سلام عليكم و رحمة الله و بركاته
ما بطول عليكم ,,,,,, بدخل في الموضوع على طوووووول
كنت ادور في منتدى ثاني و لفت انتباهي اعمال روووعه
قلت ليش يا وارموووه بعدج على نفس المنوال؟! الناس وصلو القمر و انتي بعدج
المهم
بس شفت التصاميم اما الدروس فما احب اطبقها , فما دخلت على مواضيع الدروس
قلت بتحدى نفسي و بسوي بدون اي دروس ولا حتى شفت الدورس و كيفيه التصميم
و يلست على الفوتوشوب اليوم من ساعه 3 و ربع الفجر بديت اشتغل في هذا التصميم ليييين قبل ثواني يعني ساعه 9 و ربع
و زيدو عليه توقيف للسحور + سرت اقوّم اختي و اخوي من النوم + وصّلت اخوي المدرسه + تصفح بعض المنتديات
المهم هذا التصميم غير عن كل التصاميم في القسم كله
التصميم ما فيه ( صوره ولا فلاتر )
كل الأدوات الي استخدمتها هي ( Pencil Tool - Eraser Tool - Magic wond Tool ) فقط لا غير
اول ما اتشوفونه بتقولون هذا سهل و بسيط
انتو بس اشتغلو على مثله بتشوفون كيف عيونكم بتطلع من مكانها
و غير هذا الــ20 فكره و فكره الي تدخل على راسكم عشان اتكررون بحركات يديده
نرجع لمواصفات
عدد الصور = 0
عدد الفلاتر المستخدمه = 0
عدد الفرش المستخدمه = 1
عدد الطبقات = 5
الأدوات المستخدمه :
Pencil Tool = 1 Pixel
Eraser Tool = 1 Pixel
Magic wond Tool
و اترككم مع التصميم:
صغييييييييييييييييير صح؟؟؟
الحين بقول لكم كيف اشتغلت عليه
اولاً الغتره و الخطوط الي عليها سويته بالمقارنه مع هذي الصوره:
ثانياً الكندوره ( الثوب ) الي لابسنها الحجي ,,, حاطه كندورة اخوي و يالسه اشوف كيف موديلها و خياطتها
ثالثاً ( اندوك انتا ) كلمه إماراتيه و كانت خاطره على بالي من اول ما ابتديت فيه
رابعاً اشتغلت على التصميم او الرسمه و هي ZOOM 800% و سويته نقطه نقطه ,,,,, يعني بكسل بكسل ,,,, جذي بالضبط:
ابصراحه الشغل بالبكسل شي راااائع و يعطيكم افكار خياليه
و ناويه اكمل هذا الحجي و اسويه قصه قصيره
ان شا الله اقدر انفذ الي في راسي
الحين ابا رايكم في اول تصميم بكسلي لي
<------- لاحظو ان الموضوع مب امرتب مثل كل مره ,,,, هذا لأن عيوني طلعو من مكانهم و السبب هذا التصميم الصغيرون
اختكم وارمووووه
المفضلات