ياصاحبي .. لك الشرف ... ولي الشرف ..
نبقى سوى كف بكف
نصمد ونتحدى الظروف .... ما نؤمن بكلمة صدف
وان كان مالك مصلحه ... أنا بعد .. معك أبد مالي هدف ..
إلا السعادة والترف ...
ياصاحبي ... خذ ماتبي ... خذ فرحتي ... خذ بسمتي ..
خذ مابقى من دنيتي ... ويـكــفــي جروح ....!
انا معك قلب وروح
ياصاحبي خلك معي ...
بهمسك اطرب مسمعي .... بلمسك جفف مدمعي
لا ... لاتروح
ارسم لي في قربك حياه ... غير الحياه ...
اسكن في قلبي في هواه .... برضه وسماه
دوّر رضاه وخذ ماتبي ...
بس المهم ... ما نختلف
ياصاحبي قم نادني ... قرب شتاتي ... لمني
حزين تايه مغترب ... همي وحمله هدني
بالحيل احتاجك كثير .... واكثر من كلمة كثير ... كثير
ومهما يصير ... لا تقول ما تحتاجني
انا بدونك من اكون .... وانت بعدي من تكون
وياترى عندك اهون ....؟؟
انا أبد مالي مكان .. مالي زمان ... إلا معك
حاول تجيني وضمني ... ضمة وفا ... ضمة دفا ... ضمة حنان ...
خذني على صدرك تكرم حطني
وشدني وتحس قلبي يرتجف .... !!!
أنا أدري ما ترضى الوداع ولا أنت راضي اجتماع
إلى متى وش تنتظر .... أخاف بـُـعدك والضياع
يابن الحلال .... قرب ... تــعــال وشوف بعيونك غلاك
واللي هواك .... وشوف حالي بلاك
وحيد همي وخوفي سجن بفراقك ... وقــيــــد
أكيد ما ابغى سواك
ارحم خفوقي يا غلا .. قل مرحبا ... قل ياهلا
قبل الهلاك
من اجل ايام مضت ... بيني وبينك واختفت
صوبي الـتـفـت حزني وجرحي ما كفاك ...؟!
أنا بدونك احتظر عمري شتات
هذه الحقيقه اعترف .... ويكفي طبعك اختلف
واعترف ان السبب لو نفترق ... انت السبب
تنوي الفراق
وتحكم على عمري التلف
اضافة رد مع اقتباس
المفضلات