مشاهدة النتائج 1 الى 7 من 7
  1. #1

    Talking للبنات لعلاج الزهق

    هذي وسائل لعلاج الزهق داخل البيت ،وعلى فكرة تراها للبنات ..لان الولد اذا زهق ركب سيارته وانقلع يفرفر

    --------

    1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم ومنها تشغلين التلفون 12 ساعة
    2- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي؟!؟!؟

    3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) ..اراهن انكم بتصلعون على هالحالة

    4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..

    5-روحوا السوبر ماركت وامسكوا العربية ودوروا فيها وصقعوا بخلق الله وقولوا :اووه آسفة مادريت

    6-امسكي ريموت كونترول واحذفي كل المحطات من الرسيفر وارجعي حطيهم من جديد (هذا وجهي ان رجعتي منهم شي)

    7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)

    8-امسكي منشفة وفكي الشبابيك ونظفيهم

    9-سوي عصير برتقال واشربيه ؟؟؟

    10اذا زهقنا نحفظ دويتو لاي مطربين (مثلا لراغب علامة واليسا) ونقعد نحفظهم وبعدين نسكر المسجل ونغني الاغنية لحالنا..وناسة

    11-اقروا مجلة اطفال (ميكي وماجد)

    12-البسي ملابس رجال ثوب وغترة وخرعوا اهلكم !!

    13-خذوا المسجل وسووا مكس لاغاني؟؟؟؟

    14-افتحي نوتة التلفونات واختاري ارقام من العائلة ودقي عليهم وسوي حركة صلة رحم..

    15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم

    16-روحوا مواقع بطاقات وكاردات وارسلوا لصديقاتكم ..

    17-الفي مسجات جوال ونكات ماسنجر..خذي مجلات فواصل وديوان خالد الفيصل وطلعي منه ابيات شعر تصلح نكااات للماسنجر واكتبيها بورقة..

    18-ادخلي غرفتك وحطي مكياج كاامل كانك رايحة لعرس ولطخي وجهك تلطخ وتصوري ..حركة صح؟كخخخخخ

    19-امسكي دفتر تلوين اطفال واقعدي لوني ...كخخخ

    20-اذا زهقتي افتحي دولاب ملابسك واقعدي قيسي ملابسك بدلة ورا الثانية<< يمكن يجي الصبح ماخلصتي من كثرهم

    21-روحي المطبخ سوي كيكة (هذا وجهي اذا احد اكلها)

    22-سوي ايميل جديد واقعدي العبي على اللي تعرفينهم ..

    23-تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم

    24-اركبي السيارة وهي موقفة جوا البيت وكانك تسوقين

    25-اطلعي وانزلي الدرج عشرين مرة .. منها تتمشين ومنها تنحفين<< ذبحتكم القعدة والفضاوة

    26-اقعدي على الكومبيوتر وحوسيه زي العادة

    27-اطلعي الحوش..وصيديلك حشرة لطيفة (عنكبوتة مثلا ) وحطيها بعلبة واقعدي راقبيها..بس لا تخلونها وقت طويل عشان ماتتعذب <<<والله من العطف عندكم يالبنات

    28-خذي مجلات قديمة واقعدي قصقصي صور ولزقيها بلوحة (بتطلع المواااااهب)

    29-اطلعوا حوشكم ..والعبي كورة..وكسري انوار البيت

    30- روحوا منتدى ادلل وردوا على الحجاج




    وعلى فكرة .. الموضوع ملطووووش خخخخخ


  2. ...

  3. #2
    قلنا علاج الزهق ........بس مو تعديب >>>>>>>>>>>>>>>>>>(امزح)

    شكرا long

  4. #3
    مشكوووور على العلاج .. smile

    وصفــة ولا كل الوصفات wink

    اخر تعديل كان بواسطة » cat..uk في يوم » 28-02-2003 عند الساعة » 16:07

  5. #4
    ههههههه


    مشكوور اخووي على هذي الوسائل الغريبة plaugh3

    روحي المطبخ سوي كيكة (هذا وجهي اذا احد اكلها)


    tired tired tired tired هههه هذي انا plaugh3

  6. #5

  7. #6

  8. #7

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter