الصفحة رقم 1 من 8 123 ... الأخيرةالأخيرة
مشاهدة النتائج 1 الى 20 من 144
  1. #1

    رائع من أولى رواياتي - حلم مراهق - الفصل الأول << زحفان على كيف كيفك...

    هااااااي شباب وصبايا .. شخباركم و شو علومكم ؟؟gooood gooood

    حبيت اني انقل لكم هذي القصه وهي لعضو من الأعضاء
    (( من منتدى ثاني ))..smile
    >>>((رهيف الاحساسcool ))<<<
    طبعآ القصه بتكون باسلوبه ((يعني هو اللي بيقول لكم القصهbiggrin ))
    وانا كل اللي علي اني انقل لكم القصه wink

    >>> رهيف الاحساس دخل رحبوا فيه laugh squareeyed classic : cool

    سلام علاااكم
    شباب وصبايا
    سحالي وتماسيح
    المهم
    أول شي شباب اللي ماله نفس يقرا القصة
    يكتوب مشكور على الموضوع
    ويورينا عرض كتافه<<على قولت أخوانا المصارية
    هع هع
    ندخل دغري بالموضوع<<دغري تعني طوالي>>
    الصراحة حبيت أرويكم بعض الحركات اللي كنت أسويها

    وأنا من الناس اللي ما أحب التفحيط <<بس أحب التخميس<< لاياشيخ !!
    هع هع
    على العموم
    حبيت بهالموضوع اني أقول قصة واقعيه صارت لي ولكم شاب <<فترة المراهقة يعني>>
    وأنا ببدأ بالقصة وأمري لله

    عنوان الرواية:

    >>حلم مراهق<<

    ((مع الوضع بالاعتبار انا كل الاسماء اللتي بالقصة مستعاره ويوجد بعض الإضافات البسيطه والجميله على القصة من الخيال))
    بسم الله نبدأ
    ================================
    الفصل الأول بعنوان
    >>بداية القصة<<

    نبدأ:

    الصراحة كانت أول طلعة أطلعها بعد موافقة الوالد الله يحفظه ويطول عمره<<قولوا آميين
    <<خابرين كنت بزر يومها ولازم البابا يعرف وين أروح ووين أجي ومع مين أروح ومع مين أجي>>
    كان معانا جمس سوبربان وسواق أبو هنود وعلى ما أذكر كان اسمه ((أبو البشر)) الصراحة الاسم نفسه يضحك بس والله كان اسمه كذا حتى بالاقامة
    وكنا إحنا حول الـخمسة أشخاص هم
    >الزعيم & عليان & مهندووه & ليل جي & رهيف ((بطل الرواية))<

    ....................
    تعريف بالشخصيات

    الزعيم : هذا شاب مراهق يبلغ الـ19 ربيعا ,ابن صديق والد بطل القصة ,معلومات عنه /شاب وسيم ,حلو ,جذاب لدرجة مو طبيعيه بس طبعاً مو لدرجة جمال ووسامة حبيبنا ((رهيف))

    رهيف(بطل الرواية): شاب مراهق يبلغ ال18 ربيعاً ,كان تعيس الحظ إلى أن تعرف على الشلة الماسية >الزعيم & عليان & مهندووه & ليل جي< وفتحوا له المجال لإخراج شخصيته الثانية,معلومات عنه /كان يبلغ من الجمال ماشاء الله لا قوة إلا بالله جمال باقي الشلة ,ولو كانوا مجتمعين ماجابوا ولا 50% من جماله ووسامته ,بس اللي جعل بطلنا وحبيبنا رهيف ما يهتم ولا يعرف إنو بجماله ووسامته سيغرم فيه الكثيير من الفتيات في المستقبل ,كان أبوه الملتزم (المطوع).كان أبوه حريصا على إبعاد ولده الوحيد عن أي شي يؤدي إلى الشبهه ,فكان كل من رأه قال له ماشاء الله تبارك الله على الجمال)
    فيقول لأبوه ماقاله الناس فيرد عليه
    قائلاً: يابني لا تغتر بنفسك فإني أراك انسان عادي ولا شي مميز فيك البته .
    ولم يكن (رهيف) على معرفة باللذي يحمل له القدر من تغيير جذري لحركاته وتصرفاته.

    عليان: هذا المراهق يبلغ من العمر الـ18 ربيعاً ,وهو أول صديق ل(رهيف) بالمدرسة الثانوية وهو اللذي له الفضل في انضمام (رهيف) إلى الشلة ,معلومات عنه / شاب مزاجي بمعنى بدقيقة يكون معاك تمام سواليف وو..إلخ وبدقيقة آخرى يكون معك عصبي المزاج.

    مهندووه: شاب يبلغ من العمر 20 ربيعاً ,وقد تم التقائه بـ(رهيف) في الصف الثالث الثانوي لأن (مهندووه) رسب سنتين بالمرحلة المتوسطه وأصبح هو و(رهيف) من أعز الأصدقاء في المستقبل , معلومات عنه / للأسف غير معروفه لغموض هذا الشاب ولا يعرف عنه إلا انه يسكن بحي السويدي بالرياض..ولكن مع تغير أحداث القصة سوف يفصح لـ(رهيف) عن قصة حياته كاملةً
    عندما يصبح (رهيف) أعز أصحابه وصندوق أسراره.

    ليل جي: شاب يبلغ من العمر الـ18 ربيعاً ,وهو يعتبر الأخ الأصغر لـ(الزعيم),يتعرف إلى رهيف عن طريق أخوه (الزعيم), معلومات عنه / شاب مرح لدرجة لا يمكن تصرورها يحب أنا يجعل الجو العام ممتع ,يحب سماع الأغاني الغربية وخبير رقص التكسير <البريك دانس>, ويعتبر هو الأخ الروحي لـ(رهيف)

    ....................

    السيارة والسواق كانوا لخوينا (الزعيم) وأخوه (ليل جي) اللي أكبر مني بسنة تقريباً
    كانت أول طلعة لي عقب 17 سنه محبوس بالبيت وكأني كنت شيطان ومحبوس بقفص ومقفل علي
    الصراحة ما توقعت تطلع مني هالحركات اللي صارت كاني صرت شخص ثاني بعد هالطلعة
    هذاك اليوم كان ميلاد أعز أخوياي هذيك الأيام<<شخصيتي الثانية>>
    كنا الصراحة نحاول نقلد العالم من حولنا ,كنا كل ما نشوف موكب بنات ,كنا طوااالي ندخل مع باقي الشباب <<وبحكم انو معانا جمس وأسود ومظلل هذا وش يعني؟؟
    يعني انو اللي في السيارة يا أما بنات أو أمير من هالأمراء<الله يعزهم بس>
    نرجع لقصة الموكب والبنات ,دخلنا حول الساعة 10 الليل شارع العليا العام بالرياض.
    وألمح لأول مرة بحياتي بنت راكبه مع سواق سيارة لكزس رصاصية موقفه عند سوق العليا موول
    الصراحة تخيلوا موقفي <<توني جديد على قصة البنات وشوفت بنت لأول مرة وعيني كانت بعينها مباشرة>>
    الصراحة حسيت كاحساس أي مراهق يشوف بنت تناظره لأول مرة بحياته
    حسيت بشي غريب وتسألت في نفسي (ياترى هذا هو الحب اللي من أول نظره اللي يتكلوا عنه العالم)
    الصراحة كانت عيونها الوساع العسلية اللي يدوخو ,وشعرها الأسود اللي كان يغطي عينها اليمين <<ياوليلي وليلاه
    المهم أنا قلت يا أنا يا هالبنت وقلت لخويي (الزعيم)
    رهيف: ممكن تناظر ذيك اللكزس الرصاصية اللي موقفه قدام البوابه 2
    الزعيم : أيوا وش فيها عاجبتك السيارة وإلا؟؟
    رهيف: يادلخ مو السيارة أنا عاجبني اللي بالسياره
    الزعيم : والله وكبرنا والله يا (رهيف) وصرنا نشوف بنات ونعجب بهم
    ورفع (الزعيم) صوته بالسيارة قائلاً
    الزعيم: شباب شوفوا ذيك اللكزس اللي عند البوابة 2 نبيكم تدبرون رقم البنت اللي فيها
    المهم هي لاحظت انو كل أنظار اللي كانوا بالجمس بدت تتوجه إليها
    فرفعت لنا جهازها الجوال وإلا هو عبارة عن نوكيا (القرص) <<يعني قصدها عندكم بلوتوث؟؟
    كان معاي جوال نوكيا 6600(الباندا) أول أيامه وكان فيه بلوتوث
    طبعا كان ثلاث اللي معاهم هالجهاز بالجمس والباقي كان معاهم المملكة وبرج العرب
    ففتحنا البلوتوث ثلاثتنا وكان اسمي يومها على ما أذكر >مجنون بس حنون<<مصدق بشبك بنت
    أخونا (الزعيم) كان حاط اسمه بالبلوتوث >رقم جواله <<وما أخفيكم قولاٌ انه كان مميز وبقوه
    و(عليان) كان حاط اسمه >عاشق الصمت ورقم جواله<<وكان سوا والرقم ماش ما يجذب
    المهم
    أختنا في الله لقطة رقم (الزعيم) ,وكل هذا وحنا واقفين عند الاشارة اللي قدام العليا مول وهي في المواقف قدام المووول
    وفتحت الاشارة ومشينا لبيوتنا وانتهت الرحلة
    المهم لسه ما خلصنه السالفة
    وأنا كنت طوول الوقت أفكر بعيون ذيك البنت اللي كانت بعمر ال17 سنه تقريبا
    المهم
    كلمني بعدها حبيب قلبي (الزعيم)الساعة 3 الفجر وانا كنت مشغل الاستريو وقاعد أرقص بريك دانس على أغنية Usher(Yeah) New بعد ما علمني (ليل جي) كم حركه جديدة برقص التكسير ,طبعاً بدون علم والد (رهيف) بالموضوع.
    طبعا كانت على أيامها الأغنية يعني حلوووة
    المهم وطيت الاستريو ورديت على(الزعيم)
    -----------------------
    الزعيم: هلا (رهيف) بقول لك شي ووالله ما تصدقه؟؟
    رهيف: وش فيه.
    الزعيم: تذكر البنت اللي كانت قدام اللي ولعت لنا البلوتوث؟؟
    رهيف : أيوا وش فيها
    الزعيم: دقت علي من شوي ووش تتوقع قالت؟؟
    رهيف :وشو؟؟
    الزعيم : قالت أبي أكلم اللي كان ورى مقعد الراكب على اليمين ومابي غيره,فقلتلها اسمه (رهيف) وبعطيه رقمك انشاء الله الحين وبخليه يكلمكي أوكي ,قالت أوكي.
    وأنا أحبك يا (رهيف) مثل أخوي وأعز.
    رهيف : من جدك انت؟؟ لو درى عني ابوي وش بيسوي فيني ,أكيييد بيذبحني وانت عارف انو أبوي ملتزم (مطوع)
    الزعيم : لا ياشيخ ما عليك إذا درى قوله هذا خوينا (حمد) كل ما يكلمني يقلد صوت بنت وتنتهي السالفة.

    ...............
    تعريف بالشخصية الجديدة(حمد)/ هذا (حمد) ولد جيران (رهيف) يبلغ من العمر الـ17 ربيعاً , معلومات عنه /كان صوته مو عذاب وبس إلا تقدروا تقولوا صوت ملاك غير انو اسمه المستعار اللي كان يلعب على العالم فيه (رهــف),كان وما زال يكلم شباب سعودين ويلعب عليهم ويأخذ منهم بطايق سوا وبعد كذا يسحب عليهم سيفون قوووي جدا جدا.
    ...............

    بعد ذيك الطلعة (العليا) بغيت أسوي مقلب بصديقي عليان
    المهم كلمت حمد وعطيته رقم خوينا (عليان)
    وسحب فيه على اساس انه بنت واسمه (رهـف) ورقمه طلع بالعليا موول عن طريق الخطأ بالبلوتوث طبعاً

    نرجع لموضوع (الزعيم) والبنت المجهول اسمها إلى الآن:
    الصراحة كنت على نياتي وكمخه على ما يقولوا
    فأخذت الرقم منه وكلمتها..


    وش تتوقعوا صار معي يومها
    هل تتوقعون اني كنت بكلمها يومها
    وإذا كلمتها وش أقولها ووشو الموضوع اللي نتكلم فيه
    ووش بيصير بين خوينا عليان ورهف (حمد)

    تابعوني بالفصل الثاني اللي بعنوان

    >>بداية العلاقة بين (رهيف) وبين ؟؟؟؟<<

    ================================

    شرايكم بالقصه ؟؟
    انتظر رايكم وردودكم وانتقاداتكم واستفساراتكم biggrin
    واذا تبون التكمله عطوني رايكم فيها وانا بحط لكم التكمله ..gooood
    attachment


  2. ...

  3. #2
    القصـــة وااااااااااااااااايد حلوة وتحمس

    وحطي الفصل الثاني بسررررررررررررعة ودخيلج يا الساحرة إذا بتحطين فصول لا تتأخرين علينا مثل بعض الأعضاء اللي ينرفزون ويخلون بين كل فصل وفصل قرن وست سنوات

    وإلا أقولج الأحسن حطي الفصول كلها في صفحة وحده عشان نفتك

    والله يعطيج العافية عالتعب اللي تعبتيه
    attachment

  4. #3
    تسلميين يالبطرانه عالرد وعلى مرورج الحلوو اللي يرفع المعنويات smile ..
    بس بعد انا بنتظر ردوود اكثرر عشان اكمل ..gooood

  5. #4
    يا نااااااااااااااااااس يا هوووووووووووو ويــــــــــــنكم ؟؟؟؟؟؟؟؟؟؟؟
    أعضـــــــــــاء عالفاضي
    شاركواااااااا ياللي ما تستحون أحين البنت متعنية وكاتبة الموضوع وناقلتلكم القصة، ولاهي مجبورة أصلا إنها تتعب عمرها وتكتبلكم شي وإنتو نايمين على آذانكم
    أنتو مو مب نايمين انتوا مغطسين راسكم بسطل ماي
    ليش ما تردوووووووون ؟ والموضوع صارله ثلاثة أيام مكتوب يتريا حد يرد عليه
    مواضيع ثانية أشوف ردودها بعد عشر دقايق من كتابتها
    وإلا انتو اللي ماتعرفونه تجحدونه ؟!!!!!!!

    قلنا عيد والناس مشغولين ماعليه لكن أحين شو عندكم لا عندكم دكتوراه تحضرونه ولا اختراع تكتشفونه
    وياليت بعد هالكلام نلقا ردود وإذا متعيجزين تقرون الموضوع او وقتكم الثمين ما يسمحلكم
    قالكم إياها أخونا رهيف قولو مشكور عالموضوع وخلصونــــــــا بس عالأقل نشوف ناس ترد

  6. #5
    إقتباس الرسالة الأصلية كتبت بواسطة $ البطرانة $ مشاهدة المشاركة
    يا نااااااااااااااااااس يا هوووووووووووو ويــــــــــــنكم ؟؟؟؟؟؟؟؟؟؟؟
    أعضـــــــــــاء عالفاضي
    شاركواااااااا ياللي ما تستحون أحين البنت متعنية وكاتبة الموضوع وناقلتلكم القصة، ولاهي مجبورة أصلا إنها تتعب عمرها وتكتبلكم شي وإنتو نايمين على آذانكم
    أنتو مو مب نايمين انتوا مغطسين راسكم بسطل ماي
    ليش ما تردوووووووون ؟ والموضوع صارله ثلاثة أيام مكتوب يتريا حد يرد عليه
    مواضيع ثانية أشوف ردودها بعد عشر دقايق من كتابتها
    وإلا انتو اللي ماتعرفونه تجحدونه ؟!!!!!!!

    قلنا عيد والناس مشغولين ماعليه لكن أحين شو عندكم لا عندكم دكتوراه تحضرونه ولا اختراع تكتشفونه
    وياليت بعد هالكلام نلقا ردود وإذا متعيجزين تقرون الموضوع او وقتكم الثمين ما يسمحلكم
    قالكم إياها أخونا رهيف قولو مشكور عالموضوع وخلصونــــــــا بس عالأقل نشوف ناس ترد
    مشكوووره حبيبتي على تفاااعلج وحماسج ويااي ..biggrin
    اللي يبي يرد حياه الله واللي مابيرد برايه ما نغصب حد wink

  7. #6
    انا قلت في البداية يمكن ظلمتكم وإن مافي حد دش الموضوع او قراه وخصوصآ بعد ما قالتلي إختي الساحرة إن هالقسم محد يدشه وايد لكن يوم طلعت وشفت عدد الأعضاء اللي دشو قروا الموضوع هم 24
    ولا واحد منهم كلف نفسه يقول شكرا او الله يعطيج العافيه
    انتو شو انتو

    ليش مشتركين في المنتدى من الأساس

  8. #7
    اوه اوه الاخت عصبت ولايهمك حبيبتي
    انا ارد عليك
    والله القصه رائعه
    تسلم اناملك ياقلبي
    وننتظر البقيه <<تحمست تراني
    مو تجحديننا وتنسين لازم تنزلينه قريب <<طراره وتتشرط !^^
    يلا حبيبتي انتظر التكمله على احر من الجمر
    aa4598a82e


    4705d941c244de86ea55c2fe8926c532

    11226762152088505039ow4
    "استغفر الله العظيم التواب الرحيم لذنبي والمسلمين والمسلمات والمؤمنين والمؤمنات الاحياء منهم والاموات إلى يوم الدين "
    سبحـــــــــــــ الله وبحمده ـــان
    سبحـــــــــــــ الله العظيم ــــــان
    كلمتان خفيفتان على اللسان ثقيلتان في الميزان

  9. #8
    يسلمو اختي الساحرة ع القصة الحلوة gooood
    وبانتظار التكملة smile

  10. #9
    شكرا على الموضوع الحلوو
    ننتظر جديدك000000
    Getting my life back

  11. #10
    مشكووووورة
    attachment attachment
    [GLOW]
    اللهم اغفر له ولوالديه ماتقدم من ذنبهم وما تأخر..
    وقِهم عذاب القبر وعذاب النار..
    و أدخلهم الفردوس الأعلى مع الأنبياء والشهداء والصالحين ..
    واجعل دعاءهم مستجاب في الدنيا والآخرة ..
    اللـهم آميـن..
    [/GLOW]

  12. #11
    القصة وووووووووايد حلوة

    وتسلم أيدين إلى أكتبتها

    ونتظر أنشالة الجزء الثاني

  13. #12
    اوووه اووووه شو هالردود كلها smile ما توقعت حد بيرد ع الموضوع sleeping
    مشكووورين على ردودكم ومروركم و حماسكمgooood
    مدام انكم تبون التكمله بحطها لكم ..wink
    وبحطها عشان خاطر اختي الحالمه التي تحمست زياده عن اللزومbiggrin

  14. #13

  15. #14
    أفااا عليييييج ما نسيتج وعشااااااان خااااطرج لا تزعلينbiggrin <<حلاوه مب قصه

  16. #15

  17. #16
    إقتباس الرسالة الأصلية كتبت بواسطة *&الـنـاعـمـه&* مشاهدة المشاركة
    يالله يالساحرة كملي القصة asian
    <<<< تبيني اقول لها عشان خاطرج بعدbiggrin

    وعشااااااااااان خاطرج انتي بعد بحط التكملهbiggrin

  18. #17
    اليوم يبت لكم التكمله والتكمله عشان خاااااطر (الحالمه )و (البطرانه) و(الناعمه) biggrin .. << عشان ما يزعلون

    رهيفcool >>>>

    سلام علاااكم
    شباب وصبايا
    سحالي وتماسيح

    أشكر كل من تفاعل معاي بالرواية من تشجيع وتقديم مساعدة
    وهذا أعطاني دافع قوي أني اكتب الفصل الثاني من الرواية
    على العموم حبيت أنبه لكم ملاحظة
    انو 90% من الأحدث الرواية حقيقية ونعيشها يومياً
    ولا أخفيكم القول أنه جائتني رسائل انتقادات للرواية<<وهذا يزيدني أصرار طبعاً
    المهم
    أنا تجهزت لأكتب الفصل الثاني من الرواية
    فجبت لي علبتين شراب الطاقة <الريد بول بيعطيك جوانح> وكيس المكسرات يابانية
    وانسدحت على السرير وزبطت اللاب توب على المخده وكله تمام لكتابة الفصل الثاني من الرواية
    ولقد تم تنسيق هذا الفصل احسن من اللي قبله
    جاهزين للفصل الثاني

    1

    2

    3

    أكشين


    ===============================
    الفصل الثاااني
    >>بداية العلاقة بين رهيف و ؟؟؟<<

