناء : مسكينة كسرت خاطري بس الله يعينها
أبرار : تصدقين إن كل يوم يطقها و يهينها..تعبت بس بصراحة أتوقعها....
هناء : شنو تتوقعين..؟
أبرار : أتوقع إن أمل حامل
هناء بدهشة : حـــامـــــل !!
أبرار : أتوقع لأن صارت عقب واايد تتعب و واايد يقسي عليها عماد
هناء : تعور قلبي لما أشوفها بهذي الحالة..بس شلون تحمل من هذا عمادوو
أبرار : يدري يعقوب إن يطقها أو لا
هناء : ما يدري لحد الآن, و الله يعين إذا درى شبيسوي
أبرار : تكفين لا تتكلمين أو تنطقين لأحد..لأن بس إحنا الثنتين ندري
هناء : أبرار راسي يعورني
أبرار : شفيج لالا يكون حامل من مراد قبل لا تتطلقين تكفين ؟
هناء : إنتي بس تفاولين..تفاؤلوا بالخير تجدوه..و بعدين هذا يمكن صداع بسيط
أبرار : أمزح معاج يا أختي
هناء : و الله آنه خايفة ياخذج مراد عقب ما طلقني و يبتلش فيج
أبرار : قطع..ما دروتي إلا هذا عاد..آنه في قلبي وااحد ثاني " و سرحت "
هناء : ويي منو هذا بعد..؟
أبرار : ما عرفتيه بذمتج !! سينشي كودو إلي في المحقق كونان
هناء : هههه..الله يقطع سوالفج..مسكينة ران بتخطفينه منها.
أبرار : أصلاً اهو يحبني ما يحبها لأني آنه ران نمبر تو و لأاني الأجمل
هناء : مالت عليج و ع هبالج و ع هالسينشي
أبرار : لا تغلطين ع حبيبي سينشي
هناء : و آنه منو بالله...؟
أبرار كاتمة الضحكة : يوريو إلي في القناص و ع قولة كيلوا العجوز
هناء : شفيه شحلاته كشوخي و حلو بيغار منه مراد يوم يشوفني قاعدة وياه
أبرار : عيل إخذيه و آنه باخذ كوربيكا بعد عمري و الله
هناء : إنتي بتزوجين جم وااحد..؟
أبرار : بتزوج وااحد كوربيكا لأن سينشي متزوج و بيصير عنده ولد
و قعدوا يهرون عن الأنمي و خصوصاً إني أتابعه فعندي خبره فيه ههه

×××

جرّها من شعرها بالقوة
عماد : آنه مو قايل لج ما تركبين وياهم فوق..ليش ركبتي ؟
أمل : و الله كنت ما بركب بس أمك قالت لي أركب
عماد عطاها صطار خلاها تطيح ع الأرض
داس ع ريلها و أياديها ع شئ تافه ما يستحق أي ضربة أو شدخة
بس لكن أمــل إغمى عليها عقب ما لعوز الدم المكان
أما هو فما عبرها طنشها و لا كأن شئ صاير
بــــــــــــــــــــــــــس
بس إلي لفت إنتباهه هو دمها المتساقط و دموعها الغرقانة
حملها و وداها ع أقرب مستشفى عند الطوارئ

×××

ما ترضى تفتح الباب
رزان : ماني فاتحة الباب زين
يوسف : رزان فتحي الباب ترى ما بقول لج الخبر الحلو
رزان في قلبها إن متشوقة بس كبرييائها منعها
حمد : فتحي الباب ما تبين تسمعين الخبر إلي يسوى مليون ألف دينار
في هاللحظة فتحت الباب و قالت بصرااخ : هاا يلا قولوا لي شنو الخبر الحلو!!
حمد : ههااااااااااااااي صدقتي
كانت بتدخل داخل غرفتها بس يودها يوسف
يوسف : وين بتروحين
رزان : بيت الجيران
حمد : بايخة
يوسف : و إنت أبيخ منها..صج ابيج بموضوع مهم جداً جداً
رزان بفضول : شنو
يوسف : خطبوج
رزان : شفيها إذا خطبوني مو أول مرة واحد يدق بابنا يخطبني بس أنتوا تردونهم
يوسف : بس هالمرة ريال و خوش الريايل..محمود رفيجي
" طاريت من الفرحة لأن من يوم شافته إنعجبت فيه و هو نفس الشئ "
رزان عن حسب مب مهمتة : و خير يا طير
يوسف : يعني مب موافقة
رزان : لا لا بفكر و بعطيك رد
يوسف : أتركج عيل
رزان قامت و صكت الباب
هي موافقة بس تستحي تقول لأخوها بدون أي تفكير

×××

مرت ربع ساعة ساعة عليها و هي قاعدة في الغرفة قايمة قاعدة شتسوي متمللة
فرح : أفففف فرح متمللة شسوي ؟
نادية و عيونها ع شاشة الكمبيوتر : شدراني..شسوي لج آنه بعد
فرح تأففت و راحت لغرفة أخوها ناصر
طقت الباب ما يرد فتحت الباب شافته نايم
فرح قامت بندت التكييف و شالت اللحاف من عليه و فتحت الليتات
ناصر و صوته فيه نوم : شفيج مقعدتني..؟
فرح بصرااخ : نويصــر قوم طلعنا ألحين الساعة 6:30 و إنت للحين نايم و ما صليت المغرب.
ناصر : أفف توني راد من الشغل تعبان
فرح : قوم نصور صلّ المغرب و رد أرقد
ناصر قعد و هو يتثاوب : بس مافيني رقاد طارت النومة
قام و دخل الحمام توضأ فرش السجادة و صلى المغرب
شال السجادة و قعد يم إخته فرح
ناصر : وين بودج تروحين اليوم ؟
فرح إستغربت من أخوها اليوم مدري شفيه...؟؟!
فرح : بودي بودي أروح الله يسلمك بيت عمي أبو هاني
ناصر : قولي لأم سبعين لسان تجهز نفسها و إنتي بعد
فرح : هههههه..إن شاء الله
راحت للغرفة شافت إختها لابسة ناظرتها و عينها ع الشاشة
فرح : ندوي سمعتين آخر خبر
نادية : شنو؟
فرح : نصور بيودينا بنفسه بيت عمي أبو هاني
فرت ويهها لفرح بدهشة : و اللــه
فرح : قسم بالله..تجهزي قبل لا يهون
نادية لا يمين و لا يسارة سيدة عن الكبت
نادية : طلعي بره ببدل
فرح : أوكي..بسرعـة

×××

يتبع

[دمعة سراب]

كان نايم ع الكرسي و حاط راسه ع السرير إلي نايمة فيه أمل..فتحت عيونها..أول شئ شافته عماد صرخت..قعد من نومه متخرع
عماد : أعوذ بالله من الشيطان الرجيم..شفيج..؟
راحت لأبعد زاوية و هي تصيح و السيلان ع يدها : لا تقرب مني
شوي شوي تقرب منها و هي خايفة لين ما تلاقت عينه بعينها..غمضت عينها
عماد : لا تخافين ما بسوي لج شئ
أمل و للحين ما غيرت شئ من حركتها : آنه وين..؟
عماد : في المستشفــى
أمل : ليش..؟
عماد : يوم طقيتج إغمى عليج..بس لا تخافين من اليوم ما بطقج
أمل مندهشـة : هلل رمـضان !!
عماد : ههه..شنو هلل رمضان و أي بطيخ
أمل خايفة واايد : إنت شـ ـ ـ ـارب !!
عماد : شفيج قمتي تخرفين
مسكها من يدها بهدوء و وصلها للسرير
هي إنسدحت ع السرير و هو قعد يمها
عماد : مبروك..إنتي حامل
أمل بققت عينها بدهشة و دموع : حامل..مستحيل
(.. توقـع أبرار في مكانه ..)
عماد : ليش..؟ يعني ما تبين تحملين مني..؟!!
أمل : ما أبي..مستحيل هئ هئ
دخلت عليهم الممرضة
ممرضة جيهان : أنت زوج المريضة ؟
عماد : إي ليش ؟
ممرضة جيهان : د.سامي يبيك في مكتبه
عماد : إن شاء الله
قام و لحق الممرضة لمكتب الدكتور
قعد عماد ع الكرسي مستغرب
د.سامي ماد يده : هذي الورقة عشان معود للمريضة أمل جاسم.
عماد أخذ الورقة و وقف : مشكور يا دكتور
د.سامي : لا شكر ع واجب..بس خليها تاكل عدل لأنها صفرة
عماد : آوامر ثانية
د.سامي : لا مشكور
و طلع عماد من الدكتور
راح لغرفة أمل عشان يتطمن عليها قبل لا يروح البيت فتح الباب
إنصـــــــــــدم

×××

بعد ما سكرت الدفتر قعدت تفكر..تحس إنها تعبانة تعب قلب و وجع..تحس إن أخوانها و أمها و نادية إختها رفيجة عمرها خابين عنها شئ..تعبت من التفكير..راحت للحمام " أكرمكم الله " غسلت ويهها..وتجففت..كانت تحس بتعبت القلب و تعب مرهق..طلعت بره غرفتها..و راحت للحديقة..وقفت عند النافـورة إلي صاير فيها ألوان زاهية و حلوة..شافت صورتها في الماء..تذكرت أخوها ناصر..إلي قال لهم تجهزوا عشان نروح بين عمي أبو هاني..بسرعة البرق راحت تعدلت و تجهزت.

×××


نهــاية الجزء الأول

[دمعة سراب]

وين الردود ؟

[Be Easy]

ماااااااااااااااااااااااااااااااااااااااشااااااااا ااااااااااااااااااااااااااء الله
اتشرف اكون اول من يرد على المبدعه دمعه سراب
وعلى كتاباتك اللاكثر من روعه اختي
ابدااااااااااااااع القصه ياختي سلمت اناملك
واتمنى تكملين بقيه القصه
والله قلبي عورني على امل مسكينه ودي اعرف ايش بيصير بعد ؟!؟!؟!
تحياتي
Be Easy

[دمعة سراب]

Be Easy
يشرفتني واايد مرورج بقصتي
و أسعدني بشكل كبيـر
و بعد قليل اخلي الجزء

[evil_maind]

صرااااااااحه القصه وايد روعه
يسلموووووووووو على الموضوع.............. .

