الصفحة رقم 1 من 7 123 ... الأخيرةالأخيرة
مشاهدة النتائج 1 الى 20 من 127

المواضيع: إحنا بنتكلـّم ..

  1. #1

    إحنا بنتكلـّم ..

    attachment



    السلام عليكم يا عرب

    " لمّا حد يحكيلك ، يا عربي ، إعرف إنه بيشتمك "
    - فجر العزيز tongue

    بعيداً عن الوقِع السياسي ، الذي يتجرعه كُلّ منّا يومياً ، كـ قهوة الصباح ، التي أصبحت أشبه بـِ " فرض " أيضاً على البعض منّا

    وواقعنا العربي ... ما في داعي أشرح عنه لأنه واقعنا أشهر من نار على علم زي ما كان يقول واحد ، الله يبشبش الطوبة اللي تحت رآسه

    وهسه ، وخير اللهم أجعله خير راح ننتقل لمرحلة ثانية يمكن تكون مرحلة اجتماعية بعيدة
    عن السياسة ، وان دخل فيها شي من السياسة بكون هذا من منطلق تدخل السياسة اللئيمة
    في النواحي الأخرى من الحياة ، كالعادة أقصد !


    طبعا الآن ، الأغلبية بقولوا : شو بحكي المجنون هذا
    فـ إعذروني !
    و
    " معلش إحنا بنتوشوش " ( من الوشوشة ) وهي التكلم بصوت غير مسموع في اذن
    أحدهم او إحداهن إن حالفني الحظ !
    اخر تعديل كان بواسطة » missme في يوم » 27-10-2006 عند الساعة » 15:12


  2. ...

  3. #2

    وَ أي شيء


    حياتنا في المجتمع العربي مليانة أمور سلبية وإيجابية وما في دولة خالية من أمور

    لازم نسلط الاضواء عليها لكن مش مثل تسليط الاضواء على بنت حاطه كيلو مكياج

    على وجهها وقاعدة بإستديوهات روتانا مثلاً

    // .. //

    هُنا سأسلّط الضوء على كُل شيء ، بما أن الضوء لا نراه إلا ساعات محدودة يومياً

    ببساطـة ، وبـ صراحة

    سـ أتكلـّم

  4. #3
    فكــــــــــرة رااااااااااائعه اخي الكريم ....

    وننتظر منك بدء الاشارة ...

    اشـــــــــارة التعبير عن الارآء

    مع احترامي اختكم

    سراب الروووح
    رسالة الى ابي الراحل

    لان طالت بنا الغربة وحاالت دون لقيانا ..

    وعاد الطير للغصن ..يغني النصر جلانا ..

    اعود اليك في زمن شغف ابث القبر تحنانا ..

    انثر فوق مثواك دموع الشوق ريحانا ..

    ياحلمي الموعود قد عدت فلاترحل

    ولاتجرح بحد الوجد وجداني ..وجداني

  5. #4

    أهلاً بـ / سراب الروح

    الله يسعدك ، ويجعل حياتك مليئة بالسعادة ، بعيداً عن كل المشاكل الي أغلبها بتسببها المؤسسات الحكومية
    وبتعكر حياة المواطن العربي من المحيط الى الخليج
    وأخص بالذكر " وزارة الداخلية " وسلطة الجمارك ومحلات فري بيبي !

    كوني بالقرب ، دوماً

  6. #5

    وعلى سيرة السعادة ..
    بيقولوا من الأمور الي بتوجد السعادة ، أنه الانسان يكون فوضوي بحياته ومش متقيد
    بأي روتين يومي ، لأنه الروتين يسبب إحباط ومسار واحد للحياة لا يشكل سوى الملل !

    عشان هيك الواحد يكون شوي فوضوي بحياته وما يخلق مسار معين لحياته

    " يعني مثلي cool "

  7. #6
    في مثل عندنا بيقول :

    " اللي بيخاف من البعبع بطلعله "

    طوال طفولتنا وإحنا بنسمع بكلمة بعبع ، وكنّا كثير نخاف لمّا نسمعها ، وكبرنا وما شفناه !
    حالنا هالأيام مع إيران صار زي طفولتنا مع البعبع ، بل إنه تجاوز بنا الأمر في كبرنا ، لأن ننسى عروبتنا وقوميتنا وإنتمائنا لأنفسنا ، بمجرد ما ينذكر إسم " إيران " !


    بعض الدول العربية أوجدت في داخلها وهم من رعب اسمه إيران قادهم إلى الهلوسة
    والتخبط وعدم التفريق بين الأخ والعدو .

    و لأن " فلان " بيكره إيران وبيحكيها علناً ويخفي خوفه منها أصبح يتمنى لإسرائيل
    أن تنتصر على أخيه المسلم ، ليس لشيء وإنما لأن اسرائيل عدوة ايران وهذا المسلم تسانده ايران !

    فتنكر البعض لأنفسهم قبل أن يتنكروا لأخوة لهم في لبنان ولمقاومة أعادت كرامة أمة كاملة

    ولأنهم يخافون إيران نظروا لما يحدث في لبنان على انه مشهد مسرحي وفرصة
    للتعبير عنه بنص أدبي أو لوحة فنية يقدمون على عملها وهم يتمنون أن تنال الإعجاب
    مبتعدين كل البعد عن أي احساس بالعروبة ، ولما يكن أمامهم سوى مشهد طفل
    يقتل يجب التعبير عنه بـ نص ادبي او لوحة ، بينما المشهد الأخر ( المقاومة )
    فكانت نظرتهم اليه نظرة كره وكيل من الإتهامات بأنها فعلت وفعلت وغامرت
    يقتفون أثرها بالتفاصيل المملة ليوجدوا " إيران " هذا البعبع الذي عشعش في داخلهم .


    ولأن إيران اصبحت في داخل البعض البعبع المخيف ذهب هؤلاء لتمجيد أمريكا واسرائيل
    وكانوا فعلاً حالة تدعوا للغرابة في ظل تفكير وصلوا إليه

    كيف لإنسان أن يتحالف مع الشيطان ( أمريكا ) الواضح والموجود ضد وهم وسراب ( الخوف من أن تعتدي عليه ايران )

    وأخيراً ...

    فكرة إعتداء إيران على من ينظر للأمر هكذا هي وهم وسراب والعدو المعتدي الحقيقي
    لكل عربي معروف للجميع ، معروف بأفعاله وعربدته في الوطن العربي وبدلاً من شتم

    المنار

    والسفير

    و نيو تي في

    وغيرهما لمجرد ان لهم صلة ولو بسيطة مع حزب الله

    لـِ ننظر للإعلام الأمريكي والغربي كيف يعاملنا وكيف ينظر الينا ، لعلنا حينها نعرف
    قدرنا ومكانتنا عند أمريكا التي مجدها البعض بغباء وجعل الأخ عدو بغباء أيضاً

    رأسي بيوجعني ، بدي أروح أعمل قهوة ، وأرجع تنحكي بـِ لعبة " السياسة الحقيرة "!

  8. #7

    رحت أعمل قهوة ونسيت إني دخلت المستشفى بسببها frown
    بالزبط مثل ما الحكام العرب نسيوا فلسطين ولبنان ، ونسوا كل شي عربي
    في حين تذكروا ولائهم لبوش وبلير بالزبط مثل ما تذكرت اني لازم أرد على رساله من عضو مهم

    وبالنسبة لقضية النسيان ، الحاكم العربي بنسى إنه لجسمه عليه حق وإنه قدّم كثير للبشرية
    وصار لازم يرتاح ويشوف نفسه عاد !

    ويروح على شي مكتب سياحي يحجز لرحلة
    إلى جزر هاواي أو يروح الصومال .. biggrin

    الصومال بلد كثير منيحه وفيها موز منيح وقرن الموز هناك ع الأكيد راح يعجب
    الحاكم العربي لأنه كبير كثير والحاكم ما شاء الله متعود دائماً على كل ما هو كبير ليكون في مستوى مكانته الكبيرة

    وإذا سيادته ما بحب الحرارة في الصومال بإمكانه يوخد معه مكيف كرافت
    هاي مكيفات منيحه والدليل إنه الدعاية تبعتها عملتها فيفي عبده يعني ما في مجال للشك
    في قدراتها للتخفيف عن سيادته ( طبعا المكيفات أقصد مش فيفي عبده tongue )

    أماكن كثيرة بنصحه يروحها إلا مكانين وهما بيروت وغزة لانه الجو مش مناسب لسيادته
    خراب ، ودمار وقتل ووجع رآس ، وسيادته مش متعوّد عَ الدمار والدم !

    بلاش نفسه تغم عليه ويحس بدوخه ويصير يتوحم بدو يرجع لبلده وبالتالي للحكم
    بالزبط مثل بوادر الحمل عند المرأة

    كل هالحكي طبعا بصب في خانة وحدة هي راحة سيادته ... وبس rolleyes

  9. #8
    هذه هي لعبة السياسين ....

    فمثلا .....


    بتلاقي شخصية سياسية وخلنه نرمز لها بحرف (س) في مكان مع شخصية بحرف (ص) بعد بنص ساعة في مكان ثاني ....مع شخصية

    بحرف (ع)

    مــــــــــــا شـــــــــاء نشاط مستمر وفي حركة دائمة لتغطية الوضع واستقرا الامن ..>>>>>>>>>>>> ما شاء الله يحرص على احوال

    دولته

    وما تسمع الا ان الدوله الفلانية حصلت على وسام النظافة ....وسام الصحة ...........و.......و........... الخ >>>>> الاوسمة ملاينة الدوله

    والبلد بأسوا حالاته ..........ما تدري من وين هالاوسمة جت .,,,,,,,,,,,,,,>>>>>>>> بالقرعه يمكن ههههه

  10. #9

    4077568376

    الحجة نانسي زعلانة كثير بسبب الشائعات الي بتقول انها تحجبت

    وقالت :
    ارحموني من الاقاويل والشائعات

    واضافت:
    لقد فوجئت بتصرف غير مسؤول من شخص يوزع صوراً لي تم تنفيذها باسلوب الفوتوشوب على الكمبيوتر وأنا أرتدي الحجاب، وهو ما لم يحدث !


    طبعا مثل ما لاحظتوا البنت متضايقة كثير يا حبة عيني وواصله معها ...

    كل هذا لانهم قالوا انها تحجبت
    فكركم لو قالوا : انها نامت بحضن فلان بتزعل هيك ؟

    أنا شخصياً وما بحط بذمتي ما بتوقع إنها تزعل أو تعمل شي ، لأنه الوسط الفني
    لا يناموا إلا في الأضواء الخافتة والرؤية المعدومة وما يقع تحت مسمى " خلف الكواليس " !


    - ربما أعود

  11. #10
    " لمّا حد يحكيلك ، يا عربي ، إعرف إنه بيشتمك "
    جملة مؤلمه..ولكن واقعيّه..مرّة قرأت ان الممثل الاميركي ميل جيبسون عرض عليه ان يمثل دور زعيم عربي في فيلم ..فرفض قائلاً:لن امثـّل دور حشره!
    هُنا سأسلّط الضوء على كُل شيء ، بما أن الضوء لا نراه إلا ساعات محدودة يومياً

    ببساطـة ، وبـ صراحة

    سـ أتكلـّم
    تكلّم يا اخي ..تكلّم..صدقني حتى ولو لم يكن هناك ردود..فتأكّد ان هناك (مستمعون)..فنحن دائماً قد اعتدنا.. ومنذ عشرات السنين..ان نكون مستمعين لا اكثر!
    اشكرك على الموضوع الجريء والمميّز..وبأنتظار باقي (الكلام)
    KN519646

  12. #11

    دعم لوجستي


    من ضوّ الصبح وما في على لساني الا كلمة " دعم لوجستي "
    للأمانة مش عارف معناها .. كل الي بعرفه انه تعبر عن الدعم !

    هالكلمة الله وكيلكم زهقناها .. بنسمع دعم دعم وانكسر خاطرنا
    ومش شايفين لا دعم سلاح ولا حتى دعم بالكلمة الحلوه

    ما علينا .. خلينا نخش في الموضوع وبيني وبينكم شايفه موضوع راح يطول


    سألت حالي قبل ما أبلش أطرز :

    ليش بكتب بهدوء وعَ السكت مع إني لو كسّرت الغرفة ما حد سامع
    وإلا هذا يعتبر من ضمن الدعم اللوجتسي للجيران بحيث يكونوا في جو من الهدوء وراحة البال وحياة سعيده مئة بالمئة ( على رأي القرارات الدوليّة ودعاية صانسيلك )

    هون بكمن السر على مستوى حارة صغيرة بقرية صغيرة في دعم لوجستي وبما إنه هالعالم أكبر منا بكثير بإمكانا نطور الدعم أيضاً

    يعني مثلا : تعطيني خيارة اعطيك رغيف خبز
    تضربني بـ أف16 ألبسلك حزام ناسف

    المهم يبقى في الموضوع تبادل مش مهم نعمل حريقة أو" حريكة " ع قولة الفلسطينيين او نلبس طاقية قش ونروح سياحة على الأهرامات وأبو الهول tongue

    وعلى سيرة الأهرامات ... بتذكر كانوا يحكولنا في الصف الأول الابتدائي إن الفراعنة كان الدعم المتبادل عندهم مع الشعوب الثانية
    دعم على قد حاله بحيث انهم صاروا أعظم شعب وقوتهم انتشرت وكبرت ( كلنا بنعرف هالقصة ) لحد ما اجت امراة العزيز وحصحص !

    وبلشت اخلاقهم تخرب وتنازلوا عن دعمهم اللوجستي للأنبياء
    ووصلت فيهم يخافوا يدخلوا فلسطين .. ليش يا جماعة فكركم ؟

    ما بدها تفكير .. طبعا لأنه إحنا عايشين فيها وكانوا يخافوا منا

    { قَالُوا يَا مُوسَى إِنَّ فِيهَا قَوْماً جَبَّارِينَ وَإِنَّا لَن نَّدْخُلَهَا حَتَّىَ يَخْرُجُواْ مِنْهَا فَإِن يَخْرُجُواْ مِنْهَا فَإِنَّا دَاخِلُونَ }

    { قَالُواْ يَا مُوسَى إِنَّا لَن نَّدْخُلَهَا أَبَداً مَّا دَامُواْ فِيهَا فَاذْهَبْ أَنتَ وَرَبُّكَ فَقَاتِلا إِنَّا هَاهُنَا قَاعِدُونَ }

    سبحان الله من زمان الفراعنه حتّى زماننا هذا ، بنشكل بؤرة
    رعب لكل شعوب الأرض << الله يقوينا ... icon6


    7 - 2006

  13. #12

    كتب بني آدم وقال :

    الفتى الذي كانت النجوم تؤرق أحلامه
    كان يهمس حين يستبد به السؤال:
    "هل هناك متسع من الوقت في هذه الحياة
    للاندهاش منها؟؟"


    أصلا احنا عايشين في اندهاش يا أخي من زمان
    الحمد لله كل شعوب المنطقة مندهشة يمكن لانها محرمة من الدعم
    اللوجستي النفساوي الي حكيت عنه سابقاً ( حلوه كلمة نفساوي tongue )

    وزاد إندهاشنا لما برجين مانهاتن وقعوا وارتطمن فيهم الطيارات
    بذكر هذاك اليوم 99% ( هالمره مش من دعاية دوف ) من شعوب المنطقة تسمّروا أمام التلفزيونات وكنا زينا زيهم بصراحة
    ومش عارفين إنّا مثل الديوك .. والسكين واخذانا ومن حرارتها
    مش حاسين انها بتذبح فينا ..

    لو وقتها ما كان في حالة اندهاش وفي حالة دعم لوجستي للفكر
    وتوقع المسقبل لاكثر من خطوة وحده صدقوني كان عرفنا
    أنها العراق راح تضيع
    واليوم لو دعمنا اللوجستي الفكري يطلع من حالة الاندهاش راح نعرف
    انه دول كثيرة رح تضيع

    السؤال الذي يُدهشني دائماً :
    كيف إستطعنا أن نسقط جميعاً بـ رصاصة واحدة ؟

    نفسي أحكي كثير بس بدي اشرب القهوة اللي بردت ، وحتى العودة .. كونوا بخير

  14. #13

    روجينــا

    أحياناً سكوتنا يعد نِعمة نُحسد عليها .. حقاً

    لكن أن يتمادى ذلك السكوت ، أمراً لا يتحملّه الجميع

    سكتنا كثيراً .. وحان وقت " الكلام "

    " بـِلا قيــود "

  15. #14
    Friend




    اي نعم نحن بنتكلم وبنتكلم وبنتكلم........................................... .................................................. ..............................وبس



    الحمد لله لسا ما انعمل حظر على الكلام....... او على الاقل لهلا...



    فاتكلم واتكلم واتكلم ونحن معك بأذن الله.......


    ــــــــــــــــــــــــــــــــــــــــــــــــــ ـــــــــــــــــــــــــ



    ما شاء الله عليك دايما مواضيعك في اوج التألق والروعة..والتجدد كمانsmile



    كان بودي اشارك اكتر من هي الكلمات بس الوقت ما بسمح للاسف..مرة تانية....



    ما الي غير اقول يعطيك الف عافية والله يوفقك..



    وزي ما قلت الله يقوينا....



    وبنتظر التكلمة .....................بشوق....gooood




    جنووووون الحياة
    اخر تعديل كان بواسطة » جنووووون الحياة في يوم » 20-09-2006 عند الساعة » 11:24

  16. #15
    " بـِلا قيــود "



    ..



    أحسدُ تِلكـَ الجُرأةَ( ! )



    يا خّيي .. ..





    عفواً إلى الـ ------>> " فُصحى "



    بالأمس بـِ الأمس القريب على قناة " الجزيرة "

    " كادة المطرقة " ان تشج السندان

    والمشرقينِ .. (( عفواً " شوقي " ))


    " وَ المشرقينِ علِينا يَنتَحِبانْ "

    ــــــــــــــ ،، ــــــــــــــ


    حسناً جزِؤوا المُجزئْ ..

    .. وَ فَكِكوا المُفَكَكـْ

    أين الملاص..؟؟

    ــــــــــــــ ،، ــــــــــــــ


    قالها " فُلان " ورددها مِن بعدِهِـ " عِلان "

    وَ سأقولُها مِن بعدِ هِـم


    فلندعْ لِـ " لُغة العقلِ موطِئَ قدم "


    يجبُ ان أنضُرَ بل ننضُر إلى الهدفِ القومي " أ تتناسب هذِه الكلمة مع

    الواقع ..؟ "

    إلا الـ " عُروبة "

    هل الإنصياعُ لـِ القطب الأوحد في هذا العلم يعني:-


    دويلات وَ تَكتُلات ------>> مصيرُ دولِنا


    أيريدون تطبيق أجندتهُم في شعوبنا ..!!


    أما خسِؤوا ..( ! )

    ــــــــــــــ ،، ــــــــــــــ


    لوجستي


    ما أشد كُرهِي لـِ هذا المعنى


    ــــــــــــــ ،، ــــــــــــــ



    مـَ ذَ ا فَـ عَـ ل الـ ..؟

    لوجستي وَ الإستراتيجي وَ السياسي لنا

    مَن نُسمى العالم التالت ..؟


    ماذا كان يفعل دعمهُ (( القُطب الأوحد في هذا العالم )) لنا ..؟

    قالوا دعماً لوجسيتي وَ غذائي وَ أنساني لـِ (( لاحظوا ))

    لـِ " سُكان دارفور "

    وقبل بضعت أيام (( إن لم تكن أسابيع ))


    أعلن ناطقٌ باسم الجيش السوداني عن :- " إسقاط طائرة تنقيب عن اليورانيوم بِـ دارفور "


    ــــــــــــــ ،، ــــــــــــــ


    المسئلة أصعب من " فركَ الرأس وَ مِن ثما حلِها "


    ــــــــــــــ ،، ــــــــــــــ



    " بـِلا قيــود "
    اخر تعديل كان بواسطة » Wllim في يوم » 20-09-2006 عند الساعة » 18:43

  17. #16
    احببت ان اسجل حضورا ..


    لـــــــــــــــــــي عودة


    سراااااااب الروووح

  18. #17
    الصديق العزيز فرينـــد

    الصراحـــــة ..rolleyes

    زي مابقولوا عندنا في فلسطين ويمكن في العالم العربي

    ضربت علي الوتر الحساس

    بس مش تفكر الوتر ..<<. وتر العود لالالالالالا >>

    قصدي يعني جبت لب الموضوع ....<< برضو اللب مش لب الباذنحان >>

    خلي مخك كبييييييييير أنا كل كلمة بدي أكتبها بدك تفسرها علي كيفك

    أفهم ياعربي .... أفهم دايما الكلام صح مش تفسره كيف مابدك ... devious

    هيك حكامنا العرب والآنهزامين منا وصدقني كثيييير بين العرب

    إذا ماكنا كلنا انهزامين .cry

    نفسر سموم الافاعي والعقارب مثل الافعي امريكا والعقرب اسرائيل

    كيف مابدنا .. علي مزاجنا مع أنه واضح أنه ضدنا ومش لصالحنا

    بس بنفسره كيف مابدنا وأنه بخدمنا علشان نسكت الناس اللي فاهمه بينا

    هيك حالنا شو بدنا نعمل ياستي .. والله ياستي

    أيام زمان كانوا اليهود يخافوا منا

    بس الله لايكسبها بريطانيا وهذا الكلب اللي أسمه بلفور الله يجحمه وين ماكان

    هو اللي خلاهم يركبونا ..زي الحمير . وهيك الحال في كل دول العرب

    فلسطين أول الحملة ومش عارفين مين راح يكون الذنب مع مين راح تكون الخاتمة

    بس أكيد ختامها مسك ... ermm

    مشكور كثيييييييييير علي الموضوع
    attachment
    اضغطي على الصورة^^!

  19. #18

    إحنا بنتكلـّم !

    سلام ..



    إحنا بنتكلّم .. !!!
    .
    .

    rolleyes



    ... friend

    هُنا سأسلّط الضوء على كُل شيء ، بما أن الضوء لا نراه إلا ساعات محدودة يومياً
    ببساطـة ، وبـ صراحة
    سـ أتكلـّم
    سكتنا كثيراً .. وحان وقت " الكلام "
    " بـِلا قيــود "


    و


    Wllim ...

    " بـِلا قيــود "
    ..
    أحسدُ تِلكـَ الجُرأةَ( ! )


    سبقني بها wllim ،، ... لا يُهم ..


    ،،


    ياللــ .. !


    الموضوع دفعني لتغيير محل الإقامة بملفي الشخصي ،


    حتى تتضح الصورة أكثر ..!


    ،،


    الواقع العربي "مُجتمَعاً " .. أممم

    .
    .

    المُحصّلة /" فضائِح لا متناهية "


    ،،


    تدور في رأسي هذه الكلمة " بـِلا قيــود " ..


    أُشدد على استخدام حقي المشروع / حق " القيود " ، biggrin


    لا تنعتوني بالجُبن .. الحق يُقال .. وإن كُنا " إحنا بنتكلّم .."


    هل سنستطيع فعلاً الدخول للعمق ..


    دعونا من نانسي عجرم ، وفيفي عبده ..


    لأننا نستطيع التحدث بكل حرية عن أي مشكلة ، لكن هل نستطيع


    المجاهرة ولو " بإسم واحد " ممن يتسبب بالمُشكلة ؟


    ،،


    أنا لا أعيشُ في زمنِ الحُريّات !


    أعيش في زمن "الواقع " ولا شيء آخر


    ،،


    إذا ..

    فش خلق / مابتستفيد شي إلا أنك بتفش خلقك


    ،،


    منذُ خلقنا ونحنا عم " نفش خلقنا " ،


    هل الموضوعُ فعلاً سيكون " إحنا بنتكلم " ؟


    أم " إحنا بنفش خلق " ..؟!!

    ..

    ،،



    المسألة أصعب من " فركَ الرأس وَ مِن ثما حلِها "

    ههههه ... كيف بِمن عاش عُمره يفرك رأسه !


    ،،،



    سأبقى مُتابعة .. ولي عودة ..


    ،،

  20. #19
    Wllim

    صديقي ، أنتَ تفهمُني .. جيداً
    أشعر بذلك

    يا خّيي .. ورود لك 054

    ،،

    قلت لصديق عربي قبل شوي :

    فرق كبير بيني وبينك

    إنت عندك مشروع ( شركة ) وبيت ، وسيارة تنقلك بينهم ولأي مكان

    أكثر مشكلة قد تصادفك بالطريق شرطي مرور يعطيك مخالفة لأنك تجاوزت الإشارة

    أما أنا فمشكلتي دبابة بالشارع وطيارة بتقصف بالسما ومستقبل بعيد بعيد ما بدركه !

  21. #20

    50 - 70 مسلسلاً !


    هههههههه ، أضحك حين أشاهد هذا التنافس الشديد والعميق والمدروس

    الذي يكلف الملايين بين القنوات وهي تستعرض عضلاتها

    بعدد المسلسلات الرمضانية

    كل عام وأنتم بخير

الصفحة رقم 1 من 7 123 ... الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter