مشاهدة النتائج 1 الى 8 من 8
  1. #1

    قصه ياليت تكون وااقع

    السلام عليكم

    بصراااحه انا اول مره شارك في قصه بس حبيييت اجرب

    اولا نتكلم عن الشخصياات

    عنوود
    عمرها 19 سنه حبوووبه وقلبها كبييير بس وقت الجد جد وما شاء الله عليها ملكه جماال العيوون السوده الكبييره والبشره البيضاء والشعر البني الفااتح الطوييل هي في الجامعه قسم هندسه معماريه في الامارات طبعا هي اصلا من السعوديه لكنها تدرس هناك ومعها اخوها

    خالد
    اخوا عنود واصغر منها بسنتين يعني 17 سنه ثانويه عامه حلو ومملوووح يحب اخته مره متوااضع يحب يرسم البسمه على وجووه غييره

    ابو خالد
    رجاال طيب حباب يحب يسوي اي شي لعياله بس عشان يسعدهم بس في حدود المعقول هو ما عنده الا خالد وعنود لان ام خالد مرضت بعد ما جابت خالد ولا تقدر تتحمل تجييب وااحد ثاالث لانه بيضرها وطبعا ما تهون عند ابو خالد

    ام خالد
    حرمه اصييله وراعيه واجب مربيه عياله على الفضيله وهم اغلى ما تكملك طبعا تداريهم وتحن عليهم اكثر من اي ام في الدنيا
    اخر تعديل كان بواسطة » pop cooorn في يوم » 15-10-2006 عند الساعة » 17:44
    498_01160657223


  2. ...

  3. #2
    [COLOR="DarkOrchid"]الجزء الاول[COLOR="Black"]

    بعد ما انتها الفصل الدراسي الاول قرر ابو خالد انهم يطلعوون في اجازه لم بريطانيا وطبعا شاور عياله بالموضوووع
    ابو خالد : وش رايكم يا عيال هالعطله نرووح لم بريطانيا؟
    عنود : الله وناااااااااااااسه
    خالد : والله ما نقوول لا
    ابو خالد : اجل جهزوا نفسكم بعد اسبوعين بنرووح..
    عنود : يبه ممكن طلب؟؟ .. ممكن نقول لعمي محمد وعمي فيصل يروحون معنا ؟
    خالد : ايه والله يبه راح تصييييير العطله فلله
    ابو خالد : والله بكييفكم ...عنود قوليلهم انتي طيب
    العنود : ابشر على هالخشم
    وتدخل عليهم ام خالد : انا ما علي منكم انا بقعد مع اختي شهانه انت تدري انها توها طالعه من المستشفى والناس بيجونها امم ........اكيييد اول مولود
    ابو خالد : على راحتك يا الغاليه سوي الي يريحك ....... بي والله بفتقد وجودك
    عنود وهي تنغز اخوها : اقووول خلنا نقوووم من هنا مالنا قعده وسط هالاجوااء الرمنسيه خخخخخخخخخخخخخخخخ
    خالد : ايييييه لا ننعدي منهم ههههههههههههههه
    وعلى طول يطلع خالد ووراه عنود

    طبعا عنود ما صدقت خبر راحت ودقت على جوال بنت عمها محمد (جود)
    جود
    عمرها 17 سنه زي خالد وهي صديقه عنود المخلصه صحيح انها اصغر من عنود بس عقلها عقل وحده كبييره وهي بمثابه اخت لعنود

    عنود : هلا والله وغلا بجووووووووديييي
    جود :هلا بك يالغلا وش اخبارك؟
    عنود : ابد يسرك الحال ......عندي لك خبررررررر بس اولا قولي تم ..
    جود : والله ما اقول تم لللين تقوليلي وشو؟
    عنود : توه ابوي قالي اننا بنروح بريطانيا هالعطله ونبغاكم تجوون معانا وش قلتي..؟
    جود :والله ما ادري بسال ابوي واردلك ..اوكي
    عنود :طيب اساليه الحييين
    جود:لا والله خليني اساله وهو مروق.... خلاص اول ما يرد علي بكلمك ... اوكي
    عنود:خلاص بس حاولي ترديين بسرعه
    جود :خلاص ابشري يالله تامرين بشي حياتي ؟
    عنود :سلامتك يالله بااااي
    جووود باياااااااات