[evil_maind]

متى بتسوين الجزء الثانى ؟!!.............

[دمعة سراب]

الحين بخلي الجزء الثاني

[دمعة سراب]

الجزء الثاني

ظل مـده يشوفها بعين كلهـا
دهشـة و إستغراب
معقــولة تبي تنتحر
و توها بتدخل راسها يه صوبها و شالها و قال : إنتي ينتي..و لا تبين تصيرين مينونة..!!
أمل و دموعها أربع أربع : خلني في حالي..كيفي أبي أنتحر ما ابي أعيش وسط هالحياة.
عماد : أمل بليز..لا تصيرين جذي..ترى بنادي الدكتور هاا.
أمل بس عفت : لا لا إلا الدكتور.." كانت فيها الصيحة "
عماد طلع بره و قال للممرضة جيهان إنها ما تفارقها و تكون مهمتها طول الوقت و قال للدكتور بعد..

×××

راحت لأبرار و هي مستانسـة واايد..تحس إن الدنيا مب شايلتها..راحت تسللت و فتحت الباب شوي شوي..عقب فتحته كامل و بــوووووووووووووووووووووووووووووووو
أبرار و هناء إنزهقوا..أبرار كانت خايفة واايد راحت لإختها و حضنتها و يوم شافت فرح تضحك عليها
أبرار : خرعتني يا البومـة
فرح : أفا أنا بومة
قالت الجملة و هي تقعد ع الأرض يم السرير
هناء : هههههههههههه..خرعتيني وياها
فرح : اعنبوا شجايفين يني ؟
هناء : بصراحة لا شايفين قطو ناط علينا
فرح : الله يسامحكم بس..شخباركم بس أنتوا
أبرار : بخير..إلا صج غريبة يايين ليش..؟
فرح : طاع هذي بقوات عين تقولها بعد..اعنبوج ما تستحين..بس لكن أخوي نويصــر يايبنا ما أدري شداقه عليه,
هناء : هههههههههههههه..صج قوية عين..شداقة عليه نويصـر..!! أخاف بيخطب بس ؟؟
فرح : هههههههههههه..يمكن..!! بس من هي ؟
هناء : ممم..شدراني من..؟؟
أبرار : إنزين تركونا من هالسالفة..إلا قولي فرح..شخبارج شمسوية شحالج..؟
فرح : مستانسة واايد..و برودي أطير بعد.
هناء : خبلة غنتي..شنو إطيرين إذا عاد كنتي تبين إطيرين بالطيارة أو يخطفج نسر و يوديج لفراخه و ياكلج.
فرح : شقالولج الغنيمة و آنه ما أدري..إظاهر عايشين جو الرسوم المتحركة..لأن النسر أصغر مني.
أبرار : و إنتي الصاجة..آآوه ذكرتيني بعدين الساعة 2:15 دقيقة يحطون عهد الأصدقاء ع سبيس تون>> ع فكرة أطالع سبيس تون و غيرها خخخ.
فرح : طاع هذي..متفرغة في حياتها..يا بنت عمي يا حبيتي يا قلبي إخذي لج كتاب مفيد أقرايه مب سبيس تون و أنمي و ما أدري شنو..>> علمي روحج بالأول.
أبرار بخبث : عيل شتقولين عن هناء......!!
فرح بققت عينها : هناؤؤ إنتي إطالعين رسوم متحركة !
هناء بإبتسامة ماكرة : عادي..شئ حلو تسترجعين أيام الطفولة.
فرح : الحمدلله و الشكر..اللهم سكنهم في مساكنهم..لو تسمعكم نادية جان وياكم.
و الطيب عند ذكره..دخلت نادية
نادية و هي تمص الحلاوة المصاص مثل اليهال : سمعت إسمي شنو تحشون فيني..؟
فرح : يات الياهلة الثانية..لا و القهر تاكل حلاوة مصاص.
نادية قعدت يم إختها : عادي شو صار..يمي يمي..عجيب إنج تعيشين أيام الطفولة.
فرح : بستخف آنه منكم..الله يعقلكم يا رب يا كريم.
الكل : شقالوا لج ميانين لو شنو.
فرح : لا أبداً أعقل من العقال..أعنبوكم إستحوا ع ويوهكم..
هناء : آخ..شلون تبيني ما أطالع الأنمي و أغانيهم و حلقاتهم روعة
فرح : الحمدلله و الشكــــر..لو كلمتكم من اليوم لو بعد مليون سنة ما بيفيد.
نادية : ههههههههههههههههه..حلوة منج هذي
فرح : خبلة
نادية : خخخخ..مسموحة منج

×××

رزان : شسوي أرفـض أو شنـو..؟؟ بس آنه ما أعرف عنه شئ غير إنه رفيج أخوي و مكمل دراسته..!! بس معقولة أخوي ما يعرفـه.. شسوي محتارة
دخل عليها حمد
حمد : ها شتفكرين فيه..؟
رزان : حمود..إنت شرايك في محمود ؟
حمد قعد يمها : ما يعيبه شئ..طيب و مكمل دراسته و وسيم بس ناقصته العروس..هاا شرايج إنتي موافقة..!!؟
رزان بخجل : مـ مـوافقـة
حمد : يحليج و إنتِ خجلانة
و حضنها
(.. حمد..صحيح هو دائماً يتناجر مع إخته..بس يحبها واايد..ما يسوى البيت بدونها..ما يدري شلون بيصير البيت بدونها..و خصوصاً إنها هي الوحيدة إلي مسوية حركة في البيت..لها دور روعهـ..عمــره 23..يدرس بــره..بس توه راجع من السفر صار له شهرين..و بقى شهر و يسافر بره لأميريكا يكمل دراسته طب..)
حمد : ككووووووووووش..خخخ آسفين و الله ما نعرف إنيبب
رزان و هي مستحية حضنته
حمد : حبيبتي و الله
و مرة وحده دخل عليهم يوسف
يوسف عن حسب يبجي : اهئ اهئ الحب كله حق حمد و آنه وين رحت ؟
حمد : ويه ويه..بدينا بالغيرة ؟
يوسف قعد يم إخته من الجهة الثانية
يوسف : ها وين بوستي أنا ؟
رزان بغرور : تغار!
يوسف : إي
حمد : رزان لا تعطينه بوسة بس لي أنا
رزان : غيورين
يوسف : و الله ع إختنا مب أحد غريب
حمد : و الله الغيرة دلالة ع حبنا لج
يوسف : إلا رزان شنو رايج..؟؟
رزان إستحت و فرت رايها لحمد
حمد بإبتسامة عوده : يا أخي خجلت البنت..موافقــة
يوسف : و اللـه..كللوووووووووووووووووووووووووش..أفضل الصلاة و السلام ع حبيب الله محمد..كللوووووووش.
رزان و حمد : شوي شوي بس
رزان : حمود ما يعرف يزغرد إنت تعرف ؟
حمد : هيهي..من قال ما أعرف أعرف شوفي..ككووووووووووووووووووش
يوسف : هههههههههه..ديج الييران قاعد يصيح
حمد : إنزين تبون شئ أحلى ؟
رزان : يسو
حمد و يقلد صوت المرة : ويــه يا وخيتي ..ما شفيتيها شحلوها..و الله إلي بياخذها عين العقل..بيتهنى فيها..أقول لج شرايج نخطبها لولدنا..تهبل أقولج..الثانية ترد..إي و الله..تخبل شزينها..إظاهر بعد بتصير لنا طباخة شوفي يدها شحلوها
رزان و يوسف فاقعدين من الضحك
رزان و عيونها مليانة دموع من الضحك : من صجك يا خوي..كأنك عيـوز ثرثارة
حمد : و الله كل وحده جذي..
رزان : بتوحشني
حمد طالعها بعيون حزينة : ما عليه إستحملي
رزان دفنت راسها ع حضن أخوها و قامت تجهش بالبكاء

×××

مــرّ ثلاثـة أيام..عنـد فرح كانت قاعدة و تحس بدوخة..ما تدري ليش..و خصوصاً إنها نايمة متأخر البارحة..راحت لنادية و قالت لها : عندج حبة بندول ؟
نادية : إي في الدرج
راحت عند الدرج..شافت علبة حبوب بندول خذت لها حبتين و نزلت تحت عشان الماء..كان في المطبخ ماء مكبوب ع البلاط " القاشي " راحت عند الكاسات خذت لها واحد منهم كانت بتروح عند المغسلة بتغسله بس مرة وحده تطيح و يغمي عليها..و الكاس إنكسر بالقوة سوى فوضة في أرجاء البيت..سمعت نادية و أم عماد الكسر إتجهوا للصوت شافوا الكاس مكسور و فرح طايحة و صوبها دم من ثمها..صرخت نادية و راحت لبست عباتها و يابت عبات أمها و بسرعة للسيارة..كلما بتشغل نادية السيارة ما تشتغل شتسوي ألحين وهقــة شافت سيارة أخوها عبدالعزيز دخلت الداخل و يابت السويج..راحوا بالسيارته..و أبم عماد تصيح و تدعي ع بنتها إن يقومها بالسيارة و راحوا عند الطوارئ نزلوا فرح..

×××

أبرار : هنـاء
هناء : نعم
أبرار : ممكن أسألج سؤال..صحيح محرج بس من خصوصياتج.
هناء تباعد الكتاب عن نظرها : شنو..؟
أبرار : ليش طلقج مـراد ؟
هناء مبتسمة و هي ترجع نظرها للكتاب : لأني طلبت منه جذي
أبرار : بس ليش ؟
هناء بحزن و من نبرة صوتها : لعـوبي..دوم يكلم بنات..سكير
أبرار متلومة يوم يابت طاريه : آسفـة هناء..فتحت لج جراحج عقب ما برت
هناء ببسمة حزينة : ما عليج أبرار.
أبرار ببسمـة : أقول خلى نقول لـفصول يطلعنا..بصرااحة زهقت
هناء : خخخ..لو سمعج ألحين و إنتي تقولين له فصـول جان بيذبحج
أبرار : ههههه..إنزين بروح أقول له لأن اليوم ما طلع اليوم
هناء : ههههههه..أخاف بس يزفج
أبرار : و يزفني أفر ع الثاني
هناء : تظنين هو بيتفرغ لج..؟
أبرار : خخخ..أكيد..
ما إنتظرت كلمة من إختها راحت لغرقـة أخوها فيصل كان نايم..طقت عليه الباب بهدوء..بس ما إنتظرت رد منه دخلت شافته نايم يكسر الخاطر..راحت عنه و سكرت الباب..ناظرت الساعة شافتها الساعة 7:00
قالت في قلبها " ألحين وين ألاقي محمود..أفف ما يحتاج نطلع "
راحت للغرفة إلي قاعدة فيها إختها
أبرار : إنتي ما تتمللين من كثر ما تقرأين ؟
شالت الكتاب من ع ويهها تفاجأت إنصدمت..كأن أحد ساكب عليها ماء بارد..هنـاء تصيـح ليـــــش ؟؟
أبرار : هناء..شفيــج ليش تصيحين..؟
هناء حضنت أبرار : إشتقتلـه يا أبرار!
أبرار : ميـن إلي إشتقتيله..؟
هناء : مــراد..حبيتـه بصدق كل يوم أشوفـه بس هو خذلني..
أبرار : بس حبيبتي هناء ما يصير إلا الخيـر إن شاء الله
هناء : إشتقتلــه..طلقنـــي و هو سكـران..أحبــه..و من زود حبي له طلبت منه الطلاق بس لكن يشـرب خمـر و يكلم بنات مستحـيل..!
قامت تجهش بالبكاء بصوت عالي..و أبرار ما تدري شنو تسوي لهـا

×××

عنـد و نادية و أم عماد كانوا ينتظـرون و هم ما يعرفون شيسون بس أم عماد كانت تصيـح واايد..واايد بشكل غيــر طبيعي..و نادية و هي تنتظـر شافت عماد طايف إستغربـت شصايــر..وين بروح..مشـت إتجاهه قبل لا يدخـل المصعد
كانت بتتكلم بس عماد سبقها : شتسويـن هني..؟
نادية بتوتــر واضح : فــرح..فرح إنزلقت ع الماء و إغمي عليها و ألحين ننتظر الدكتور يطلـع..إنت شتسوي..؟
عماد : أمــل مرقـدة
نادية بققت عينها : من متـى ؟
عماد : من ثلاثة أيام
نادية : و إنت ساكت !!
عماد : آسفين و السموحـة منــج..
نادية بتتكلم بس لمحت الدكتـور طالع
راحت تشوف و راح وراها عماد
د.جمال : من أبوها أو زوجها..؟!
عماد : أبوها مات..و هي مب متزوجة أنا أخوهـا
د.جمال : آسـف أقولكم..البنت مريضـة بالقلــب و هذا يسبب لها دوخـة و صداع.
ناديـة دموعها صاروا في عيونهـا متجمعين ما درت تمسكهم..طاحوا مثل الشلال..هذي إختها ما تقدر تستغني عنها شلـون مريضـة بالقلــب..أما أم عمـاد إغمــى عليها

×××

أبرار : هنـاء بسـج صيـاح خلاص..لا تعذبيني وياج
هناء : تعابنـة يا أبرار ما أقدر أستحمل..أبـي أشوفه..
أبرار : هناء حبيبتي خلاص..بسج عاد..
هناء : أبرار..أبيـــه وينـــه..مشتاقة لــه مــووت..وينــه
أبرار : آخ..لا ترقهريني هناء..إلي فيني كافيني..برايج هو بيرجع لج..إفهمي يا هناء بس خلاص هذا ماضي.
هناء هدأت شوي : أبرار..وينـه أبي أشوفه...!
دقت أبرار ع محمود
أبرار : ألــوووو..
محمود : هلا بيج
أبرار : محمود تعـال شوف إختـكَ ما أدري إيش فيها..تقـول تبي تشوف مراد و صياح و دموع و صراخ..
محمود و هو إلي أبد ما له خلق يسمع سيرة مراد : إن شاء الله..ربع ساعة و ياي.
بعد ربـع ساعـة بالضبط..يه محمود تـوه بيدخــل إلتفت للي كان يراقبــه و إندهـــش......................

يا تــرى شنــو من إلي يراقب محمود ؟؟ و ليش أم عماد واايد تقلق ع فرح ؟؟ و هل في أبطال بيظهرون في الأجزاء القادمــة ؟؟ هناء صحيح إنها تحب مراد ؟؟ أو ورى السالفــة شئ ؟؟ أبرار و رزان و حمد و يوسف و بقيـة الأبطال شنو تتوقعون مصيرهم في الأجزاء القادمــة ؟؟

نهايــــــــة الجـزء الثاني

[دمعة سراب]

بإنتظار آراكم

[دمعة سراب]

وين الردود ؟

[دمعة سراب]

ليش محد يرد ع قصتي ؟
أخاف مب عاجبتكم
غذا مو عاجبتكم
قولي لي
بتقبل

[دمعة سراب]

؟؟؟؟؟

[son of the dark]

صراحة ابدعتي والله ^^ والقصة وااايد أروع من الروعة وهي تكلام عن مشاكل اجتماعية وصراحة حمستيني لتكملها ويلا عاد بسج دلع كمليها اعيبتني وااايد مب لازم ان كل الأعضاء يهتمون ف قصتج المهم ان شئ احد يتابع قصتج وصراحة اقلها لج ان القصة وايد حلووة بس يمكن الأعضاء مافهموهاا لأنها باللهجة البحرينية ف يمكن مافهمو بعض الكلامتها<<انا عن نفسي فاهم ^^ المهم انج اتكملينها ...
ومشكووورة ع القصة ولاعدمنا منج ويسلم يمينج^^

تحياتي سنوو

[دمعة سراب]

آآآآآآآآسفة ع التأخير
بنزل لكم
6 أجزاء ع تأخيري

[دمعة سراب]

الجــزء الثالث

عبـــدالــــله
ليش يراقبه معقولة هذا إلي يبي يقتله رفيجـه..؟ رفيج عمره
إستغـرب و في هذي اللحظــة تذكـر إخته هناء شيسوي و حياته مهددة للخطر
دخل البيت و راح غرفة إخته هناء كانت مثل المينونة..تذكر حالتها يوم طلاقها شيسوي..قلبه عوره عليها..كتم سره و أخذ إخته للسيارة و هو يبتعد عن نظرات عبدالله إلي بدت مقززة بالنسبة لـمحمود..و راح متجه لعيادة خاصـة
قعدوا أبرار و محمود ينتظرون ع الكراسي
لأن العيادة كانت بيت كبير واايد..بس في صالة عشان الضيوف إلي أيوون العيادة..كان الأثاث فخم من ذهــب..و في مزهــرية من ذهــب روعه منقشة بالوردي و الأزرق و الأخضر و فيه لمسة من اللون الأبيض..طالع جنـان..و الأرض كان بلاط..و مفروشـة سجادة صغيــرة شـوي مزخــرفة بالأشكال..و الجدار فيه نقــش جميل و طاله رهيب واايد..حتى إن أبرار و محمود إنتبهوا لهالشئ..كل شئ روعه..طلـع الدكتـور و وجيهه أبد ما يبشر بالخيـر و قال : هي واايد تعبانـة..و فيها عصبيـة..يعني كل شئ تبيه لازم تنفذونـه لها أو راح يمكن تسوي أي شئ خطر في حياتها..
محمود : و لا يهمك دكتـور..راح نعتني فيها إن شاء الله
الدكتور و هو متوجـه لمكتبه أخذ ورقـة حق موعد لـهناء
هنـاء نامــت في السيـارة و بال محمود دوم مشغول في إلي يراقبه الخسيس..
×××

كمل يوم كامـل..و يه يوم يديد
" رجعنــا من السفـر " قالتها و هي مستانسـة متشققة تبي تشوف أمها و أبوها من زمان عنهم صار لها هي و أخوها شهـر كامل في تـونــس
هـذي بلادهـا الثانية شلـون تافرقها
لمى : إشتأت للماما و لبابا و لخواتي
يعقوب : لا تتكلمين جذي ما أطيق لغتج
لمى : شو بدي أعمل..ما بيدي شئ
يعقوب : لمى بليز رجاءً لا تتكلمين جذي
لمى : إن شاء الله.زبس في بعض الكلمات ما بعرف إنطقها بالخليجي فإعذرني
يعقوب : إنزين إنزين إمشي بس
لمى : شو مين بيوصلنا
يعقوب : مليون مرة لا تكلمين جذي..و بعدين بنسويها سبرايـس و لا شرايج
لمى : يسـو هذا أخوي حبيب قلبي
يعقوب : جب فضحيتينا
لمى : OK
(.. أم يعقـوب تصير تونسيـة بس عندها أهل من البحرين و من قطر..و لمى ماخذه هالشئ منها فيعني معذورة..و يعقوب ما يطيق هاللغـة فما باله إذا عنده أهل من تونـس..لمـى 18 سنـة..يعقوب 25 سنـة ..)
راحوا بتاكســي
وصلوا البيـت و نزلوا أغراضهم من السيارة االتاكســي..و إتجهوا للبيـت كان ما في سيارات يعني ما في أحد
يعقوب : يكون أحسن
لمى : إنت بس تبي الشـارة
يعقوب : إمشي إمشي بس
قالها و هو يحمل شنطتين و شنطة يجرها و ست الحسن و الدلال لمى لا شغلة و لا مشغلة حدها شنطة صغيرة بس شوية ثقيلـة
دخلـوا البيتو لمـى قعدت تتأمـل فيـه (.. لأنها هـي قعدت في تونـس أكثر من البحرين لأنها تدرس هناك و هم ألحين في العطلـة شهـر ستـة إجازة و هي يوم كانت تدرس في تونس كل شهر تمـر البحرين كأن بيت في تونـس مب كأن البحرين شوط..بس يوم يت الإمتحانات ما قامت تيي لأنها تدرس و حالة..و هي تعيـش مع يدتها و خالتـها إيمان عمرها 23 سنـة صغيـرة يعني..لـلمى أستاذ خاص لأنها تواجه صعوبات واايد..و خصوصاً هي في بلاد غير البحـرين يعني مع أمها و أبوها مب موجودين و محد متفرغ لها..و يعقوب راح لها من شهر خمسـة و هي واايد شغوبـة و تحــب إستاذها واايد و خصوصاً إنه يزورها كل يوم في تونس و هو ألحين مفتقدنها لأنها جـزء من حياته الخاصـة..و إيمان و اليدة متعودين عليـه لأنه هم بعدهم كون لهم صـورة حلوة..و تقريباً صار مسؤل عنهم..بس هو مب من حركات شباب هالأيام و خصوصاً إن في واايد من شباب هالأيام في تونــس..صار بالنسبـة لـلمى ولـي أمرها لأن أبو يعقوب إلا هو أبو لمى موصي عليه من قبل و هو يعرفه حق المعرفة و واثـق فيـه و لمـى تستانـس إذا تشاغب إستاذها واايد و هو دوم يعاقبها و يهزبها و هي مستانسة و لا كأن شئ صار..أو نسيت أقول لكم إسمـه يـونس عمره 27 سنـة.. لمى آخر العنقود..من جذي خلوها الوحيدة إلي تعيش في تونس ..خخ آسفة طولت بالكلام بس هذي هي حياة لمى ..)
دخلـوا البيت عقب ما فتحت لهم الخدامـة " روز " الباب و إلي وصى بإنها ما تقول لأحد إنهم موجودين..و عقب ركبوا فوق بدلوا ثيابهم و لمى راحت لغرفتها تشتم ريحتها إلي ما تغيرت لحد الآن و إلي أمها كل يوم تبخرها..فتحت كبتها..عدلت ثيابها فيه و عدلت المكان رتبت أماكن العطـور و الإكسسوارات و حطت صوب سريرها دبها إلي موت تحبـه لأن ذكــرى من إستاذها قبـل لا تسافر و وصاها إنها تذكـره..و راحت عند مكتبتها و حطت كتبها إلي إشترتهم من تونـس و مجموعة الكتب إلي خالتها إيمان عطتها إياهم و حطتهم في المكتبـة و طبعاً ما نست الصـورة إلي تجمعها بينها و بين يونس حطتها ع طاولة صغيرة يم السرير عشان كل ما تقعد من النوم تشوفـه قدامها..يانـاس تحبـه تعشـقه..نزلت تحت و راحت تفتر في البيت من زمان ما شافتـه..إشتاقت للبيت و للخدامة روز و إشتاقت لكل شئ موجود في البيت و إشتاقت للبـرادة إلي تشتري منها ههه..الكل يعرف لمى في هالمنطقـة لأنها حبوبة واايد..راعي البرادة ما يسميها إلا بالمشاغبـة و هو يعرف إسمها و حتى راعي الآيس كريم إلي إيي بالسيارة..و كل الجيران يعرفونها..و الكل يحبها و الكل يعرفها من شطانتها إشتاقت لكل شئ في هالبلد
راحت لعند أخوها يعقـوب
لمــى : يعقــوب متـى بتي أمي..؟
يعقوب : روز تقول راحت لبيـت جارتنا أم سامـر بنتها الصغيـرة مـريضـة و بعدين بتمـر ع أمل في المستشفى
لمى : إيــش !! أمل في المستشفى ليش ؟
يعقوب : ما أدري ليــش
لمى : مشتاقة للكل..مشتاقة لنسرين أختي
يعقوب : بـــل..أنا أبد ما إشتقت لشئ
لمى : إي عادي..مب إنتي عايش كل عمرك هني
يعقوب : أحسن من بلادج
لمى : عن الغلط عن بلادي..و اللـه ذيج بلادي و ما أرضـى عليها و ع إلي فيها
يعقوب : قصـــدج يونس..بس أخاف إنه مخطـوب
لمى : ههه..مين قال هو مب مخطوب..ما قرر للحين إلا إذا السيندريلا لمى قررت
يعقوب و هو يشرب النس كافيـه : مالت عليج بس
لمى : لا تفلط ترى حبيبي ما يرضى ..؟
يعقوب : أخاف بس يتينن يونس منج..مسكين و اللـه
لمى : من قال ؟
يعقوب : عيل الهزبات و الزفات إلي يعيطيج إياهم ؟
لمى و بالها في أمل و ويهها سرحان: لأني أشاغبـه
يعقوب : شفيج لمى..؟
لمى : أفكر في أمل..ليش هي في المستشفـى !
يعقوب ينادي روز : روز روز
روز يات بسرعة : نأم بابا " نعم بابا "
يعقوب : ليش أمي راحت المستشفـى ؟
روز : ما يدري..بس يوم يروه كان واجد فرهان " ما أدري..بس يوم تروح كانت وايد فرحانة "
يعقوب مستغـرب : إنزين روحي
روز راحت
لمى معقدة حواجبها : مستانسـة !! ليـش
يعقوب : الله أعلم..تصدقين زهقت من كثر ما أشوف ويهج
لمى زعلانـة : ليــش مب عاجبتك ؟
يعقوب : خخخ..صدقت هذي..بس أنا من زمان ما أشوف ويوه أمي و أبوي و خواتي و إنتي 24 ساعـة مجابلج
لمى : و آنه بعد زهقت منك..أبي أشوف عايلتي كامل.
يعقوب : ههههههه..مسكينة ولهانة
لمى تبي تقهر يعقوب : شو بيشوقكَ إنتَ أصلاً ؟ متلا متلا ما في شئ تغير
يعقوب : مالت عليج
لمى : أكيد غيران..؟ لأنوا الماما و البابا و ما خلوكً تسافر تونــس طول عمرك..عيش حياتكَ حبيبــي تـرى ما في شئ في هالدنيا غير الحياة و المحبة و المودة..و إذا خِسرِتَ أهلكَ و حياتكَ ما ينفع الندم..و متل ما يأول إستـا......
قاطعها يعقوب : بلا ما يأول و بلا متل..إتركينا من هالكلام الماصخ..بـروح أنام تعبنان من هالطيارة
توه بيقوم ينفتـح الباب
كانت نـسـرين ما شافتهم بس رفعت راسها بويهها..فرحت من قلب بتطير من الفرحة بس أشر لها إنها تسكت و سحب لمى للصالة الفوقانيـة..و عقب دخلت أم يعقوب و وراها أمل و وراها أبو يعقوب
نسرين : الحمدلله ع السلامـة أمولـة
أمل بحزن كبيـر : الله يسلمج
أما لمى فوق مشاغبة أخوها إلي تبي تشوف أمها و أبوها
لمى : خلني أروح أشوفهم
يعقوب حط إيده ع ثمها : عشان غير مرة ما تتكلمين
راح لعند الدري ما يبين كان بس لحقته لمى و دزته , و يطيح هو وياها
أم يعقوب : بسم الله منو ؟
نسرين : يؤيؤ..يعقوب أخوي و لمى
و راحت حضنت لمى
نسرين : واحشتني يا الدلوعة
لمى : و إنتي أكثر يا الهبلة
لمى شافت أمها تبجي راحت و حضنتها
لمى : ماما..كيفيكَ ؟
أميعقوب: بخير يا بنيتي..شلونج شخبارج عساج بخير ؟
لمى : بخير يمه..إنتي شلونج واحشتيني واايد..إنت بعد بابا
أبو يعقوب: و الله زين ما نسيتيني
لمى : خخخخ..آسفة بابا..بس عن جد إشتقت لكم وااايد..!
يعقوب : اهئ اهئ..إي بس الحب لـلمـى..؟
أم يعقوب ما تحركت من مكانها و قال : و الله عاد شابعة أنا من شوفتك بس لمـى غير..
يعقوب : إي معـذورة يمـه..ثلاثـة أشهر ما شفتيها..مب أنا مقابل ويهها 24 ساعة
أبو يعقوب : يبيـن بصرااحة من ويهك غيور
لمى تسوي له حرة بيدها : قايلـة آنه من قبل
لمى تذكرت موضوع أمل : يمه أمل إيش فيها يايبينها من المستشفـى
نسرين إبتسمت : روحـي سإليها
لمى بسـرعة ركبت الدري و راحت لأمل
طقت الباب
أمل : ميــن ؟
لمى : آنه لمى
أمل : تفضلي دخلي
لمى دخلت و إستغربت من دموعهـا
لمى : إيش فيج تبجين ؟
أمل : تعالي يا لمى واحشتيني..تعالي يمي و بقول لج
لمى راحت لإختها..و أمل قعدت تلعب بشعر إختها الناعم
أمل : لـمـى واحشتيني مرة موت..
لمى : و آنه بعد..بس ليش إنتي مرقدة في المستشفـى..؟
أمل بإبتسامة حزينة : لأني حامل..و صار لي نزيف و ترقدت
لمى إبتسامتها شوي شوي تكبر : و اللـــه
أمل : إي
لمى : يااااااااااي..بصير خالـة
أمل دفنت راسها في حضن إختها : لمى..آنه أبي أطيح الياهل..ما أبيه..ما أبيه..هذا من عماد..و آنه ما أجب عماد..ليــش..؟ ليش حملت..؟ ما أبي أحمل..يا ليتني كنت عقيم يكون أفضل لي بـمليون مرة..يا ليت
لمى إلي إستغربت من كلام إختها واايد طالعتها بإندهـاش معقولـة تذكرت كلام إستاذها يونس قال لها مـرة " إذا إنسانـة حملت من واحد ما تبيه تكرهه..كل شئ تتمناه فيها علـة " قال لها هالكلام و كانت هي ما تفهم هالكلام..و ألحين تذكرت عرفت..مثل الشجرة إلي أوراقها ذابلة تزرع ثمـر..مثل أمل..يأست..تعبت..تعذبت..صبرت..ليما متى..؟
×××

" فـــرح مريضــة بالقلــب و هالدوخـــة سبب هالمرض "
ناديـة : فـــرح..حبيبتي..ما فيج شئ إنتي..بس السبب إلي يبناه لج هني هو إنج أنزلقتي بسبب الماء..و بعدين إغمـى عليج
فرح : متى بيطلعوني من هني ؟
نادية : اليوم بالليل
فرح : وين أمي ؟
نادية : خليتها تروح البيت لأنها واايد تعبانة
فرح إبتسمت لها
نادية : فرح..أمل حامل
فرح مستانسة : و اللـه
نادية : و الله
فرح : و أخيـراً بصير عمـة
نادية : ههههه..متخرعة
فرح : بودي أسافـر
نادية : وين ؟
فرح إفترت ع ويهه إختها : لعالـم المـوت..يااه شكثر حلو ذاك العالم..أتمنى أروحه..هناك الحياة غير..ما وراج هم من الدنيا..طبعاً إلا إذا كنتي مب زينة فذاك شئ ثاني..بس بودي قبل لا أسافر لعـالم المـوت أروح الحج..أحج بيت الله الحـرام..يااه..دخيلج بودي أروح..
نادية : فرح ليش تقوليـن جـذي..ترى أزعل..و آنه ما أقدر ع فراقج..إنتي أختي..و إلي مونستني..لا تقولين جذي ترى و الله أزعل.

يتبــع الجــزء الثالث

[دمعة سراب]

تكملة الجزء الثالث

" فـــرح مريضــة بالقلــب و هالدوخـــة سبب هالمرض "
ناديـة : فـــرح..حبيبتي..ما فيج شئ إنتي..بس السبب إلي يبناه لج هني هو إنج أنزلقتي بسبب الماء..و بعدين إغمـى عليج
فرح : متى بيطلعوني من هني ؟
نادية : اليوم بالليل
فرح : وين أمي ؟
نادية : خليتها تروح البيت لأنها واايد تعبانة
فرح إبتسمت لها
نادية : فرح..أمل حامل
فرح مستانسة : و اللـه
نادية : و الله
فرح : و أخيـراً بصير عمـة
نادية : ههههه..متخرعة
فرح : بودي أسافـر
نادية : وين ؟
فرح إفترت ع ويهه إختها : لعالـم المـوت..يااه شكثر حلو ذاك العالم..أتمنى أروحه..هناك الحياة غير..ما وراج هم من الدنيا..طبعاً إلا إذا كنتي مب زينة فذاك شئ ثاني..بس بودي قبل لا أسافر لعـالم المـوت أروح الحج..أحج بيت الله الحـرام..يااه..دخيلج بودي أروح..
نادية : فرح ليش تقوليـن جـذي..ترى أزعل..و آنه ما أقدر ع فراقج..إنتي أختي..و إلي مونستني..لا تقولين جذي ترى و الله أزعل.

×××

عبدالعزيز : ما تدري متى بتطلع فرح ؟
ناصر : اليوم بالليل
عبدالعزيز : يوم رحت لها كسرت خاطري
ناصر : ههه..أقول نادية ساقت سيارتك
عبدالعزيز : بس كان ظرف طارئ يا أخ ناصر
ناصر : حست من صـوت فرح في شئ تعرفه..بس ما أتوقع إن مرضها شئ غير
عبدالعزيز : تهقـى تعرف عن موضوعها القبلي
ناصر بتوتر : فال الله و لا فالك
عبدالعزيز : بس لو عرفت شبتسوي ؟
ناصر : تفائل بالخير تجدوه يا أخي..إنت بس تتفائل بالشر
عبدالعزيز : يا أخي قلت فرضاً يعني شبنسوي
ناصر : بتصير مصيبة عودة..المعجـزة بتصير
عبدالعزيز : خايف يا ناصر
ناصر : مب بس إنت
عبدالعزيز : قلبي ناغزني..أحس بيصير شئ جايد..شنو ما أدري بس أحس مايل لفرح
ناصر : خايف أخسـر فـرح أختي
عبدالعزيز : تعال بس بنرد البيت تلاقي نادية معصبة
ناصر : لا تنســى البيتـزا ترى تبيها عشان تاكلها هي و فرح بس ما أظن بتخلي شئ لفرح ههههه
عبدالعزيز : ههههههههههههههههههههههههه
بدوا يختفون عن الأنظار شوي شوي..و وقفوا عند مطعم و طلبوا بيتزا حق الهانم نادية و بعدين راحوا للبيت

×××

نادية : يمي يمي..عجيب البيتزا
فرح : شنو خليتين لي ألحين
نادية : و لا يهمج ألحين أقول للحصانين إييبون لج
فرح عصبت ع إختها : نادية لا تقولين جذي عنهم
نادية ضربتها ع راسها بخفيف
فرح : آيي..يعور للحين ما برى الجرح
نادية : خخخ..آسفين خيو
فرح سرحت : ندوي..عطشانة
نادية : أروح أجيب لج ماء
فرح : لا..عطشان بالموت
نادية واايد معصبـة : فـــرح..شنو هالكلام لا تخليني أعصب عليج..هذا قدر الله..لازم ما تقولين جذي..صيري قوية..لا تصيرين ضعيفة إفهمي بليـز..آنه ما أقدر أعيش بدونج..إنتي أختي إلي عشت معاها طول عمري..ما اقدر أفتقدج..ليش تقولين هالكلام..إنتي أنانيـة
راحت عنها و دموعها مالية عينها
و فرح تحس بالذنـب يوم قالت لإختها..إختها جرحتها يوم قالت لها إنتي أنانيـة..معقولة هي أنانية..معقـولة..قامت بدون وعي كسرت كل شئ في الغرفة..و هي تبجي : أنا أنانيـــــة..أنا أنانيـة..أنانية أنانية
طاحت ع الأرض و راحت لعند سريرها
و هي تبجي بمرارة : أنا أنانية أنانية
دفنت راسها في حضنها
و ناصر يه لهـا
ناصر : إيش فيج فرح ؟
فرح رفعت راسها و إرتمت في حضن أخوها : أنا أنانية أنانية
ناصر : من قال..؟ و ليــش..؟
فرح : نادية تقول إني أنانيـة
ناصر : ألحين أوريها
فرح : لا يا ناصر..أنا أنانية بس لا تطقها
ناصر : إن شاء الله بس هذا حقج
فرح : يا ليتيني ما قلت لك
ناصر : فرح..خليني أوريها سنع الله
فرح : ناصر بليز خلني في حالي
و كملت بجيها
(.. فـرح هذي إنسانة ضعيفة..ضعيفة واايد..تتألم بسرعة..حساسة..رقيقة..هي جميلة بس جمالها هادئ..يجذب الواحد نحو الهدوء..الراحة..البراءة..الكل يحبها..و في سرّ هي الوحيدة في العايلة و المعارف ما تعرفـه..ما تعرفه..يمكن تعرفه يوم بالأيام..بس شنو إلي بتكون ردة فعلها هذا إلي الكل خايف منـه ..)

×××

بعد شهــر
ملجت رزان من محمود
و عبدالله للحيـن يلاحــق محمود و محمود بلغ الشرطة
و الشرطة تراقب عبدالله عشان إذا تعدى ع محمود يكونون موجوديـن
سافـر حمد عقب ملجة إخته بيومين
و رزان حزينـة واايد
راحت لعند إخوها يوسـف
رزان : يـوسف..ما فقدت حمد
يوسف : توه أمس مسافر ما صار له شئ..و تقولين هالكلام
رزان : لأن معزته خاصة
يوسف : الله يسامحج بس
رزان : وااايد بصرااحة غيـور..و آنه ما أفرق فيكم بس هذاك غايب عن البلد
يوسف : عرفنا و ألحين إنقلعي عن ويههي
رزان : زعلت
يوسف بدون ما يفتر لها : إي
رزان : و لا يهمك.." راحت و باسته " موااااااا
يوسف رد لها البوسة : من قال زعلت
رزان عصبت : عرفت سوالفك
و هو قام و ركض
و هي ركضت وراه
هههههههههه
(.. يوسف و رزان و حمد..أمهم و أبوهم متوفين..الأبو توفى بـحادث سيارة و الأم بنوبة قلبيـة..و هـم شايلين هذا الهم..و ما يقدرون ينسون هالشئ..فمدة بسيطة من يوم توفى الأبو توفت الأم..يوسف أكبرهم عمره 26 سنة يحب يلعب ع رزان إخته..و عقب حمد هو الثاني بعد يحب يلعب ع إخته قلت لكم عايش بأمريكا يكمل دراسته عمره 23 سنة و رزان أصغرهم عمرها 20 سنة واايد يحبون بعض و يتضاربون واايد ههه ..)
عطته ضربة ع ظهره خفيفة..
يوسف : من قال تعور هههه..؟
رزان : ما تعور ها
راحت المطبخ شحنت كاس ماء كامل بارد..و راحت ورا أخوها بدون ما يحس و سكبته عليه
رزان : ما يعـور هاا !
يوسف : رزانو بيج كف ألحين
رزان : جان فيك خير يلا..؟
يوسف : دقايق بس
راح فوق لغرفتها و أخذ صورة محمود
و نزل
يوسف يراويها صورة محمود : الصورة الوحيدة إلي عندج
رزان : يساف عاد الله يخليك ترى و الله ما أحاجيك
يوسف : إبعدي إبعدي..من شوي ساكبة الماء علي و ألحين يساف
رزان شوي و بتصيح : يوسـف شهالمصاخــة
يوسف : كسرتي خاطري و الله يودي
و مد يده لها يسلمها الصـورة
و مرة وحده دق الجرس و طفــر رزان

نهايـــة الجزء الثالث

[دمعة سراب]

الجزء الرابع

يوسف و فيه الضحكة : رزااااااااااااااااااااااااااااااااااااااااان
رزان بصراخ : نعم
يوسف : تعالي
رزان يات له بالسرعة للميلــس و توها بتنطق شافت محمود قاعد يضحك ع هبالها و صار ويهها طمـاط و مشت بسرعة
محمود : شفيها إختك جذي ؟
يوسف : هههههههههههههههههه
محمود : بليز لا تضحـك ع خطيبتي
يوسف : اللـه..البنت دوم تتكلم عن حمد و لا مرة شفتها يايبة سيرتكَ
محمود : أفـاا..ليش عاد ؟
يوسف : هههه..شدراني عنها..إظاهر إنها تحب حمد أكثر منك
محمود بإبتسامة عوده : عــــادي إيش فيها..تحب أخوها مب وااحد غريب
يوسف : يؤيؤيؤ..ألحين أنا قلت بتغار أو شئ..إلا أشوف إبتسامة شعرضها و عادي
محمود : عن الهـذرة الزايدة أقول..روح ناد لي رزان
يوسف : أنا شلي بالشني بنسيب مثلك !
محمود بإبتسامة عريضة : قدرك يا أخي قدرك
يوسف : أقوم أبرك لي من ما أشوف ويهك هذا
محمود : أحلى من ويهك بصرااحة
يوسف : شفيه ويههي شحلاتـه ؟
محمود : قوم لا أفرك بالمخدة " الموسدة "
يوسف : بقوم بقوم بس هدي إعصابك
و قام و هو يضحك

×××

صارت في الشهر الثاني و هي كلش تبي تفتك من هالياهـل إلي ببطنها شافها عماد
عماد : ليش جذي تعبانة شاحبة ؟
أمل : ما فيني شئ
عماد : أوديج للطبيب ؟
أمل بخوف و إرتباك : لا لا..ما فيني شئ
عماد مستغرب يه و قعد يمها
عماد : أمل أنا كل ما قلت لج إنروح الطبيب ترتبكين و تخافين ليش ؟ صاير شئ ؟
أمل بإرتباك شديد و واضح : لا لا ما في شئ سلامتك
عماد يودها من يدها : أمل بليز قولي إذا صاير شئ ؟
أمل خافت إنه يرجع مثل قبل و قررت إنها تقول : بقول لكَ بـس أوعدني إنك ما تسوي فيني شئ..؟
عماد : أوعدج بس قولي
أمل يبين عليها الخوف و الإرتباك : يوم تطقني و يغمى علي وديتني المستشفـى و دخللتني عشان يشوف الدكتور شفيني..آنه قعدت عقب ما إغمى علي..كان الدكتور يطالعني بنظرات غريبة ما أعرف كيف أفسرها..آنه خفت..و هو كل ما يشوفني يبتسم في ويهي و يطالعني ذيج النظرة الغريبة و يوم أبات في المستشفـى نص الليل الكل كان نايم من مرضـى و الممرضات كانوا في غرفهم و جم وحده راحت ع بيتها و آنه كنت نايمة الدكتور كان موجود ما راح أخذني لغرفة خاصة و آنه نايمة ما كنت أحس بشئ..وداني الغرفة و سكر الباب و آنه حسيت بإن في شئ تسكر..فتحت عيني شفتـه يتقرب مني آنه قعدت..شافني و آنه أقعد ناظرني ذيج النظرة و إبتسم إبتسامة خبيثـة و " دمعت عينها في هاللحظة " ما أقدر أقول
عماد و هو مشكاكك : قولي شنـو بعدين ؟
قامت و هي تبجي بحـرقة : كان يبي يتعدى علي..بس يات ممـرضة بالصدفـة..و سمعت بكاي..و طلعتني و حقدت ع الدكتـور
عماد بعصبية : تعدى عليـج ؟
أمل : لا..كان يبي يتعدى علي
عماد : الحمدلله ريحتي بالي..بس مرده بيي يوم أنتقم
أمل : عماد..ما أبي فضايح
عماد : إن شاء الله..يصير خير

×××

(.. اليوم مشيت نص الليل تقريباً حوالــي الساعة 1:30 و 1:35 شفت باب المخزن مسكـر..قلت شسالفته هالمخزن..دوم مسكر محد يدخله..خذيت المفتاح و فتحته..شفت فيه كوارتين كبار و عليهم غبار و في من جهة كارتون حجمه متوسـط رحت له فتحته شفت مجموعـة من الدفاتر و طاح نظري ع دفتـر وردي " زهري " منقش باللون الأخضــر و الأحمـر و فيـه قلوب لونها أصفـر و أحمر و صاير جنان رهيب واايد..نفظت الغبار من عليه و فتحته كان في ظـرف مثل أي ظرف عادي بس كان مكتوب عليـه " ظـرف خـاص " راودني الفضول أبي أعرف إيش فيه..فتحت الرسالة ما عرفت للخط لأنه كان بتفنن و مرتب بس كان مختفية بعض الكلمات و خصوصاً إني عرفت إنه قلم حبر أسود..قرأت بعض الكلمات مكتوب "......فرح إقرأي هذه الدفاتــر من أجلي يا......" ما عرفت إيش الكلمة الأولـى و الأخيـرة..فتحت ع الصفحـة الأولـى كان مكتوب " مذكـــرات نـدى " إستغربت مين هذي ندى..؟ سألت في بالي هالسـؤال و ما زلت اسأل هذا السؤال..مين يا ترى..؟ قرأت أول صفحـة كان مكتوب فيه " فتحت الباب..شفتـه يناظرني بحنان و شوق لهفـة آلآنه ما صدقت إنه رجع..رجع عقب سفــر
طـويل..حضنته و حضني..باسني ع جبهتي و ع خدي..وردي خدودي في هذي اللحظة ما كنت أتوقع إنه يرجـع خاب أملي..صار لنا دقايق نطالع بعضنا بحب و شوف و حنان و لهفـة..سرحت فيه و في وسامته..هذا هو حبيبي..وعيت ع نفسي و خجلت دخلته البيت..كانوا أمي و أبوي مسافرين عشان يعالجون أخوي الصغيـر " رائف " عمره خمس سنوات..سألني عن أحوالي و قلت له : من يوم شفتك صرت زينة و بخير و بعدين سألني عن أمي و أبوي و أخوي الصغير قلت له : راحوا ألمانيا عشان يعالجونه..لأنه مريـض بالسكلـر..حزن ع هالخبــر و بعدين سألته عن شسوى بهالسنوات إلي مضت قالي : تـزوجت..حسيت إن أحد ساكب علي ماء بـارد..ما أعرف إيش صار لي..الخبر خلى دمعتـــي تنزل ع خدي بجيت و ناظرته بنظرات عتاب و قهر..عقب كل هالسنين إلي راحت يتـزوج و آنه وين رحت..قعد يمي..حضني..قال لي..أنا خطبتج و بتزوجج..بتكونين حرمتي المصون..إنتي حبيتي لا تزعلين مني..بس أمي غصبتني ع هالزواج هذا..سامحينــي إن كان ضايقج الخبر بس أنا بتزوجج لأني أحبج ما أقدر أفارقج..خذيت إذن من زوجتـي الأولــى..قالت لي تزوج..برضاها يا ندى.
قلت له : عندك أولاد ؟ قال لي إي..حسيت بألم..بغصـة..حس فيني و قال لي إنه عنده ثلاثـة أولاد و مرته حامل بالشهــر السابع..حسيت إني بموت ما أقدر أصدق هالشئ مرته بعد حامل..حضنــي بقوة..بقوة شديدة..قال لـي : ما بفارقج بعد اليوم غير الموت..قلت له بخوف : بسم الله عليك..كنت أحبه واايد..بس الصدمة كانت مب عاديـة.." لفيت ع الصفحـة السبعة و عشرين عقب ما قريت شنو صار بين ندى و زوجة خطيبها تأقلموا مع بعض و صاروا أصدقاء..و وصلت لهني " بعد سنتين ..." بس مع الأسف قطع علي القراية الصوت إلا هـو صوت أخوي عبدالعزيز راد من الشغـل هلكان بس الحمدلله إنه ما شافني أقرأ في الدفتر و بسرعة توجهت لـغرفتي..بس خسارة ما خذيت الدفتـــر ..) تسندت ع الكرسي بتعب و قالت : آخ..دوم أعاني و آنه ساكتة..أعرف بمـرضي و كاتمة..مليت من هالدنيا..
قامت من مكانها و دخلت الحمام " أكرمكم الله " غسلت أسنانها و توضت عشان تصلي الفجر..و عقب راحت تنام

×××

فتحت الباب بقـوة و راحت يمها و سالت للحاف من عليها
نسرين : بسـج رقـاد قومي
لمى : أوهو خليني في حالي عاد
نسرين : بقول لـيعقوب ترى ها
لمى : بس بس خلاص بقوم..
نسرين : يلا..جهزي نفسج اليوم بنـروح بيت عمي أبو عماد
لمى بإستغـراب : ليــــــش..؟
نسرين : اليوم بيخطبون فـرح
لمى مستانسة : و أخيـراً فرح حبوبتـي بتصير عـروس..خاطري أشوفها مشتاقة لها واايد
نسرين : إعنبـوا..أمس شايفتها
لمى : بذمتج صار ألحين جم ساعة ؟
نسرين عصبت : قومـي..لا أنادي لج يعقوب
لمى و هي تباعد اللحاف و تتحرطم : إنزين إنزين عن الـزف
و قامت بكشتها و بجامتها إلي صايرة مبهدلة بها لأنها وسيعة واايد و دخلت الحمام غسلت ويهها و طلعت نزلت تحت تتريـق بدون لا تغير ثيابها بس عدلت كشتها
يعقوب و هو ينرفز لمى : الحمـدلله و الشكـر..الله يعقلنا ع عقولنا
لمى : شقصــدك..؟
يعقوب : لا لا و لا شئ..بس أقول اليوم صايرة هادئة
نسرين شهقت : هادئـة..إيش قال هادئة..قامت بكشتها بالغصب
لمى : و إنتي بس شئ يصير وياي قلتيـه
أبو يعقوب : صلـوا ع النبــي..و إنت يعقوب..إسكت عن إختك لا قامت القيامـة
يعقوب كاتم ضحكته : إن شاء الله يبـه
لمى : بابا..لبـــن
أبو يعقوب أخذ كاس و سكب لبن فيه : تفضلـــي
لمى : ليــش لون اللبن جذي مب نفس الحليب ؟
نسرين : سؤال بايـخ
لمى : مب بايـخ..بس آنه أعرف الجواب..فال لي أستاذ يونس لأن هذا......
يعقوب قام قبل لا تكمل : عن إذنكم مالي خلق أسمع إسم هذا الريال..مليت بصرااحة..قال أستاذ يونس..و يه أستاذ يونس..إنتي ما تملين من كثر ما تتكلمين عنه..؟
قالت بويه بريئ و طفولي و عيون طفولية حلوة بـلا
يعقوب : ياهــل و الله ياهل..يبه ودها دار الميانين
لمى : شقالوا لك ميونة !!
يعقوب : شنو عيل أشوف جدامي ؟
لمى : عاقل
نسرين : يبـه..قوم كسر ضلوعهم أفضل شئ
أم يعقوب : لا لا..ما أرضى ع بنتي و ولدي
نسرين و هي تاخذ الخبز : إي مسكينة بس آنه الضحيـة..الحب و الحنان و المودة بس لأمل و لمى و يعقوب.
أم يعقوب : لا شدعـوة..إنتي من غلاتهم
نسرين إبتسمت في ويه أمها : يمـه اليوم متى بنـروح بيت عمي ؟
أم يعقوب : أم عماد تقول تعالي الساعة 9:30 لأن وراها أشغال ما تقدر بس هي بروحها مع الخدامة يبي البيت تنظيف و شغلة و عشاء
لمى : شنـو إسمـه ؟
أبو يعقوب : زيــاد أحمـد هشام..متزوج ثلاث ويبي الرابعة..لأن هذلاك ما يدارونه..و مزوجينه بالغصب منهم
لمى : مسكيــنة فرح إذا وافقت..بتطيح مع ثلاث نسوان
يعقوب : عن إذنكم مب فاضي لـسوالف نسوان
نسرين : روح روح الله معاك
أم يعقوب : روح الله معاك يا وليدي
أبو يعقوب : و أنا بعد أستأذن
أم يعقوب : الله معاك

×××

أبرار : مـلل خيـوو
هناء بعد ما صارت بحالة زينة : مب بس إنتي
أبرار : ملانــة عدل
هناء : قولي لأخوج يطلعج
أبرار : شنـو يطلعنا و اليوم بنـروح خطوبة فرح
هناء : نسيـت..إلا صج من بتاخذ ؟
أبرار : و إنتي شدراج إنها بتوافق..خاطبها زياد ولد الـ... إلي متزوج ثلاثة نسوان ما يدارونه..غني و وسيـم..و عمره 27 سنة مدري 26 سنة جذي يعني بين هالحدود.
هناء : شنو إسم زوجاته ؟
أبرار : آنه عايشـة وياهم..شدراني
هناء : إنزين شنو هالعصبية ذي..؟ أففف
أبرار : أول وحدة تزوجها إسمها دانـة..أما الثنتين ما أعرفهم
هناء : أها....جذي ع ما أظن
أبرار : ما أدري أمي تعرف
هناء : تتـوقعين فرح ترفض أو توافـق ؟
أبرار : اللــه أعلم.
هناء : تعبانة فيني رقاد
أبرار : كسـولة
هناء : ههههههه..المهم بنام ربع ساعة و قومي أوكي
أبرار و هي تتأفف : إنزين

×××

[دمعة سراب]

نـادية بصراخها المعتاد : فـــــــــــــرح
فرح : نعــم..صمختي أذوني
نادية : مبـــروك و الله بتاخذين زياد
فرح : من قال إني بوافــق
نادية من غير إهتمام و بغرور: إحساسي
فرح : الله و الإحساس عاد..كلـش المشاعر الفياضة مبيـنة و واضحـة
نادية : غيـرانة لأنج ما شفتـي زياد و آنه شفته و الكل شافه إلا إنتي أقولج عليه جمال مب طبيعي أبداً
فرح : و آنه شلي بالجمال..أبي وااحد مؤدب..هادئ..أخلاق..مثقف..مب جميل أو وسيم..إذا هو وسيم و ما منه فايدة شسوي فيه..الناس لها عقولها..فكري عدل..فكري بعقـل مب بالجمال و الستايل و آخر موضـة..و بعدين آنه أبي واحد مب متزوج من قبل مثلاً مطلق أو أرمل أو عنده زوجات..أبي وااحد يشيلني و أشيله..يحترمني و أحترمه..يحبني و أحبه..عشان نعيش بسلام بهدوء بطمأنينـة مب مني و الطاير أتزوج..الناس لها عقل تفكر فيه..مب إنتي قلتي وسيــم..إنتي شدراج بأخلاقه..صفاته..حسناته و سيائته..فهمتــي علي أو أعيـد ؟
نادية : لا لا..بس ما أبيج تعيدين..خليتين راسي يدور من كثرة كلامج
فرح : الكلام الصح يعور الراس و يبي حبة بنيدول..و الكلام الفاضي..حلو و ممتع و يبي له جيس شوكلاته و حلاوة..الله يعقلج
و راحت لغـرفتها
يه عبدالعزيز و ناصر و سحبـوا نادية لـفوق في غرفتها و كانت فرح طالعة من غرفتها و سمعت الكلام إلي يدور بينهم من ورى الباب
ناصر : قلتـــي لها ؟
نادية : مينونة آنه أقول لها..!
عبدالعزيز : و الله لو لتي لها إن أمها متوفيــة من زمان و هذي مرت أبوها و أمها وحدة ثانية إلا بكفخج
" هنـــي إنصدمت فــرح..معقــولــة هذي مرت أبوها و وحـدة ثانيــة أمها شلون..؟ و كيــف..؟ " تذكــرت الرسالة إلي شافت البارحــة راحت للمخـزن فتحته و أخذت الدفتر الوردي شالت الرسالة فتحته الكلمــة الأولـى مب مبينة بس فيها آثار كانت الكلمة المكتوبة " بنتي " و الأخيــرة " بنتي " ما صدقــت دمعت عينها..بجت بحـرقة
كانوا خادعينها..أهلها خادعينها شلــــــــــــــون ؟؟
أم غيـر , و مريضة بالقلب
و شنـو بعد ؟ شنــو ؟
أخذت الدفتر الوردي و الدفتر الذهبي إلي كان موجـود و راحت لغرفتها و قفلت الباب وراها..حطت راسها ع الباب و قعدت تصيـح..أم ثانيــة غير أمها إلي ربتها..أم ثانية شلون..!!

×××

اليــوم المغــرب بالتحديد في غــرفة فـرح..تبجــي..تبجـي بحرقة بألم بوجع..شلــون خدوعوها أهلها..؟ إحساسها في مكانه..كانت حاسـة بشئ خاشينه عليها أهلها..كلمة وجـع مب بــس كلمة و تنقال..ثقيلة في قلب فرح..وجع كلمة تناسبها..تليقها..ليش..؟ سمعت طرقات الباب كانت رفيجتها ميـساء
ميسـاء : فرح يا عـــروس يلا إلي تمكيج تنتظــرج ؟
فرح ما ردت
ميساء : فــرح..شفيج ردي علي فتحي الباب
فرح : روحــوا عنـــي..خدعتونــي خلاص روحـوا
ميساء ما فهمت كلامها و شنو قاعدة تخربط هذي
شافت مفاتيح سبير ع علاقـة المفاتيح خذت مفتاح جربته مب هو..جربت الثاني و فرته دخلت عــرض
ميساء مستغربة واايد : شنـو هالبهدلة فرح..؟ ليش تبجين ؟
فرح : لا لا و لا شـــئ
ميساء : شنو و لا شئ ؟ دموع بس جذي ؟ شفيج ؟
فرح : قلت لج و لا شئ
ميساء : إنزين و لا شئ..بس قومي بدلي هدومج و مكيجي نفسج
و طلعت بره و هي ميتة فضول تبي تعرف
راحت أخذت شـور..و لبسـت مثل ملابس الممثلات طبعاً ذوق رفيجتها ميساء..و مكيجت نفسها مكياج خفيف طبعاً ما سوت شعرها بس رفعته و خصوصاً إنه حرير..و صاير يناسب إلي لابسته مرتب واايد..و طالعة جنان رهيبـــة واايد..كانت بودها تبجي..خاطرها تجي تصارخ تركض تضرب أي شئ تسويـه..ناظرت روحها في المنظـرة لمكياجها تحس روحها بتطلع..ما تقدر تبي تصيح..تفضفض..بس لـمن ؟؟ لميـساء..؟ سمعت طق ع الباب..إنفتح كان عبدالعزيز
عبدالعزيز : شهالجمـال ؟ شهالحــلاوة..لو إنتــي مب أختي..جان إختطفتج و تزوجتج..ترىعادي أسويها
راح يمها
فرح : شتبي ؟
عبدالعزيز : خطيبـج تحت
فرح بدون ما تلفت له : قـولـوا لـه مب موافقـــة
عبدالعزيز مستغرب : مني و الطايــر مب موافقة !
فرح : إي
عبدالعزيز : أول شئ شوفيــه بعدين إحكمي
فرح إلتفت له : الريال متزوج ثلاث نسوان مب كافيـه ؟
عبدالعزيز بمزحة : شـدراج..؟ يمكن يغارون منج
فرح : شنو يغارون..إهي لعبة يغارون منها ؟
عبدالعزيز : يلا حبيبتي بلا هالخرابيط و روحــي تحت شـوفيه في الميلــس..الريايل قعدوا ساعـة كامل إرحميهم..و إرحمي هالزياد
فرح : ماني بنازلة يا أخي
عبدالعزيز : فــرح لبسي شيلتج و نزلي
فرح : يا ليــت ما إييني نصيب يكون أفتك
عبدالعزيز : طاع هذي..بتنزلين و لا أعطيج ضربة ع راسج مكان إلي طحتي ؟
فرح و إلي كلش ما تبي يالأمها راسها أكثر : نازلـة يا أخي نازلة عطني شيلتي
عبدالعزيز أخذ الشيلة و عطاها إياها : تفضلي
لبستها و هي تعبانة و متمللة
نزلت تحت
بس ما راحت للميلـس
توجهت للصالة إلي فيها الحـريم
فرح بحزن : سـلام
الكل : و عليكم السلام
أم عماد : ليش ما رحتي الميلس ؟
فرح : مب موافقة
نادية + هناء + أبرار + لمى + نسرين : ليش..؟
فرح : يمه..شفيكم..؟ كيفي ما أبيه متزوج ثلاث..و آنه ما أبيه..مب كافيـه نسوانه
أم يعقوب : إنتي ما شفتيه عشان تحكمين عليـه
فرح رفعت حاجبها : جــي..!! اهو ع الجمـال..اهم شئ الأخلاق و التربية و الثقافـة..و بعدين آنه ما أبي وااحد متزوج ثلاث مرات و هذي شئ مبرر إني ما أبيه و بعدين إسمه مب عاجبني.
نادية : طاع هذي..حتى الإسم سوت عليه دعاية
فرح قعدت ع الكنبة : مب المهم الإسم..بس الأخلاق..آنه شدراني شنو أخلاقه و شنو تربيته..و شنو بيئتـه..شدراج يمكن يوم بالأيام يطلقني..مب بعيدة هذي..و آنه ما أبي أحبس في البيت لـشهور إذا طلقني..و آنه أبي واحد يحبني و أحبه..يحترمني و أحترمه..مب مني و الطاير أتزوج..هذي سُنة الحياة..فيها شقى و تعب..فيها حمال و مسئولية..فيها تربية..و فيها كمان طق و سب..شدراكم يمكن يطقني..و آنه ما أبي واحد يطقني.." يـه وراها ناصر و عبدالعزيز يسمعونها شنو تهـر " إفهمــوا إن الزواج مب بالجمــال و الفلــوس..آنه حتى لو إيي لي وااحد منتف يوكلني خبز و ماء و أخلاقه عالية آخذه..لأن عنده أخلاق..و أخلاقه هي إلي تميزه و تغنيه..تخليه ريال غني بس بدون فلـوس " يه عقب عماد و يعقوب و سمعوا إلي تقوله " و بعدين .......
نادية : لا بعدين و لا هرارج..شوفي وراج منو يـه..بسبب هذرتج و تأخيرج المعتاد..يبي لج شكــوة ع إدارة المنزل.
فرح إفترت وراها تشوف عماد و عبدالعزيز و ناصر و يعقوب إفتشلت
عماد : قومــي شوفي خطيبج
فرح : مب موافقــة
عماد : شوفيه بعدين إحكمي
فرح تأففت : لو مليــون مرة أعيد كل كلمة قلتها..بتقولين لي " قومــي شوفيـه "
ناصر : أنه و الله خايف يوم تشوفينه تغيرين رايج و توافقين.." و قال بصوت عالي " قومي شوفيه
فرح من غير إهتمام : نادية قومي شوفيه..و قولي له إنتي فرح
إستغربوا من ردة فعلها
نادية : إنتي عاقل لو شاربة شئ ؟!!
فرح عصبت : شقالوا لج..مينونــة..بقوم و أمري للـه..بس هاا..إذا مب موافقة..كل واحد له جمع ع ظهره و خصوصاً إنت " تأشــر ع ناصر "
ناصر باسها ع راسها : أفاا يا الشيخــة..يلا قومي شوفيـه لا طراق ع راسج
فرح : زين بقوم وينه عشان أعطيه في الصميم مب موافقــة
عماد : في الميلس الصغير
راااحت بســـرعة تذكرت شئ و راحت لـعماد..همست في إذنه
فرح بهمـس: قلتوا لهم شروطي ؟
ضربها ع راسها مكان إلي طاحت و قال لها : عن الخبال الزايدة و روحي..أكيد يعني
فرح تيود راسها بألم : آآي..تعجبني العُمد
و راحت للميلــس الصغيــر إلي بعيد عن الصالة بواايـد
طقـت الباب
زياد : تفضـل
دخلت و هي منزلة راسها تفكر شلـون شكلـه..؟ و شلون بتقولـه إنها مب موافقـة
سكرت الباب وراها
و رفعت راسها
شافتــه
إييـــــــــنن
إنخبلت بـه
قالت في قلبها " شنو قاعدة أخربط آنه..! المهم الأخلاق مب الجمال "
فرح منحرجة : تفضل إيلــس
قعدت بعيــد عنه تكلم هو بالأول
زياد : شخبارج ؟
فرح : الحمدلله بخير..و إنت شخبارك ؟
زياد : بخيــر
فرح دخلت عرض ع شغلته : شنـو تشتغل ؟
زياد : مدير أعمال لـشركة
فرح هزت راسها بدون إهتمام : شنـو إهتمامتك ؟
زياد : القصد ؟
فرح : قصـدي شنـو هوايتك المفضلة و إلي تهتم فيها أكثر شئ ؟
زياد :السباحة و الرياضة..و إنتي
فرح رافعة حاجب واحد : الصرااحــة و قراءة الكتب
زياد : أي نوع من الكتب..؟
فرح : الثقافيـة و الطبيــة و شوي من التاريخ
زياد : و أي نوع من الصراحة ؟
فرح عدلت قعدتها : الجدّيــة..و عدم المهزلة بالآخرين و التصرف بالشئ اللائق و عدم التسبب بالإحراج
زياد إستغرب من كلام هالبنت شنو كبيــر بس ما إهتم : بتكملين دراستج ؟
فرح : أكيد..هذا شئ من إهتمامي
" زياد لاحظ عليها الحزن و الكآبـة..و كثرة الأسئلة إلي يسألها "
فرح : جم عمرك ؟
زياد : 26 سنة..و إنتي جم عمرج..؟
فرح لاحظت إن هذا السن مب مناسب و هذا أفضل شئ : 17 سنــة
زياد : أصغر من زوجاتي بكثيــر
فرح : جم عمر زوجاتك ؟
زياد : أكبر وحدة 24 سنة و الثانية 23 سنة و الثالثة 20 سنـة
فرح : إلي عمرها 24 سنة إسمها دانة ؟؟
زياد : إي و الثانية هتون و أصغر وحدة شجون
فرح : حلوة أسمائهم.." قالت بحزن " أحلى من إسمي
زياد لاحظ حزنها : لا بالعكــس إسمج واايد حلو
فرح بإستهزاء : حلــوو..لو مسميني حزن أفضل
زياد : ليش تقولين هالكلام هذا..!
فرح : آنه مب موافقــة
زياد مندهــش : ليـــــش ؟؟
فرح : مب مناسب لــي
زياد قعد يمها غصباً عنه
فرح إنحرجت
زياد : في شئ في حياتج مضايقج ؟
فرح : لا لا و لا شــئ
زياد : آنه أحبج
فرح إستغربت من جرأته : شنو هالخرابيط..؟ إنت عرفتني من مدة قصيرة..فشلـون تحبني بهالسرعة يمكن في واحد في قلبي..! شنو دراك إنت
زياد إبتسم : من قال إني أعرفج توني..؟
فرح مستغربة : متى إنت عرفتني ؟ و أصلاً في وين شايفني ؟
زياد : من رفيجتج ميساء..يوم كنتي في بيتهم..هي تصير لي بنت عمي
فرح متفاجئــة : و ليش ما خطبتها اهي خطبتني ؟
زياد : لأنها مخطوبـة
فرح متفاجئة أكثر و أكثر : هاا ؟؟
قامت بتفتح الباب
يودها من يدها
إستغربت من حركته
شنو هذا
هو للحين غريب
ما صار زوجهـا
زياد وقف
زياد : موافقــــــــة ؟
فرح منزلة راسها بأسى و هزت راسها بإي و طلعت بسرعة طيران لـغرفتها
سكرت الباب بالقوة و قفلته
و قعدت تبجي يم المنظرة
شنو هالصدمات إلي تييها وحدة ورى الثانية و كأن
" الخـطوة تتبع خطــوة "
لحقها عماد و عبدالعزيز
و طقوا الباب لين ما إنفتح بروحه
من شـدة الدفع
و شافوها تبجي ع شنو..؟ الله أعلم
حاولت تكتم دموعها بس طاحت ع الأرض
حاولت تقوم
بس مرضها سيطر عليها
رفعت راسها بصعوبــة
قلبها مكســــور..و دموعها تبين ضعفها
قالت بصوت حزين مهموم و صوت متقطع : إذا مــ ـ ــت فهــ ـ ــو إنتــ ـ ـوا الســ ـ ـبب
و حطت راسها ع الأرض دليل ع ضعفها
مرضـها سيطر عليها
سيطر ع جسمها
راح لها عبدالعزيز و حملها
خلاها ع الســرير و هو مب فاهم شنو تتكلم
فرح : ما بتخلـ ـ ـلى عن حلمـ ـ ـ ـي عن ماضي

نهــــــايـة الجزء الرابع