موضوع قديم :- ₪رمضان كريم₪

[missme]

ياااه

والله اشتقت للمرح ومواضييعه ..
والحين اعتمد على الكييبورد يطلع لنا اي موضوع اي فكرة اي شي ..

ماباقي شي ويخلص رمضان
الله يستر بس شسوينا وشنو ماسوينا

اي طلعت فكرة

من يذكر موضوع جديد خخ الحين بضيف موضوع قديم <<الله يعطيج عقل

لا كالعاده أسأله على الاقل اغير جو شوي

وبما انه رمضان خل أسأل أسئله رمضانيه على سبيل المثال شنو الغدى << اتحداج لو كنتي صاحيه

في البدايه .. اعتذر لكل شخص يقرا الموضوع قبل الفطور اوكي معلي اصبرو شوي

يلا ..
صبرو بييب فاصلي


^^بلفيت انها مئذنه مسيد


1- كم مرة ختمت القرآن في رمضان؟



2-تطالع التلفزيون في رمضان ؟ وشنو هي نوعيه البرامج اللي تطالعها ؟



3-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟



4-أشياء قلت بتسويها قبل رمضان وماسويتها ،اذكرها ..



5- تحس انك مقصر ناحيه احد في رمضان ..؟ ومن ؟



6-شنو هي آخر وجبه سحور كلتها ؟



7-شنو هو فطوركم (امس أو اليوم ) ؟



8-شنو هي الاكلات الشعبيه المعروفه في بلدك .. وتاكلونها واايد في رمضان ؟

9-
في نظرك .. كيف هو شهر رمضان المثالي
(يعني شنو هي الطريقه اللي لو الواحد يسويها يستانس في رمضان ويحصل على الاجر الاكثر ويعيش اجواء رمضانيه حقيقيه )



10-من بدايه شهر رمضان للحين .. شفتو القمر ولا للحين ؟




وبس <<ذبحتها هالبس
تعالو نسيت أسألكم
شخباركم؟ شمسوين؟

[واحد من الشباب]

+

+ محجوز +

باك ^^ ..

هع هع .. ماوسو عيلج اسلوب يضحك بلد والله كل ما اقرا مواضيعج ينشق حلجي واضحك لين ماتدمع عيني << عيار

ماعلينا .. انا اقرا الموضوع قبل الفطور بس مب يوعان عادي .. احس رمضان حاله حال اي شهر ثاني من ناحية الاكل ..

ماعلينا ^^ نطب فـ الاسئله على انحناء مب طول ولا عرض << وبعدين نضحك يعني ؟

1- كم مرة ختمت القرآن في رمضان؟

انا كل سنه اختمه مره بس هـ السنه قلت بختمه مرتين وماقدرت
الحين الحمد لله كل يوم اقرا جزء وشوي ^^ .. ان شالله بختمه ليله 27 ..

2-تطالع التلفزيون في رمضان ؟ وشنو هي نوعيه البرامج اللي تطالعها ؟

اكيد اول يومين .. تابعت 7 مسلسلات و4برامج ..
الحين ماطالع الا مسلسلين .. و3 برامج ..
طبعا المسلسلات عاديه خليجيه دراميه والبرامج كلها عبط وكيمرات خفيه

3-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟

اوووف من قلب مختلف احس جدولي متعفففـس عدل .. وماعندي وقت كلش يعني كل يوم نفس الروتين ..
بس يالله نمشي حالنا

4-أشياء قلت بتسويها قبل رمضان وماسويتها ،اذكرها ..

وايد اشيا بس اهمها اني قلت اني بدرس عدل حق الامتحانات عشان ماتوهق ..
لان امتحاناتنا كلها تبتدي فـ رمضان .. وتوهقت فيهم طبعا .. مادرس الا 10 دقايق الساعه 1 الفليل

5- تحس انك مقصر ناحيه احد في رمضان ..؟ ومن ؟

ايه وااااااايد واكثر شي ربي .. احس اني وايد مقصر مادري شلون
وحتى ربعي واهلي .. مادري يعني المهم مقصر وخلاص

6-شنو هي آخر وجبه سحور كلتها ؟

كورن فلكس

7-شنو هو فطوركم (امس أو اليوم ) ؟

احنا كل يوم شكل امس كان فيه مجبوس لحم وثريد وهريس وشوربه وفطاير وووو
بس مشكله هـ السنه مافيه سويتات مثل كل سنه كل سنه لازم يومياً اكثر من سويتين ..
بس هـ السنه كل اسبوع كيكه

8-شنو هي الاكلات الشعبيه المعروفه في بلدك .. وتاكلونها واايد في رمضان ؟

تستهبلين ولا تستعبطين ..
وايد اكلات شعبيه اهمها الثريد طبعا والهريس ^.^ ..
واكيد ناكلها وايد فـ رمضان

في نظرك .. كيف هو شهر رمضان المثالي

جنه هـ السؤال ماكان موجود امس
المهم
والله مادري .. اول شي انه يختم القران مرتين ^^ واذا قدر يعتمر خير وبركه بعد ..
وانه يزور اهله كل يوم .. ويحب راس امه وابوه
ويصلي التراويح والوتر .. وفـ العشر الاواخر يصلي القيام ..
ويعتكف .. ومايقصر فـ حق اي احد ^^

10-من بدايه شهر رمضان للحين .. شفتو القمر ولا للحين ؟

طبعا جفته اصلا كل يوم ابقق عيني فيه ساعتين
فله امس كان بدر

يعطيج العافيه ماوسو اسئله صعبه توهقت انا مشكله محد شاطر قاعد جنبي
بس تعالي بقولج آخر سؤال شلون نحله .. ؟

شخباركم؟ شمسوين؟

.. تعالي هني غششيني ..

ثلملمـز ولا تحرمينا من هيك مواضيع مع التعديل العبيط اللي تحت

+

[كاسـر الجسـّار]

8
8
8

و...


محجوز

بس من يفدى هالخشه

وبما انه رمضان خل أسأل أسئله رمضانيه على سبيل المثال شنو الغدى << اتحداج لو كنتي صاحيه

لا عادي اصلا في رمضان اذا قلتي مثل هالحتسي معناه انك صاااااااااحيه اكثر منا

بسم الله نبدأ:

1- كم مرة ختمت القرآن في رمضان؟

من عادتي ان لا اختمه الا مره مع قراءة تفسير الايات واسباب النزول

2-تطالع التلفزيون في رمضان ؟ وشنو هي نوعيه البرامج اللي تطالعها ؟

اطالع ..اشاهد ..اناظر ..امممـ

صراحة انا اطالع برامج في قناة المجد او برنامج حجر الزاويه وغيرها من البرامج الممتعه حيث لاشيء محظور

اه ..نسيت والانمي <<شيء اساسي

لكن مسلسلات ....لا

3-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟

لا ..رمضان هذا لم اشعر بالروحانيه كما في السابق ..المختلف فيه ..لا اعلم اهي القلوب ام الزمن

4-أشياء قلت بتسويها قبل رمضان وماسويتها ،اذكرها ..

كثرة الذكر لم اطبقه كما يجب ..لكن بر الوالدين الحمد لله استطعت التغلب على نفسي

5- تحس انك مقصر ناحيه احد في رمضان ..؟ ومن ؟

بالتـاكيد مقصر من ناحية طاعة ربي ..فكلما تذكرت انها 30 يوم ربما لاتمر علي في حياتي مرة اخرى يضيق صدري ..ايضا احس انني لم اكن الفتى الذي يجب ان اكون هو <<< افهميها عاد

6-شنو هي آخر وجبه سحور كلتها ؟

هت دوق دو

7-شنو هو فطوركم (امس أو اليوم ) ؟

سر يخص العائله الكريمه

لا عاد اتغشمر وياك ..الفطور ويش يعني ..اممـ سمبوسه وفطاير وحلى وتمر وفيمتو وعصير وماء وشوربه ..و..و...وبس <<هالبس ملاحقنا <<(بس = قطو = بسه -زوجة القط -=قطه )

8-شنو هي الاكلات الشعبيه المعروفه في بلدك .. وتاكلونها واايد في رمضان ؟

الكبسه ..بس ماني اكلها برمضان <<مافيه مكان

9-
في نظرك .. كيف هو شهر رمضان المثالي
(يعني شنو هي الطريقه اللي لو الواحد يسويها يستانس في رمضان ويحصل على الاجر الاكثر ويعيش اجواء رمضانيه حقيقيه )

بصراحة هو القوة ..والرضى .. واحتساب حتى الجلسه والسواليف مع الوالدين

والتخفيف عن العماله الي في المنزل .. يعني مثلي احاول اريح السواق ..انتقاسم بالشغل

والطباخه .. والشغاله ..لازم تكونون خير عون لهم يالبنات ..هاه يا مس مي انتي سمعاني

10-من بدايه شهر رمضان للحين .. شفتو القمر ولا للحين ؟

اهم شيء بالحياة عندي القمر .. لازم اطلع يوميا واجلس اقرأ اذكار المساء واناظره ..خصوصاً ايام انتصاف الشهر ..

ايه بالنسبه للقمر ..شنو لون ضوءه ...؟؟ وردي صح ؟؟ انا كذا اشوفه

وبس <<ذبحتها هالبس

بيقولوا الموضه بصمة ..بس


يالله ..السلام عليكم ورحمة الله وبركاته << لازم نحصل أجر بأي وسيله


..

[سيد البوكيمونات]

1

- كم مرة ختمت القرآن في رمضان؟

للاسف و لا مرة هذه السنه

2

-تطالع التلفزيون في رمضان ؟ وشنو هي نوعيه البرامج اللي تطالعها ؟

التلفزيون عدوي في رمضان افضل النوم لكن ان حصل الانمي فقط



3

-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟

الاختلاف بهذه السنه لاني لا احس بالصيام كما كنت بالايام السابقه ربما اني في اجازة و هذا ما يساعد


4

-أشياء قلت بتسويها قبل رمضان وماسويتها ،اذكرها ..

لا يوجد للاسف

5

- تحس انك مقصر ناحيه احد في رمضان ..؟ ومن ؟

ايضا لا يوجد


6

-شنو هي آخر وجبه سحور كلتها ؟

بعد 10 دقائق السحور
لكن ع الارجح كبايه لبن

7

-شنو هو فطوركم (امس أو اليوم ) ؟

امس كنا معزومين عند اقريائي فالفطور كان دجاج مسحب و اليوم كذلك من طبخات الاسبوع


8

-شنو هي الاكلات الشعبيه المعروفه في بلدك .. وتاكلونها واايد في رمضان ؟

المنسف الاردني و هو تقليد متبع برمضان ان البيوت الاردنية اول يوم تعمل منسف

9

-
في نظرك .. كيف هو شهر رمضان المثالي
(يعني شنو هي الطريقه اللي لو الواحد يسويها يستانس في رمضان ويحصل على الاجر الاكثر ويعيش اجواء رمضانيه حقيقيه )

بالعبادة طبعا و يجب استغلالها لانه مرة بالعام

10

-من بدايه شهر رمضان للحين .. شفتو القمر ولا للحين ؟

كل يوم اشوفه

و شكرا للاسئله اختي missme

[السمراء]

شكراعلى الموضوع

- كم مرة ختمت القرآن في رمضان؟

لسه ما ختمته

2-تطالع التلفزيون في رمضان ؟ وشنو هي نوعيه البرامج اللي تطالعها ؟

مو كل شي بشاهده يعني مسلسلين خالد بن الوليد وباب الحاره

3-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟

السنة ما في اجواء لرمضان متل السنين الي قبل

4-أشياء قلت بتسويها قبل رمضان وماسويتها ،اذكرها ..

لا شي

5- تحس انك مقصر ناحيه احد في رمضان ..؟ ومن ؟

الدعاء لامي المتوفاة

6-شنو هي آخر وجبه سحور كلتها ؟

خيار هههههه

7-شنو هو فطوركم (امس أو اليوم ) ؟

ارز بدرة

8-شنو هي الاكلات الشعبيه المعروفه في بلدك .. وتاكلونها واايد في رمضان ؟

المنسف بس انا ما بحبها

9-
في نظرك .. كيف هو شهر رمضان المثالي
(يعني شنو هي الطريقه اللي لو الواحد يسويها يستانس في رمضان ويحصل على الاجر الاكثر ويعيش اجواء رمضانيه حقيقيه )

نقضى كل الوقت بالعباده وقراءة القران

10-من بدايه شهر رمضان للحين .. شفتو القمر ولا للحين ؟

القمر الي يومين بشوفه

[A.N.G.E.L]

ياااه

والله اشتقت للمرح ومواضييعه ..
والحين اعتمد على الكييبورد يطلع لنا اي موضوع اي فكرة اي شي

..
اي والله من كم يوم كنت بقولج ليش من زماان ما حطيتي موضوع

ماباقي شي ويخلص رمضان
الله يستر بس شسوينا وشنو ماسوينا

اي والله

من يذكر موضوع جديد خخ الحين بضيف موضوع قديم <<الله يعطيج عقل

والله ما اقدر انساه >> كنت كل رد اكتبيه في اكثر من 20 دقيقه

وبما انه رمضان خل أسأل أسئله رمضانيه على سبيل المثال شنو الغدى << اتحداج لو كنتي صاحيه

في البدايه .. اعتذر لكل شخص يقرا الموضوع قبل الفطور اوكي معلي اصبرو شوي

ليش تعتذرين .!؟

1- كم مرة ختمت القرآن في رمضان؟

للاسف ليحين

2-تطالع التلفزيون في رمضان ؟ وشنو هي نوعيه البرامج اللي تطالعها ؟

يس .. كله مباريات .. واغلبها بعد الفطور بس مره جفت مباراه قبل الفطوول

3-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟

اي اكيــد ... شي صارلي ليلة رمضــان .. وبعد انه كل يوم اطلع من البيت وما ارجع اله متأخر بس امس ما طلعت

4-أشياء قلت بتسويها قبل رمضان وماسويتها ،اذكرها ..

بااال واايد ... قلت بختم القران 6 مرات .. وعقب استووا 5 .. وعقب 3 والحين 2
قلت كل يوم بدرس بعد الفطور بس بدون فايده
قلت ما بدخل وله مجمع ووللاسف كل يوم في مجمع ..
قلت ما بسمع اغاني بس بعد الفطور مع الربع

5- تحس انك مقصر ناحيه احد في رمضان ..؟ ومن ؟

لا ..

6-شنو هي آخر وجبه سحور كلتها ؟

دياي على الفحم

7-شنو هو فطوركم (امس أو اليوم ) ؟

امس ثريد اليوم ما ادري

8-شنو هي الاكلات الشعبيه المعروفه في بلدك .. وتاكلونها واايد في رمضان ؟

تعرفينها

9-في نظرك .. كيف هو شهر رمضان المثالي
(يعني شنو هي الطريقه اللي لو الواحد يسويها يستانس في رمضان ويحصل على الاجر الاكثر ويعيش اجواء رمضانيه حقيقيه )

والله وااايد اشيااء

10-من بدايه شهر رمضان للحين .. شفتو القمر ولا للحين ؟

اي .. شدعوه

شخباركم؟ شمسوين؟

الحمد لله بخير

ثانكس ع الموضوع .. وكثري من هالمواضيع

[missme]

بعد مافضفضنا في الدراسيه ناتي هنا

واحدو

مب يوعان عادي .. احس رمضان حاله حال اي شهر ثاني من ناحية الاكل

اي نفسي

وبعدين نضحك يعني ؟

اي أستاذ ؟ <<قلت لكم توها يايه من منزل الفضفضه

الحين الحمد لله كل يوم اقرا جزء وشوي ^^ .. ان شالله بختمه ليله 27 ..

ان شاء الله ،،الله يقدركـ ..

اكيد اول يومين .. تابعت 7 مسلسلات و4برامج ..
الحين ماطالع الا مسلسلين .. و3 برامج ..

بل عليك

اوووف من قلب مختلف احس جدولي متعفففـس عدل .. وماعندي وقت كلش يعني كل يوم نفس الروتين ..

اي من قلب مي توو

مادرس الا 10 دقايق الساعه 1 الفليل

لالا قول والله
وليش تعبت نفسك ودرست

كورن فلكس

اليوم يوم كنت بتسحر دروت كورن فليكس مالقيت
فرحت سويت لي 3 صمونات جبن وجاي .. وعقب بيبسيي << السحور المثالي

امس كان فيه مجبوس لحم وثريد وهريس وشوربه وفطاير وووو

احنا امس برياني دياي .. وثريد وهريس وفطاير .. واليوم بيزا

اهمها الثريد طبعا والهريس ^.^ ..

احب هالاكلتين والقيمات بعد ..الخنفروش .. السمبوسه الخ ..