    وش راح يصير بالسفره وش راح يصادفوون ؟

    ان كنتوا تبون تعرفوون <<<<<<<<<<<<<<< ابي اشوووف احلى ردود اوكي
    thanks
    اختكم pop cooorn
    اخر تعديل كان بواسطة » pop cooorn في يوم » 15-10-2006 عند الساعة » 17:47

  4. #3
    يسلمووووووووووووووووووووووووووووووووووووووو
    sigpic137688_1جوفنتس +برشلونه +الارسنال= يعني بالعربي ملكت العالم

  5. #4

  6. #5

    نقاش

    بوب كورن
    مايصير كذا حمستين
    وش بيصير بااخر الاحداث ابغا اعرف

    بللللللليز الاحداث بسرعه
    frown frown frown
    اخر تعديل كان بواسطة » احزن حزينه في يوم » 27-10-2006 عند الساعة » 02:43
    e0003451c6

  7. #6
    مشكوره على القصه

    وانا بعد تحمست ياليت تكملين القصه بسرعه

  8. #7
    يسلموووووووووو على الردووود الروعه
    ومعليش على التاخيير بس تعرفون مشاغل العيييد

    بس ابشروا الحييين بنزلكم الجزء الثاااااااني....

    thanks

    اختكم pop cooor

  9. #8
    (((الجــــــزء الثانــــــــــــــــي)))
    في هذه الاثناء كان ابو ريان ( العم محمد ) جاس في الصالة شوف الاخبار زي عادته نزلت عليه جود وهي على امل تلقاه مروق عشان تقوله عن السفره .........والحمد لله لقته في قمه الروقاان
    جود: السلام عليكم ( وتروح تحب راسابوها )
    ابو ريان: وعليكم السلام والرحمه وش لونك جود؟
    جود: الحمد لله بخيييييير دامك بخير
    ابو ريان : كن عنك شي تبين تقولينه؟ صح لا تنكرين تراني اعرفك زيييين؟
    جود: انت دوووووم كاشفني ..... الصراحه اييه بس اخاف ما توافق....؟
    ابو ريان: دقيقه دقيقه ...( ويسكر عيونه ويحط يده على راس بنته) ...اممممم انتي تبين تعرفين ان كنت بوافق على روحة بريطانيا مع عمك جاسم صح؟
    جود وهي فاكه عيونها على الاخر : وشلون عرفت..؟؟؟؟؟؟؟
    ابو ريان: ابد العصفوره قالتلي ....
    جود : لا يبه جد جد وشلون عرفت؟؟
    الا وداخله عليهم شهانه (اخت جود عمرها 21 في جامعه الملك سعود في الرياض تخصص كيمياء هي مررره جميييله ومغرووووره بس فيها جانب حلو انها تضحك الي ما تقول بس )
    شهانه : يا حبيبتي قبل شوي دق عمي جاسم وقال لابوي على كل شي وابوي واااافق يعني لا تعبين روحك معه لانه كان ما راح يقولك الينما يطلع روحك....
    ابو ريان :هههههههههههههه لهالدرجه انا كذا لالا ما اصدق ...
    جود : ما عليك منها يبه هي بس منقهره لان ما فيه احد تقعد معه لما نروح هناك انا وعنود دايم مع بعض وهي على قولتها ما تحب تقعد مع بزرااان ..وتلف على شهانه ..مو هذا كلامك ؟
    شهانه : ايه ما قلت شي غلط بعدين يمكن تجي معنا نهى (نهى اخت جود شهانه الكبيره متزوجه وهي الحين حامل في الشهور الاولى هي تقريبا اقرب وحده لم شهانه) يعني ما راح اضطر اقعد معكم ....على اخر زمن انا اقعد مع بزاااارين
    ابو ريان : يعني الحين تتهاوشون قدامي ولا كاني مو جووود .... لا تخلوني اهون عن السفره كلها
    جود: لالالالالالا الله يرحم والديك خلاص تووووووبه...... مو كذا يا شهانه ؟
    شهانه : اصلا انا بس كنت امزح معها هذي جوووودي ما اقدر ازعلها
    ابو ريان : ايه كذا ابيكم يالله الحين روحوا جهزوا اغراضكم ..
    شهانه: يبه ... وتمد ايدها .. الله يعافيك ايدك على الف ريال ؟
    ابو ريان: وشوله ؟
    شهانه : وليه الواحد يطلب فلوس علشان يشتري وانا الحين بروح السوق علشان اجيب ملابس شتويه تعرف الي عندي كلهم لبستهم وهناك مررره برد
    ويقاطعها ابو ريان : خلاص خلاص عرفنا والله انك نشبه ازعجتينا بفلسفتك يا فيلسوفه
    جود: وانا بعد بس انا اقول منها طلبات بس ابي جاكيتين وثلاث بناطيل
    ابو ريان : شوفي اختك محدده اغراضها مو زيك أي شي تشوفينه تاخذينه ...
    شهانه: ههههههههههه
    قدرت تضحك عليييك ... طيب اسالها بكم هذولي كلها .
    ابو ريان : واذا يعني بكم؟
    جووود : ابديا طويل العمر بس الفين وخمس ميه بس والله بس ...
    ابو ريان : والله ان كل وحده فيكم اقرد من الثانيه هاكم خوذوا الفيزا حقتي بس يا وليكم اذا شفت خرابيط مالها داعي
    شهانه وهي تهمس لجود : ما علينا شرهه طالهين على القرد الكبييييير ههههههههههههههههه
    ابو ريان : وش قلتي ؟
    جود : اها ابد ما قالت شي بس قالت الله يطول بعمرك ويخليييك لنا يا رب
    ابو ريان : اييه حسبت؟
    شهانه : وليه تتعب عمرك وتحسب ترى يمكن تتعب
    ابو ريان: اقووول عطيتكم وجه زياده عن اللزوم يالله اذلفوا
    جود +شهانه : طيب طيب مع السلامه
    طبعا جود وشهانه على طوووول لبسوا عباياتهم وطلعوا مع السواق عالسووق اما عنود كانت عند اخوها خالد بغرفته لانه كان يكلم عمه فيصل ويحاول فيه انه يجي معهم
    خالد : هاه عمي وش قلت.. تجي معنا لا تفوتك تراها رحله ولا اروع؟
    فيصل : والله ما ادري يا خلد على حسب الشغل انت تعرف الشركه ما اقدر اخليها واجي بس بحاول اجيكم كم يوم وبعدين ارجع
    خالد: ما يهم كم يوم تجي اه شي انك تجي خخخخخخخخ
    فيصل : والله انت احلف بس لا خليني اهون ولا اجي ...
    خالد : لالالالا الله يخليك ما صدقت انك توافك ..... خلاص حقك علي وانا اسف
    فيصل : يالله تامر على شي بسكر؟
    خالد : ابد سلامتك مع السلامه
    فيصل : مع السلامه

    طبعا تمر هالاسبوعين كلها طلعات لالسوق وقبل يومين من السفره راح ابو خالد وعياله لالسعوديه عشان يروحون كلهم مره وحده من هناك جود استانسن مرررره لان عنود جت عندها والكل كان فرحان علشان هالسفره طبعا نهى قالت بتجيهم بعد اسبوع عشان شغل زوجها ريان

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter