حماة النهضة ( حلم - عمل - نهضة )

[ZEROCOLD]

[GLOW]السلام عليكم و رحمة الله و بركاته…[/GLOW]




[GLOW]رمضـــــان كريم و يكون خير عليكم كلكم بإذن الله[/GLOW]



كيفكم يا أهل مكسات ؟؟؟؟ ……


و كيفك يا أخي اللي بتقرأ كلامي هاد ؟؟؟؟؟

يا ترى بخير ؟؟؟؟؟؟

يا ترى سعيد ؟؟؟؟ فرحان ؟؟؟

يا رب تكون كدا ……….. و تكون فرحان على طول و تضل البسمة على وشك طول العمر بإذن الله


طيب اسمعني ………….. راح تقلي إني بحكي بلهجة المفرد

بقلك أه صحيح …….. لإني بحكي معاك إنتا مش مع الكل

معك إنتا يا اللي بتقرأ هاي الكلمات الآن

و عشاني بحكي معاك بس …… مش راح أطول عليك …….. فراح أشرح لك الموضوع بأقسامه و إنتا اختار اللي تقراه براحتك و أقل من راحتك

لإنه الموضوع هاد طويل شوي ……. أو طويل كتير ^_^

اتفقنا ؟؟؟؟


بس أول إلي عندك طلب لو سمحت ……. طلب بسيط

نزل الأنشودة هاي و اسمعها و إنتا بتقرأ هادا الموضوع ……

عشان خاطري نزلها و شغلها و انتا بتقرأ …….. خلاص اتفقنا ؟؟؟؟

و هي مش كبيرة صغيرة بالحجم كمان

هادا رابطها تفضل [ اضغط بزر الماوس اليمين و حفظ الهدف باسم ]




صمتــــــــا ً






لأ لسه لسه .... وين طاير تقرأ ؟؟؟؟؟

لسه خليها تنزل أول ....... خليك رجل ...... و خليها تنزل أول عشان تشغلها و إنتا بتقرأ





خلاص نزلت ؟؟؟؟


اكيد ؟؟؟؟


طيب أنا بثق فيك ........ الآن شغلها و خلينا نبدأ الشغل



يلا شغلها




الآن خلينا أول شيء نقسم الموضوع لأهم أقسامه ...... عشان نقدر نعرف إحنا شو بدنا و شو ناويين نقرأ



الموضوع باختصار هو

************************************************** ************************************************** ******


1- توضيـــح مهم جدا لكل أعضاء مكسات .


2- كلمة شكر
"" كلمة شكر لكل كل كل من شارك بالحماة و اشترك فيها ولو لمشاركة وحدة .... ولو حتى استعد للمساعدة من بعيد لبعيد ...... ولو حتى مجرد عرفنا ........

لإنا ما بننسى حدا :: و من لا يشكر الناس لا يشكر الله :: ""....



3- ما هي الحماة ؟؟
"" راح نشرح هنا الحماة بشكل بسيط .... عشان الكل يعرف و يفهم شو هيا الحماة بالضبط و شو بتعمل "" ...... بإذن الله.



4- كلمة لك

"" كلمة لك إنتا ...... لإنك بتقرأ الحماة و لإنك حابب تقرأ الحماة ..... لأي سبب كان .... حتى لو فضول ليس أكثر "".



5- مشاريع الحماة
"" مشاريع الحماة الجديدة و بإذن الله تكون مشاريع ضخمة و كبيرة و ما حصلت قبل كدا تقريبا ً "".


6- كلمة للحماة فقط .
"" كلمة راح تكون بتعنى بالأخص أفراد الحماة اللي داخلها ....... بتعنيهم هما ...... بكل ما فيهم "".


7- كلمة القائــــد
"" كلمة بسيطة من القائد لجميع الحماة و جميع القارئين



8- (( حكــــــــــاية نهضــــــــــة ))
و هاي قد نأجلها شوي لإنها راح تكون رائعة


9- مجلــــــــس الحمـــــــــاة الاستشــــــاري


10- الختـــــام

"" كلمة ختامية نختم فيها الكلام ....... كلام الحماة ........... حماة النهضة "" .



************************************************** ************************************************** ******



هاي هي أقسام الموضوع بشرح بسيط جدا جدا عنها ....... و بدون كلام خلونا نبدأ مباشرة عشان ما نحكي ع الفاضي





أول شيء .........


يا أعضاء مكسات ....... يا إخوانا


في تساؤل كتير طلع من أعضاء مكسات على الحماة


ليه ما تسكرت ؟؟؟؟؟

هيها موضوع كبير و ما تسكر ليه ؟؟؟

كتير مواضيع تسكرت غيرها لكن هيا لأ ؟؟؟

و كلام كتير من نفس النظام هاد




طيب تسمحلنا نجاوبك إحنا ؟؟؟؟ بعد اذنك ؟؟؟ ^_^




الحماة مختلفة شوي عن أي موضوع تسكر من قبل


الحماة مش تشات أو دردشة أو لعبة أو موضوع عادي


الحماة

عمل

نقاشات

دروس تصميم

دروس برمجة

دروس علمية في الفلك

دروس أعشاب

مشاريع

أخوة


و كتير و كتير أشياء تانية


و غير هيك في سبب مهم



الحمــــــاة محترمة نفسها ........ و عمرها ما كانت سبب في مشكلة أو مشاجرة أو مشادة أو شتيمة داخلها أو زعل بين أي حدا


و حتى لو صار مشاكل داخلها .......... و ياما صارت كتير مشاكل


لكن المشاكل بتنحل منها و فيها ....... ما بتطلع للخارج أبدا ً .......... و بتنحل بأروع طريقة ......... بل بالعكس لو تدخل مراقب و حل المشكلة

راح يحلها بسلطته في المنتدى مش تفاهم ..........يعني يا إما يحط العضو تحت المراقبة يا يطرده و هكذا

لكن الحماة بتحل أي مشكلة بتواجهها بنقاش رائع راقي ........ يوصلوا فيه الطرفين لحل يرضي الطرفين ..... و أهم شيء


يقنعهم و يخليهم يوافقوا على الحل بحب ..... مش يوافقوا قهرا ً



عشان هيك الحماة الحمد لله بفضل الله ثم بفضل تفهم و حكمة المراقبين و لإنهم لوحدهم فهموا الكلام اللي كتبته فوق لكني حبيت أوضحه لكم


لإنهم فهموا الكلام هادا بدون ما حدا يقلهم ......... تركوا الحماة شغالة


لذلك


أشكـــــــــركم شكر خاص يا مراقبي مكسات ...... ربي يحفظكم و يحميكم






أما إنتا يا أخي ........ اللي متضايق من إنه الحماة ما تسكرت


أطلب منك طلب ؟؟؟؟؟؟ ....

لما تضايق من شيء في الحماة أو نفسك الحماة تتسكر او أو أو


ليه بتروح للمراقبين ؟؟؟؟؟؟ ليه بتروح من وراء ظهرنا ؟؟؟؟؟

تعال احكيلنا هنا .... و بصدق و بصراحة .... و صدقني راح نناقشك و نحكي معاك لآخر رمق

و ما راح نزعل او نتضايق ........ الحماة راقية يا أخي .......... و راح تفهم وجهة نظرك


أو على الأقل تعال فش غلك فينا

و احكيلنا و اشكيلنا


اتفقنا أخي ؟؟؟؟؟




راح تكون خلاص راجل زي كدا ؟؟؟؟؟





ربي يحميكم و يحفظكم كلكم

[ZEROCOLD]

تاني شيء ............... و اللي مهما حكينا بنضل مقصرين فيه ............ هي






كلمـــــــــــــــــــــة شكــــــــــــــــــــــر



كلمة الشكر الصراحة صعب نبدأ فيها بحدا معين ...... بل مستحيل ...... فترتيب الأسماء عشوائي .....

مع العلم إنه كل واحد انذكر اسمه بكلمة الشكر ... راح توصله رسالة خاصة برابط الموضوع بإذن الله

و يمكن بعض من الكلام اللي راح ينكتب ........ يمكن أكون قلته أو كتبته قبل كدا ...... لإنه الشعور نفسه و زيادة شوي

خلينا نبدأ على بركة الله ::/



أشكـــــــرك يا ...

1- كـــــوجي كابوتو ...... [ ياقوت ]

كدا كان اسم أختنا ياقوت قبل ما تحول اسمها لياقوت ......... كان اسمهاكوجي كابوتو ........ الشخصية اللي في جراندايزر ...... و هي شخصية رائعة جدا ...... و بالأصل الشخصية هاي هيا شخصية
[ ماهر ] قائد مازنجر ......

كانت ياقوت داخلة بالاسم الأول لأسباب كتبتها هي مرة بموضوع خاص عن الامر هاد ......
و بيوم ....... بيوم من بدايات الحماة ...... أختنا ياقوت استعدت إنها تساعد الحماة بأي شيء بتقدر عليه ...... لكنها ما قدرت تشارك معنا بسبب الرقابة اللي شاغلاها و ربي يكون معاها فيها يا رب
و بيوم كمان ..... ياقوت شاركت بالحماة و باركت لأختنا فايث لإنه تحجبت عن طريق الحماة .... و كانت فرحانة كتير

و بمرة فرحت كتير لما شفت ياقوت متواجدة بالحماة ........ بوقت الفجر ...... ضلت متواجدة لفترة طويلة تقرأ ....... الكلام هاد كان من سنين مضت

ربي يحفظك يا ياقوت و يحميكي و يديم عليكي عفافك و يصونك


عشان كدا يا أختي ....... و عشان كل اللي انكتب فوق و اللي هوا قليل ..........


أشكــــــــــرك أختي




أشكـــــــرك يا ...

2- دارك امبيرور dark emperor

بيوم دارك ...... شارك معنا باول الحماة ....... و صار يناقشنا بأشياء و ينصحنا بأشياء

مشاركته ما كانت كبيرة ...... كانت كم مشاركة فقط ...... و بعدين اختفى

اختفى ...... لكن ذكراه باقية ....... دائما ً


..... ما بلف كتير بالمنتدى .... لذلك ما عندي اخبار كتيرة عنه للأسف ........ لكن على الأقل بعرف إنه لسه موجود بالمنتدى و بخير الحمد لله

على أي حال ..... و وين ما كنت يا دارك


أشكــــــــرك أخي





أشكـــــــرك يا ...

3- ســـــــاموراي samurai


إنتا يا أخي الآن غايب عنا .......غايب بظروف صعبة أكيد منعتك تدخل و تشاركنا ...... لكنك ثق أكيد إنك معانا بقلوبنا ......... مهما طال الزمان و مهما دارت الأيام

صعب ننساك....... بل مستحيل ........مستحيل ننسى شخص بيوم عرض على الحماة يدعمها بمبلغ ضخم ..... مبلغ 500 دولار ..... طلع له من الجامعة لإنه متفوق كمان

مستحيل ننسى شخص كان معانا بكل صغيرة و كبيرة من بداية الحماة و كان صادق و بيتفاعل و بيرفع الروح المعنوية للحماة كلهم

مستحيل ننسى شخص حط كلمات أنشودة رائعة جدا جدا جدا ...... و الله كلماتها منه أروع من الأنشودة نفسها .....

متفائل واليأس بالمرصاد
متفائل بالسبق دون جياد
متفائل رغم القنوط يذيقنا
جمر السياط وزجرة الجلاد
متفائل بالغيث يسقي روضنا
وسمائنا شمس وصحو باد
متفائل بالزرع يخرج شطأه
رغم الجراد كمنجل الحصاد
متفائل ياقوم رغم دموعكم
إن السما تبكي فيحيى الوادي
والبحر يبقى خيره أتضره
ياقومنا سنارة الصياد
حجر وأشجار هناك بقدسنا
قسما ستدعو مسلما لجلاد
يامسلما لله ياعبدا له
خلفي يهودي أخو الأحقاد
فاقتله طهر تربنا من رجسه
لاتبق ديارا من الإلحاد
قسما بمن أسرى بخير عباده
وقضى بدائرة الفناء لعاد
ستدور دائرة الزمان عليهم
ويكون حتما ماحكاه الهادي
هذا يقيني وهو لي بل للصدى
والكأس غامرة لغلة صادي
متفائل بشرى النبي قريبة....فغدا سنسمع منطقا لجماد



قريتها يا ساموراي كمان مرة ؟؟؟؟؟؟

قريت أروع جملة فيها ؟؟؟؟؟؟؟؟ كلها تحدي و صمود و روعة و شموخ و إباء


متفائل يا قوم رغم دموعكم ............. إن السماء تبكي فيحي الوادي



و مستحيل أنسى الشخص اللي كان دايما ً معي ............. كان دايما ً يحاول يرفع ضغط القائد ............ دايما ً ........ و يفش غله فيه ....... أو يفرغ ذخيرته على قولتك

يا ريته يرجع و يفش غله و غل كل اللي حواليه فيه ......... بس يرجع


عشان كدا يا ساموراي .......... عشان كل اللي فوق ........... مستحيل ننساك يا أخي .......... مستحيل

ربي يحفظك طول عمرك وين ما تروح .......و راح أحاول أوصلك............ اوعدك ....... مهما طال الزمان ......... راح أحاول






أشكـــــــرك يا ...


4- مــــــــلاك

[ ميرنا ] ...... هادا هو اسمك بالمنتدى يا ملاك ......... هادا هو اسمك قبل ما تعرفينا ......... و ضل هيك لفترة طويلة ........... و لليوم بذكر و مش راح أنسى أبدا ً .... إنه هاد هو اسم لعبتك اللي بتحبيها كتير ...... كتير

لكن لما شاركتينا ..........تغيرتي كتير ......... كتير .......... و بذكر أهديتك معنى اسمي ....... [ مـــــــلاك ] ....... و من يومها إنتي تعلقتي فيه أكتر منا

بذكر تذكيرك إلنا بالخير دايما ً و تقويتك إلنا بالإيمان ......و مشاركتك لكل مشاريعنا ......... و بقوة و مش أي كلام

إنتي كمان غبتي عنا لسبب قاهر أكيد .......... ربي يحفظك يا أختي وين ما كنتي ....... و يحميكي ........... و مش راح ننساكي .......... أبداً ...... أبدا ً




أشكـــــــرك يا ...


5- لينــــــــــــا [ ليدي_4001 ]

هاااااه ....... أما إنتي ...... كل شيء فيكي غريب ..... بس غرابة مفهومة و طيبة

شاركتينا فترة طويلة نوعا ً ما ..... و لليوم مستغرب ليه سميتي نفسك [ ليدي 4001 ] ... ليه بالذات 4001 ؟؟؟؟

كان نفسي أعرف قبل ما تغيبي عنا ........ أو بالأحرى ........ قبل ما تتزوجي لإنك أكيد الآن تزوجتي ....... أكيد

ما بعرف لو راح تضلي ذاكرانا ولا راح تنسينا ......... الله أعلم ....... لكن بعد كم سنة ...... لما نجتمع كلنا ........ و فجأة نرسلك تعالي معانا ...... يا ترى بتكوني ذاكرانا ؟؟؟؟

يا رب تكوني ذاكرانا و ما تنسينا ........ يا رب ...........

الله يوفقك بحياتك يا اختي و يهديكي و يسعدك



أشكـــــــرك يا ...


6- ($ المذهله $)


بالجنة يا مذهلة ؟؟؟؟؟

بالجنة إنتي الآن يا ترى ؟؟؟؟؟ ......... أه ...... يا رب ...... يا رب تكون بالجنة الآن يا رب

عشتي معانا فترة بسيطة بس من الزمن ........و عرفناكي كويس فيها ....... و تمنينا لو قدرتي تستمري .......

لكن يظهر إنه ربنا كاتب شيء تاني

و ربنا استرد أمانته ......... و توفاكي

صدقيني كلنا حزنا .......... و بإذن الله بندعيلك و راح نضل ندعيلك طول الوقت و ما راح ننساكي أبداً يا مذهلة ....... أبدا ً ........ لإنك بإذن الله تكوني بالجنة و بإذن الله مش ناسيانا يا رب
ربي يغفرلك كل ذنوبك يا رب و يرحمك بإذن الله ......... و هو الغفور الرحيم......................

و هو الغفور الرحيم




أشكـــــــرك يا ...


7- *( yuna )*

فاكرانا يا أختي ؟؟؟؟؟؟؟ ^_^

إحنا فاكرينك ......... لطول العمر ....... و ما بننسى حدا ........ الحماة عمرها ما نسيت أي صديق أو أخ أو صاحب بيمر فيها ولو لمشاركة وحدة

يونا شاركتنا فترة طويلة نوعا ً ما بالحماة ..... و مشيت معانا كويس ... و قالت لنا حلمها و شاركناها ياه و شاركتنا حلمنا

لكن فجأة ......... فجأة بدون سابق إنذار يونا اختفت ........ و من بعدها ما دخلت الحماة أبدا ً .......... بنتمنى تدخل الحماة بإذن الله و تطمنا عنها ولو بكلمة

ربي يحفظك يا يونا ........




أشكـــــــرك يا ...


8- *SHARINGAN*

أو فتافيت السكر .......... مش كدا ؟؟؟؟؟؟

شارينجان كمان شاركتنا فترة نوعا ً ما مش قليلة .......... أجت عن طريق زينب و هيا اللي دعتها للحماة

هي فتاة طيبة ......... حاليا ً أظن هيا بالمنتدى ........ ما بعرف أخبار كتير عن المنتدى لإني ما بلف فيه كتير ........ لكن أفترض هيا بخير بإذن الله

وين ما كنتي يا شارنجان ........ ربي يحميكي يا أختي





أشكـــــــرك يا ...

9- انجي

الحاضرة الغائبة ........... لو قلنا عنك هيك يا ترى بنفع ؟؟؟؟؟؟؟

يمكن ......... الله أعلم ......... إنتي يا أختي شاركتينا فترة مش بسيطة نوعا ً ما ......... و قلتي إنك حافظة القرآن الكريم ...... و كلنا فرحنا جدا لإنك هيك نشيطة و بتحفظي بالقرآن و أخلاقك عالية

و استمريتي فترة ...... و بعدين لظروف خاصة بيكي انقطعتي عنا ........ و من بعدها ما ظهرتي .........

بعدين من فتيات الحماة بفلسطين ......... عرفت إنك توفيتي .......... أو بالأصح ......... هادا اللي قالوه

لكن بتعرفي شيء ؟؟؟؟؟؟؟؟

فتيات حماة فلسطين ما بكذبوا أبدا ً .......... و صادقين منتهى الصدق

بس بهاي الشغلة ......... أنا مش مصدقهم كلهم ............ كلهم ............. كلهم

ما بعرف ليه عندي إحساس بيقول إنك عايشة .......... و على قيد الحياة .......... بل ....... بل و إحساس آخر كمان ......... خليه ليوم الفصل ........ أحسن

ربي يحميكي و يغفر لك و يهدينا و يهديكي يا رب وين ما كنتي يا إنجي .............. وين ما كنتي يا أختي





أشكـــــــرك يا ...


10- نــــــــــــورة [ دو ري مي ]



صعب ........... صعب أحكي يا نورة ............. صعب كتير .........

صعب ....... لمليون شغلة و شغلة ...... و مش انا بس ........ كل الحماة صعب تحكي ......... كلها

لإنك يا أختي كنتي معنى أخت رائعة ........ بل أخت ما بنقدر نوفيها حقها ........ شاركتينا صح ........ و عملتي معانا صح

كنتي وفية و ما زلتي بإذن الله .......... ولا نزكي على الله أحدا ً

كنتي صاحبة فكرة البطاقة الحماتية

و عملتيها بشكل رائع جدا ........ رغم إنك ما كنتي شاطرة بأمور النت و و و

لكنك قمتي فيها ........ و على خير وجه

و كل اللي بنعرفه عنك ............ إنك لليوم غايبة ...........

أو خليني أقول ........... كل اللي بعرفه عنك ............... هما بالحماة قالوا خطبتي ................... لكن عن

رأيي ........ ما بظن نهائي

و واثق لو رجعتي ولقيتيني بقول هيك .......... مش راح تتضايقي ......... لإنك عارفة إني ما بصدق معلومة إلا لما أتأكد منها .......... حتى لو كانت من روميـــــــو نفسه

و واثق إنه كل الحماة هيك ........... بتعرف هادا الشيء ...... و مش راح تتضايق

مش كدا يا حماة ؟؟؟؟؟؟؟؟؟


على كل حال يا نورة ............. للآن ما بعرف عنك شيء ......... و أتمنى أعرف أي شيء أو يعرف أي حامي من الحماة أي شيء و يقلنا و يقلنا كيف عرف ........... بأي طريقة قصدي

عشان نطمن عليكي ......... ولو بكلمة على الأقل .........

ربي يحميكي وين ما كنتي يا رب و يحفظك

ديري بالك على حالك أختي

[ZEROCOLD]

أشكـــــــرك يا ...



11- مـــــــــولانة ...... [ Muslem Mulan ]

آآآه .......... بجد الواحد كل الحماة و خاصة الغايبين صعب صعب يحكي عنهم ............. لإنه مهما حكا ما بيوفيهم ولا جزء بسيط من حقهم

مولانة يا إخوان .......... كانت مشرفة نور و هداية بجانب أختنا ياقوت

لكنها من فترة طويلة و هي غايبة بدون أي شيء .............. لكني أفترض إنها ما زالت مشرفة لسه على الأقل بالتواصل مع أختنا ياقوت ........... هاد مجرد إحساس مش أكتر

مــــولانة شاركت معانا عن طريق موضوع كان إلها زمان بنور و هداية ....... موضوع حلو جدا و ضخم جدا ....... شاركنا فيه أنا و روميو ........ ما بذكر حدا تاني شارك فيه

ولو حدا بذكر ....... يذكرني ...... لإنه ذاكرتي بتخوني كتير فسامحوني ^_~

و من يومها ......... عرفت عن الحماة ... و دريت فيها ......... و قرأتها لوحدها .............. و ..... و شاركت فيها

بس مش أي مشاركة .......... لا ...... أبدا ً
5
مشاركتها معانا كانت مش طبيعية ........ بجد مش طبيعية .......... أفادتنا إفادة ....... و كانت تشتغل بضمير .......... و ترد بضمير

ربي يحميها

بمرة بذكر قالت كلمة ............ مش فاكرها بالضبط لكن التقريبي لها ...... و النسب مش صحيحة


قالت

"" قالوا العلماء ....... إنه الكتابة بتوصل المعلومة بنسبة 15% ..............و الإشارة بتوصل المعلومة بنسبة 20% ............. و الصوت بيوصل المعلومة بنسبة 65% ................ و البصر بيوصلها بنسبة 90%

لكن الحماة حطمت كل المقاييس و وصلتها 100% عن طريق الكتابة ""


ربي يحميكي يا أختي وين ما كنتي ...........



أشكـــــــرك .......... أشكرك




أشكـــــــرك يا ...


12- LARA_CROFT


لارا ............ يااه يا أختي ......... إلك ذكريات مستحيل الواحد ينساها

الواحد ما بيعرف شو يحكي الصراحة .......... مشاركتك لنا كانت عن طريق موضوع الألغاز اللي كان بموضوع الألغاز و كنا ملتزمين فيه كويس

و مش إنتي بس كتير كمان من نفس الموضوع

ياه ما أصعب الذكريات .........

بتعرفي يا أختي ؟؟؟؟ ........ والله لو بقول إنك أكتر إنسان ضحكتيني عن النت ......... صدقيني بيكفي ............. بيكفي و نص

تركتينا لوحدك بدون أي سبب ........ أو يمكن في سبب بس إنتي ما قلتيه

صعب الواحد لما يفقد أخ و صديق بدون سبب ......... مش كدا لارا ؟؟؟؟؟

ربي يحميكي أختي ...... و يحفظك وين ما كنتي


سايونارا ...... [ فاكراها ؟؟؟؟ ]


أشكرك يا أختي ....... أشكرك على كل شيء ........... على كل ضحكة ضحكتها عن طريقك .......




أشكـــــــرك يا ...

13- lonely


لولني كانت أخت [ مــــــولانة ]

و كانت تشارك معانا كويس كويس زي مولانة ......... و الحمد لله تحسن فيها أشياء و أشياء و أشياء بالحماة و بفترة مشاركتها للحماة .. و تغيرت كتير كتير للأفضل بإذن الله

لكن ........ لكن فجأة و مع غيبة مولان بالضبط ......... اختفت عن الحماة و انقطعت عنها نهائي كمان ........

برضو هيك بدون سبب ............

لكن ما نسيناها ولا بننساها ........

ولا راح ننساها

ربي يحميكي و يحفظك يا لولني يا أختي وين ما كنتي

ديري بالك على نفسك



أشكرك




أشكـــــــرك يا ...


14- صمتـــــــــــــــــــــــا



يا ترى كيفك يا أخي ؟؟؟؟؟

يا ترى طلعت من سجنك ؟؟؟؟؟؟؟ ولا لسه الأوغاد ماسكينك ؟؟؟؟؟؟؟

يا ترى حزين ولا سعيد ؟؟؟؟؟؟ بردان ؟؟؟؟؟؟ تعبان ؟؟؟؟؟

ربي يعينك و يحميك ........ شاركتنا من بدايات الحماة ....... من اولها و استمريت معانا فترة مش بسيطة ...... و كنت تشارك معانا 100%

لحد اليوم اللي سافرت فيه العراق ...... رحت عشان تجاهد ........ و هناك مسكوك الأمريكان الأوغاد ....... ربي يدمرهم

الله يفك أسرك يا اخي و يحميك وين ما كنت و يخفف عنك و يرجعك لأهلك و يفرحوا فيك و تفرح فيهم بإذن الله يا رب

صدقني بعرف إنه قلبك حاسس فينا و إنتا بعيد عنا ........ مش كدا صمتا ً ؟؟؟؟؟؟؟؟؟؟ مش كدا ؟؟؟؟؟



أشكرك يا أخي ....... أشكرك




أشكـــــــرك يا ...

15- رولا...... Rola_00


رولا .......... هه ........ بدك أحكي يا أختي ؟؟؟؟؟؟؟

فكرك لو حكيت بكون حكيت و وفيت كل شيء عنك ؟؟؟؟؟؟

يمكن أطيب اخت أشوفها بحياتي كانت رولا ........ بريئة و طيبة بشكل غير طبيعي

قد أكون قلت الكلام هاد كتير ........ لكن هو الحقيقة ....... و هو الأصل

رولا شاركتنا فترة من الزمان و عرفتها صدفة من تشات مكسات أيام ما كان شغال زمان ........ و هي حبت الحماة ..... و بمرة كتبت شيء شبه قصيدة عنكم يا حماة

بس رهيبة .......... رهيبة بتجنن

بس للأسف ضاعت بالهاردسك القديم اللي خرب ........

لليوم هديتك يا رولا بتوقيعي....... و ما برفعها ......... أبدا ً ..........

ليه ؟؟؟؟؟؟؟ صراحة ما بعرف ........ بس يمكن أروع توقيع أستلمه كان هو ..........

ألف شكر يا رولا


ألف شكر أختي





أشكـــــــرك يا ...


16- فتاة الجليد

شاركتينا فترة مش طويلة كتير يا أختي ......... هيا كم مشاركة بس و مش كتار معدودين

و يمكن بعدها ما دخلتي للنت أو للمنتدى .......... الله أعلم

و ....... و يمكن نسيتينا ............ لكن إحنا ما نسيناكي يا أختي .......... لإنا حماة الأخوة ...... حماة النهضة ........ و حماة الصداقة قبل

ربي يحميكي وين ما كنتي ...... و ما بننساكي





أشكـــــــرك يا ...


17- Amy-Rose أو Violet sky حاليا ً



آمي شاركتنا فترة بسيطة كتير من الوقت ...........و كانت نفسها تشاركنا من زمان و بمرة كتبت مشكلة عن إنها مش قادرة تشارك بالحماة عشان عضويتها ما بتدخل المواضيع الكبيرة

لكن بفترة الحمد لله قدرت تشاركنا ولو بمشاركات بسيطة كانت ....... صراحة ..... أنا فرحت بالكم مشاركة اللي كانوا منك

مع إني مش ذاكرهم بالضبط .......... لكني فرحان فيهم ........ بالرغم من إنه آمي الآن خلاص ما عادت تدخل الحماة نهائي

لكني واثق إنها فاكرانا زي ما إحنا فاكرينها ...........

حتى لو ما عجبتها فكرتنا .......... لكني واثق إنه فاكرانا ..... و ما راح تنسانا بإذن الله


أشكرك يا أختي ............ أشكرك





أشكـــــــرك يا ...


18- ORKEED

أوركيـــــد ...... دايما ً و كل ما أكتب اسمك بيعجبني ......... الأوركيد هو نوع من الورد .........

شاركتنا أوركيد فترة من الزمن مش كبيرة كمان ....... لكني شفتها قبل كدا بنفس الموضوع اللي التقينا فيه بمــــــولانة و كان في نقاش خفيف بينا

اوركيد انقطعت فجاة كمان عن الحماة و ما بنعرف الآن أخبار عنها ....... لكن أتمنى يا رب إنها تكون بخير و ربنا يسعدها بحياتها

ما تنسينا يا أوركيد ....... لإنا ما راح ننساكي


أبدا ً





أشكـــــــرك يا ...

19- الكونتيســــــــــة الصغيرة [ syria ] ://



الأولى على سوريــــا ........ مش كدا يا كونتيسة ؟؟؟؟

ما شاء الله عنك ..........متفوقة بشكل رهيب و مش اعتيادي ....... الاولى على كل سوريا معانا

الكونتيسة كمان شاركتنا من بدايات بدايات الحماة ..... و كانت ملتزمة 100% معانا

و انقطعت فترة عشان الدراسة ......... و قالت راح ترجع بالصيف .......... و رجعت ....... لكن للأسف رجعة بسيطة ........ رجعة قالت فيها إنها راح تطول غيبتها

و فعلا ً طولت و رجعت في الصيف اللي بعده ..... و قالت نفس الشيء بالحماة .......... و ........ و اختفت ........ حتى الآن

نتمنى لو نقدر نعرف عنها لو شيء بسيط ..........

ربي يحفظها و يوفقها وين ما كانت باذن الله






أشكـــــــرك يا ...



20- أنـــــس


أشكرك يا أخي ..... أشكرك على اليوم اللي دخلت فيه الحماة

بل بالأصح أشكر الشخص اللي لقيته بيحب الماسة الزرقاء زيي ^_^ ...... أنس بتذكر إنتا كيف شاركتنا بالحماة ؟؟؟


صراحة أنا مش فاكر بالضبط ...... لكن أظن حكيت معاك بمرة ؟؟؟؟؟؟ ولا عن طريق كاسيلا ؟؟؟؟

ولا أرسلت لي مرة رسالة عشان الترجمة أظن ؟؟؟؟؟

شيء زي كدا

و انضميت و نشطت فترة ....... لكن يبدو إنه مكانك هو الميجاتون و يبدو إنك مندمج هناك بشكل ضخم
و ناجح بتفوق هناك ............ تفوق الحمد لله ^^


فربي يوفقك يا رب و يحفظك و يحميك يا أخي

دير بالك على نفسك






أشكـــــــرك يا ...

21- rebica

ربيكا أختنا و أخت كريمة ....... هي ما شاركت معانا بشكل رسمي رسمي ..... لكن أمضت معانا فترة بالحماة ...... فترة بسيطة جدا

و كانت تطمنا دايما ً عن ساموراي و ملاك و كراكر ........ ربي يحميها

صورتها الرمزية حلوة كانت بذكر ولو إنه كتير بيشوفها عادية

و حاسس كإني سمعت اسم ربيكا بمكان ..... ما بعرف وين

الآن هي ما عادت تدخل المنتدى إلا ما ندر ندر ...... قليل كتير ......... ما بظن بتشارك

يمكن بس عشان الرسائل الخاصة


ربي يحميكي يا ربيكا ....... ديري بالك على نفسك أختي ....... كويس كويس



أشكـــــــرك يا ...


22- "" دانتـــــــــــــــــــي "" .....samozico


صعب .......... أظن صعب ........ صعب ............................... صعب كتير الواحد يحكي عن شخص تعلق فيه كتير

و عاش معاه فترة كبيرة من الزمن ...... كبيرة ....... و فجأة يختفي ....... خاصة إنه ترك بصمة قوية قوية بالحماة ..... و أثرها باقي لليوم


دانتي حاليا ً الحمد لله وضعه معروف هو بالسعودية ....... بس عشان قصة المعبر مش قادر يدخل ....... و قبلها تأخر شوي

أهله قالوا لنا راح يجي بأول فترة يفتح المعبر فيها كويس .......... بس إن شاء الله يفتح يا رب


بإذن الله يا رب يرجع بأقرب وقت و نشوفه بينا تاني ......... يا رب نشوفه تاني يا رب



ربي يحميك يا دانتي وين ما كانت يا رب ............... يا رب





أشكـــــــرك يا ...


2- ))رنيــــــــــــن)) ونة حزن


رنين ..... صديقة طير و نيكيتا .........

كان قلبك طيب ... و ما زال واثق .......فترة مشاركتك إلنا ما كانت ضخمة ...... قلتي راح تغيبي لإنه فصل الدراسة خلص و بالبيت ما في نت

بس الآن الفصل بدأ من جديد ...... يا رب نشوفك بينا تاني يا رب بإذن الله


ما راح ننساكي

[ZEROCOLD]

أشكـــــــرك يا ...

24- *( المحبه )*

بذكر إنك أجيتي عن طريق زينب ...... شاركتينا فترة نوعا ً ما مش قليلة .... و غبتي فترة كبيرة بعدين

غبتي لظروف الدراسة و ظروف غيرها

لكن بعد فترة رجعتي تاني سلمتي علينا و ما نسيتينا .......

و الآن صراحة ما بعرف شو آخر أخبارك ......... لكن بأي حال ......... ربي يحميكي و يحفظك يا أختي يا رب

شدي حيلك




أشكـــــــرك يا ...

25- +_قمووورة_+

ياااااااااه يا قمورة ........ زمان عنك ........ رهيبة إنتي ......... كنتي تهزي الحماة كلها

كتير كانوا يفقعوا منك ....... بس هما لو فهموكي صح ^_^

عمرك كان 12 .........


ربي يحميكي يا رب و يا رب تقدري ترجعي لنا من جديد ......... ربي يحميلك شبابك لما تكبري





أشكـــــــرك يا ...




26- BMA بنـــــــــدر

متميز البريمير و الفوتوشوب و التصميم ^_^

شاركتنا فترة بس كانت من برا لبرا ..... يعني مش رسمي

كان دمك خفيف كالعادة المعروفة ...... حاليا ً بفترض مقطوع عن المنتدى .........

صراحة ما بلف كتير بالمنتدى ...... لكن هيك أفترض


على أي حال أخي ...... إحنا ما نسيناك ....... و كان لازم لازم ........ نقلك كلمة


شكرا ً





أشكـــــــرك يا ...



27- نورس أبيض

مصـــــر هي بلدك ....... كنتي دايما ً تدخلي علينا رغم غيابك المستمر ...... تقولي لنا كلام رائع يذكرنا بربنا و تحكي أحاديث

لكن صرلك فترة كبيرة ما دخلتي .... كبيرة

يا رب تكوني بخير ........ سامحينا كلمتنا قصيرة أختي ......... لكن المهم إنها من القلب و بتوصل للقلب مباشرة

إخوانك في الحماة ^_^





أشكـــــــرك يا ...





28- انجلو (enjelo)

أخوها لهمس ^_^

ما بظن شاركتنا ........... دخلت مرة بس طمنتنا على همس ....


رغم إني بتمنى تشاركنا .......... إن شاء الله تقدر أو تحب


ربي يحميك يا أخي وين ما تكون و يحفظك ........ دير بالك على نفسك







أشكـــــــركم يا ...






29- dark_knight
Demons Hunter

شاركتونا فترة كانت قصيرة كتير ......... ما بتكفي حتى إنا نتعرف عليكم

لكنا كمان ما نسيناكم ... و راح نضل نذكركم بإذن الله

ربي يحميكم





أشكـــــــرك يا ...


30- عاشقه الدجتال

ياااااااه يا عاشقة ..... أم الردود الكبيرة كنتي

كنتي تحبي أبطال الديجيتال كتير ......... و أنا كمان زيك بحبها كتير ....

الصور اللي كانت بتوقيعك ..... رهيبة ..... عند وداع الأصدقاء ...... و عند لقاء الأصدقاء

غيابك طول علينا ......... ربي يحميكي و يحفظك يا رب وين ما كنتي


ما راح ننساكي للأبد بإذن الله





أشكـــــــركم يا ...

31- sasuke_kun و little kanon
توأم الحماة ........ فاكرين ؟؟؟؟؟؟

ربي يحميكم ...... عمركم صغير لكن تصرفاتكم والله فاقت الكبار

يا رب ترجعوا لنا كويس ........ و يا رب غيابكم ما يطول علينا


الله يحميكم من كل سوء و يحفظكم لحد ما تكبروا

يا رب






أشكـــــــرك يا ...


32- ALE?A
أليكســا .... صرتي مراقبة الآن ... ما شاء الله عنك ......... الله يحميكي و يوفقك بالرقابة

شاركتينا بفترة قصيرة نوعا ً ما ....... و الآن .... مشغولة بالرقابة الله يكون معاكي يا رب .... شدي حيلك

بالتوفيق أختي ^_^











أشكـــــــرك يا ...

33- **نغم**

قريبة فاركراي ..... و النشيطة كتير و اللي صوتها حلو بالنشيد ^_^

ما شاء الله عنك يا أختي ..... طيوبة كتير و لطيفة

الحماة بتتونس بوجودك بينا دايما ً

و ما بتقدر تستغني عنك

إنتي الآن مشغولة بالدراسة

ربي يحميكي و يوفقك يا رب ..... معلش شدي حيلك ... و بتفرج قريب إن شاء الله


ربي يوفقك بدراستك ........ و يحفظك يا رب ^_^







أشكـــــــرك يا ...



34- bnan بنـــــــان

ما بعرف ليه إنتي حاسك كتير قريبة من الحماة ..... بس ظروفك صعبة إنك تدخلي

كان نفسي تكوني معانا بشكل اكبر بكتير و تشاركينا ......... يا رب تقدري تشاركينا يا رب


يا رب

أتمنى لك كل السعادة بحياتك ...... مع والديكي ........ ربي يحميكي من كل سوء


ما تنسي ......... إنتي قريبة كتير من الحماة رغم قلة مشاركاتك








أشكـــــــرك يا ...


35- خالتكم مزينه
زينـــــــــة ^_^ ....... وين اختفيتي فجأة كدا عنا ؟؟؟؟؟؟

كنتي دايما ً تحكي معانا و تناقشينا و تباركي لنا و و و

ليه فجأة تركتينا هيك ؟؟؟؟؟؟؟ طمنينا عنك أختي و خليكي معانا

صرتي وحدة منا و فينا ........ الله يحميكي و يحفظك يا رب يا زينة






أشكـــــــرك يا ...


36- RAN MORY (( ران ))

قريبة محب .......... بل بنت عمه

بتحبي الحماة كتير ...... و الحماة كمان بتحبك كتير......... يمكن ظروفك صعبة إنك تدخلي الحماة ......... ربي يوفقك و يحفظك وين ما كنتي

سامحينا ردنا قصير ....... لكن لضيق الوقت رمضان قرب كل عام و إنتي بخير

صدقيني ما نسيناكي







أشكـــــــرك يا ...




37- قلب كورابيكا

نوارة ........أخته لمحب ....... دايما ً ما كان يخليكي تقعدي على الكمبيوتر هادا الأزعور

ابقي مرينا علينا ولو مرور و شاركينا أختي ....... ربي يحفظك و يحميكي يا رب ........

شدي حيلك بالدراسة كويس ... بدنا تفوق








أشكـــــــرك يا ...





38- محب كورابييكا

أخوهم الكبير و الحنون عليهم ^_^

ياااه يا محب .......... شاركتنا من بداية الحماة و ما زلت معانا ........ ما شاء الله عنك

صادق و قلبك صافي و نقي تجاه الحماة ........ ربي يحميك و يحفظك يا أخي و يخليك للحماة ... الحماة مستحيل تتخلى عنك

إنتا من الأساسات حتى لو بتغيب ...... مجرد إنك كنت من الأوائل ...... فصدقك معانا يكفي


بالتوفيق يا أخي لك بحياتك إن شاء الله


أخوك ألفريدو





أشكـــــــرك يا ...

39- curapika

كورابيكا

شاركتينا من جديد لسه .... لكنك كتير نشيطة ..... يمكن حسيتي إنه ما حدا اهتم لك يا أختي

لكن لا ..... صدقيني اهتمينا و اهتمينا و اهتمينا

بس والله الظروف كانت صعبة على الكل عشان تحضير الحماة الجديدة هاي

فأتمنى إنك تشاركينا بالحماة هاي ........ من أولها يا أختي عشان تكوني معانا من الأول إن شاء الله


يا رب تقبلي عرضي و ما ترفضيه .......... الله يحميكي و يحفظك

إنتي منا و فينا يا كورابيكا ..... فما تتركينا






أشكـــــــرك يا ...

40 - بنت.النور


غيابك طال عنا يا أختي ....... معتصم أخوكي بيشاركنا ...... بس إنتي صرلك فترة غايبة

ربي يرجعك إلنا بالخير يا رب ........ و يكون سبب غيابك كمان عنا خير بإذن الله

حاسك صادقة كتير يا اختي و نفسك تعملي خير ..... و إحنا بدنا ناس زيك مخلصة و بدها تعمل خير

عشان كدا احنا بانتظارك






أشكـــــــرك يا ...


41- mootasim أو (( ناطق الشهادة )) حاليا ً

أخ بنت النور الصغير ........ اللي شاطر بالفوتوشوب ما شاء الله عنه ^^

واللي بيحكي كتير و بيضل يقول ( ليه ما حدا بيحكي معي ؟؟؟؟ )

hehehe

بمزح معاك أخي ....... إنتا صديق عزيز على الحماة كلها ......... و لطيف جدا و الكل بيحبك ....... الله يوفقك و يحميك يا رب

خليك معانا و إوعك تسيبنا هه .............. بطل ^_^





أشكـــــــرك يا ...