جنه هـ السؤال ماكان موجود امس

يمكن مغيره ومخربطه الف مرة في الموضوع

طبعا جفته اصلا كل يوم ابقق عيني فيه ساعتين

شكرا .. وافاداكم الله
لن اتذكر بدايه رمضان شاله الستاند والكيمرا والشنطه والحاله حاله رايحه بصوره .. وماشفته
فقلت يمكن مايطلع عندنا خل أسال واتاكد يعني .. عيل ان شاء الله اليوم بهاجر فوق السطح

بس تعالي بقولج آخر سؤال شلون نحله .. ؟

اي بعد يعني تدرس 10 دقايق وين بتتذكر .. كان في الوحده الثانيه .. في درس معركه القادسيه .. اتذكر عدل اعصر مخك سو اي شي

ولا تحرمينا من هيك مواضيع

لا حرة بحرمكم
خخ والله تسلمون انتو اللي منورين مواضيعي بردودكم اتشجعون بصراحه

[كاسـر الجسـّار]

عذرا للعوده بعد الانقطاع << تراه توه معدل مشاركته

اخر تعديل كان بواسطة » missme في يوم » 07-10-2006 عند الساعة » 20:13. السبب: شسوي هالافكار كل دقيقه تنط داخل مخي .. خخ هاي المرة الخامسه ترا

خخخخخخخخخخخخخخخخخخخخخــ

طيب مافيه افكار للحين ؟؟

[Sandy Allegro]

،


حجز فلاوي للموضوع الفلاوي

متأخرة وتحجز



برررب

Back

ياااه

والله اشتقت للمرح ومواضييعه ..
والحين اعتمد على الكييبورد يطلع لنا اي موضوع اي فكرة اي شي ..

يااااه

واحنا اشتقنا لك ولمواضيعك الفلاوية حجية

ماباقي شي ويخلص رمضان
الله يستر بس شسوينا وشنو ماسوينا

من جد

اي طلعت فكرة

هاتيها قبل تطير

من يذكر موضوع جديد خخ الحين بضيف موضوع قديم <<الله يعطيج عقل

لا كالعاده أسأله على الاقل اغير جو شوي

ايوا .. نخرج من الجو الروتيني والمواضيع المنقولة

وبما انه رمضان خل أسأل أسئله رمضانيه على سبيل المثال شنو الغدى << اتحداج لو كنتي صاحيه

ههههههههه



الله يخارجك

في البدايه .. اعتذر لكل شخص يقرا الموضوع قبل الفطور اوكي معلي اصبرو شوي

خســـارة !! يا ليتني رديت قبل الفطور

كان ما قبلت اعتذارك >>> خبيثة مو برجلي

يلا ..
صبرو بييب فاصلي


^^بلفيت انها مئذنه مسيد

ههههههههههههههههههه



مو هاي مالت الاعلانات في المنتدى ؟!

.
.

يلا نروح للأسئلة

1- كم مرة ختمت القرآن في رمضان؟

الحمدلله ختمته مرة .. وماشية في الثانية

2-تطالع التلفزيون في رمضان ؟ وشنو هي نوعيه البرامج اللي تطالعها ؟

ولله الحمد التلفيزيون صار من المهجورات .. مع انه مو عادتي ..

بس كذا مالي نفس ..

حالياً ما أتابع إلا :

[ طاش ما طاش ] .. لأنه بعد الفطور على طول .. ومو دايما ً .. إذا لحقت لحقت ..

وأشوف [ خواطر 2 ] واااي أنا وناسة هالبرنامج يصرقعني

وبعد المغرب أروح على طول لموقع ثقافة أناقش الحلقة >>> عايشة الدور

وأشوف مسلسل [ خالد بن الوليد ] فلاااااوي من قلب

و [ سمـــا الانشاد ] .. إن شاء الله يفوز عزوز

واليوم جا (( فهد الكبيسي )) وناااسة الحلقة

3-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟

بصراحـــه .. لا .. أحسه زي كل الرمضانات اللي فاتت

4-أشياء قلت بتسويها قبل رمضان وماسويتها ،اذكرها ..

ولاشيء ^^

يمكن لاني ما حطيت خطط كثيرة لرمضان

كنت أخطط للعمرة .. والحمدلله من أول يوم رحنا واعتمرنا

والخطة الثانية هي تختيم القرآن ..

5- تحس انك مقصر ناحيه احد في رمضان ..؟ ومن ؟

ايه !! من ناحية أهلي .. ما نزورهم كثير ..

قطعنا عنهم في رمضان هذا .. كانت العائلة عالاقل تجتمع 3 او 4 مرات في الشهر عالفطور

الحين ولا مرة

6-شنو هي آخر وجبه سحور كلتها ؟

كبسة اللي تحبها معلمتكم حقت الانجلش

لا امزح

خليني اتذكر .. أكلنا بيتزا هت

7-شنو هو فطوركم (امس أو اليوم ) ؟

الفطور المعتاد اللي كل يوم ناكله .. واللي راح اكتبه في السؤال اللي بعده

8-شنو هي الاكلات الشعبيه المعروفه في بلدك .. وتاكلونها واايد في رمضان ؟

السمبوسة - الشوربة - الفول - أشكال وأنواع من المكرونات ..

9-
في نظرك .. كيف هو شهر رمضان المثالي
(يعني شنو هي الطريقه اللي لو الواحد يسويها يستانس في رمضان ويحصل على الاجر الاكثر ويعيش اجواء رمضانيه حقيقيه )

أنه خلال هذا الشهر يكون راضي عن نفسه ويرضي اللي حواليه ..

وهذا الرضى بيختلف الوصول له من شخص لآخر ..

10-من بدايه شهر رمضان للحين .. شفتو القمر ولا للحين ؟
[/COLOR]

شفته أمس

وكان بـــدر يجنن

وبس <<ذبحتها هالبس
تعالو نسيت أسألكم
شخباركم؟ شمسوين؟

احنا طيبين وعايشين ^^

اخر تعديل كان بواسطة » missme في يوم » 07-10-2006 عند الساعة » 20:13. السبب: شسوي هالافكار كل دقيقه تنط داخل مخي .. خخ هاي المرة الخامسه ترا

هههههه .. زي حالتي .. أحياناً أعدل ألف مرة ..

وبرضو أدخل بعد شوي وألاقي خرابيط أو ينزل الوحي بأفكار جديدة

.
.

يسلموووو حجية ماوس مياو عالموضوع الخفيف الظريف

لا تحرمينا مواضيعك الفلاوية

يلا باطير .. جا المسلسل [ خالد بن الوليد ]




،

[missme]

كاسـر الجسـّار

لكن مسلسلات ....لا

حلو

لا ..رمضان هذا لم اشعر بالروحانيه كما في السابق ..المختلف فيه ..لا اعلم اهي القلوب ام الزمن

سيم هير

هت دوق دو

هت دوق فهمتها لكن هالدو شنو لزمتها

اممـ سمبوسه وفطاير وحلى وتمر وفيمتو

دايما تكون اشياء اساسيه
واللبن بعد

و..و...وبس

أكيد بس

الكبسه ..بس ماني اكلها برمضان <<مافيه مكان

رمضان ومافي مكان .. الاخ شاعر

والشغاله ..لازم تكونون خير عون لهم يالبنات ..هاه يا مس مي انتي سمعاني

هي هي ّ
عن هالشي لاتشيل هم ..
اصلا في رمضان الخدامه شغلتها بس تحط المكونات في الجدر وتشغل الفرن وتحرك الملاس .. ولم تجهز الطبخه تييبها داخل المطبخ وبس <<وبس
.. والبقيه كله علي انا وخواتي ..بس عادي متعه في العمل

اهم شيء بالحياة عندي القمر .. لازم اطلع يوميا واجلس اقرأ اذكار المساء واناظره ..خصوصاً ايام انتصاف الشهر ..

بي تذكرت .. الحين برد وبروح اصوره .. مادري لحد الحين ماشفته يمكن لني تعبانه ارفع راسي

ايه بالنسبه للقمر ..شنو لون ضوءه ...؟؟ وردي صح ؟؟ انا كذا اشوفه

انا اشوفه رمادي على لون الشارع

السبب: تخــلف عقــلي وشجار مع نــفسي !!(هذا التعديل الـ 6 )

طيب مافيه افكار للحين ؟؟

الا في .
بس خلاص خاصيه التعديل هاجرت

وبس

طانكيو فري مطتش عالمرور ^^؛ .. زحكتني كثيرا كثيرا بردك ..
وبس

[missme]

سيد البوكيمونات

الاختلاف بهذه السنه لاني لا احس بالصيام كما كنت بالايام السابقه ربما اني في اجازة و هذا ما يساعد

صحيح ممكن جي

لكن ع الارجح كبايه لبن

حلو

المنسف الاردني و هو تقليد متبع برمضان ان البيوت الاردنية اول يوم تعمل منسف

شلون يكون .. وشنو مكوناته ..
ولا لا في وحده من صديقاتي اردنيه بقولها عن الاكله

و شكرا للاسئله اختي missme

العفو



السمراء

مو كل شي بشاهده يعني مسلسلين خالد بن الوليد وباب الحاره

خالد بن الوليد سمعت عنه ^^؛رفيجتي تقول حلو يمكن اشوفه بعد رمضان لكن باب الحارة ماعرف عنه شي

السنة ما في اجواء لرمضان متل السنين الي قبل

صح ولا جنه رمضان

الدعاء لامي المتوفاة

الله يرحمها

خيار هههههه

مع ملح ولا بدون

ويسلمو عالرد

[missme]

آنجـل بدون ......

اي والله من كم يوم كنت بقولج ليش من زماان ما حطيتي موضوع

شدراني ..
بس الحين طفح الكيل

والله ما اقدر انساه >> كنت كل رد اكتبيه في اكثر من 20 دقيقه

خخ اي والله .. اتذكر من اول ماضفت الموضوع لين ماوقفت عن الرد فيه وانا مادري عن مكسات كلش ..بس صج ساعات لم اتملل اقعد اقراه .. بل حشى شنو هاليد اللي اكتبت هاي كله <<تف تف عن الحسد

ليش تعتذرين .!؟

في حال ان يوعتكم

اي اكيــد ... شي صارلي ليلة رمضــان .. وبعد انه كل يوم اطلع من البيت وما ارجع اله متأخر بس امس ما طلعت

ايييه !

بااال واايد ... قلت بختم القران 6 مرات .. وعقب استووا 5 .. وعقب 3 والحين 2
قلت كل يوم بدرس بعد الفطور بس بدون فايده
قلت ما بدخل وله مجمع ووللاسف كل يوم في مجمع ..
قلت ما بسمع اغاني بس بعد الفطور مع الربع

اي صح ..
نفسي
بعدين امي قالت لي مب زين التسويف
يعني اني اقول انا بقرا قرآن وانا مابسوي جي ومابسوي جي ..
يعني لازم على طوول اسويه وماأجل ..او اقول بسوي وبسوي
بس اظن اللي احنا نقوله نوع من النيه صح ..

دياي على الفحم

امس ثريد اليوم ما ادري

احنا الثريد كل يوم نفطر عليه ..

تعرفينها

انزين جان قلت ..حبيت اختبر معلوماتك

اي .. شدعوه

انا للحين ماشفته
من سنه يدي اقول بشوفه ولا اشوفه

ثانكس ع الموضوع .. وكثري من هالمواضيع

اي حلوة هاي كثري منها
انا هاي هه بعد طلعت روح طلعت هالفكرة <<من زينها عاد
>>ادري ان من زينها
بس شسوي ..

عالعموم نورت آنجـلـ ..
<<اخس شي لو انطفت الكهربا

ساندي
ساندي بيل..تيرييت

،

هالفاصله عاجبتني

هاتيها قبل تطير

لا للحين ماطلع جناح لها توها صغيره <+++++%

كان ما قبلت اعتذارك >>> خبيثة مو برجلي

عاد انتي اللي يهمني اعتذارج <<<< خبيثه مو بخشمي

مو هاي مالت الاعلانات في المنتدى ؟!

شفتي القحط ومايسوي

الحمدلله ختمته مرة .. وماشية في الثانية

يحيج

كنت أخطط للعمرة .. والحمدلله من أول يوم رحنا واعتمرنا

تقبل الله

كبسة اللي تحبها معلمتكم حقت الانجلش

خخخخ
اي انا أحب هالكبسه
<<يابنت الحلال قولي مجبوس
لالا اسمها كبسه .. حنا في جده نسميها كبسه
^^حافظة الكلام بعد

خليني اتذكر .. أكلنا بيتزا هت

تصدقين في الوقت اللي رديتي فيه اللي هو امس انا كنت اقرا ردج وآكل بيزا من بيزا هات قعدت اضحك كتيير كتيير

الفول

اي الفول احنا مانسويه
لكن في مطعم يسويه حلو .. فول وطعميه ياولا
بس من زمان ماكلت فول ..
لاتخافين ماشهيتني

وبرضو أدخل بعد شوي وألاقي خرابيط أو ينزل الوحي بأفكار جديدة

يلا عيل سانديـ ..
يسلمـوو عالمـرور السوبر دبل فلـهـ ..

[V З И U S]

السلام عليكم و رحمة الله و بركاته

ياااه

والله اشتقت للمرح ومواضييعه ..

عارفهـ عارفهـ ما يحتاج لأني فيهـ <=== مشكلهـ الغرور

ماباقي شي ويخلص رمضان
الله يستر بس شسوينا وشنو ماسوينا

من يذكر موضوع جديد خخ الحين بضيف موضوع قديم <<الله يعطيج عقل

الله يخارجكـ

وبما انه رمضان خل أسأل أسئله رمضانيه على سبيل المثال شنو الغدى << اتحداج لو كنتي صاحيه

هههههههههههههههههه

عادي احنا نعمل غدا

مو لنا لأخواني الصغار بس على قدهم يعني

في البدايه .. اعتذر لكل شخص يقرا الموضوع قبل الفطور اوكي معلي اصبرو شوي

عاآآدي ... أنا ما أجوع إلا قبل الفطور بدقايق

1- كم مرة ختمت القرآن في رمضان؟

بالعادهـ ابدأ من العشر الأواخر عشان المدرسهـ و كذا

بس ألحق أختمهـ الحمد لله

بس هالسنهـ بديت من أول يوم و للحين ما ختمتهـ

2-تطالع التلفزيون في رمضان ؟ وشنو هي نوعيه البرامج اللي تطالعها ؟

طاش ما طاش <=== أول أيام رمضان بعدين ما صرت أتابعهـ

حيلهم بينهم <=== كاميرا خفيهـ <=== امس مع سلمان

ماكو فكهـ <=== غريبهـ متابعتهـ كلهـ ماعدا حلقتين أو ثلاث

مسافرون <=== يجي عالفطور على ال بي سي للشيخ محمد العريفي ^^

طبيعي أجمل <=== برنامج للبنوتات ... أقنعهـ للوجهـ

تامر و شوقيهـ <=== فلهـ هالأثنين

3-تحس ان رمضان هالسنه غير عن السنيين اللي طافت ؟ وشنو هو اللي مختلف هالسنه ؟

كثييييييييييير مختلف

أول نجتمع و احس رمضان لهـ معنى الحين ><

4-أشياء قلت بتسويها قبل رمضان وماسويتها ،اذكرها ..

قلت بختم القرآن كل 10 أيام و ما حصل ><

و قلت و قلت و قلت ... و لا عملت شئ

5- تحس انك مقصر ناحيه احد في رمضان ..؟ ومن ؟

أحس أني مقصرهـ حتى في نفسي

6-شنو هي آخر وجبه سحور كلتها ؟

بطاطس مقلي

7-شنو هو فطوركم (امس أو اليوم ) ؟

ماكورنهـ باشميل ... و مع اساسيات الفطور

8-شنو هي الاكلات الشعبيه المعروفه في بلدك .. وتاكلونها واايد في رمضان ؟

ما قصرت ساندي قالتهم

بس احنا من دون فول

9-
في نظرك .. كيف هو شهر رمضان المثالي
(يعني شنو هي الطريقه اللي لو الواحد يسويها يستانس في رمضان ويحصل على الاجر الاكثر ويعيش اجواء رمضانيه حقيقيه )

يختم القرآن - يعتمر - يحاول يرضي والديهـ - صلة الرحم

يعني أشياء مهمهـ حتى بالشهور الثانيهـ

10-من بدايه شهر رمضان للحين .. شفتو القمر ولا للحين ؟

كل يوم

وبس <<ذبحتها هالبس

يا ويلكـ من مومي

تعالو نسيت أسألكم
شخباركم؟ شمسوين؟

ياربي سؤال صعب



مشكوـوـوـوـوـوـوـورهـ ميسمو عالأسئلهـ الحلوهـ مثلكـ

مع خالص حبي

لوسـ كلاريـ ت ـا