ليش نـزلــت عيـونـك إرفعها وطـالعنـي
والا يعني إنحرجت يوم جاوبت عن ســـــؤالي
ليش قلتلي أحبــك ليش كنت تخدعني
ليش قلتلي حبيبــي ليش قلتلـــي ياغالي
كان ممكن ما أحبك كان ممــــكن تتركني
كان ممكن من البدايه تخـــدع غيــري بدالي
ليش أنا بالذات يعنـي ليش قول جاوبني
بعد غدرك خبرني وقوللي بـــس شلي بقالي
والله إنـي ما جرحتك ليش أنت تجرحني
هنت على قلبك حسافه وإنقضت أجمل ليالي
والقــهر للحين أحبك وادري إنــــك ماتباني
والمحبه من طـــــــرف واحد نهايتها زوالــــي
كان عمري بيدينك قوللي وش كـان بيـديني
أذكــــر إنه من غلاتك كان قــــدرك فوق عالي
كنت أتجاهل وأطنش يــوم نــغزاتك تجيني
وكنت أقول الحب أكبــر من تصـــرف لا مثالي
أبغــي من وقتك دقيقه وليت أنك تمنحني
بس أبا أقولك ثلاث أشياء وأروح أمشي لحالي
أولا فعـــلا أحبك كـــــــنـــت قلبي وعيني
وكانت الدنيا بوجودك شي روعــه شي خيالي
ثانيا عاللي بدر مني دخــيلك ســــامحني
يمكن أنه زل لســـــاني وقلت إنك راس مالي
ثالثا أسألك بالله وأطــــــــــلبك لا تذكرني
احرق كل القصايد وانسى أشواقي ووصالي
المهم إني أببعد وأنت روح وأتركـــــــني
ارجعلها ومثلــــــي بروح للبريئ اللي شراني
وفي النهايه قبل ما أنسى بقولك كلمتيني
ياخسارة حبي فيك .. وتقديري يالأنـــــــــــــاني
دمتمـ بخير
وعسى رسالتي تكون وصلت ..
كورابيكا KR




اضافة رد مع اقتباس


المفضلات