    الصراحة أنا بديت أرتجف من بعد ماعطاني (الزعيم)الرقم أول مرة
    قعدت أفكر وأقول في نفسي:
    أكلمها وإلا لا ,طيب وان كلمتها وش أقول لها
    ودي أعرف كيف المحبين يكلمون حبيباتهم ,ودي أعرف بس
    بعدها رحت فتحت النت ,ورحت ادخل في منتداى وأطلع من ثاني ,وكلها عشان أشوف كيف الأساليب اللي تستخدم لذي الحركات.
    وأنا قاعد عالنت جاني اتصال من رقم غريب<أنا الصراحة مارد على أرقام غريبه بالعادة>
    بس هالمرة رفعت الجوال
    رهيف: ألوو

    ردي علي صوت ناعم (بنت) يقول
    ؟؟؟: هلا والله رهيف

    رهيف: هلا مين معاي؟؟

    ؟؟؟: تنكت انت بالله عليك ما عرفتني؟؟

    رهيف: لا والله ....مين نورة بنت عمي < الصراحة من كثر الخوف تلخبطت بقوووة >

    ؟؟؟ (ضاحكه): مبين عليك حقيقة ما عرفتني لا تشيل هم أنا منى

    رهيف: منى؟؟؟؟!!!!!

    منى: راعية اللكزس ما تذكرتي وش دعوى نسيتنا يا حلو؟

    رهيف(بحرج): هلا والله منى كفيك؟؟

    منى: آآآآآآآآآآآآآآآآه ,تصدق اسمي طالع منك زي العسل يا عسل

    رهيف(وهو بالع العافية): هـ .. هــاه... اللــ..الله يسلمك

    منى(ضاحكه): تصدق انت تعجبني من أول ما قلتلي (ألو) حسيتك ما قد كلمت بنت قبلي وهذا يونسني

    <في ذاك لوقت مدري وش صار فيني وبديت أتكلم كلام أنا نفسي ما قد قلته من قبل وبكل جرأه>

    رهيف(بكل جرأه): الله يسلمك

    منى: انت كلش الله يسلمك ياخي قل شي رومنسي

    رهيف: وش رايك فيني الصراحة وش اللي عاجبك فيني وخلاك متعلقه فيني لذي الدرجة

    منى: إن الله جميل يحب الجمال<<يقالها تلمح

    رهيف(فاطس ضحك): بس طبعاً أنا ولا شي من هالقمر اللي قاعد يكلمني وإلا؟

    منى(مستحيه): الله يسلمك على قولتك

    رهيف : ههههههه أقول منى ودي أشوف القمر اليوم ممكن بالليل؟؟


    بنفس الوقت كلمت رهف(حمد) عليان

    رهف(دلع): ألووو

    عليان: ألو يا عسل

    رهف: مين معايا

    عليان: معاكي القمر عليان

    رهف(باستهزاء): وجـــع مين عليان أنا أبغى محمد موجود وإلا لأ؟

    عليان: أكون محمد لعيونك

    رهف(حمد بصوته الطبيعي): اترك عنك التميلح وعطني حبيبي محمد ماني فاضيه لك اخلص

    عليان: مسويه تغيري صوتك ترى والله لو تشوفيني كان تقولي محمد خرطي قدامي

    رهف: ياربي معك...انت وش تبي الحين عطني محمد وإلا ضف وجهك

    عليان: ليه القمر زعلان؟؟

    رهف: <<قفلت الخط>>

    طبعاً عليان ما تركها ما صدق بنت تكلمه على الجوال فظل يدقدق عليها حتى طفش وسكت

    كلمني بعدها (حمد)

    حمد(بصوت بنت): هلا رهيف

    رهيف: هلا حمودي كيفك؟؟

    حمد: والله بخير دريت وش صار بيني وبين خويك البثرعليان

    وبعد ما قال اللي صار.

    رهيف: بطلب منك طلب ممكن؟؟؟

    حمد: آمر

    رهيف: وش الأشياء اللي تجذب البنت للرجال؟؟ أنا عارف انو سؤال غبي لكن قلت أستفيد من خبرتك

    حمد: هههههه...بس كذا...ابشر...أنا أقول لك يا طويل العمر أول شي الجمال وانت ما شاء الله عليك هذا شي
    الشي الثاني انك تحسسها انك تحتويها وانها كل شي بحياتك وهي الحب القديم والمستقبلي وحاول تبين قدامها انك مطخطخ < عندك فلوس > هالخرابيط وسلامتك

    رهيف: أها أجل تقولي كذا.. أوكي مشكور وما قصرت وتوصيني انا مشغول والله

    حمد: العفو حبيبي وهذا واجبي ولو... وما أبي غير سلامتك...يلا سلام

    انتهت المكالمة
    وبصراحة ما اقتنعت بكلام حمد لما قالي مطخطخ وهالشغلات
    وباليوم التالي قررت الشلة الكريمه الخروج للثمامة لشم الهوى باحدى المتنزهات الجميله
    بس هالمرة كانت طلعتنا بالكامري موديل 98 كنها قوطي صلصة
    كان عليان يسوق، وأنا الراكب على يمينه <شخصيات هامة هع هع> ,وباقي الشلة محشورين ورى
    العالم ورى تفكر بالوسع وأنا كنت أفكر بـ(منى) والله ما غابت عن بالي ولا دقيقة
    أنا عارف انكم بتقولوا :< يلعن أبو الجو اللي انت فيه > بس الصراحة لو سمعتوا ذاك الصوت كان صار فيكم اللي صارلي ويمكن أكثر
    وحنا عند (منتزه من هالمنتزهات) صار فيه حوار خفيف

