ياليتني فراش بالمدرسة ؟!!
لو بغيت اضحك اسولف مع الناس .. عيت العبرات تفارق عيوني
<<<<<<<<<< مسكين هئ هئ هئ
هذا بسبب الحب الجديد الذي لمح لي بالافق عندما كنت ألحق دجاجه حمره ( تررههش على قولت جارنا ) واحاول اكلمها لكن للاسف قالت ضف وجهك مابقى الا بني ادم يلاحقونا من زينكم وبعدين وهي تمشي حركت جناحها بدلع وقالت لي شبح وجه
من زينك انت حدك تلاحق بجعه صايعه في مستنقع مو تجي تكلم دجاجه بنت ناس ساكنه في عشه محترمه ..!!
وإذا ما تبت يا بني آدم .. بنجيب لك الزعيم >>> كل شي إلا الزعيم
وبعدين رحت سوق الحمام وحاولت اشوف واحد يبع دجاج فقلت بكم هذي قالي بعشرين ريال سعودي لكن شفت الدجاجه تطالعني بنص عين وقالت من طرف منقارها : خير وش تبي
قلت : بتعرف
قالت : تتعرف علي بفلوس
اسفه طحت من عيني
ومشيت وكلي حزن ,, إلا أشوف دييك يقول لي : آمر تبي شي إذا تبي دجاجة حاضرين
عندي دجاجة مات زوجها في الحرب .. وهيا لحاله وحيده
قلت : كم عمرها
قال : في عز الشباب .. عمرها 67 >> جارنا مات وعمره 55
قلت : ما نبيها
وأخذت ميكرفون وسماعات ستريو 4000 واط
وقلت إلى كل الدجاجات : إلي ما يبيني ما أبييه وإلي يشتريني أشتريه
و فكرت بيني وبين نفسي وقلت خلاص مو لازم اتعرف على احد حتى الدجاج مايبوني ..!!
ترى اللي فوق مقدمه تعالوا نروح للموضوع
انا ما قلت لكم تقرؤها
--------------------------------------------------
لحظة وين نسيتوا
اطمروا بعد هالسطر وانتبهوا لركبكم الصفراء
--------------------------------------------------------
>>> أتحدى واحد منكم طمر
من يوم كنت صغير واهلي محطميني تحطيم الطابوق على الأرض حتى أسنانس تكسرت لان طموحي اكون فراش في مدرسة ثانوية بنات واهلي رافضين الفكره بتاتا .. معنى إني فكرت إني اتاجر بـ الخرفان بس يخوفون
هئ هئ هئ
وقلت لنفسي لازم اجاهد في حياتي من اجل احقق هذا الحلم الذي كان يراودني من يوم كنت في الروضه وكانت تجلس جنبي بنت وقتها ذاكرت ونجحت وحققت معدل رائع بمجموع 60% وهو انجاز لم يحققه اي واحد من سرابيت حارتنا ..!!
خلصت الثانوية وفكرت اهرب من البيت وبالفعل سويت هوشه مع الاهل علشان رفضوا فكرت اني اكون فراش بمدرسة ثانوية بنات ..!! وقبل لا اهرب من البيت كسرت حصالة اخوي الصغير وسرقت منها 160 ريال على فكرة الحصاله كانت على شكل ضفدع يدق عود ..!!
>>> من سنين وانا اتحلم بـ الحصاله واليوم جاء الوقت الحاسم لــ كسرها
المهم طلعت من البيت ورحت افرفر في الشوارع وقلت ليه ماشتغل هذا المبلغ اللي سرقته واسوي تجاره كبيره واستثمر المبلغ من اجل ان احقق طموحي
وبالفعل رحت حق واحد يبيع مساويك قلت له بكم تبيع كل هالمساويك قالي : بــ مية ريال سعودي قلت تمام خذ 100 وعطني المساويك
اخذت المساويك ورحت خطرت سور بيت جارنا .. وسرقت سرواله الفسفوري مع ثوبه الأزرق >> لازم يكشخ
والمساويك بـ إيدي
فرشتهم قدام مدرسة بنات <<<< ماشاء الله ذكي من علامات إن قريب أحقق طموحي
انتهى اليوم الدراسي اشوف البنات يطلعون من المدرسة ويمرون من جنبي ويطالعوني بنص عين ( عادي متعود اذا الدجاجه طالعتني بنص عين .. شلون هم ..)
المتكحله .. والمتزينه .. و إلخ
جلست لين صكت الشمس جبهتي ولا احد شرى مني مسواك غير هندي يطالعني بــ نص عين وقف عند بسطتي وكاسرني على قيمة المسواك لين شراه بربع ريال ..!! <<<<<<<<< قص عليه الهندي
صرت اطالع باب المدرسة لين شفت الفراش واقف عند بابها قلت ياحظه حقق طموحه وصرت اتنهد واغني واقول شعر وفي الاخير طلعت بهذا البيت الشعر
(ياليتني فراش في مدرسة ثانوية بنات .. اجي الصبح بدري كاشخ ولابس تسع ساعات ..!!)
وفجأه مره ****************** (سلقه) يتمشى بخفه ويطالعني بــ نص عين وقال : تخاويني في زقاره
قلت : لا لا لا لا ما يحتاج وقلبي ينبض بسرعة 160 كيلو متر في الثانيه كأنه سيكل بو ظهر
ومشى عني
وبعد مضي قليلا من الوقت <<< ياشينك بالفصحى طالعت يمين ثم شمال ثم فوق ثم تحت ورحت عند الفراش قلت لازم اشوف حل علشان احصل على وظيفه ودار معه هذا الحوار :
انا : هلا عمي
الفراش : وش تبي قالها وهو يطالعني بنص عين <<< عادي متعود
انا : كيف اشتغلت فراش
الفراش : قدمت على وزارة التعليم وشغلوني هنا
انا : طيب انا ابي اشتغل فراش كيف
الفراش : انت يابو المساويك تبي تشتغل فراش تفكر هذي الوظيفه سهل الحصول عليها
انا : طيب انا معي شهاده واعرف ادق عود <<<< غبي وش دخل العود في الموضوع
الفراش : اقول اهااا بس فارق يلااا
اخذت بسطتي ورحت اتمشى في الشارع لين تعبت ونمت على الرصيف في الغروب وقمت الصبح بدري وركضت على المدرسة مره ثانيه وفرشت بسطتي
وفجاة مرت جنبي طالبه متكشخه بــ الفراشات >> وش دعوه .. مو رايحه مدرسه .. رايحه زوااج
طاح القلم حقها ...!!!
وصار جنب المساويك وانا ماكنت منتبه وشفتها وقفت جنب البسطه تدور قلمها اللي مادري عنه وخفق قلبي وقلت : امري
قالت : ابي القلم قلت انا ابيع مساويك قالت ابي القلم
قلت : يابنت الناس ابيع مساويك ماتشوفين
قالت : تفكر بنت توقف عندك تبي تشتري مسواك انا ابي القلم حقي شوفه هنا >>> تحطم خشمي .. أقصد قلبي
نزلت راسي وشفت القلم حقها حاط رجل على رجل جالس يسولف مع مسواك ويطالعني بنص عين
يالله الكل يطالعني بنص عين ..!!
عطيتها القلم وقلت آآآآآآآسف من كل قلبي مانتبهت أختي
جلست افكر وانا حزين كصوت البلابل وهي تغرد فوق مروحة في غرفة صعيدي مطلق زوجته ..!!
وفجاة سمعت صوت قوي فضييه .. كأنه فييل يصررخ في إذن فلبيني
يقولي : يابو المساويك تعال الا هذا الفراش يناديني رحت له اركض وشغلت النيتروو
وجيت لوه .. وهوا يطالعين بـ نص عين
قلت : نعم ياعم
قالي : انا بــ سافر إلى لبنان .. عندي مدارس هناك بصير فراش عليها .. وأبغاك تمسك محلي إلى أن أرجع . وإذا أحد سأل عندي قول له مريض
قلت : بس ابشر ياعم ولا يهمك .. شكرا شكرا شكرا ومبرووك الشهر
وكان وقتها يوم الاربعاء العصر يعني الخميس والجمعه مافي مدرسة قلت عادي اتحمل لين يوم السبت
وانا جالس انتظر يوم السبت واسمع صوت يناديني انت ياااااااهو قم يلااا قم مع وجهك قــ آآآآآآآآآ ــم
والتفت الا الوالد يطالعني بنص عين وهو يقومني من النوم ..!!
~~~~~~~~~~~~~~~~~~~~~~~~~~~~~~~~~~~~
من كتاااابت أخوي ......أبو دمعة
اضافة رد مع اقتباس
المفضلات