42- LEADER HUNTER (( هنتــــــــر))


إنتا صديق غالي جدا على الحماة ... و صديق فاركراي كمان

صرلك فترة غايب عنا شغلت بالنا والله

يا رب ترجع بأقرب وقت و تكمل دروسك عن الاعشاب

بس خليها أصغر شوي عشان أقرأها كلها ^_^

طمنا يا أخي ولو بكلمة عنك ......... ربي يحميك






أشكـــــــرك يا ...




43- الوردة الذهبية


أخت سويرة ....... طبعا ً إنتي بتفكرينا نسيناكي أو مش فارقة معانا .........

بس بحب أقلك لا ........ مخطئة يا اختي ....... عمرنا ما نسيناكي ......... لكن زي ما قلت كنا مش منظمين و مشغولين جدا بالحماة هاي و و و

لكن ننساكي أو ما نهتم ؟؟؟؟؟؟؟؟؟

لا مستحيل أبداً مستحيل ..... و إنتي يا اختي ادخلي فينا أكتر ..... اعملي زي سويرة ....... جننينا ^^

بمزح


يلا أختي ارجعي لنا بأقرب فرصة ...... احنا بانتظارك .........


الله يعزك




أشكـــــــرك يا ...



44- البنفسج الطموح


أخت نيســـان

ههههههههه كلكم إخوة بشوف و أولاد عم ..... الحماة قصدي ^_^


الله يحميكم كلكم يا رب لبعض ........ بنفسج المتفوقة بالدراسة

شدي حيلك و ابقي مري علينا من فترة لفترة ولو إنك توجيهي .......... بس مري سلمي علينا على الأقل

لو قدرتي ^_^


ما راح ننساكي أختي






أشكـــــــرك يا ...


45- topgirl (( جلنـــــار ))

أختنا النشيطة بالحماة و صاحبة المواضيع الرائعة فيها دايما ً ^_^

ما شاء الله عنك دخلتي بالحماة بسرعة و صرتي وحدة منا ...... و وحدة مهمة مش أي حدا كمان


صعب الواحد يحكي لإنه مهما يحكي ما بيعطي الواحد حقه لذلك



شكـــــرا ً

[ZEROCOLD]

أشكـــــــرك يا ...


46- تحرير فلسطين


تحرير ...... قلقتينا كتير كتير اختي .... صرلك فترة كبيرة غايبة ..... كبيرة كتير

ما بعرف ليه ما رجعتي دخلتي تاني ........... لكن نفسي تدخلي

حاسس بشعور غريب ............ يا رب يكون صح

لكنه غريب ......... حاولي تدخلي ........ بأي شكل حاولي

ولو تطمينة تقولي ليه رجعتي غبتي عنا تاني


أرجوكي



الله يحميكي يا رب وين ما كنتي يا رب





أشكـــــــرك يا ...


47- The Crash (( إيـــــــاس))

إياس ....... بدون مقدمات ............. راح ترجع للحماة يعني راح ترجع

إنتا صديقي ......... و محتاجك تكون بالحماة .......... بنستفيد منك ببرامج تصميم التواقيع ........... بمزح ^^

بجد أخي ارجع ........... عشان خاطري ارجع للحماة كويس .......... اتفقنا أخي ؟؟؟؟؟


بانتظارك ............تبدأ معانا الحماة بقوة ........... يا مبرمج ^_^





أشكـــــــرك يا ...


48- نيســـان

المشاغبة اللي مغلباني دايما ً

بس بدك الصراحة ؟؟؟؟؟؟


أعطيتك اسم ......... بحبه جدا ......... جدا ...... اسم نيسان غالي علي كتير ..... و إله ذكريات غالية عندي

فطلع الاسم صراحة من نصيبك ........... كيف ما بعرف


لكن ............. حافظي عليه عشاني أختي ....... خليه نقي صادق طاهر إياكي يشوبه شائبة

و أنت لها يا نيسان ........ أنت لها


ما عندي كلام كتير ......... لإنه ما في وقت ............ بعدين إنتي ما دفعتي كويس ..... فما راح اكتب لك كتير


ههههههه بمزح


الله يحميكي و يعزك







أشكـــــــرك يا ...


49- FAR...CRY (( كراي ))

أحكي ؟؟؟؟؟ ولا بلاش ؟؟؟

لإني لو بدي أحكي راح أموت ما ضل فيا طاقة أحكي ^^

بس الحماة .... كل الحماة بتعرف شو فاركراي بيعني بالحماة

و كل الحماة بتتذكر الطوشة اللي صارت أول دخولك للحماة ........ فاكرها ^_^

يا عالم يا فلكي ......... تعجبني آراءك و نظام تفكيرك ... يعجبوني جدا


خلاص ما ضل طاقة للحكي ...... ربي يحفظك ....


الكلام من القلب بيوصل للقلب





أشكـــــــرك يا ...


50- الرايه البيضاء

ما شاء الله عنك يا أم ذوق حلو ^_^

شاطرة كتير بالفوتوشوب و مبدعة

و صرتي أخت مغروسة بالحماة صعب تتركيها أو هيا تتركك


كمان معلش ما ضل نفس أحكي أكتر ........ لكن أكيد الكلام وصل ...... أكيد



Kaitou_Jeanne

ALEXANDRA

قطة نت

الزهرة المتفتحة

خالتكم نوير

الوردة المغلقة ( توأم الزهرة المتفتحة )



قد تكونوا يا إخوتي إنتم ال 6 ما شاركتوا معانا كتير .... و يمكن البعض منكم بيقول مبسوط انه اسمي ما انذكر لإني نفسي أعمل شيء صادق و بجد عشان ينذكر ...... و يمكن البعض دخل بس مجرد دخول

عشان حدا تاني دخل فحب يدخل معاه .....


لكن هادا ما بيلغي أبدا ً


إنكم ما زلتم أعضاء من حماة النهضة


و مستحيل نتخلى عنكم أو ننساكم أبدا ً ........ مهما طال الزمان

و يا رب تكونوا صادقين معانا و تكملوا الطريق للآخر ..........

ليست العبرة بمن سبــــــق لكن العبـــــرة بمن صــــــدق

الله يحميكم و يحفظكم












بقى ............. بقى إنتم


Desert_Eagle
TO-TE)Cat)
اليمامة
FRIEND
سالي البريئة
سويرة
samuha
sleepmoon
y.w.i
zainab
همسات النسيم
طـيـر الـسـلام
نبض فلسطين




مش راح أقدر أكمل أحكي عن كل واحد فيكم بالدور بقولها بصراحة


لو قلت لكم كلمة وحدة ........... وحدة بس


راح تفهموها و توصلكم من القلب للقلب مباشرة ؟؟؟؟؟؟؟؟؟


بعرف إنكم كتبت اسمكم جماعي ........ لكن صدقوني الكلمةاللي راح أقولها يمكن بكل اللي كتبته فوق كله





أقولها ؟؟؟؟؟؟؟





راح توصل أنا واثق




















[GLOW]بحبــــــكم[/GLOW]






بس ما راح أقول ولا حرف زيادة





بقى 3 أشخاص بس ......... هدول لازم أرد عليهم رد غير شكل




غير شكل ......... قد تكون جملة ......... لكن هما بيفهموها كأكبر من كتاب




خـــــــــارق


لم أنسى و لن أنسى و سأبقى على العهد طول العمر إن شاء الله ...... بإذن الله





[GLOW] روميـــــــــــو [/GLOW]


5 كلمات ........ بعدد الصلوات





[GLOW]أُحبــــــــــــك


أعــــــــدك


ثــــــــــــق


سأصـــــل


لو من بعد سنين[/GLOW]








آخر شخص بحكي عنه



هيا أختي التي لم تلدها أمي







[GLOW] بيانكـــــــــــــا[/GLOW]


حرف و كلمتين يا بيانكا ................ حرف و كلمتين






[GLOW] لــــــــن أخلـــــــــف وعـــــــــــدي[/GLOW]









يا حماة ....... الناس اللي فوق كتبت الشكر لهم من زمان ......... فكان معي وقت و كان الرد عليهم كبير ......... لكن آخر ناس كتبته الآن ......... بمشاعر مباشرة

صحيح ردود قصيرة


لكن والله قد تكون عن كل اللي فوق ................................. و ........ ثقوا بي





ياه ........ كانت طويلة ...... طويلة فوق ما تصور الواحد


كدا بنكون خلصنا من [ كلمـــــــــة شكــــــــــر ]


بدون كلام كتير خلينا ندخل في القسم التاني

[ZEROCOLD]

2- ما هي الحمـــــــــاة




الجزئية هاي خطيرة ......... كتير خطيرة ........ و كتير كتير سألوا فيها و قالوا إحنا شفنا موضوع حماة النهضة موضوع طويل و ضخم لكن

ما فهمنا شو هدفه بالضبط؟؟؟؟
و شو بيعمل و لشو انبنى ؟؟؟؟؟
و لشو ناوي يوصل ؟؟؟؟؟؟؟؟
و مين هما أعضاء الحماة ؟؟؟؟؟
و هل إلها قوانين ؟؟؟؟
و شو هيا ؟؟؟ و كيف نلاقيها ؟؟؟؟
و كيف نشارك ؟؟؟؟؟و شو نحكي ؟؟؟


و كتير و كتير أسئلة غير هاي ........ و عشان هيك راح نحاول بإذن الله نجاوب على كل الأسئلة .......... قدر المستطاع و الله المستعان



خلونا نبدأ ....... و خير ما نبدأ به الكلام ......... اسم الله


بسم الله الرحمن الرحيم






1- ما هي الحماة ؟؟؟


الحماة هي عبارة عن مجموعة كبيرة من الأشخاص من كلا الجنسين ..... التقوا في مكان واحد في موضوع واحد ....... يجمعهم هدف واحد ...... نهضة و اعمار الأمة




2- ما هي صفات أعضاء الحماة ؟؟؟


* على خلق و دين عال ٍ جدا جدا و فهم أعلى للدين و ليس تعصب أعمى .

** أصدقاء و إخوة يحبون بعضهم البعض و يتصرفون كأنهم جسد واحد.

*** مرحين , مازحين , يحبون الضحك و خاصة الضحك الهادف ....... ليسوا جامدين أبدا ً بل هم منتهى المرح و الروح الجميلة.

**** يساعدون الكل بدون استثناء .

***** و أخيرا ً ......... هدفهم ......... رضى الله أولا ً و أخيرا ً .............. من وسط كل الضحكات و المزاح كله ....... بيكون راسخ بقلوبهم سؤال واحد


........ يا رب راضي عنا ؟؟؟؟؟؟





3- هل هناك قوانين للحماة ؟؟؟؟؟ و ما هي ؟؟؟؟؟ و كيف نصل إليها ؟؟؟؟؟


الجواب ...... نعم هناك قوانين للحماة .........

و كيف تصل إليها ......... فستجدها في توقيع كل عضو من أعضاء الحماة تقريبا ً ....... إلا ما ندر



ما هي .......فكما قلت بتقدر تصل إلها بتوقيع أي حدا من الحماة أو من خلال هاد الرابط



http://www.mexat.com/vb/attachment.p...1&d=1140126004


يمكن تشعر إنها صارمة شوي ....... أو قاسية ....... لكن أغلبية الحماة بنسبة ما يفوق ال 90% اتفقت إنها الأفضل و الأنسب لمنع حدوث أي مشكلة بإذن الله ... و كمان لإنه أغلب الحماة ملتزمين بالدين كويس .. و مش حابين تحصل مشاكل بإذن الله ^_^


فاقرأها كويس عشان تفهم قصدنا منها


اتفقنا ؟؟؟؟؟؟






4- ما هــــــدف الحمـــــاة؟؟؟ و لشو انبنت ؟؟؟


هدف الحماة الرئيسي ..... هو هدف سامي و عملاق ..... و يمكن كتير كتير من الناس ينصدموا و يقولوا إنتم بتحلموا ... و مستحيل تنهضوا بالأمة , الأمة بدها ملايين عشان ينهضوا فيها و و و و و و و و

لكن الحماة عارفين كويس كويس شو بيعملوا ......... كويس ....... و واثقين بقدرتهم على الوصول لهدفهم .......... و اثقين ............ منتهى الثقة



أما باقي أهداف الحماة فهي بنقدر نقول أهداف خاصة ....... ما في داعي الكل يعرفها في الوقت الراهن .....







5- كيف نشارك بالحمـــــــاة ؟؟؟

المشاركة بالحماة بسيطة ...... بل بنقدر نقول أبسط من المتوقع لكنها إلها شرط بسيط

إذا كنت بدك تشارك ما عليك إلا إنك تدخل الحماة و تشارك فيها ببساطة و تقول (( نفسي اكون معاكم )) ...... و شوي شوي راح تفهم كل شيء من الحماة


و الشرط الوحيد لدخولك الحماة ........ إنه يكون لك هدف بالحياة ....... و تحكيلنا شوي عن هدفك

يعني يكون لك طموح ..... حاجة نفسك توصل لها ......... حاجة مفيدة و حلوة ......... و خلينا نسمعها معاك


طبعا ً لو ما كان لك هدف ...... مش معناها بنرفضك ....... لا أبدا ً ....... لكن يفضل يكون لك هدف و تحكيلنا عنه










6- فتــــــرة ما بعد دخولك الحماة ؟؟؟


بعد فترة بسيطة من دخولك للحماة ....... احتمال بأول فترة تشعر إنك مش فاهم الحماة كويس ......... و احتمال تشعر إنك غريب بينهم

لكن هادا شعور بيكون مؤقت ......... بيروح مع مرور الوقت ... و بتشعر نفسك معانا من سنين و بتصير تحكي و تحكي و تشاركنا بالمشاريع و المواضيع و كل شيء








7- شو بنحكي بالحماة ؟؟؟؟ و هل إلها حدود للكلام ؟؟؟؟؟؟

الحماة إلها نشاطات كتيرة .... و مشاريع بتشتغل فيها طول الوقت .......

من عبادات ... لتصميم ....... لبرمجة ..... لرياضة ......لنقاشات في العلم و الفضاء و الفلك

و كل هاي الأشياء بنحكي فيها طول الوقت ........


لكن بنفس الوقت ........... فيها مزح و ضحك و نكت و مقالب ......... يعني أي شيء إنتا حابب تشارك فيه ........ أي شيء مهما كان .......


بشـــــــــرط

يلتزم حدود الأدب و الأخلاق ^_^

و بشرط إنه ما يكون دخولك للحماة عشان المزح و الضحك بس .......... مهم إنه يكون إلك هدف سامي و راقي



بس ...... و أي شيء غير كدا احكي فيه زي ما بدك شو ما كان .......... بيتك , حياتك , مشكلة معاك , شفت الغروب مرة فعجبك فحكيت شعورك , قصة حزينة , مشروع عندك جديد , .....

أي أي شيء عندك احكيه ......... بدون تردد











8- و هي آخر شيء نختم فيه


بالتأكيد لازم اللي يدخل الحماة يكون ملتزم بقوانينها .....


ربي يوفقك ....... و 100 هلا فيك بالحماة يا رب




**********************************************

[ZEROCOLD]

كدا بنكون خلصنا كمان من جزئية تعريف الحماة ....... و أتمنى نكون قدرنا نوصل لكم أكبر قدر ممكن عن الحماة من معلومات و شرح عن فكرتها و هدفها

و لو في أي سؤال أو أي استفسار ...... رجاء ً اسألوه بالحماة ..... أو أرسلوه لعضوية الحماة و مجلسها الخاص و بإذن الله بيتم الإجابة عليه


عضوية الحماة هي باسمها

حماة النهضة


الجزء رقم 3 من الموضوع هو .......


3- كلمــــــــــة لــــــــــــــــك

الجزء هاد من الحماة 7 بيحكي عنك يا قارئ ......... عنك إنتا بس ....... لإنك بتقرأ الحماة و مش عضو فيها

سواء كنت عضو في المنتدى ......... أو كنت شخص من خارج المنتدى دخل بالخطأ لهنا

صراحة هيا كلمة بسيطة و مش راح نطول فيها .......

باختصار إحنا حابين نقول لك .....

لو ربنا شاء و كملت قراءة شوي بالحماة .....و عجبتك

فما تمر هيك مرور الكرام ....... قول ولو كلمة .......ولو حرف ...... شارك ولو بشيء بسيط

لو شفت فينا خطأ ........ شيء ما عجبك ......... احكيلنا ...... انصحنا .......... إحنا كمان بشر ....... و بنخطئ

فلو شفت فينا شيء بنظرك مش صحيح ....... نبهنا ...

و حتى لو ما شفت ........ ادخل و اترك بصمتك داخل الحماة

أقلك شيء مؤثر شوي و حلو ؟؟؟؟؟

بس بدي تخيلك معي .......... بكل قوته و بكل كيانك ...........


بمرة شفت برنامج تلفزيوني ........... البرنامج كان عبارة عن رحلات ....... يعني المذيعة بتسافر و بتلف بالعالم و بيفرجوا الناس على مدينة بكل مرة

فبرحلة من الرحلات راحوا لمدينة ..... و دخلوا مطعم......... فالمطعم هاد كان من الأشياء الظريفة جدا فيه .......

إنه فيه حيطة [ حائط ] ..... أي حدا ياكل بالمعطم ..... بيترك توقيعه أو اسمه عليه....................... كذكرى يعني

فالمذيعة راحت مضت و كتبت اسم البرنامج على الحائط هاد .....

فإشي جميل و حلو جدا إنه الإنسان يترك بصمة بكل مكان يروحه ......... و بعده ...... و يمكن من بعد سنين طويلة ...... الناس تقول ........

(( ياااااااه بيوم من الأيام مر من هنا فلان ((


ف .........


اتركلنا بصمة جميلة تذكرنا فيه ...... و ما تمر كظل بس بدون أثر

ربي يحفظك و يحميك يا رب ^_^

*************************************


الجزء الرابع من الحماة 7 ..... و هو جزء كبير شوي و ضخم شوي


و هو مشاريع الحماة 7 .......


يا ترى مشاريع شو راح تكون ؟؟؟؟؟؟ و كيف نظامها ؟؟؟؟؟

صعبة ولا سهلة ؟؟؟؟

شغل فردي ولا جماعي ؟؟؟

في الواقع ولا في النت ؟؟؟

كل كل الأسئلة هاي راح نجاوب عليها بإذن الله

نبدأ على بركة الله ...



1- نـــــــــــــــــــوع المشاريع .


المشاريع راح تكون متنوعة كتير .........

مع نفسك .
داخلية ..... [[ داخل العيلة ]] .
خارجية .... [[ خارج العيلة و خارج البيت ]].
و على النت .



خلونا نبدأ بالمشاريع يا حماة نوع نوع

أول شيء


مــــــع نفســــــــــك

المشاريع بالقسم هاد مش راح تكون جديدة كتير ..... بل بالعكس أغلبها راح يكون أشياء كنا نعملها لكنها تركناها أو كسلنا عنها .... أو الهمة ضعفت فيها

فاحنا جايين هنا عشان نقلك يلا ........ يلا نرفع الهمة سوا كلنا ..... كلنا نشتغل بالمشاريع هاي و ما حدا يتركها أبدا ً ..... من هنا لمليون سنة ..... و نكون صريحين مع أنفسنا

و نكون صريحين مع الحماة ............. و ..... و أهم شيء ............... نكون صريحين مع الله


خلونا نقول المشاريع و نذكرها مباشرة

راح نبدأ أول شيء بالمشاريع الاعتيادية ........ طبعا ً مش معناها إنه الكل بيعملها


نبدأ على بركة الله

1- الصلاة في وقتها . (( المسجد للشباب)) .

ها يا خوانا ؟؟؟؟؟؟ هاي أهم و أبسط وحدة ....... يا ترى الكل بيعملها ؟؟؟؟؟؟....... يا ترى بتعملها 100% ؟؟؟؟ ولا بتعملها مرة و 10 لأ ؟؟؟؟


بالله عليك خليك صريح معاي ..... وغير صريح ......... بأحيان الواحد بيصير يقرأ كلام الدين كإنه كلامي عادي ....... بيصير يقرأه و ما يأثر فيه أبدا ً

بمعنى تاني ..... بيطبق الآية اللي بتقول


{ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء وَإِنَّ مِنْهَا لَمَا يَهْبِطُ مِنْ خَشْيَةِ اللّهِ وَمَا اللّهُ بِغَافِلٍ عَمَّا تَعْمَلُونَ }



قريتوها كويس ؟؟؟؟؟؟

كالحجارة أو أشد قسوة ......... يااااااه لأ و مش كدا و بس ..... و بيرجع بيقلك (( و إن من الحجارة لما يتفجر منه الأنهار )) و بيرجع بيقول تاني (( وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء))

و بيرجع بيقول تاني (( وَإِنَّ مِنْهَا لَمَا يَهْبِطُ مِنْ خَشْيَةِ اللّهِ))


بمعنى آخر ...... بيعيد و بيزيد عشان يقلك ..................


لســـــــــــه ما أنش الأوان ترجع لربك عاد ؟؟؟؟؟؟؟؟؟؟؟؟؟


لسه راح تخلي قلبك زي الصخر أكتر و أكتر ؟؟؟؟؟؟ حرام عليك ....... اسمع الكلام و تأثر معاه ..... صدقني راح تلاقي قلبك لحاله بيرجع شوي شوي لربنا


يبقى قلنا


1- الصلاة في وقتها



2- القـــرآن

بتقرأ قرآن في اليوم ؟؟؟؟

كم سورة ؟؟؟؟؟


طيب بلاش ........ كم آية ؟؟؟؟؟؟


طيب كم كلمة ؟؟؟؟


طيب كم حرف ؟؟؟؟



يااااااه ولا حتى حرف واحد ؟؟؟؟؟ حرام عليك .....


راح نمشي بالقرأن ..... بطريقة معينة ........... و هي ...... بعد كل صلاة ...... 5 صفحات ........ بس 5


اتفقنا ؟؟؟؟


البعض راح يقول صعب .......... و البعض بيقول أنا مشغول ....... و البعض بيقول شغلي ....... و البعض بيقول بكون بالمدرسة


و كتير و كتير ......... و أنا زيكم


لكن راح نعملها يا أصدقاء .......... إحنا مش حماة النهضة على الفاضي ....... مش بدنا نبني نهضة من ولا شيء


يا نهضة بتعب ................... يا إخفاق كبير كبير بدون تعب

انتا اختار


3- الدعــــــــــــــــــاء.


هاي خطيرة يا خوانا ....... خطيرة خطيرة بكل معنى الكلمة .......... أرجوكم ركزوا على هاي بكل كيانكم ......


الدعاء خطير خطير ........ يا بيخلي قلبك دايما ً مكسور لربنا و بتحس ربنا معاك بكل خطوة بحياتك

يا بيخلي قلبك صخرة ما بيحس بربنا ولا بالدين ولا بشيء ..... بتصير تصلي و تصوم و تزكي كعادة و ليس كعبادة

و ياما و ياما آيات عن الدعاء


{وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ} (60) سورة غافر


{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ } (53) سورة الزمر


و أحاديث كتيرة


بما معناها

"" إن الله يستحي من عبده أن يرفع العبد يديه يقول يا رب يا رب ........ فيردهما صفراً خائبتين ""


و جاء في الأثر

إنه إذا رفع العبد يديه للسماء وهو عاص فيقول يا رب فتحجب الملائكة صوته فيكررها يا رب فتحجب الملائكة صوته فيكررها يا رب فتحجب الملائكة صوته فيكررها في الرابعة فيقول الله عز وجل إلى متى تحجبون صوت عبدي عنى؟؟؟ لبيك عبدي لبيك عبدي لبيك عبدي لبيك عبدي.



كل هادا عشانك إنتا .......... عشانك إنتا يا مسلم ...... و لسه مش راح ترجع لربنا و تدعيه و ترفع إيديك بذل و تضرع إله و تقول

يــــــــــــا رب

؟؟؟؟؟؟؟؟؟؟؟؟؟؟؟؟؟؟


قولها ........ قولها بذل و انكسار ...... بالله عليك قولها و ارجع لربنا .............. والله ربنا بيحبك بس إنتا ارجع لربنا صح ...... و اخلص النية و طهر قلبك ...........

و شوف كيف حياتك بتصير


4- الصـــــدقة.


يا حماة مشروع الصدقة المرة راح يكون كبير شوي ....... ما راح يكون مشروع عادي زي كل مرة نجمع و نتصدق و و و ..... لا

المرة راح نشتغله جماعي ....... بطريقة جماعية


و بشكل كبير و موسع كمان


ركزوا معي شوي


كلكم يا حماة ....... يا بتدرسوا ....... يا بتشتغلوا .......... يا بالبيت لكن إلكم قرايب


ما في حال غير هادا الحال ...... و بدنا نستغل ال 3 أوضاع هاي

بالمدرسة أو الجامعة ........... و بالشغل ........ و بالقرايب

بدنا نجمع الناس اللي بنحسهم بجد فهمانين و حابين يشتغلوا و عندهم طاقات لكن مش عارفين وين يودوها ..... راح نجمعهم ..... و نقعد جلسة رسمية بشكل رسمي
و نقول لهم إنه إحنا بدنا نشتغل سوا ............ شغل كبير و بشكل كبير

و راح تمسوا نفسكم بنفس الإسم (( حماة النهضة ))


طبعا ً راح تشتغلوا بمشاريع كتير بس بما إنا الآن بالصدقة .... راح تقولوا لهم إنه بدكم تعملوا صندوق صدقات بينكم إنتم

كل يوم كل فتاة أو كل شاب يضع ريال واحد بس .......... بس ريال .... ما بيكلفكم شيء .........

لو إنتا جمعت 10 شباب من صحابك و صاروا معاك .......... يعني كل يوم 10 ريال ....... في 7 أيام الأسبوع ؟؟؟؟؟ صاروا 70 ريال

و كل أسبوع بترسلوهم مع واحد للمسجد عشان يتبرع فيهم .......... أو لشخص فقير بتعرفوه ......... أو لشخص بالجامعة بتساعدوه
يعني إلهم أكتر من استغلال واحد فقط

طبعا ً الطريقة أنا قلتها بسرعة فوق يا حماة ......... و ما حكيت فيها كتير و ما كان فيها لا تأثير ولا شيء

لكن قلتها هيك لسبب .............. إنه إنتم مش أي ناس ..... مش ناس عادية بتقرأ و بتمشي مرور الكرام

لا ........ احنا صرلنا سنين الآن 3 أو 4 سنين نتعلم و نتعلم ونتعلم عشان وقت الجد ......... نعرف كيف نشتغل صح


فالطريقة هاي صعبة و مش سهلة .. و بدها تفكير كويس عشان تقدر تقنع اللي أمامك يدخل معاك بمشروعك هاد ........ عشان تقدر توصله الفكرة صح

فبدك إبداع من عندك و إصرار و عزيمة ......... و إياس تيأس


اتفقنا يا حماة ؟؟؟؟؟؟؟؟؟؟


5- الذكــــــــــــــــــــــر


الذكر طبعا ً الكل عارفه ........ و الكل بيقول إنه سهل و ما في شيء ينحكي عنه


لكن لا يا حماة ......... الذكر اللي حاسينه عادي ........ و زيه زي غيره

والله أخطر مما تتصوروا ........ أخطر اخطر مما تتصوروا


و الأحاديث اللي عن الأذكار كتيرة كتيرة بكل معنى الكلمة ..... روح انتا فتح كتاب الأحاديث و اقرأ منه ..... مش لازم احنا نقلك على كل شيء و نحكيلك ........ تحرك انتا


تحرك يا مســـــــــــــــــلم

تحرك عشان دينك ....... عشان إسلامك .............. طيب


طيب عشان نفسك تحرك ........ عشان ما تهلك بالله عليك

يبقى خلونا نتفق على الذكر ...........


بعد كل صلاة ..... التسبيح 33 و الحمد 33 والتكبير 33 و الأخيرة
(( الله أكبر كبيرا ً و الحمد لله كثيرا ً و سبحان الله العظيم بكرة ً و أصيلا أفضل الذكر لا إله إلا الله وحده صدق وعده و نصر عبده و أعز جنده و هزم الأحزاب وحده , لا إله إلا الله مخلصين له الدين ولو كره الكافرون )) .


غير كدا ......... راح نضل طول النهار طول الوقت نعود اللسان يا أصدقاء .......... أيوه نعوده يضل طول الوقت يذكر ربنا

صدقوني كل شيء بيتعود ........ و اللسان بيتعود خلاص لو قعد فترة يذكر ربنا دايما بيتعود يضل يذكر و يذكر

فعودوه على هيك .........


فهو خير لكم ........... و خير لدنياكم ......... و لآخرتكم

[ZEROCOLD]

6- عدم الشتيمــــــــــة. و عـــــــــدم الغضــــــــب .


هااااا هااااااا ........ أجينا للمهمات الصعبة الآن


تقدر تعملها هاي ؟؟؟؟؟؟؟؟ تقدر ؟؟؟؟؟؟؟؟ ولا شتيمة ولا مرة وحدة حتى ؟؟؟؟؟؟؟؟ تقدر تمسك نفسك عن الشتم ؟؟؟؟؟


هاي كلنا بنشوف مين اللي بجد أعتبره بطل ....... ما يشتم حتى بسره ...... ما يشتم أي رجل ضايقه بالطريق أو بالشغل أو بالدراسة

ما تشتمي أي بنت مهما ضايقتك أو عملت فيكي أشياء سيئة


ها تقدر ؟؟؟؟؟؟ قول الصدق كنت تعملها ؟؟؟؟؟؟


كنت ؟؟؟؟


لا ..... ما كنت .......... كل الناس لما تضايق من حدا و هو ماشي بتلاقيه بيقول بسره

الله ياخده .....(( طبعا ً هاي مش شتيمة لكن نية الواحد بتكون مش خير ))

أو ..... شوف ال .... كذا ..... كذا ....... ما بيفهم ........ غبي طول عمره غبي

وو و و

أو باحيان بيلبس ذنب شعب كامل

بيجي بيقول مثلا (( الشعب اليمني متخلف )) أو (( الشعب الفلسطيني جاهل ))

تخيل ساعتها تحمل ذنب شعب كامل

فامسك نفسك ........... امسك نفسك .............. امسك نفسك


ماشي ؟؟؟؟؟؟؟؟


طيب الآن نجي للأصعب ......


7- عدم الغضــب ( و هذه أخطر من السابقة )



لو قلتلك ............ يوم كامل ما تعصب .............. تقدر ؟؟؟؟؟؟؟؟؟؟


قول الصدق عمرها صارت معك ؟؟؟؟؟؟ يوم كامل ما عصبت ؟؟؟؟؟


تقدر تمسك أعصابك ؟؟؟؟؟؟؟ معقول عملتها ؟؟؟


لا ما بصدقك ......


طيب تجي نعملها سوا ؟؟؟؟؟؟

والله بحكي جد ......... الآن احنا بالحماة 7 ........راح نشتغل بهمة مش بس تهز الأرض

بل توصل للشمس و تزلزل كيانها ....... راح نشتغل بكل الامكانيات المتاحة إلنا ..... ما راح نتوانا عن أي شيء


لسبب مهم ........ إنه كمان شوي راح تلاقوا تغييرات كبيرة كبيرة كبيرة بالحماة ........



فتيجوا نعملها سوا ؟؟؟؟؟


طيب بدنا فكرة عشان ما نعصب ........... بدنا فكرة تكون حلوة و مميزة


صراحة ....... و بدون لف و دوران ........... ما في طريقة ناجحة ولا حتى بنسبة 90% عشان الواحد ما يعصب

لكن في طرق تساعدك إنه نفسيتك هيا اللي تصير تسيطر على نفسها بنفسها


بعض الطرق هاي بتعرفها إنتا ....... خلينا نذكر إحنا البعض و الباقي عليك إنتا ^_^



1- لما تجي تتصرف أي تصرف ....... عد من 1 ل 5 بعدين تصرف

خاصة لو حسيت إنك راح تتضايق ....

و بال 5 ثواني هدول ........ فكر بشيء تاني خالص ............ شيء تاني خالص غير المشكلة اللي إنتا فيها


و خاصة خاصة .... فكر بأكتر شخص بتحبه بالكون ......... أكتر شخص ........ راح يخليك تهدى كتيركتير صدقني ...... جرب و شوف


2- أول ما تصحى من الصبح ازرع جواك و قول ........ طول النهار إن شاء الله مش راح أعصب ..... و راح أضل هادي

راح تلاقي إنه عقلك لوحده سجل الامر هادا جواه ....... فلما تجي تعصب او هيك شيء ....... مباشرة عقلك بيطلع الأمر هادا و التذكير و بيقلك (( مش إنتا قلت إنك مش راح تعصب )) ؟؟؟؟؟؟؟


واللــــــــــــــــه يا أصـــــــــدقاء بحكي جد الجد ..... إياكم حدا يفكرني بمزح


و جربوا كلامي و شوفوا

3- و أهم وحدة و يمكن نستخدمها أكتر من مرة


حــــــــــب النـــــــــاس كلها مهما كان شكلها و لبسها و لونها



بس هاي ما راح أشرح عنها بترك الفهم لك





8-) الصبـــر و التحمـــــل


(( إن الله مع الصابرين )) .

{يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ} (200) سورة آل عمران



{وَأَطِيعُواْ اللّهَ وَرَسُولَهُ وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ وَاصْبِرُواْ إِنَّ اللّهَ مَعَ الصَّابِرِينَ} (46) سورة الأنفال



{قَالَ مُوسَى لِقَوْمِهِ اسْتَعِينُوا بِاللّهِ وَاصْبِرُواْ إِنَّ الأَرْضَ لِلّهِ يُورِثُهَا مَن يَشَاء مِنْ عِبَادِهِ وَالْعَاقِبَةُ لِلْمُتَّقِينَ} (128) سورة الأعراف



{وَإِن كَانَ طَآئِفَةٌ مِّنكُمْ آمَنُواْ بِالَّذِي أُرْسِلْتُ بِهِ وَطَآئِفَةٌ لَّمْ يْؤْمِنُواْ فَاصْبِرُواْ حَتَّى يَحْكُمَ اللّهُ بَيْنَنَا وَهُوَ خَيْرُ الْحَاكِمِينَ} (87) سورة الأعراف



بيكفي آيات ؟؟؟؟ ولا كمان ؟؟؟؟


لو ركزت كويس في الآيات السابقة ..... معانيها عظيمة


الصبر و الصبر و الصبر .........


ما بدها شرح يا أصدقاء كتير ......... ما في أعظم من كلام القرآن شرح ......






9-)) مســـــــاعدة الغير و الاعتماد على نفســـــــك


هنا هاي بجد بدنا فيها الرجال أشوف ...... و بدنا نشاط الفتيات بجد



أسألك سؤال ؟؟؟؟

يا شاب


يا ترى إنتا كم مرة بتجيب الأشياء لوحدك باليوم ؟؟؟؟؟

ولا خلينا نغير صيغة السؤال


إنتا كم مرة بتطلب من إخوتك يعملوا لك أشياء باليوم ؟؟؟؟

10 ؟؟؟؟

20 ؟؟؟

30 ؟؟؟

أكتر ؟؟


طيب كم مرة ساعدت أمك بشغل البيت ؟؟؟؟ ولا أختك بحل مسألة ؟؟؟؟ ولا والدك بشغله لو قدرت ؟؟؟



يمكن البعض يقلي .......

بس صدقني أنا بعملها دايما ً ......... دايما ً ..... بساعد الوالدة و بساعد نفسي و ما بطلب من حدا


بقلك ......... فرضت عليك فرض ؟؟؟؟؟؟ ولا هيك من نفسك ؟؟؟؟


راح أوضح قصدي ....... في شباب بيكون ما عنده خوات بنات ........ بيكونوا كلهم شباب

فما بيقدر أي واحد منهم يطلب من التاني شيء لإنهم أعمارهم متقاربة و ما بيتنازل للتاني فبيضطر يعتمد على نفسه


أو بيكون إله إخوة بنات بس اكبر منه و نظام أهله ما بيسمحله يتكلم مع إخوته أو يبهدلهم ....... فبيضطر كمان يروح يعمل لوحده

أو بيكون مسافر و لوحده بالشقة زي كاسيلا ^^

و هكذا بتصير


فيا ترى إنتا بكيفك ؟؟؟؟؟؟؟ ولا فرضت عليك فرض ؟؟؟؟؟




خليك صادق و قول الصدق ^_^




و إنتي يا فتاة ...... أسألك سؤال ؟؟؟؟


عمرك عملتي شيء قبل ما والدتك تطلب منك ؟؟؟؟؟

ولا دايما ً بتنتظريها تبهدل و تنادي عليكي ساعة ؟؟؟ و إنتي تقولي ..... ((طيب طيب جاية جاية ))


و لما تعملي الشيء بتعمليه بحب ؟؟؟؟؟؟ ولا بتضلك طول ما إنتي تشتغلي تنفري و متنرفزة و ..... (( و بعدين مع هالحياة ..... جلي و مسح و كنيس .....لو إني بشتغل سجن مؤبد مع
أشغال شاقة كان أسهل ........)) .



عمرك عملتيها ؟؟؟؟؟؟


ولا عندكم شغالة بالبيت و هيا بتعمل كل الأشياء هاي و إنتي حاطة إجر على إجر و لما تجي تنظفي سريرك أصابيعك بيوجعوكي من التنضيف ؟؟؟؟

مش هادا اللي بيصير الأيام هاي ؟؟؟؟؟؟

يا خوانا أنا بجيب حقائق موجودة بمجتمعاتنا الأيام هاي


البنت ما بتكون بتعرف شيء اسمه تنظيف ولا طبخ ولا جلي ....... بس بتلعب طول الوقت

و خاصة أهل الخليج مش كلهم طبعا ً (( طبعا ً مع احترامنا الشديد لهم ........ هما إخوتنا و اغلى إخوة ))


و عشان هيك بتلاقي فتيات أهل الخليج دايما ً بيحكوا مسنجر و مع شباب و قصص و و و

لإنهم فاضيين ........ أغنياء ........ و مرفهين ...... و ما في شيء يعملوه .......


عرفتوا ليه النقطة هاي خطيرة خطيرة خطيرة ؟؟؟؟؟؟؟؟



عرفتوا ليه الرسول عليه الصلاة و السلام كان ماسك الأمة كلها

و عنده غلام بيشتغل عنده

فالغلام بيقول


"" والله ما طلب مني طلبا ً يوما ً ...... و ما نفر مني يوما ً ""


يعني عمره ما طلب مني طلب .... و عمره ما تضايق من شيء عملته له



تقدر تعمل كدا ؟؟؟؟؟ تقدر تكون زي الرسول عليه الصلاة و السلام ؟؟؟؟

تقدر تروح تساعد بالأكل و الجلي و الطبخ و تكون راجل ؟؟؟؟


هيا الرجولة عنا ......... لما إنتا تساعد نفسك و تساعد غيرك ..........

أما إنك تقعد و تنادي على حدا يعملك كذا و كذا ....... فهيك النسوة المرفهات بيعملوا




طيب بما إنك ما بتعمل كدا ........ تجي نعملها سوا ؟؟؟؟؟؟


تيجوا كلكم نبدأ الأمر هادا سوا ؟؟؟؟

نشتغل لوحدنا نساعد نفسنا بنفسنا ...... ما نطلب من حدا إلا ما ما ما ما ما ندر

نساعد الكل و الكل يصير يحبنا ......... و كلــــــــــــــــــــــــــــــــــــه


لوجه الله تعالى بس


تيجوا نعملها ؟؟؟؟؟

بإذن الله أكيــــــــــد راح نعملها كلنا ........ كلنا






وصلنا لآخر نقطة و هي أخطـــــــــر نقطة على الإطلاق


10-)) النيــــــــــــــــــــــــــــة




شفتم كل اللي عملناه فوق ؟؟؟؟؟؟؟؟؟؟ كل ال 9 نقاط هاي ؟؟؟؟؟؟؟؟


كلها على الفاضي ................. أيوه على الفاضي ..........

لو ما أخلصنا فيها النية لله تعالى بصدق

لو عملتهم عشان الناس يحبوك أو يقولوا عنك بتقرأ قرآن كتير و بتتصدق و بتساعد الناس

إنتا ضعت و ضيعت كل عملك معاك


بس لو نيتك كان


عشـــــــــــانك يا رب .............. عشانك وحدك مش عشان أي حدا تاني


ساعتها



فزتم و رب الكعبــــــــــة








كدا خلصنا ال 10 نقاط الأساسية


لكن لسه ........... احنا قلناهم على السريع يا أصدقاء


عشان نعطيكم فكرة عنهم كلهم


أما بس نبدأ الحماة و الكل يبدأ يشتغل فيهم ....... راح يكون في كلام و في نتائج و شغل و اتحاد للكل




يعني القضية طوالة أمامنا .......... إحنا بنعطي فكرة على السريع هنا بس ....... لإنه موضوع مش كتاب ^_^









إحنا كدا خلصنا المشاريع اللي مع نفسك




بقي علينا المشاريع الداخلية [[ داخل العيلة ]]

و المشاريع الخارجية [[ خارج العيلة ]]


هو المفروض نحكي عنهم ........ لكن صراحة في سببين بيمنعوا


الاول

لضيق الوقت ..... رمضان قرب .......... و الحماة لازم تنزل قبل


التاني

لإنه ما بينفع بالذات هدول المشروعين نحكي عنهم كلام عادي و نمشي عليهم مرور الكرام ....... لازم نركز فيهم بكل ذرة فينا ..... فراح نمسك كل واحد فيهم بإذن الله
بعد ما نبدأ الحماة والكل يصير يرد


بإذن الله





راح نعرض عليكم كمان فكرة عامة عن المشاريع الضخمـــــة اللي راح نبدأ الشغل فيها بإذن الله



هي راح تكون الآن فكرة عاملة لإنا زي ما قلنا راح نمسك واحد واحد بالدور و نبدأ نشتغل فيه

[ZEROCOLD]

[GLOW]~~~~~~~~~~~~~~~~~~~~~ المشاريع المختارة ~~~~~~~~~~~~~~~~~~~~~~[/GLOW]



1-مشــــاريع خارج نطاق الحماة :



1*- نحاول إسعاد من حولنا بعمل يفيدنا ويفيدهم في اى شيء + لعبة تهادوا تحابوا و تكون من ضمنها نصائح و هيك أشياء


2*-طرح موضوع في الحماة مناقشته من جميع الجوانب ...إلقائه على مجموعه سواء أهل او اصحاب
{تلخيص حلقات على خطى الحبيب بأفضل طريقة مناقشة ذلك وإلقائه على الأهل او الجيران}


3* - مجلة حائط للمنزل تتجدد مواضيعها أسبوعيا ( بمشاركة أفراد العائلة ).....


4*-تبني عائلة فقيرة مادياً عن طريق تجميع المال او معنوياً عن طريق المساعدة في حل المشاكل



5*- محاولة الكتابة في المجلات و الجرائد اليومية
عن مواضيع و أشياء هادفة يعني مثل زاوية قلام القراء



6*- كل مجموعة من الشباب أو البنات
يحاولوا لو يعملوا نادي خاص بهم لتطوير مهاراتهم
يعني يجتمعوا مع الأصدقاء و الأهل اللي في سنهم
و يعملوا جدول متكامل إلهم

* مشروع العمل الحر


*- زيارة دار المسنين و الأيتام والمستشفيات و إدخال الفرحة في قلوبهم





2-مشاريع داخــل نطـــاق الحمــاة :

1* نعرض مشكله لـِ شخصٍ مـا ..
مش شرط من الحمـاة .. أي واحد فينا بيعرف مشكله صارت مع حدا بيعرفه
يعرضها هنا
ونناقشها .. ونضع أنفسنـا مكانـه ، بحيث إنه نخرج بـِ حل جذري للمشكله
أو جزئي لو ما قدرنا
ومناقشة السلبيات و عادات خاطئة اللي بنعملها مشان نتخلص منها

2* تقسيم الأعضاء الى مجموعتين ، مجموعة تكتب أو تجمع مواضيع دعوية بلغات مختلفة
و مجموعة تنشرها عن طريق النت ....



3* تقديم دورات أسبوعية لمواضيع مختلفة ( قصيرة و متسلسلة )
و يصير كمان شخصين يتشاركو ، شخص يصمم و شخص يلخص...ووضع الدروس في موضوع مستقل للرجوع اليه بسهولة


4*- تخصيص جزء يومي بسيط لحفظ القرآن مع التفسير


5*الرياضة



6*و كتابة موضوع كل كم شهر في المنتدى العام و وضع هذه المواضيع في موضوع مشترك واحد بأسم مجلة حماة النهضه ( لنشر الدروس المفيده و اسم الحماة ) ...

{تواجه ام تهرب }



بالاضافة لتنظيم المشاريع والمسابقات



طبعا ً ممكن بعض الحماة الجدد ما يعرفوا شو بنقصد بالاشياء هاي لإنها رؤوس أقلام بس


لكن بقلكم ما تقلقوا ...... كل شيء راح يتوضح إن شاء الله بوقته المناسب بس نبدأ الشغل الجد









يا أصـــــدقــــاء


لضيق الوقت ........ مش راح نقدر نعرض الحماة كما كان يفترض


لكن الصراحة ......... إنه كدا أفضل


الإنسان لما يعرف شو راح يعمل ....... أو لما يشوف الأشياء اللي بده يعملها مرة وحدة

و نبدأ فيها مرة وحدة ........ بيتشتت ... و بصير مش عارف بشو يبدأ


لذلك كان هادا توفيق من الله إنه خلانا نتأخر في كتابة الحماة .......... سبحانك يا رب ........ و صدق رسول الله ........ (( عجبا ً لأمر المسلم امره كله خير ))


صلى الله عليك و سلم يا رسول الله







لذلك الآن احنا وصلنا للنقطة اللي قبل قبل الأخيرة






كلمـــــة للحمـــــاة فقــــــط ://



شوفوا يا حماة ............شفتم اللي فوق كله ؟؟؟؟؟؟؟؟؟؟


شفتم المشاريع والنخة و الشكر و و و و و و؟؟؟؟؟؟؟


كل الحمـاة كوم ............. و الجزء هادا و اللي بعده كوم تاني خالص بيسووا كل الحماة


فبالله عليكم ....... و عشان خاطري



ركزوا معي بالجزء هادا بكل كيانكم ........ بكل كيانكم




خلص ....... ركزنا ؟؟؟؟؟؟؟



طيب شغلوا أنشودة (( أخي في فؤادي و في مسمعي )) و أكيد الكل عنده الأنشودة




شغلتوها ؟؟؟؟؟؟


ضروري تشغلوها



طيب

بسم الله



الكلمة هاي صراحة هي أصعب كلمة ...... و أروع كلمة ......... و أصدق كلمة ........ كل شيء فيها جميل ...... كل شيء فيها صادق ....... كل شيء فيها نقي واضح صريح عفيف

الكلمة هاي هيا أصل الحماة و أساسها




يا حمـــــاة ..... الحماة هاي راح تكون جزء جديد ....... جزء مختلف عن كل الأجزاء السابقة ....... اختلاف كلي

راح تكون محور تغير لأعضاء الحماة و لسياسة الحماة و لكل شيء فيها


طيب مش المفروض إحنا كمان نتغير ؟؟؟؟؟؟

مش المفروض نبدأ إحنا بداية جديدة مع الحماة هاي ؟؟؟؟؟

مش حابين تبدوا بداية صادقة ؟؟؟؟؟؟ خالية من أي شعور ضيق من واحد ...... خالية من أي كذبة كذبتها على الحماة ....... خالية من أي غيرة من أي حسد من أي كره

نقية صافية ...........

بداية عشــــــــــان ربنــــــــا و بس مش عشان أي شيء تاني



بالله عليك ما بيوجعك لما تتذكر أو تقرأ الحماة ببدايتها ؟؟؟؟؟؟؟

ما بيوجعك لما تشوف الصدق اللي كانت فيه الحماة ..... و تشوف وضعها الآن ؟؟؟؟؟؟؟



ما آن الأوان نرجع كلنا ؟؟؟؟؟؟ ما آن الأوان نصدق مع الله و مع نفسنا ؟؟؟؟


يا حمــــــــــاة


خليني أحكي بصراحة شوي ....... في كتير من الحماة .........

كذبوا على الحماة ....

و في كتير من الحماة ........................... دخلوا بأكتر من اسم على الحماة ...

و في كتير من الحماة ........................... بيغار من ناس تانية من الحماة

و في بيحب يبين نفسه فبتلاقيه بيحكي بطريقة غير عادية عشان يظهر امام التانيين

و فيه صعب عليه يغير نفسه و يتقبل إنه هو رأيه مش صح

و في نفسيته تغيرت و بطلت طيبة زي ما كانت زمان ..... لإنها صارت تظن بل فهمت إنه الحياة كلها وحوش ... ما فيها ناس صادقة

ما فيها صدق و إخلاص و وفاء و ود .....

و كتير و كتير صار بالحماة


يمكن البعض منهم فكر الحماة هبلة و قيادة الحماة هبلة و مش فاهمة شو بيصير حواليها ..........

و يمكن البعض عجبته الحكاية فكمل فيها ..........

و يمكن البعض لأفكار براسه حابب يعملها ....

و البعض عشان يوصل لأغراض معينه


لكن يا خوانا ...... كما قال عمر بن الخطاب رضي الله عنه



(( لســت بالخب ولا الخب يخدعني))




يعني أنا مش مكار ........... ولا المكار بيخدعني



فأرجوكم .............. أرجوكم كلكم


كل الحماة بدون استثناء ....... صغيرها و كبيرها .... شبابهاو فتياتها .....كله كله


أرجوكم ارجعوا للحماة بقلب صاف زي مياه الشلال ........ صاااااااافية نقية


والله من يوم ما بدأت الحماة لليوم ......... والله العظيم الذي لا إله إلا هو

عمره حبي إلكم ما نزل ذرة

عمره صدقي إلكم ما نزل ذرة

عمره أمنياتي بإنكم تكونوا الأفضل ما نزلت ذرة


عمري ما غرت من حدا فيكم لإني ما بقيس نفسي مع حدا فيكم ....... دايما ً بقول هما الأفضل ..... و لازم يكونوا الأفضل


هيك دايما ً مشاعري تجاهكم ....... حتى لو ما حسيتوا ....... حتى لو ما شعرتوا


حتى لو بكتير أحيان حسيتوا إنه أنا تصرفت العكس


يا خوانا مش معنى إنه الإنسان بيحب التاني و صادق معاه ........ إنه يكون أهبل ............ لا


لسه من شوي قايلنها (( لست بالخب ولا الخب يخدعني ))


طبعا ً معاذ الله تكونوا إنتم الخب ..... لكن كدلالة بس


يعني لما اللي بتحبه يغلط لازم توقفوا عند حده

لما تشك بشيء خطأ ...... لازم تتحرى الامر من ورا لورا بدون ما هو يعرف

هادا كله عشان مصلحته مش عشانك شرير أو بتمكر او أو


فعمري ما غيرت شعوري تجاهكم ولا نص ذرة


فعشان خاطري ................ كرمالي

لو إلي مكانة عندكم ولو شوي صغيرة ......... ولو ذرة

ارجعوا للحماة بصدق ........ ابدوا بداية صادقة خالية من أي شعور كره أو حقد أو غيره

مش عشاني أنا .... لا ........ عشان الحماة ....... عشان ناس طيبة حبتكم و صادقة بحبها إلكم

ناس بتساعدكم بتفرح معكم و بتبكي معكم


إنتا بتنجرح الجرح ..... و هيا بتنزف الدم

إنتا بتنخبط و هيا بتقول ال (( آه ))


عشان خاطر هدول الناس اللي ياما ضحوا عشانك ....... عشان خاطرهم ارجع صادق


بالله عليك ........... لسه بتقرأ كلامي و بتقول جواك (( شوف ...... لسه جاي يضحك علي بكلمتين حلوين و يمشيني ))


انا أقسم بالله العظيم....... و ما بقسم بالله كذب


بالحماة 6 كلها المرات اللي أقسمتهم بينعدوا على الأصابع ........ القسم عندي مش شيء بسيط


صدقني والله



بحــــــــــبك ........... بحبــــــــــــــك ................. بحبـــــــــــــــك


يا كل الحماة بدون استثناء


أما الفتيات

ف....

اما الفتيات


فوالله كانوا نعم الأخوات ....................والله نعم الأخوات



جزاكم الله عنا كل خير ...........




هيا يا أصدقاء ؟؟؟؟؟؟؟؟


الحرقة اللي جوايا وصلتكم ولا لأ ؟؟؟؟؟

صدقوني بتكلم و قلبي محروق ....... نفسي إحساسي يوصلكم





أخــــــــي في فؤادي و في مسمعي ........... و في خاطري أنت و الأضلعي

أخي في حناياك يجري هواي ........... و روحك في الكون تسري معي




أنتم إخـــــــــوتي


روحي فداكم و عمري ما بتخلى عنكم .......... فعشان خاطر الحرقة هاي


ارجعوا صدق شفاف صافي نوثق فيه من أول كلمة يقولها





عــــــــودوا إلينا فالحنين أدمى فؤادي

عــــــــودوا إلينا فالقلب بالدماء ينادي

عــــــــودوا لخير أخوة ٍ رأت الورى [ الورى=البشرية ]

صدق و إخلاص و حبُ بلادي

عــــــــودوا فقد أوصى الرسول محمد ٍ

بالحب يبقى ملتقى الإخواني







يـــــــــا رب شعوري يكون وصل بكل ما فيه من حرقة .......... يااااااااااااااااااااااااااااا رب يااااااا رب

[ZEROCOLD]

بقى كلمة القـــــــائد ://


الكلمة هاي خطيرة يا أصدقاء ...... و هي مش كبيرة ... راح تكون سريعة ما بطول عليكم فيها



هي عدة نقاط



1- الظلم ظلمات يوم القيامة


يا أصدقاء ..... يا إخوتي .......

إن كان بيوم ظلمت أو آذيت واحد فيكم ....... فبالله عليك يا اللي ظلمتك تعال و قولي إنتا ظلمتني بكذا كذا .. و ناقشني و احكي ... ما تسكت و تضل ساكت و فجاة ألاقيك بتقول (( إنتا ظلمتني))

ساعتها بتكون بتطبق على نفسك مقولة (( القانون لا يحمي المغفلين ))

يعني ما تضلك ساكت و تجمع و تجمع و تجمع و فجاة تحكي

حتى هاي مش من شيم الأخوة


الأخوة إنك تنصح أخوك مهما كان العيب .... الأخوة لما أخوك يظلمك تقله إنتا ظلمتني ...... و تناقشه و تفهمه ليه هوا ظلمك


و عشان هيك حاطط بتوقيعي (( رحم الله امرئ ٍ أهدى إلي عيوبي ))


هاي اول نقطة ....... و أرجوكم ..... كونوا رجال و احكوا و ناقشوا لو شفتم فيا أي خطأ ......... ما تضلكم ساكتين على خطأ شايفينه فيا


و والله ما بتضايق .... بالعكس بفرح لما حدا يحكيلي إنه فيك خطأ ........ و بحبه أكتر




تاني نقطة


2- هو فضل من الله لا عيب



هيا نقطة حبيت أوضحها ..... و كتير كتير الحماة صارت عليها نقاشات و مشاكل


قصة إنه الحماة بتخاف من ألفريدو .......... خاصة الفتيات


خليني أوضح النقطة هاي يا أصدقاء


عمر بن الخطاب رضي الله عنه ... كان مرة ماشي بالشارع فوراه مجموعة من الصحابة

فسمع صوت خلفه ..... فالتفت إليهم فجاة


فصكت ركبهم

يعني ركبهم ضربت ببعض


فقال عمر ما بكم ؟؟؟؟


قالوا خفناك

فقال بخوف

هل ظلمتكم بشيء ؟؟؟؟؟؟؟

قالوا لا


قال هل أكلت حق أحدكم ؟؟؟؟

قالوا لا

قال هل قصرت في أحد فيكم ؟؟



قالوا لا

فقال رضي الله عنه

(( إذن اللهم زدني هيبة ))


قالها و هو فاهم شو بيقول



و يا ريت كلنا نكون زي عمر بن الخطاب و نوصل لمستواه يا رب


فالقصة يا حماة .... مش قصة خوف لا


هيا احترام ........ و كلام صح


إذا ربنا أكرمني باحترام و هيبة

فهادا مش شيء خطأ ........ كنت بدي أقول .... (( الذنب مش ذنبي ))

لكني بطلت

لإنه هادا شيء فخر ..... و هبة و فضل من الله على الإنسان و ليس خطأ



فلما نجي لمواقف يتعارض رأي ألفريدو فيها مع رأي كتير من الحماة

زي أبسط مثال قوانين الحماة لما قلنا ممنوع الرسائل الخاصة بين الفتيات و الشباب .... كتير اعترض و قال لا بدنا رسائل و القوانين صارمة و و وو


لكن كل فتيات الحماة وافقوا على القوانين و بحب كمان


مش عشان بيخافوا ألفريدو ولا عشان هيبة ولا احترام ..... لا

لكن لنظرهم هما شايفينه الصح


لإنه أهلهم ربوهم على تربية إسلامية صحيح أو خلينا نقول قريبة جدا من الصحيحة

و فتيات الحماة بيتصرفوا هيك ..... و الحماة ما بيمشوا على عادات و تقاليد ..... لا الحماة واعية جدا جدا

فعندهم إنهم يكلموا شباب ..... هادا شيء خطأ ......

فعشان هيك بيمشوا مع رأي ألفريدو ........ لا خوف ...... ولا رهبة ولا هيبة ولا احترام حتى


وضحت النقطة هاي يا حماة ؟؟؟؟؟ يا رب تكون وضحت كويس






3- و آخر شيء


يا أصدقاء ......... يا كل الحماة ........ اللي شايف شيء بالحماة مش عاجبه ......... او حابب يغيره ....... يقول لنا


احكي قول تكلم ........ مش عاجبك مجلس الحماة قول مش عاجبني


لسبب كذا و كذا


مش عاجبك القائد ؟؟؟؟؟ قول مش عاجبني لكذا و كذا ..... و بدي يصير كذا و كذا

ما تخاف ما تهاب ... ما تقول (( بلاش أطلع خطأ مش حلوة ))



بالعكس


نيوتن عمل 99 تجربة فاشلة لصنع المصباح الكهربائي


فضحكوا عليه و قالوا له ....... مش راح تصنعه ........ إنتا فشلت 99 مرة


فرد عليهم و قلهم ............ (( انا ما فشلت ....... انا وفرت على البشرية 99 تجربة فاشلة يعملوها ))

قصده إنه البشرية مش راح تعيد نفس التجارب ال 99 اللي مر فيها .... فبهيك بيكون وفر على البشرية 99 تجربة فاشلة



فقول واحكي و ناقش ......... ولو طلعت خطأ ..... بتكون وفرت على كل الحماة إنهم يعيدوا نفس الخطأ اللي وقعت فيه








اتفقنا يا أصدقـــــــاء كلكم ؟؟؟؟










مجلـــــــــس الحمـــــــــاة الاستشــــــــــاري


ببساطة شديدة ........ هما مجموعة من الحماة

راح يكونوا مسؤولين عن الحماة بحدود مسؤولياتهم و المسؤول عنهم القائد

راح يكون عليهم أغلب الشغل و ضغط كبير


كل الأسئلة راح تكون عليهم و الاستفسارات و الاقتراحات و الشكاوي


راح ترسلوا أي اقتراح أو استفسار أو أي شيء على عضوية اسمها


حماة النهضة


يعني لما بدكم ترسلوا رسالة خاصة ......... بترسلوها لعضوية اسمها حماة النهضة


و المجلس الاستشاري راح يرد عليكم بالتأكيد إن شاء الله


و هادا رابط توضيحي أكتر عن مجلس الحماة الاستشاري


http://www.mexat.com/vb/showpost.php...ostcount=16544
















وصلنا الآن لآآآآآآخر جزئية من الحماة

[ZEROCOLD]

الختــــــــــــــــام






بالحماة اللي فوق ...... بذلنا كل جهدنا .......حطينا كل الخبرة اللي نملكها فيها ...... و لسه راح نحط و نحط



هادا مش الختام .............. هاي هيا البداية فقط .......... و ليس الختام


بداية العمل ............ بداية الشغل .............. بداية النهضة


نسأل الله العظيم رب العرش العظيم أن يكون قد وفقنا في نشر هذا الجزء من الحماة


و يا رب يكون فادكم و راح يفيدكم بإذن الله


و إن شاء الله تنبسطوا فيه






و أي إضافة أو شيء ناقص قولوه عشان نلحق نعدله بالموضوع مباشرة قبل ما يخلص وقت التعديل


ربي يحميكم كلكم .... و يحفظكم









سبحان ربك رب العزة عما يصفون ..... و سلام على المرسلين ...... و الحمد لله رب العالمين



سبحانك اللهم و بحمدك ..... نشهد ألا إله إلا أنت ...... نستغفرك و نتوب إليك









[GLOW]ألفـــــــريـــــــدو
.
.
.
.
.[/GLOW]

[ZEROCOLD]

يا حماة


كدا الحماة 7 خلصت



أنا حاسس حالي متت بجد و ما ضل فيها أي ذرة طاقة


الساعة 3.47 الفجر

و بكرة لسه علي تمرين كرة قدم


بجد راح يصير فيا شيء ......... أجيت من الشغل مباشرة على الحماة ما أخدت نفس واحد حتى


فلازم أروح أتريح الآن


ربي يحميكم يا رب






ملاحظة مهمة جدا


لو شفتم أي خطأ بالحماة هاي نبهوني مباشرة عشان ألحق أعدلها قبل ما يسكر التعديل



الله يحفظكم

[pirate_sma]

معليش اخوي بس وش سالفتها الحماه

والله اني اشوفها بس عجز افتحها اشوف الردود كثيره واقول اما ابناظر الردود وتبي الصراحه

متعيجز اقرء كل الكلام

يعني لو سمحت عطني بالمفيد المختصر

وشكرا

[y.w.i]

[GLOW]السلام عليكم و رحمة الله و بركاته[/GLOW]
ما كنت متوقع تكون مشاركتي من اوائل الردود على الحماة الجديدة
[GLOW]الفريدو[/GLOW]
الله يعطيك الف عافية على تعبك و مجهودك من اول الطريق حتى الان

شفتك من الساعة 2 بالليل جالس تكتب بالحماة 7 و سهران عليها الليل في سبيل انها تنزل في موعدها

لي عودة في وقت لاحق عشان احط رد

لاني ما كملت قراءة

بدي اقرأ لما اكون مصحصح


الف مبروك لنا جميعا و جمعة مباركة يا رب

اخوي pirate_sma

اهلا و سهلا بيك بينا في الحماة

و بما انك كنت اول رد على الحماة 7

اتمنى انك تستمر معنا لانو شكلو الموضوع استهواك ^^

و حتى تحصل على المختصر اقرأ الـ 12 رد اللي قبلك

من نظرتي السريعة عليهم

أقدر اقلك انو راح يكون فيهم جواب على كل تساؤلاتك ان شاء الله

[FRIEND]

السلام عليكم ورحمة الله

مـُبارك لنا جميعاً عَ الحماة السابعة
إن شاء الله تكون أفضل الأوقات فيها .. يا رب

قرأت الحماة ، وصدمتني أمور كثيرة جداً منها
ليس لـ عدم درايتي بها ، لـ عدم تفكيري بها

أعتقد أن بعض الأفكار توضحت لديّ ، بعد أن فهمتها سابقاً " خطأ "

الآن .. سأحاول حصر المشاريع كُلها برؤوس أقلام
وحظفها لديّ لـ حاجة في نفس يعقـوب

لكن قبل ذلك ، في حاجة مهمـّه جداً


ألفــريـدو

بصراحة نسيت شخص آخر بالحمـاة
شخص إله الفضل الأكبر من بعد الله لـ جمعنا هُنا

إنتَ يا ألفـريدو

ما بينفع تحكي عن نفسك ، يحسبه البعض غـُرور
لكن واللهِ .. كل الكلام الذي قلته لأعضاء الحماة جميعاً .. فيك أنت

ما أذكر يوم من الأيام بخلت بشيء علينا ، كُنت دائماً تعمل لـ نكون الأفضل ، وأفضل منك مثل ما أسلفت


شكراً بـ حجم السماء يا صديقي

على كل نصيحة ، على كل تحذير
على كل شيء .. قدمته لأجلنا

- قبل النهايــة

اليوم الجمعة .. أحكي ولا بلاش ؟
ما بدي إياكّم تخرجوا من تأثير الحماة عليكم ..

لا تنسوا الكهـف ، والدعاء لـ التوفيق بالجزء الجديد من الحـُماة

- لي عودة قريباً

[FRIEND]

أخي العزيز / Pirate

أعتقد أنك ستجد الجواب الشافي في هذا الجزء الجديد
حاول قراءة الموضوع من بدايته بلا تذمر

فيه جزئيـّة لك أنت خصوصاً كـ قارئ ، وتعريف شامل للحماة
وأمور أخرى ، إن أحببت الإنضمـام لنا

كُن بخير

[**نغم**]

ماشاء الله ماشاء الله الحماة 7 نزلت اخيرا...

جزاك الله خيرا ياقائدنا بصراحة كل شئ ذكرتة مانسيت حاجة...

الحماة فعلا ضخمة وكبيرة وانا الحمد لله قرأت كل حرف فيها...

ويارب تكون فاتحة خير وبركة..

بصراحة لما قرأت اول مرة اشعر بالشعور دا اتحمست كتير وحسيت انى مسؤلة عن النهوض بأمة الاسلام...

ويارب نبدأ المشاريع وكل شئ قريبا او من اول رمضان ان شاء الله....

ماراح اطول بس جزاك الله خير الجزاء وادخلك فسيح جناتة ان شاء الله..

فى امان الله

اختكم نغوومة
اصدقاء للابد

[نبض فلسطين]

السلام عليكم و رحمة الله و بركاته
كيفكم ياحماة ؟
يارب تكونو مبسوطين زيي
و مبروك علينا كلنا الحماة بجزءها الجديد
انا قرات الكلام كله
بس و الله مش عارفة ايش بدي ارد و اكتب
الله يعطيك العافية اخي الفريدو
و الله انك تعبت كتيير
ربي مايضيعلك تعب ان شاء الله
و ان شاء الله تكون الحماة 7 بداية خير علينا جميعا
خصوصا انها نزلت مع وصول رمضان المبارك
يجعلها ربنا مباركة علينا
يارب يارب يارب تساعدنا في تحقيق كل الاهداف اللي بنطمحلها
و مانخذل اخونا وقائدنا الفريدو
لانه بجد بذل جهد كبير
الله يحفظك و يحميك و يرعاك اخي الفريدو
سلااامي لجميع الحماة بدون اي استثناءات

[الزهرة المتفتحة]

بأشكرك كتير أخي الفريدو على الحماة باين عليك تعبت كتييير عندك ما شاء الله طريقة اقناع حلوه

الله يحفظك ويحميك والله يجعله في ميزان حسناتك أخي

وان شاء الله يكون هالحماة أحسن من كل اللي قبله ومايصير فيه أي خلاف باذن الله الواحد الأحد

أنا صح ما كتبت في الحماة الا قليل يمكن لأني ما بديت من الأول

بس هلأ حبدأ معاكم من الأول وحأستمر ان شاء الله

وبمناسبة افتتاح الحماة الجديد

بهديلكم يا اخواني هالزهرات



الزهرة الاولى

تذكر ان ربك يغفر الذنوب لمن يستغفر ويتوب على من تاب ويقبل من عاد

الزهرة الثانية

تفاءل فالله معك والملائكة يستغفرون لك والجنة تنتظرك

الزهرة الثالثة

امسح دموعك بحسن الظن بربك واطرد همومك بتذكر نعم الله عليك

الزهرة الرابعة

لا تظن بأن الدنيا كملت لأحد فليس على ظهر الأرض من حصل على كل مطلوب وسلم من أي كدر

الزهرة الخامسة

اذا كان الله معك فمن تخاف واذا كان الله ضدك فمن ترجو

الزهرة السادسة

اذا أقبلت الهموم وتكاثرت الغموم فقل: لا اله الا الله

الزهرة السابعة

نعم لصحبة الأخيار ممن يخافون الله وحيون الدين ويحترمون القيم

الزهرة الثامنة

نعم لبسمتك الجميلة التي تبعث الحب وترسل المودة للآخرين



ما بتلاحظو انه الحماة 7 نزل في يوم جمعة ويوم الجمعة أحب الأيام الى الله

اللهم في هذا اليوم المبارك ابسط على من أحب من بركاتك وفضلك ورحماتك ورزقك ونعماتك

اللهم اشغل قلوبهم بحبك وألسنتهم بذكرك وأبدانهم بطاعتك وعقولهم بالتفكير في خلقك والتفقه في دينك

اللهم آمين



وقبل ما أختم كلامي بهنيكم بقدوم الشهر الفضيل والله يجعله شهر خير وبركة على الجميع

والله يقدرنا على فعل كل ما يحب ويرضا

وأخيرا اخواني الحماة ان شاء الله ربي يقدرني على تقديم كل شي مفيد لكم لأنكم بتستاهلو كل خير

والسلام خير ختام




( ألا بذكر الله تطمئن القلوب )

اذكر ربك وصلي على نبيك في كل وقت

لا اله الا الله محمد رسول الله

اللهم صلي وسلم على سيدنا محمد صلى الله عليه وسلم

[**نغم**]

ياحــــــمـــــــــاااه

ما تنسوا سورة الكهف والصلاة على سيدنا محمد