    عليان: أقول شباب نروح لهالمنتزه؟؟؟

    ليل جي: والله براحتك بس ظنك بيدخلونا

    الزعيم: تبون تدخلوا خلوها علي أنا ادخلكم

    كلم الزعيم على جوال اخته الكبيرة (الهنوف) وقال لها
    ...........................................
    تعريف بالشخصية الجانبية الجديدة( الهنوف): شابه تبلغ من العمر 23 سنه , معلومات عنها/ الصراحة ماعندي أي معلومة عنها إلا انها تموووت على أخوها (الزعيم) وتقول < لو ما كان الزعيم أخوي ,كان أخذته من زمان > تحبه حب مو طبيعي ويعتبر أبوهاالروحي على ما يقولوا أي شي يصير معاها تروح تخبره قبل والديها
    ...........................................
    الزعيم: سلام

    الهنوف: وعليكم السلام هلا وش بغيت

    الزعيم: وينكم الحين؟؟

    الهنوف: راجعين البيت ليه

    الزعيم ابيكي بشغله ممكن

    الهنوف: تفضل انت تامر أمر

    الزعيم: ما يامر عليكي بس ممكن تمريني الثمامة؟؟

    الهنوف: ليه؟؟ عسى ما شر صار فيك شيء؟؟

    الزعيم: لا بس بغيت شي من السيارة ضروري

    الهنوف أوكي من عيوني أنا جنبك الحين خمس وأنا بالثمامة بس انت وين بالضبط؟؟

    الزعيم: عند (دوار العويضة) بس لا تتأخري

    الهنوف: أوكي من عيوني

    بعد خمس دقايق إلا الجمس حقهم قدامنا
    نزل الزعيم وركب الجمس وأخذ منه كيس ورجع وبعدما مشا الجمس
    المهم
    جانا الزعيم ومعاه كيس

    رهيف : وشو اللي معاك

    الزعيم: عبايتين

    باقي الشلة: وشووووووووووو؟!؟!؟؟!؟!؟

    الزعيم: ايوا عبايه فيها شي

    رهيف: طيب وش بنسوي فيها

    الزعيم: بنلبسها يعني وش؟؟

    رهيف: نعم؟؟ من جدك انت وش اللي نلبسها

    الزعيم ايوا من جدي عندي عبايتين واحدة بلبسها أنا والثانية عليان

    عليان: وليه تبيني اطلع مثل هيجاء اللي بطاش؟؟

    وقعدنا نضحك كلنا وفعلاً لبسوا العبايات وأنا كنت خايف من جد لو تشوفنا الهيئة كنا رحنا فيها
    ورحنا عن البوابه ,وأنا عند البوابه دقت علي (منى) ,استأذنت من الشباب وقلت لهم عن أذنكم أبوي يبيني شوي انتظروني وبرجع لكم
    المهم ضغطت الزر الأخضر وانا أمشي وكلمت

    منى: سلام رهوف

    رهيف: وعليكم السلام هلا والله يالغلا

    منى: هلا والله أخبارك عمري

    رهيف: والله بخير اشتقتلك والله ما كلمتك من زمان

    منى: يا عمري عليك لذي الدرجة وحشتك

    رهيف: وأكثر بعد انت ما تعرفي وش سويتي فيني

    منى: الله يسلمك على قولتك....المهم خلاص ما عندي شي اليوم فيك تقابلني الحين؟؟

    رهيف(بتعجب): الحين!!!!!

    منى: ايوا الحين وش فيك اخترعت؟؟

    رهيف: لاوالله ولا شي بس وين؟؟

    منى: اللي تبيه أنا ما يهمني إلا اني أطلع معك يا قمر

    أنا ما أدري وش أقول بهذي اللحظة وفقلت لها

    رهيف: أوكي بعد شوي ألاقيكي عند التحلية موافقة

    منى: لا ياحبيبي انت لازم تاخذني من بيتي وشو تحليته؟؟ اسمع أنا بعطيك العنوان وأبغاك بسرررعة

    بعد ما وصفت لي وين البيت

    رهيف: أوكي انا ربع ساعة وأنا عندك سلااام

    رجعت لشلتي وقلت لهم

    رهيف: أنا لازم أمشي الحين والله مستعجل

    عليان: وين تو الناس صار شي بالبيت لا سمح الله

    رهيف: لا بس الوالد يبيني ضروري

    عليان: خذ سيارتي وإذا خلصت تعال لا تتأخر

    رهيف: مشكور حبيبي وما تقصر

    أخذت السيارة من عليان بس قلت ما ينفع أروح لها بكامري قديمه فرحت البيت ووقفت سيارة عليان ورى البيت ودخلت ورحت مباشرةً غرفة الوالد

    رهيف: سلام عليكم

    الوالد: وعليكم السلام بدري وش جابك ؟؟

    رهيف: والله لسه ما خلصنا بس عندي مشوار صغير وأبي سيارة ضروري

    الوالد: اها تبي سيارة خلاص ولا يهمك بس هاه لا تسرع وخلي بالك على نفسك وانتبه للطريق ووو....إلخ إلخ

    رهيف: ولا يهمك بس انت عطني المفتاح ويصير خير

    الوالد: تفضل

    طبعاً الوالد عنده ماشاء الله 3سيارات وحدة (لاند كروزر) والثانية (بي ام دبليو) والثالثة (ددسن موديل 77<<الصراحة ما أدري ليه محتفظ فيه بس الظاهر انو يعنيله الكثير)
    المهم عطاني مفتاح الـ(بي ام) وقالي

    الوالد: هذي أول مرة تسوق بي ام انتبه عليها تراها غالية بس مهي أغلا منك

    رهيف: من عيوني <<وعطيته بوسه على راسه>>

    المهم رحت لغرفتي وغيرت ملابسي وتعطرت وشخصت وطلعت الكراج وركبت البي ام
    وأنا طاير من الفرحة
    شغلت السيارة ومشيت على الوصف حق بيت (منى)
    وصلت البيت وارسلت لها مسج وقلت فيها

    << يلا يا قمر أنا قدام الباب اطلعي>>
    ردت علي
    <<شوف فوقك بسرررعة>>
    يوم ناظرت فوق إلا شوفت (منى) مطلعه ايدها من الشباك وتأشري وكنها تقول استنى شوي
    انا ما شوفت يد وحدة بس ,شوفت كمان بنتين مطلعين لي خششهم من الشباك ولا مهتمين باللي بالشارع
    المهم وأنا مبرق عيوني بالشباك وأقول بنفسي<وينك يالزعيم تشوف اللي أنا أشوفه هع هع>
    شوي إلا تمسك كتفي وحده ,يوم لفيت وجهي وإلا هي (منى)!!!

    منى: بسم الله عليك وش خرعتك

    رهيف: لا أبد بس مستغرب كيف قمر مثلك يمسك واحد مثلي<<شوفوا الكلام بس

    منى: Oh My God هذي سيارتك<< تحاول تغير الموضوع

    رهيف(بكل ثقة): أي نعم ودك تركبيها؟؟

    منى: تنكت؟؟ أكيييد ودي والله لو كانت (تريلا) المهم اني جنبك

    رهيف: كم تدفعي؟؟

    وقعدنا نضحك المهم ركبنا السيارة سألتني

    منى: أقول رهوف وين تبي توديني أنا طفشانه حياتي والله وودي أغير جو معك

    الصراحة يوم قالتها قعدت أفكر بشلتي وش صار فيهم
    فقلت لها

    رهيف: بنروح منتزه (لا أستطيع الصراحة ذكر الاسم للأسباب أمنية) وش رايك؟؟

    منى: الراي رايك يا حبيبي قدااام

    الصراحة كانت منى مدري كيف؟؟
    كانت مرة تبين انها مرة حساسة ومره أحس انها زاحفة <مخربيتها على قولت شبابنا اليوم>
    المهم دخلت مزااجي وهذا الأهم

    يتبع....

  19. #18
    نرجع لأخويانا بالثمامة بنفس اللحظة اللي كنت فيها مع منى
    عليان: أقول شباب ما تلاحظوا انو رهيف تحيير< تأخر > علينا

    الزعيم: ما اظن انو البيت اللي كان طالبه عشان شكله كان مرتبك يوم رن الجوال

    مهندوه: حرام عليكم تحشوا بالرجال وهو غايب , الغايب عذره معاه

    ليل جي: طيب ورى ما ندخل ونخلي رهيف يلحقنا بعدين؟؟

    الزعيم: أوكي يلا يا عليان البس وخلنا ندخل
    المهم الشلة لبست وتفرقوا

    الزعيم بالعبايه = مهندووه
    عليان بالعبايه = ليل جي
    ودخلوا ولا واحد فتح فمه من الأمن ولا الهيئة
    المهم دخلوا وراحوا لأقرب حمامات<رجال طبعاً>
    شافوا مافي أحد , فدخل الزعيم وعليان للحمامات عشان يشلحوا العباية
    وليل جي ومهندووه قعدوا عند الباب عشان يصرفوا العالم
    المهم جا واحد ودخل الحمامات فوقفه مهندوووه وقاله
    مهندووه: أخوي الحمامات خربانه الحين آسفين قاعدين نصلحها

    الرجال: أقول فارقوا عني الحين أبي الحمام ضروري
    ودخل على الحمامات غصبن عنهم
    واتجه طوالي لأول غرفه<<وكان فيها عليان
    وشاف عليان يفصخ العباية ويقول
    عليان: يوووووووه افلقوني اذا رحت مكان زي كذا مره ثانية
    الرجال ارتبك<والظاهر نسى انو كان يبي الحمام> وما يدري وش يقول راح طوالي طلع من الحمامات وراح عند الهيئة
    الشلة قعدت تضحك عليه ما درت انو الرجال راح للهيئة
    وهم طالعين وقفتهم الهيئة عن باب الحمامات

    الهيئة: على وين تو الناس؟؟

    الشلة كانت (قامطه) يوم شافوا الهيئة

    مهندوه: أنا ما سويت شي والله هذا اللي جاب الفكرة <وأشر على الزعيم>

    الزعيم: امحق أخويه والله أنا الغلطان اللي تعرفت عليكم بس ما فيكم رجال إلا (رهيف)

    الهيئة: هذا اللي اسمه((رهيف)) كان معاكم بعد؟؟ وينه؟؟


    في ذيك اللحظة وصلت أنا و(منى) لنفس المنتزه اللي فيه أخوياي
    وجا راعي الأمن وسألنا من الأخ؟؟
    رديت عليه منى

    منى(بصوت خشن): خطيبي عندك مانع<<كنها تبي تضارب
    وطلعت (منى) بطاقة بيضاء من شنطتها كأنها بطاقة أحوال وورتها للرجال
    المهم الرجال شكله (قــمــط العافية) وخلانا ندخل بدون أي سؤال
    انا ناظرت بوجه منى وقلت لها

    رهيف: تصدقي ما توقعت منك هالشي؟؟ ووش قصة البطاقة اللي ورتيه اياها

    منى: ولا أنا كمان ماتوقعت وعلى البطاقة بعدين تعرف مو وقته << وفصخت نقابها وخلت الحجاب<<مخربيتها البنت من جد

    أنا يوم شوفت هالوجه نسيت موضوع البطاقة وشوي وأطيح قدام العالم
    المهم وأنا ماشي معاها وقفونا 3 بنات

    البنات: قوووه منى وش هالمصادفة<<خليجيات>>

    منى: هلا والله بـبنات خالتي

    البنات: أشوف منى كأنك لقيتي فارس أحلام ثاني غير هذاك الاول

    <<أنا طبعا حفظت ذيك الجمله لوقت ثاني>>

    منى: يااربي انتوا لازم تنكدوا علي يومي يعني؟؟

    البنات: لا والله بس ما عرفتينا على الأخ

    منى: أوه نسيت رهيف هذولا بنات خالتي من الكويت > ريم – مشاعل – ساره <
    بنات خالتي هذا حبيبي وخطيبي انشاء الله رهوف

    البنات: تشرفنا رهيف ومين قدك معك منى

    رهيف : بمعرفتكم والله

    البنات: مانبي نخرب عليكي الجو حبيبتي (مون مون) بنخليكي بروحك معه وأحنا بنروح نكمل التمشية
    أوكي

    منى: اوكي سلاااام بس خلينا نشوفكم
    المهم بعد اللقاء واستانسنا
    واحنا ندور حطت منى يدها على شنطتها وطلعت بكيت دخان حطت وحده بفمها وجت تولعها
    سحبت السيجارة من فهما وقلت لها
    رهيف: يا دلخة عارفه وش هذا؟؟؟

    منى: وش رايك يعني؟؟ هذا دخان يعني وش يبي يكون؟؟

    رهيف: هذا يضرك ويمكن يموتك حبيبتي وأنا تعرفيني من بعد ما تعرفت عليكي ما أبي شي يضرك

    منى: الله الله عليك..من وين جايب هالكلام الحلوو هذا

    رهيف: سمعته بمسلسل خليجي بالتلفزيون هههه.. المهم دامك تبيني أكون معاكي لا تدخني ترى أنا ما أحبه

    (منى) استحت قامت كسرت البكيت كله وقالت

    منى: خلاص رضيت الحين؟؟

    رهيف: ايه خلاص<<سويت فيها ثقل

    منى: الصراحة عجبتني..

    بعد ما سمعت هالكلمه اقتنعت بكلام حمد لما قالي <<حسسها انها كل شي بحياتك>> الصراحة كان كلامه صحيح 100%
    وبعدها قابلنا واحد ينادي بصوت خشن ويصارخ

    ؟؟؟؟(وهو يصارخ): منى.....


    مين تتوقعوا ينادي حبيبتي (منى)
    أبوها ... أخوها .. عمها ... خالها؟؟
    ووش بيصير بمصير شلتي مع الهيئة؟؟
    وهل بتتركهم الهيئة بدون ما تسوي لهم شي؟
    وكيف بيصرفون قصة العبايتين اللي معاهم؟؟

    تابعوني بالفصل الثالث من الروايه
    اللي بعنوان

    >> بداية السنه الدراسية (التوجيهي)<<

    ===============================
    الصراحة احس الفصل هذا بااايخ مو زي اللي قبله
    عشان مافي شي يحمس وإلا؟؟
    على العموم

    ويلا رهييف ينتظر انتقاداتكم smile

  20. #19
    ماشالله عليـــــــــــــــــــــــك
    اسلوب سردك للقصه روووووعه
    الصراحة احس الفصل هذا بااايخ مو زي اللي قبله
    عشان مافي شي يحمس وإلا؟؟
    لا والله مو بايخ
    يمكن ذاك الجزء احلا لانه بدايه القصه

    يلا عاد تراي اول من رد عليك بعد مانزلتي الجزء ~ــ^

    انتــــــــــــــــــــــــظر التكمله يابعدي

  21. #20
    إقتباس الرسالة الأصلية كتبت بواسطة ~♥ღ°•¦ الحالمه مشاهدة المشاركة
    ماشالله عليـــــــــــــــــــــــك
    اسلوب سردك للقصه روووووعه


    لا والله مو بايخ
    يمكن ذاك الجزء احلا لانه بدايه القصه

    يلا عاد تراي اول من رد عليك بعد مانزلتي الجزء ~ــ^

    انتــــــــــــــــــــــــظر التكمله يابعدي
    تسلمييين ع الرد الحلو مثلج..smile
    [QUOTE]يلا عاد تراي اول من رد عليك بعد مانزلتي الجزء ~ــ^
    [/QUOTE]<<< خلاص فهمت wink ((عشاان خاطرج هالمره بحط التكمله))biggrin
    بس بعد ما اشوف ردود اكثر tongue

الصفحة رقم 1 من 8 123 ... الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter