مشاهدة النتائج 1 الى 9 من 9
  1. #1

    .::!::. جالس فحالي و لحالي .::!::.

    _-°-_ جالس فحالي و لحالي _-°-_

    Baby bobo

    إحم إحم .... نبدا بتعريف بسيط للشخصيات الرئيسية و الباجين تتعرفون عليهم من القصة ....
    **************
    عايلة بو خالد ..
    الأبو : أحمد ... طييييب و يحب بناته أكثر من أولاده ..
    الأم : سلامة ... طيبة و تحب عيالها وايد وماتفرق بينهم ..
    خالد : عمره 26 معرس و ماخذ بنت خالته مهرة و عنده بنت و ولد مها و محمد ..
    خلود : عمرها 21 مب مرتبطة و تدرس نظم معلومات جغرافية ...
    هزاع : عمره 22 يدرس إدارة و إقتصاد ..
    شمسة : عمرها 19 تدرس تقنية معلومات ..
    *****
    عايلة بو حمد ..
    الأبو : محمد .... عصبي ومتشدد ويا البنات و مرخي على الأولاد ..(( عنصري )) .
    الأم : خولة .. طييييييييبة ويا بناتها وايد ..
    مهرة : عمرها 24 و ماخذنها ولد خالتها ..
    حمد : عمره 23 و يشتغل فشركة ..
    شمة : عمرها 19 كانت تدرس فالجامعة و بعدين قطعت ..
    لطيفة : توأم شمة و على طول تتمصخر ..
    *****
    عايلة بو راشد ..
    الأبو : سعيد .. طيب و ماعليه كلام ..
    الأم : عليا .. عادية ..
    راشد : عمره 26 و يشتغل فالاتصالات ...
    رشا : عمرها 22 مب مرتبطة و تدرس فالجامعة ...
    ريم : عمرها 13 سنة و تدرس فالإعدادية صف ثامن ..
    ***************
    و نبدا القصة ..
    الجزء الأول
    شمسة يالسة على اللاب توب تدرس... دخلت عليها خلود ..
    خلود : شمييييييييييييييييييييييييييييييييييييس ؟؟؟
    شمسة : بلاج ؟؟........
    خلود : من متى و أنتي يالسة على اللاب توب ؟؟؟
    شمسة : خلاص عاااااااد ...و الله يالسة أدرس ..
    خلود : غرييييبة ..
    شمسة : شو الغريب ؟؟
    خلود : إنتي تدرسين يوم الأربعاء ؟؟؟ و بعدين ..ألحين الساعة 12 ..شو مسهرنج ؟؟ أنا أحيدج دياية أم أحمد ..
    شمسة : تغيرت عادتي ... فيها شي ؟؟
    خلود : هيه .. صدقتج أنا أحينه ...
    شمسة : برايج لا تصدقين ...
    خلود : شموس ؟؟
    شمسة : نعم ؟؟
    خلود : شو يالسة تسوييين ؟؟
    شمسة : عن الاستهبال ...خبرتج يالسة أدرس ..
    خلود : يعني ما ترومين تودرين الدراسة شوي ؟؟
    ودرت شمسة اللاب توب و تمت اتطالع أختها باستغراب ..
    شمسة : شو تبين ؟؟ مب مهم اللي اسويه ..
    خلود : لا بس أباج تنزلين و ياي تحت ..
    شمسة : شحقه ؟؟؟
    خلود : عسب أشوف فلم السهرة وياج ما أداني أشوفه الروحي ...
    شمسة : فالج طيب ...ما طلبتي أحينه بسكر اللاب توب و بنزل ..أقول ..
    خلود : شعندج ؟؟
    شمسة : جهزي لي أكل ..
    خلود : شو تبين ؟؟
    شمسة : خرابيط الدكان ..بطاط ببسي كافي من هالنوع ..
    خلود : ثلاجتي مترووووووسة مري على غرفتي و خذي اللي تبينه ..
    شمسة : أوكي .. هزاع واعي ؟؟
    خلود : لا ..
    ظهرت خلود من الغرفة و سارت تحت و يلست فالصالة تتريا شمسة تنزللها ..نزلت شمسة بعد شوي و هي شاله كل اللي قدرت عليه من الحلويات ..
    خلود : شرايج نطالع هذا ؟؟
    شمسة : شو اسمه ؟؟
    خلود : والله ما لحقت على الاسم ..
    شمسة : خليه ..شي أحسن من ماشي ..
    و تمن يطالعن و بعدين كل وحدة سارت غرفتها ترقد ...
    اليوم الثاني الصبح فبيت بو حمد ..الساعة خمس الفير فغرفة شمة و لطيفة ..
    أم حمد : شموه ...شمووووووووووووه ؟؟؟
    شمة توها تستوعب إن أمها يايه توعيها ..
    شمة: هلا امايه ..
    أم حمد : نشي صلي الله لا يوفق عدوج ..
    شمة : إن شا الله ...
    و نشت وهي تسحب عمرها عالحمام ..
    أم حمد : لطووووووووووووووف ؟؟
    لطيفة : و الله سمعت و الله ..
    أم حمد : واااابوي عليج ؟؟ و ليش ما تنشين ؟؟
    لطيفة : شميم فالحمام ..
    ظهرت شمة من الحمام و كل شي تمام عندها ... و نشت لطيفة و على طول عالحمام ..
    بعد نص ساعة يت أم حمد ثاني مرة .. و شمة متغطية باللحاف ..
    أم حمد : شمووه ؟؟ وينها اختج ؟؟
    شمة : فالحمام ..
    أم حمد : حشا .. كل ها فالحمام ؟؟
    و سارت عند الحمام تدق الباب ..
    أم حمد : لطيفة .. لطوووف ..
    لطيفة : ها ؟؟ ها ؟؟
    أم حمد : شو تسوين فالحمام ؟؟
    لطيفة : ظاهرة ظاهرة ...
    طلعت لطيفة من الحمام و هي مفوووووووووووووله ...و يوم ظهرت أمها من الغرفة قالت..
    لطيفة : استغفر الله العظيم ...حتى الواحد فالحمام ما ياخذ راحته ؟؟؟
    شمة : هههههههههه ...
    لطيفة : و أنتي بس تبين سبة عشان تبطلين هالثم ؟؟
    شمة : هاي المرة منج أنتي ....ههههههههه صدق عاد مصختيها ..نص ساعة فالحمام يالظالمة ؟؟
    لطيفة : أفف الحاسدين ..
    شمة : على شو يا حسرة ؟؟
    لطيفة : جب و خليني أصلي ..
    شمة : احترمي عمرج و عن الخريط ...أنا طلعوني من بطن أمي قبلج ..يعني انا أكبر عنج ..
    لطيفة : لا و الله ؟؟ حلفي إنتي بس ؟؟
    دخل حمد الغرفة وهو مفووووووول ...
    حمد : شبلاكن إنتن ؟؟ شبلاكن ؟؟
    لطيفة : أختك ما تخليني أصلي ..
    شمة : شوفوا شوفوا ... هجموا علي أنا المسكينة البريئة ..
    حمد : لو سمعت حس وحدة فيكن يا ويلكن ..
    لطيفة : إن شا الله يدي ..تامرنا بشي بعد؟؟
    ظهر حمد و هو بعده معصب عالأخير .... بعدما خلصت لطيفة من الصلاة سارت يلست عدال شمة ..و شمة اطالعها ..
    لطيفة : أقول شميم ..
    شمة : بدينا المصلحة ... آمري ..
    لطيفة : بس عاااااااد ..أقولج ..أنا أبا أسير بيت خالتي سلامة ..
    شمة : هاها ..ظحكتيني ...جان تبين أبوي يقصبج سيري ..
    لطيفة : بس عاااد ... أنا بخبر أمي ..
    شمة : أمممممممممممممم ..انا أقول ندق لهم و نخليهم إييون عندنا ...
    لطيفة : خلود مب فاظيتلج تيي ما عندها حد كبرها منا نحن ..نحن نبى شموس ..
    شمة : ما أدري بج و الله ..و يمكن هم يسيرون مكان ما تدريين ..
    لطيفة : عالساعة 11 بدق حق شموس بشوفها ..
    شمة : خليني أرقد يالظالمة ..أنتي راقدة شبعانه رقاد و أنا سهرانة فالليل ..
    لطيفة : شو أسوي بج ؟؟ منو قال لج ما ترقدين من وقت ؟؟ أنا بنزل تحت الجو شكله بيكون حلو ..
    ما قالت شمة أي شي و لفت ويهها الصوب الثاني ...نزلت لطيفة تحت و يوم ما حصلت الريوق سارت صوب المطبخ ... دشت المطبخ حتى فالمطبخ ماشي ريوق ؟؟؟ ما عليه باكل أي شي ....و بطلت الثلاجة خذتلها تفاحة و طلعت الحوش .. و كان الجو رهيييييييب.. و يلست فالحوش لين ما طلع حمد ...
    حمد : شو تسويييين ؟؟
    لطيفة : أتمتع بالجو الرهيب ...
    حمد : متفيييجة ..
    لطيفة : إجازة !! ما تبانا نتهنى ؟؟؟؟ حشا مب عيشة هاي ..
    حمد : و منو قالج لا تتمتعين على قولتج ؟؟؟
    لطيفة : نحن ما نلحق نسوي شي إلا قلتولنا عيب و منقود ..إلا أمايه فديتها ..
    حمد : نحن نباكن تتسنعن و تستون حريم ..
    لطيفة : مب جذا يستون الحريم ..
    حمد : ودري هاي السالفة أحينه ..
    لطيفة : أفف ...
    حمد : أقول لطوف ..
    لطيفة : آمر ..
    حمد : إحم ...ما تبين تسيرين عند شمسة اليوم ؟؟
    لطيفة : الله بتوديني ؟؟؟؟
    حمد : هيه أنتي و أختج ..
    لطيفة : و أبوي ما بيقول شي ؟؟
    حمد : يوم أنا بقوله ..ما بيقول شي طال عمرج ..
    لطيفة : هيه .....و أنت شو تبى من شمسة ؟؟؟؟؟؟
    حمد : أنا ؟؟؟ شمسة ؟؟؟؟ منو قال إني أبى شي من شمسة ؟؟؟؟؟؟؟
    لطيفة : حمــــــــــــــــــــــد ...مب علي تراني أنا و شموه نعرف إنك تباها ..
    حمد : وهي تباني بالله عليج ؟؟؟
    لطيفة : ما تدري بالناس و اللي فبالهم ...و خاصة شموس ما تبين مرررررة ..
    حمد : أوكيه ..و إنتي بلاج ؟؟؟ ليش محترقه ؟؟؟
    لطيفة : مب محترقة و لا شياته لاتم تسويلي سوالف عاد ...
    حمد : وينها شموه عنج ؟؟؟
    لطيفة : رااااااااااااقدة ...
    حمد : هيه ...أسميها ما تشبع من الرقاد ..
    لطيفة : أنا بسير أشوف أمينة سوت ريوق ولا لاء و يا شكلها ...
    فبيت بو راشد ... الساعة 10 غرفة ريم ... ريم يالسة على شبريتها و زاخة ورقة و شعرها طاير مني و مناك ..شو أسوي ألحين ؟؟؟ هاي الرسالة المليون اللي تيني منها أسميها هالبنت ... ياخي ليش ما تودرني فحالي ؟؟؟ أنا شو يخصني فالإعجاب ؟؟ مالت عليهم جان هذيلا بنات ..دشت رشا عليها ..
    رشا : ريموووووووووووووووووووه ؟؟؟ بعدج عالفراش ؟؟؟
    ريم : همممممف ... نشيت و يلست عالفراش .. بلاج إنتي ؟؟
    رشا : شو هذا ؟؟؟؟
    ريم : رسالة ...
    رشا : من منو ؟؟؟
    ريم : من بنية .. شو تبين ؟؟
    رشا : نزلي تريقي ...
    ريم : إن شا الله عمتي ..نازلة ألحين ..
    ظهرت رشا و سكرت الباب وراها ...أما ريم فسارت الحمام و تغسلت و بعدين طلعت و لبست جلابية واسعة وردية عليها ورود ..و نزلت ..و شافت أمها يالسة و يا أبوها و رشا و الوحيد اللي ما كان موجود هو راشد ..
    ريم : وينه راشد ؟؟
    أم راشد : يمكن بعده راقد ...
    و بعدين تلفتت حق رشا ..
    أم راشد : رشا أمايه سيري وعي أخوج ..
    رشا : إن شا الله أمايه ..
    و سارت صوب غرفته ...دقت الباب و محد يرد ( نومه ثجيل وايد ) ..
    رشا : رااااااااااااااااااااااشد ..رشود ..
    و لا حد يرد ... فبطلت الباب و دشت ...و سارت عنده ..
    رشا : راشد ..
    راشد : شبلاج ؟؟؟ شبلاج ؟؟
    رشا : نش يللا بسرعة ... سير تريق ..
    راشد : الواحد ما يروم يرقد عراحته ؟؟
    ظهرت رشا من الغرفة و سارت الصالة و كانت ريم تتريق و يوم خلصت سارت فوق غرفتها..و بطلت الكمبيوتر و النت و على طول المسن مالها ..أفف ولا وحدة داشة أنا براويهن ..
    سكرت يوم شافت أن محد داش و نزلت ثاني مرة تحت ... هاي المرة محد كان فالصالة غير راشد ..
    ريم : السلام عليك ..
    راشد : و عليكم السلام ..
    ريم : وينها رشا ؟؟؟
    راشد : فالمطبخ ..
    ريم : غريييييييييييييييييييبة ...
    سارت ريم المطبخ و شافت رشا يالسة هي و أمها ..خير ؟؟ بلاهم جي أشكالهم ؟؟ ...
    ريم : السلام عليكم ..
    رشا + أم راشد : عليج السلام ..
    ريم : شو تسوون ؟؟


  2. ...

  3. #2

    تابع الجزء الأول ^_^

    رشا : اليوم بيونا قوم عمي حق الغدى ..
    ريم : وينها البشكارة ؟؟
    رشا : تتغسل .. تخيست بالزيت ..
    ظهرت ريم من عندهم ..و الله ما عندهم سالفة شو يعني قوم عمي بيون ؟؟؟ مب غريبة ..
    و سارت تجهز ثيابها ... طلعت كندورة عادية و شيلة بيت على لون الكندورة لأنها تعرف ...قوم عمي هني يعني لبسي الشيلة ولا تفجينها أبد ..
    المهم طلعت الثياب و دخنتهن و سارت تتسبح .. تسبحت و خلصت و تلبست و عالساعة 11 و ربع و صلوا قوم عمها ... و ارتاحت يوم عرفت إن هزاع مب ياي هو وشمسة و خلود الوحيدة اللي يت .. يلست شوي عندهم تسمع السوالف و بعدين طرشتها أمها عند البشكارة تشوف الغدى ... هيه أنا معبليني بالشغل و رشوووووووووه يالسة ويا بنت عمها يحافظ عليها ...
    فبيت قوم بو حمد شمسة يالسة ويا هزاع يطالعون تلفزون ( بعد الغدى عالساعة 2 ) ..
    هزاع : هاي المرة المليون اللي تبدلين فيها القناة ..بلاج ؟
    شمسة : ما في شي حلو ..
    هزاع : عيل سكريه ..
    شمسة : ما أبى ..
    هزاع : بلاج اليوم ؟؟
    شمسة : ماشي ..صبر صبر ..تلفون البيت ..صح ؟؟
    هزاع : هيه .. بسير أشوف منو ..
    سار هزاع صوب التلفون ..شاف الرقم بيت خالته محد غيرها ..شموه ..
    هزاع : مرحبا ..
    شمة : مرحبتين ... موجودة شميس ؟؟
    هزاع : هيه .. لحظة ..
    سار صوب شمسة ... هاي منو يبى يرمسها و يا شكلها ؟؟ لو شلوا شموس و خلوا خلود بيكون أحسن ..
    هزاع : شموس ؟؟؟
    شمسة : منو يباني ؟؟
    هزاع : منو غيرها ؟؟ شموه ..
    شمسة : فديتها شميم ما نستني ...
    و تربع عالتلفون ...
    شمسة : هلا ...
    شمة : أهلين ..شحالج شمسة ؟؟
    شمسة : بخير يسرج الحال ...و من صوبج ؟؟
    شمة : فاين ثانكس ....شحالهم هلج ؟؟
    شمسة : ظاهرين ...
    شمة : وين ؟؟
    شمسة : بيت عمي ..
    شمة : هيه ..
    شمسة : شموه ...فديتج تعالوا عندي .. و الله محد عندي ..يالسة فالبيت و مجابلة ها الهزاع و الله حتى العصافير انطموا صدق فزاع ..
    و يوم شافها هزاع ...
    شمسة : أقصد هزاع ..
    شمة : هههههههههههههههههههه حلوة ... حليله إنزين .. نحن كنا مفكرين ني عندكم ..
    شمسة : فديييييييييييييييت صاحبة الفكرة ...منو ؟؟ إنتي و لا لطوف ؟؟
    شمة : ههههههههههه لا أنا و لا لطوف ...ها حمد ...هههههههه...و هو يالس عدالي ..
    شمسة : هيييييييييييييييييييييييييييييييييييييء لا يكون سمعني ؟؟؟
    شمة : يعني ...يو كان سي ذات ...
    شمسة : وااااااااقفطتاه ..
    شمة : لاصق أذنه بالسماعة ...ههههههههه ..
    شمسة : أقول ..أنتوا بتون ألحين و لا لاء ؟؟
    شمة : لا عيب امج محد ..
    شمسة : شموه فديتج ..تعالوا ..أنتي و أختج يعني ..
    شمة : بس ؟؟
    شمسة : و حمد بعد ..
    شمة : ألحين بني .. بااااااااااي ..
    شمسة : باي ..
    سكرت شمسة من عندها و هي تضحك ...
    هزاع : تعالي طلع المسلسل الهندي اللي أنتي تحبينه ..
    شمسة : و الله ؟؟؟ أقولك ...قوم خالتي بيون أحينه ...سير تلبس ..
    و سارت اتطالع مندمجة بالمسلسل ...أما هزاع فسار غرفته يتجهز و يتلبس عاد إلا التوم... لازم يتعدل و يتكشخ يوم يكونن موجودات...
    أذن العصر و سار هزاع المسيد يصلي و بعدين رد و بعدهم قوم خالته ما يوا ...
    هزاع : وينهم هذيلا؟؟
    شمسة : بلاك معصب ؟؟ هد أعصابك شوي .. " تتمصخر عليه "
    هزاع : شموس ..مب متفيج لج أنا ..
    سارت شمسة صوب الدريشة ...و ظحكت ..
    هزاع : بلاج إنتي الثانية ؟؟؟
    شمسة : وصلوا ...ههههههههه ..
    هزاع : دشي ...لا تطلعين لا أحش ريولج ..
    شمسة : ما بطلع ... ما بطلع ..
    يلست شمسة مكانها ...أما هزاع ما صدق ..وطلع و هو شاق الحلج ...ظحك حمد عليه أما شمة فتم قلبها يدق ..و يدق ... أف عليه ..و الله إنه فنان ..رحب فيهم و سار هو و حمد صوب الميلس أما البنات فدشن داخل عند شمسة ...
    شمسة : فديييييييييييييييييييييييييييت هالويوه والله ..شحالكن ؟
    شمة + لطيفة : بخير يسرج الحال ...
    شمسة : عيل ييتن ؟؟؟ مب ها من رابع المستحيلات ؟؟
    شمة : غير يوم حمد يرمس أبوي..
    شمسة : هيه ..يعني هو سوالكن واسطة ؟؟؟؟
    لطيفة : هيه .. أصلا هو المتحرقص يبا إيي ..يبى ..إحم إحم ..خلنا نستر عليه ..
    طالعتها شمسة مستغربة ...أما شمة فظحكت عليها ..
    شمسة : شتقصدين ؟؟
    لطيفة : اللي أقصده ..
    شمة : عن الخريط ..قومن نسير فوق ...
    شمسة : تعالن ....
    فبيت بو راشد ....ريم فغرفتها و ياها الرسالة ...(ما تتوب ) يعني صدق حركة خايسة هاي الرسالة المليون ليش جي ؟؟؟ لييييييييييش؟؟؟ حقارة فيهن هالبنات ...بس ماعليه يوم السبت أنا أراويها ...متى بيي يوم السبت ؟؟؟؟؟؟؟؟ أففففففف مالت علي ليش أترياه يولي ويا شكله ....
    دشت خلود عليها ريم تموووووووووووووووت على خلود ..
    خلود : هلووووو...
    ريم : أهليييين ...
    خلود : ............
    ريم : بلاج واقفة عند الباب ؟؟ دشي ...
    دشت خلود و تمت اتطالع ريم ...
    ريم : بلاج جي اتطالعيني ؟؟
    خلود : ما شي ؟؟؟ أخبارج ريم ؟؟
    ريم : بخير الحمد لله ..
    خلود : و ليش زعلانة ؟؟؟
    ريم : أنا ؟؟؟؟؟؟؟
    خلود : زعلانة ...معصبة ....متظيجة ...بلاج ؟؟
    ريم : أففففف ..بنات المدرسة منو غيرهن ؟؟
    خلود : إعدادي ؟؟؟
    ريم : هيه ..
    خلود : معروفة هالحركات ...حركاتهن طفسة ...كم وحدة لين ألحين ؟؟
    ريم : تقصدين بنية و لا رسالة ؟؟
    خلود : بنية ..
    ريم : أكثر عن خمس ..خسهن الله ..
    خلود : ههههههههه ...يحيج ..نحن كنا على وحدة ثنتين ..
    ريم : ههههههههههههههه ..
    خلود : كم رسالة ؟؟
    ريم : مليووووووووووووووووووووووووووووون ...
    خلود : طبيعي ...
    ريم : وينها رشا عنج ؟؟
    خلود : المطبخ ...و انا ييت عندج ..
    ريم : هيه ...
    خلود : من منو هاي ؟؟؟
    و أشرت على الرسالة ..
    ريم : وحدة صف تاسع ...اسمها منى ..طفسة طفسة طفسة ...كل المدرسة تتكلم عنها ..
    خلود : هيه ... كم رسالة منها ؟؟
    ريم : أففففف هي الوحيدة اللي اتطرش 4 أو 5 فاليوم ....الباقيات حليلهن فاليوم وحدة ..
    خلود : هيه ..ههههههههههه حليلج ...
    ريم : عيل ليش ما يت شميس ؟؟؟؟
    خلود : شموس؟؟ هاي زين لو تطلع من البيت أصلا يالله يالله تطلع و يا ربيعاتها بس ..أو بنات خالتي ..التوأم ..
    ريم : هيه خاطري أشوفهن ...
    خلود : شمة و لطيفة ؟؟؟ أف عليهن فنانات ...يبالج مرة تشوفينهن ...صح بدق حق شميس .....
    و زخت تلفونها و اتصلت فبيتهم .... فهاالوقت كانت شمسة فوق و يا التوأم و يوم سمعت التلفون نزلت تربع و شافت حمد داخل فجمدت مكانها و على طول عدلت شيلتها و تغشت ...
    حمد : السلام عليكم ..
    شمسة : و عليكم السلام ..

  4. #3

    تابع الجزء الأول ..

    التلفون بعده يرن ..
    حمد : شحالج ؟؟
    شمسة : بخير الحمد لله ...و من صوبك ؟؟
    حمد : بخير و سهاله ...التلفون يرن ..
    شمسة : هيه تراني نازلة عشانه ..
    و سارت ترد و حمد فمكانه ما تحرك ..و يوم سكرت من عند أختها ...
    شمسة : وينه هزاع ؟؟
    حمد : سار صوب المطبخ و أنا ساير غرفته ..
    و تم يطالعها ...فارتبكت ..أميييييييييييييييييه بلاه هذا جي يطالعني ؟؟؟..
    شمسة : إحم ... أنا بسير أخواتك يتريوني فوق ...
    حمد : عيل بي وياج ..
    استغربت شمسة بلاه حمد اليوم ؟؟ أكيد مب صاحي ...أول شي يطالعني و جنه يشوف و يهي و انا متغشية ...و بعدين بيي و ياي ؟؟؟
    شمسة : تعال ..
    طول الطريج شمسة منطمة و تمشي بعييييييييييييد عن حمد ...بلاها هاي ؟؟؟ باكلها انا؟؟ شو شايفتني جدامها وحش ؟؟ و عسب يلطف الجو قال ..
    حمد : عندج دوام يوم السبت ؟؟
    شمسة : ( بدا يستهبل ) ...هيه ..
    حمد : الأسبوع كامل ؟؟
    شمسة : ( أفففففففف ) ..هيه .. إلا الأربعاء ..
    حمد استغرب أكثر .. شكلها تكرهني .. أف لو تدري كيف أنا احبها ...بلاها أحينه ؟؟ دوم تظحك وياي ليش يعني أحينه معصبة ؟؟؟ وصلوا فوق سارت شمسة صوب غرفتها اما هو فسار صوب غرفة هزاع ....
    فغرفة شمسة ..
    لطيفة : شميس بلاج اليوم ؟؟؟
    شمسة : منو ؟؟ انا ؟؟ لا لا ما فيني شي ههههههههههههههههه..
    لطيفة : لالا البنية مب عاقلة اليوم ...شموووووووووووووووووووووس ؟؟
    شمسة : هاه ؟
    لطيفة : شبلاج اليوم ؟؟
    شمة : ودريها فحالها ..
    لطيفة : انتي تعرفين ؟؟؟
    شمة : ( أف هاي الثانية ... تسوي استجواب بعد ياخي مالها خص ) لا أنا شدراني ..
    لطيفة : لو ما تعرفين ما بتمين ساكتة ..
    شمة : شو تتحريني ؟؟ شراتج ؟؟ لا حبيبتي ..
    شمسة : بسكن ظرابة ..
    لطيفة : لحووووووووووول .....بلاج ؟؟ شوي و بتصيحين ؟؟
    شمسة : ما شي ...
    ويلست على السرير موطية راسها ...و الدموع تمشي على خدها ..لطيفة استغربت أما شمة فتمت اتطالع شمسة باشفاق ...
    لطيفة : شميييييييييييييييييس ؟؟؟ اتصيحين ؟؟ شبلاج حبيبتي شبلاج ؟؟
    و شمسة ساكتة ...
    شمة : أقول لطوف ...سيري عند حمد قولي له شمة تقول : زخ و لا ما بتيك علوم ..
    لطيفة : هاه ؟؟
    شمة : دخيلج بسرعة ...
    ظهرت لطيفة من الغرفة و هي مب فاهمة الجملة ...
    .+’ معنى الجملة : زخ لطوف و لا ما بتيك علوم شمسة ...و هي جملة تشفير للأوقات الحرجة بين شمة و حمد ’+.
    سارت شمة صوب شمسة و قالت ..
    شمة : شميس مب أكيد اللي انا شفته ..
    شمسة : شقايل مب أكيد ؟؟ اكيد و نص تراج شفتيه ..
    شمة : هيه ...بس يمكن ما يكونن مالاته ...شموس خلينا نتأكد أول ..
    شمسة : و ألحين يالس يظحك و يسولف جنه ما في شي صاير ...
    شمة : ترى ربعه خياس أكيد الصور مالات ربعه ...صدقيني حمد ما يرمس بنات ..و لا يعرف بنات ...
    شمسة : أنا أنا ...ما أعرف شموه ..أنا أحبه واااااااااااااااااااااايد ...لكن ..
    و تمت تصيح بشكل يكسر الخاطر ...و شمة مب عارفة شو اتسويلها أو شقايل تهديها ..
    دشت لطيفة ...
    لطيفة : يقول ..روحي لاه ...صبري أنتي دوم تقولين لي أقوله هاي الجملة شو معناها ؟؟
    شمة : ماشي ... هو يعرفها و يفهمها ..تعالي هدي شمسة أنا بسير الحمام ..
    لطيفة : شمووس فديتج لا تصيحين ..أيا كان اللي تصيحين عشانه أو منه ..فهو ما يستاهل دموعج ...شموس عيونج بيحمرن ..لا تصيحين ..شمسة ...
    شمسة : ...........  !
    شمسة تصيح و لطيفة تهديها ...شمة فالحمام مب عارفة شو تقول حق لطيفة اللي معذبتنها تبى تعرف معنى الجملة ..
    الغرفة الثانية هزاع يالس و يا حمد ...
    حمد : يللا نحن بنروح ...
    هزاع : توه مأذن المغرب ..تعشوا و سيروا ..
    حمد : قول : ألحين بيأذن العشى ..مب توه مأذن المغرب .. حبيبي أبوي يحاسب خواتي بالدقيقة ... لازم نسير لا يحصلن هزبة محترمة ....صح وينه خالد ؟؟؟
    هزاع : فبيته ...باجر بيي عندنا ..
    حمد : يللا نش ..
    نشوا و ظهروا الصالة ( اللي فوق ) ..دق هزاع حق شمسة عسب تخبر البنات يتلبسن ..تلبسن و ظهرن ويا شمسة و نزلن تحت حصلوا حمد مفووووووووووووووووووول على الأخير..
    حمد : ياخي شو ها ؟؟ ساعة لين ما تتلبسن ؟؟
    لطيفة : خلاص ياخي ...
    حمد : يللا ركبن ..
    فالسيارة ...
    رقدت لطيفة فنص الطريج ...و هالشي ريح حمد و شمة ...
    حمد : اليوم شمسة فيها شي ..
    شمة : ليش ؟؟ شو استوى ؟؟
    حمد : كانت نازلة ترد على التلفون فسلمت عليها و ردت علي بأسلوب جاف مب شرات كل يوم و يوم قلت لها إني بسير وياها فوق ..تمت ساكتة سنة و بعدين قالت تعال ...شبلاها ؟؟؟
    تمت شمة اتطالع حمد و بعدين قالت ..
    شمة : حمد ...أنا شفت صور عندك ..صور بنات ..
    قال حمد و هو حاط إيده على راسه و يطالع الطريج ..
    حمد : و خبرتيها .... شمووووووووووه ..
    شمة : أنا أخبرها كل شي ....
    حمد : شموه ..إنتي تعرفيني مب راعي هالسوالف ...حرام عليج ..
    شمة : يت عندنا تصيح و ماسكتت ..
    حمد : و شو بعدين ؟؟؟
    شمة : قلت لها إنك مب راعي هالسوالف ... حمد ..لا تكبر الموضوع ..
    حمد : أحينه كيف بتطيع تفهم ؟؟؟
    شمة : إذا كانن الصور مب مالاتك ..مالات منو بالله عليك ؟؟
    حمد : أنا شليت كتاب ربيعي و كان حاط الصور فالكتاب و يوم كنت أبا أرده طاحن الصور فالسيارة و ما انتبهت لهن إلا أمس ..فقلت أوديهن حقه السبت و حطيتهن فغرفتي عدال الكتب ...
    شمة : اهاااا ..
    و تم حمد كل شوي يقول : شموس ما بتفهمني ...شموس ما بتفهمني ....لين ما تصدعت شمة و رقدت هي الثانية ...

    فبيت بو خالد ...شموس فغرفتها تصيح و هزاع يطالع تلفزيون و بعد شوي ردوا الأهل ..و كل واحد سار غرفته و رقد من زود التعب ..إلا شمسة اللي تمت تصيح ..و بعدين حد طرشلها مسج ...منو هذا المتفيج ؟؟ أففف ... و سارت خذت التلفون ..رقم غريب ..
    (( السلام عليج ...إذا متفيجة خلينا نرمس ..أباج فسالفة
    شمة ))
    متفيجة شموه ...لكن شو السالفة اللي تبى تخبرني إياها ؟؟ و أكيد هذا رقم حمد .. بس ماعليه يلا ..
    (( متفيجة ؟؟ الصراحة مالي نفس ..لكن ما عليه عشانج إنتي بس ))
    (( بالمسجات ؟؟ ))
    (( لا مب بالمسجات ))
    و بعد شوي دقت شمة ... و بعد السلام و ما عرف شو ..
    شمسة : شو السالفة ؟؟
    شمة : أول شي لاتصيحين الموضوع ما يستاهل ..
    و حمد لاصق إذنه بالتلفون يتسمع .. و يتفدى شمسة كل شوي ..
    شمسة : هيه ..صدق ما يستاهل ..شرات ما قالت لطيفة اللي ما يباني حتى أنا ما أباه ..
    شمة : لا تقولين جي ...حمد يباج و يحبج و يعزج ..و كل شي ..
    شمسة : شو السالفة ؟؟
    شمة : شوفي ..حمد خذا كتاب ربيعه و ربيعه كان حاط الصور داخل الكتاب و يوم حمد كان يبى يرد الكتاب طاحن الصور داخل سيارته وهو أمس انتبه لهن ..و قال بيردهن السبت و حطهن عند كتبه ..هاي السالفة و يوم أنا خبرته إني خبرتج احتشر و فهمني اللي صار ...
    سكتت شمسة و دموعها تنزل بعدها ...
    شمة : شمسة ..شموس ..شميس ..دخيلج ردي علي ...
    الحين شمسة خلااااااااااااااااااااااااااص مرة تصيح بصوت مسموع ...و بشكل يكسر الخاطر...
    شمة : شموس ...الصراحة الموضوع ما يستاهل كل هالصياح ..
    شمسة : ما أروم ..شمة دخيلج ..دخيلج لا ترمسيني عن أخوج ثاني مرة ...
    حمد احتشر و خذ التلفون من شمة ..
    حمد : شمسة ...أنا والله العظيم إني ما أرمس بنات ولا أعرف بنات...بلاج ما تصدقين؟؟
    شمسة سااااااااااااااااااااااااااااااااااااااااااااااااا ااااكتة و ما اتطلع أي صوت حتى صوت صياحها..
    حمد : شمسة ...شمسة ردي علي ..
    شمسة : نعم ؟؟؟ بصوت خفييييييييييف ..
    حمد : بلاج ما تصدقين ؟؟؟
    ما ردت شمسة ...آه ياصوته ...لكن ليش ياحمد ؟؟؟ ليش ؟؟ حرام عليك ... حراااااااام ..كيف رمت تسوي هالشي ؟؟
    حمد : شمسة ..
    شمسة :......نعم ؟؟
    حمد : صدقيني دخيلج .
    شمسة : صدقتك ..
    حمد : شبلاج ما ترمسين وياي ؟؟
    شمسة سااااااكتة ...صدق حمد فيه شي ..أونه ليش ما ترمسين وياي ؟؟ تخبل الولد ..
    شمسة : ما أروم أسوي شي من دون علم أهلي ... عطني شمة ..
    شمة : ها شو سويتي ؟؟
    شمسة : مشيّت ..

  5. #4

    تابع الجزء الأول.

    شمة : ها شو سويتي ؟؟
    شمسة : مشيّت ..
    شمة : شموووووووووس ... مب علي أنا ~_~ ...
    شمسة : سألي أخوج ..
    شمة : ما بيقول لي ..
    شمسة : بس سكري السالفة.. صدقته ..
    شمة : و الله ؟
    شمسة : و الله ..بسير أشوف الفلم المصري ..
    شمة : قولي بسكر بس ..ليش يعني بسير اشوف الفلم المصري ؟
    شمسة : هههههههههههه ...أوكي بسكر ..
    شمة : سمعوا ؟؟ تظحك ..شموس تظحكين و لا أنا أحلم ؟؟ من وين طلعت الشمس اليوم ؟؟
    شمسة : بس عاااد .. أقول إنتي ليش ما تطرشين إيميلات ؟؟ ولا حتى تدشين على المسن..
    شمة : مب متفيجة ..
    شمسة : عيل وينها لطوف ؟؟
    شمة : دياية أم أحمد ؟؟ راقدة ..
    شمسة :هههههههه حتى أنا يسموني دياية أم أحمد ... مع إني حليلي ما أرقد مبجر ..ما عندهم سالفة ..أوكي أنا بسكر ألحين ...
    شمة : باي ..
    شمسة : مع السلامة ..
    سارت شمسة غرفة خلود حصلتها واعية تتعبث بتلفونها ...
    شمسة : تحريتج رقدتي ..
    خلود : مب دياية أم أحمد ...
    شمسة : تعالي ألحين بيطلع الفلم المصري ..
    خلود : حبيبتي الساعة 2 يمكن الحين فنصه ...أو يمكن خلص ..
    شمسة : بسير أشوفلي شي ثاني .. عندج كافي ؟؟
    خلود : تويكس ... جلكسي ... باونتي ... كتكات ... تايم آوت ..و ..
    شمسة : خلاص .. في شي مب عندج ؟؟ أنا بسير آخذلي ..
    خلود : لو شفتي شي حلو زقريني .. أوكي ؟؟
    شمسة : أوكي ..
    ظهرت شمسة و سارت الصالة ..
    اليوم الثاني الساعة 10 ..خالد يالس فالصالة عند أمه و أبوه و خواته و أخوه و حرمته و عياله ....باختصار شديد (( all the family )) ...مها يالسة تطالع رسوم ..محمد يلعب بتلفون عمه هزاع ... خلود و شمسة يالسات ويا مهرة حرمة خالد ...اما بو خالد و أم خالد يالسين ويا خالد ياخذون علومه ...
    خلود : ما عليج يالهرمة ..ليش ما تيون من الأربعاء أو الخميس ؟؟
    مهرة : ههههههههههههههههه ...هذا أخوج ...ليش ؟؟ اشتقتولنا ؟؟
    شمسة : أصحح لج ...اشتقنا حق أخويه و عياله ...مب حرمته ...
    مهرة : ما عليج يالهرمة ما بخلي أخويه ياخذج ..
    ظحكت خلود هي و عاشة أما شمسة فتغير ويهها و حمرت ..لحظة ....منو تقصد ؟؟ حمد؟؟ ههههههه حليلها ما تدريبه ...أف و الله إني أبى أكرهه ويا شكله زفت .. لكن لحظة هو ماله خص .. الصور مالات ربيعه ...حمد ..حمد ..أنا أحبه ولا أكرهه ؟؟ أباه و لا ما أباه ؟؟ الله يعين شو بيستوي ..
    شمسة : أونه ....هههههههههههههههههه ...
    و بعدين .. أمممممممممممم ...بظهر ما فيّه على تعليقاتهم .. شلت شمسة عمرها و ظهرت الحوش و شافت سيارة تدخل ... سيارة حمد ...ما استوعبت و تمت اتطالع السيارة ..حمد ..هيه حمد ..ويا شكله طالع حلو بعد ..و بعدين يوم التفت لها حمد اتذكرت إنها لازم تتغشى ..تغشت و تمت مكانها ..نزل حمد من السيارة و سار صوبها ...أف بدا لو قل أدبه بعطيه كف ..تقرب حمد منها ...
    حمد : السلام عليج ..
    شمسة : عليك السلام ...شحالك حـ ..حمد ؟؟
    ترددت يوم تقول اسمه ...اما هو فاستانس ...محلات إسمي يوم إنتي تنطقينه ..فديت هالصوت ..
    حمد : بخير و سهاله ...و إنتي ؟؟
    شمسة : بخير يسرك الحال .. تفضل دش ..
    حمد : لا بس ييت أشل مهرة ..
    شمسة : ليش ؟؟
    حمد : أمايه تباها ..لا تسأليني ليش ..لأني اروحي ما اعرف ..
    شمسة : أمممم ...إنزين دش أمايه بتعصب لو ما دشيت ..
    حمد : أوكيه خلاص ...خلاص ..
    دش حمد البيت أما شمسة فسارت المطبخ ..تخبرهم يحطون الفواله ... عسب حمد ياي..حمد ما يباله فواله و لا شياته لكن دودة شموس مب طايعة تبرد ..سارت شمسة غرفتها و دقت حق بيت خالتها ...
    لطيفة : هلا هلا ....
    شمسة : أهلين ..شحالج لطوف ؟؟
    لطيفة : بخير ..شحالج إنتي ؟؟
    شمسة : بخير الحمد لله وينها شموه ؟؟
    لطيفة : راقدة ويا شكلها ..
    شمسة : سيري وعيها ...أبا أرمسها ..
    لطيفة : لويحظة ..
    شمسة : هههههههههههههههه ..أوكيه ..
    بعد سنة يت شمة ..
    شمة : ألـــــــــــــــ"o"ــــــــووووو " تتثاوب "
    شمسة : صح النووم ...شحالج الرقادة ؟؟
    شمة : بخير الحمد لله ... شتبين ؟؟
    شمسة : ما عليج يالهرمة دواج عندي .... أحينه خلينا فالمهم ...أخوج ياي عندنا ..
    استوعبت شمة كلام شمسة بعد فترة ...
    شمة : هاه ؟؟ من متى ؟؟؟
    شمسة : قبل شوي حبيبتي ..
    شمة : شو يبى ؟؟
    شمسة : يبى يشل مهرة ..
    شمة : شو يبى فيها ؟؟؟
    شمسة : يقول أمج تباها ..
    شمة : صبري بسأل لطوف ..
    بعد شوي ..
    شمة : بيونا عرب و أمي تبى مهرة تساعدها فأشياء ..ما أدري شو ...يعني نحن أحينه مب سادينها ؟؟ ما عليها أمايه ..
    شمسة : هيه ..فهمت .. لكن شي خبر أفظع ..
    شمة : شو ؟؟
    شمسة : حمد شاااااااااافني ...
    شمة : و الله ؟؟؟ متى ؟؟
    شمسة : يوم يه ... و الله إني افتشلت كان شكلي خايس مرة .. شيلتي كانت على جتفي و شي ثاني ....كنت لامة شعري بطريقة تظحك ..
    شمة : واههههههههههههههههههههههههههههههههها ....
    شمسة : شموووووه تسنعي لا أصفعج ...
    شمة : سوري سوري ..هههههههههه ..أتخيل شكلج ..
    شمسة : يعلج ..
    شمة : هههه أوكيه وينه أحينه ؟؟
    شمسة : ما أدري سار و لا بعده ..
    شمة : مهرة بتشل عيالها ؟؟
    شمسة : ما أدري و الله .. أسير أشوفها لج ؟؟
    شمة : لا لا تمي .. شميس أنا خايفة ..
    شمسة : ليش ؟؟
    شمة : ما أدري عندي إحساس غريب ..
    شمسة : بشو ؟؟
    شمة : ما أدري بعد ...لكني خايفة .. أففففف ..
    شمسة : تيك إت إيزي ..
    شمة : أفف .. أوكيه أوكيه ..يااااااااااااااايه ..
    شمسة : بلاج ؟؟
    شمة : أمي تباني أسير أعاون البشاكير ..
    شمسة : ثلاث شو يسون ؟؟
    شمة : دوم ترانا جي ... بدقلج بعدين ..أوكيه ؟؟
    شمسة : أوكيه ...مع السلامة ..
    شمة : مع السلامة ..

  6. #5
    سكرت شمة من عندها و هي متضيجة وايد ..و سارت تعاون البشاكير ..مهرة سارت ويا حمد بيتهم و شلت عيالها و ريلها سار يخلص كمن شغله ... فالعصر فبيت بو راشد .. رشا يالسة تدرس يوم دخل راشد عليها ..
    رشا : خير ؟؟
    راشد : خير ..رشا ..
    رشا : آمر ..
    راشد : أبى أخطب ..
    رشا : اخطب ..منو تبى ؟؟
    راشد : خلود بنت عمي ..
    رشا : هيه ..خذها البنية زينة و حشيمة ..
    راشد : تنفعين خطابة ..
    رشا : يعلك ..إنزين ما عليه لو ما طلعت عليك رمسة ما تسر ..
    راشد : جاهزة وكالة الأنباء ..
    رشا : ما عليك يالطفس .. إنزين ليش ما تسير تخبر أمايه ؟؟
    راشد : ييت أخبرج إنتي أول ..
    رشا : لا تبطي ..و سير أخطب البنية ..
    راشد : رايج بتقبل ؟؟
    رشا : و ليش لا ؟؟ إنت ولد عمها .. و ما فيك عيب .. وسامة و أخلاق شو تبى أكثر من جي ؟؟
    راشد : عيل بسير أشوف أمايه ..
    رشا : سير ..
    ظهر راشد من غرفتها و هي تمت اتفكر بخلود ..بتطيع و لا لاء ؟؟؟ الله يعلم ...
    اليوم الثاني ... ريم فالمدرسة ...الحصة الثالثة .. عربي ..ريم يالسة ترسم ياحافظ عليها ..أفففففففف ملل .. متى بيدق الجرس ؟؟؟ أف ..و أف و أف بعد ... وهي بعدها ترسم يتها على راسها ورقة من ربيعتها شوق ... مالت ..حد يعق ورقة جي ؟؟؟
    وخذت الورقة و تمت تقراها ...
    (( ريم ..و الله إني تعبت ..أف ياحصة العربي ملل خسها الله هاي الأبلة متى بتخلص الشرح ؟؟؟ المهم متى يدق الجرس ؟؟ أتريا الرد ))
    تمت ريم تظحك فخاطرها ...خسج الله يا شوق ...الحين لو زختج المس ؟؟ لا وبعد تعقها بطريقة ملفتة ..و يا شكلها ..هههههههه ... و زخت القلم ..وليش ما تي الأبلة و تاخذ الورقة منها ...ريم : (( يا ويلي يا ويلي خسج الله يا شوق الحين شو بتسويلنا الأبلة؟؟...
    الأبلة : ريم ؟؟
    ريم : نـ نعم أبلة ؟؟
    الأبلة : شو هاالورقة ؟؟ منو كاتبنها ؟؟؟
    ريم : ............
    الأبلة : سألتج سؤال ..
    ريم : ................
    الأبلة : انا أسألج ...منو كاتبنها ؟؟؟
    ريم ماكانت تبى تورط ربيعتها شوق ..
    ريم : أنا ..
    الأبلة : تسألين عمرج ؟؟
    ريم : لا ..كنت أبى أطرشها حق ريم مطر ..
    الأبلة : نشي يلا وياي ..
    نشت ريم و هي تطالع الأرض ...و شوق اتطالعها و متلومة ..نشت شوق قبل ما تطلع الأبلة ويا ريم ..
    شوق : أبلة انا طرشتها حق ريم ...
    الأبلة : صدق ياريم ؟؟
    ريم سااااااااااااكتة ..
    الأبلة : انا أسألج .. ليش ما تردين ؟؟
    ريم : صدق ..بس ابلة صدق ما بنكررها ..
    الأبلة : ما بوديكن الإدارة بس الورقة هي اللي راح توصل + تنقيص علامات منج و منها..
    ردن يلسن اماكنهن و دق الجرس ..طلعت ريم و يا شوق ..
    شوق : سوري و الله ما كنت أبى أورطج ..
    ريم : حصل خير ..ترانا تورطنا ثنينتنا ..
    شوق : اف ...شحالها معجبتج ؟؟
    ريم : زفتة ..يعلها الموت ...
    شوق : خييييييبة ..ليش كل ها ؟؟
    ريم : كلهن زفتات ..و طفسات ..
    شوق : هههههههههههههههه ...
    ريم : و أنتي ؟؟
    شوق : على قدم و ساق ..
    ريم : يعلج ..تسايرينهن ؟؟
    شوق : هههههههه ...هيه شو يعني ؟؟ وينها الشلة عنا ؟؟
    ريم : هكن عند العمود اللي دوم نيلس عنده ..
    شوق : مب جنه وحدة ناقصة ؟؟
    ريم : تلقينها عواش ...تراها دوم تغيب ..
    شوق : الله يعلم ..
    سارن صوب الشلة و هن 6 بنات ويا شوق و ريم 8 بنات ...الله يزيد و يبارك ..طلعت عاشة غايبة ..نفس ما خمنت ريم ..التعريف بالشلة :
    طيف .. طيوبة و حبوبة ..
    شيخة .. هي روح الشلة ..يوم تكون فرحانة الكل يكون مستانس و يوم تكون متنكدة الكل يكون زعلان و ماله نفس فشي ..
    حصة .. ربيعة ريم من صف أول لين أحين ... و هي رقيقة وايد ..يعني تقريبا نفس ريم..و هي فصف طيف ..
    غلا .. طيبة و هي أم الأفكار فالشلة ..
    عاشة .. دوووووووووم تغيب ..لكنها طيبة وما تعارض حد ..
    روضة .. ربيعة غلا الروح بالروح و هي فصفها ..
    بعد التعريف ..نعود لمتابعة القصة ... وصلن عند العمود و سلمن على البنات و يلسن يسولفن ...و بعدين طرشن روضة و غلا يشترن الأكل ..يت بنية من صف سابع ..
    البنية : وين شوق ؟
    شوق : هلا ؟؟
    البنية : هند الشامسي تباج .. و هي عند المدخل رقم (( 4 )) ..
    ريم : بتسيرين ؟؟
    شوق : هيه ..
    ريم : ما منج فايدة ..
    حصة : أقول ريم قومي نمشي ..
    ريم : يلا ..
    و شافن غلا و روضة يايات ..
    ريم : شو يبتن لي ؟؟
    غلا : كافي و عصير منقى .. حصوه تراني يبت لج شراتها ..
    حصة : أوكيه ما عليه ..
    و شلن أكلهن وتمن يمشن ... لين ما دق الجرس ..اتضيجت ريم ..أكيد الحين بتسير الصف و بتحصل رسايل من (( منى )) يعلها الموت ... وصلتها حصة صفها و بعدين هي سارت صفها ...سارت ريم صوب طاولتها وانحنت تشوف فالدرج ... الحمد لله ماشي رسايل ..غريبة ... أنا شفت منى اليوم .. و ابتسمت لي ابتسامتها الغبية ..على العموم أحمد ربي لا تيني رسالة بعدين ...
    شمسة فالجامعة تتريا الدريول ... و يرن تلفونها ... لحظة هالرقم مألوف..لا لا أنا أحلم ..مب معقوله ..حمد ؟؟ لا لا ...بلاج شموس ؟؟ عن الغباء أكيد مب حمد ..أوكيه ..يلا أتأكد أحينه ...و بطلت عينها و شافت ...لا مستحيل يكون حمد ..ردت عليه ..
    شمسة : أ..ألو ؟؟
    شمة : هلا ..شموس ..
    شمسة : شـ....شمووه ؟؟
    شمة : هيه ...شو تحريتي حمد ؟؟؟ ههههههههه ..
    شمسة : أصلا ما كنت برد ..أتحرى صدق حمد ..

  7. #6
    شمة : وااابوي ...ليش ؟؟ يعني انا ما ادق من تلفون حمد ؟؟ شوفي خزني رقمه و كتبي شمممممممممممممممممة ....
    شمسة : ههههههههه ..أوكيه ..بلاج داقتلي أحينه ؟؟
    شمة : أنتي وينج ؟؟
    شمسة : فالجامعة ..أتريا الدريول ..
    شمة : يزاي ؟؟ داقة أسليج ..
    شمسة : أوكيه .. خلاص ..شعورج بعده ؟؟
    شمة : شو شعوره ؟؟ هييييييه ..هذاك ..هيه بعده ..
    و تمن يرمسن لين ما وصلت شمسة البيت ...و بعدين خزنت شمسة الرقم و كتبت (( أغلى الناس )) خسج الله يا شمووووه ..لو شاف هزاع الرقم عندي ؟؟؟؟؟؟؟ اونه هو ما يزخ تلفوني عشان يشوف الرقم أصلا...
    كلت غداها و سارت فوق تدرس حق باجر و عالمغرب خلصت و بطلت إيميلها .. و حصلت رسالة من شمة ...و فرحت وااااااااااايد ..اخيرا اتذكرتني شموه ..
    (( هلا و الله ...شحالج شميس ؟؟
    أخبارج ؟؟
    لا تقولين أني ما أطرش رسايل ..تراني طرشت لج ..لكن غصبن عني ..
    هههههههههههههههههههههههههه
    عصبتي ؟؟
    حمد قال لي ..لأنه يبى يقول لج شي ..و فرسالتي كتب هالشي اللي يبا يقولج إياه ..
    اودرج وياه ...
    بااااااااااااي و سلمي عليهم كلهم ..
    ما ادري شو لزمة الرسايل دام إن نحن دوم نرمس بالتلفون ..
    *********************
    السلام عليج ..
    شحالج شمسة ؟؟
    أتمنى إنج ما تعصبين على حركتي هاي ..لكن ما عليه ..
    شمسة ..
    و الله العظيم ..
    ها حلفت ..
    و الله العظيم أن الصور مب مالاتي ..
    صدق ..
    مب يالس أجذب عليج ..
    و الله إنهن مب مالاتي ..
    و إذا حبيتي تردين علي أي رد طرشيه على إيميلي ..
    (........................@ هوت ميل دوت كوم )
    تحياتي .......ولد خالتج ..حمد ..))
    عصبت شمسة ..ألحين هاي حركة تسويها شمة هي و أخوها ؟؟ اللي يسامحج يا شمة ..الله يعين آخرتها شو بيستوي .. لا وبعد هذا الحمد يباني أطرش له على إيميله يحلمممممم ..ويا شكله ... و كتبت رسالة حق شمة كان مظمونها الآتي :
    (( السلام عليج ..
    شمووووووووه تدرين إن حركتج بايخة ؟؟
    لكن ماعليه دواج عندي بعدين ..
    و اخوج ها ..
    ما أدري شاقول عنه الصراحة .. يعني ..شو هاي الحركة ؟؟؟
    كيف بعد يباني أطرش له على إيميله ..؟؟
    ها اللي قاصر بعد ..
    المهم قوليله ..صدقته ..و لايتم يطرش على إيميلي ..
    و بعدين أحلى المسن أحلى من التلفون ...نتم نظارب التلفون عشان نشبك الخطوط فالمسن نسوي جماعة من دون ظرابة وياه ..حشى...
    اترياج اليوم الساعة 2 بالليل .. ما برقد إلا يوم أرمسج ..فاهمة ؟؟

    مع خالص حبي ..حقج إنتي طبعا ..
    شموووووس))

  8. #7
    بعد ما طرشت هاي الرسالة سكرت اللاب توب و نزلت تحت شافتهم كلهم يالسين ساكتين محد يرمس ابد ...هزاع ...خلود ...أم خالد ..و أبو خالد ...حشى شو صاير ؟؟ليش هالتجمع فالصالة ؟؟ ليش منطمين كلهم ؟؟ هزاع شكله ما يطمن ... ليش جي شكله ؟؟ بلاهم ؟؟
    شمسة : السلام عليكم ..
    الكل : عليكم السلام ..
    يلست شمسة عدال خلود اللي اطالع الأرض ..
    لحظة سكون
    شمسة ما استحملت ... شفيهم ؟؟ أففف لازم جي يعني .؟؟؟ و قربت زيادة عند خلود ..
    شمسة : خلود ...بلاكم ؟؟
    خلود اللي كانت سرحانه .. فزت يوم كلمتها شمسة ..
    خلود : هاه ؟؟ شو ؟؟
    شمسة : (( انا ناقصة بعد ...هفف)) بلاكم ؟؟ ساكتين ..محد يرمس أبد ...
    تمت خلود اطالعها و هي سااااااااااااااااااااكتة ...و بعدين قالت ...
    خلود : قوم خالتي خولة ...
    و ماكملت كلامها......مررررة ساكتة.....شمسة عصبت شو صاير ؟؟؟؟؟؟؟ قوم خالتي خولة ؟؟ ما عليه أنا بدق حقهم ..وسارت فوق غرفتها و خذت تلفونها و اتصلت فبيت خالتها ..
    ثانية ..
    ثانيتين ...
    ثلاث ثواني ..
    خمس ثواني ..
    دقيقة ..
    دقيقتين ..
    ثلاث ...
    حشى شو مستوي ؟؟ آخر شي رد حمد ...
    حمد : هلا ..
    شمسة جمدت مكانها .. حمد ؟؟ حمد ؟؟ يهالحظ اللي عندي ..أفييييييه شو بيفكني منه أحينه ؟؟ وحمد يالس هلا و هلا ...و شمسة ما ترد.....آخر شي ..
    شمسة : ألوه ...
    حمد : أخيرا ... ليش مب طايعة ترمسين ؟؟
    شمسة : وين شمة ؟؟؟؟
    سكت حمد ..و ما رمس فترة ... آخر شي قال ..و صوته كان متغير ..
    حمد : شمة مب طايعة تبطل الباب حق حد ..
    شمسة : دخيييييييييييلك ...خبرني شو مستوي ؟؟ ليش معيشيني فألغاز ؟؟ توني أسأل خلود و ما رمست ...و امي و أبوي يتكلمون بالألغاز .... دخيلك خبرني ..
    تنهد حمد ..: شمسة ...انا ..مب عارف شو أقول ..لكن شموه ..
    شمسة : هيه بلاها شموه ؟؟
    حمد : أنـ...
    شمسة : دخيلك قول بسرعة ..
    حمد : انخطبت ..
    شمسة : هاااااااااااااااااااااااه ؟؟
    شمسة انصدمت ...لا حمد يالس يجذب ..و أخوي ؟؟ أخوي ؟؟ هزاع يباها ..حرام ..البنية يمكن ما تبى ..
    حمد : و هي تامة فغرفتها لأنها ما تباه ...
    شمسة : باي ..
    حمد : شمسة ..شبلاج ؟؟
    شمسة : ما شي لكن بسير تحت عند قوم أمي ..
    حمد يعرف إنه هزاع يبى أخته شمة خاصة ...
    حمد : هزاع شو حالته ؟؟
    شمسة : كان ساكت ...و موطي راسه ..ما شفته عدل لكن هاي مب عوايده ..
    حمد : أوكيه ..باي ..
    شمسة : باي ..
    سكرت شمسة من عند حمد و نزلت تحت و ما شافت هزاع ...فظهرت برع و شافته راكب سيارته يبى يظهر ...سارت صوبه و لاحظت انه زعلان و معصب و مختبص مرة ..
    شمسة : شبلاك ؟؟ اللي صار قسمه و نصيب ... شي وايدات يبونك لو كانت شمة ما تباك و بعدين شي ثاني شمة ماتباه ..
    هزاع : و انتي شدراج ؟؟
    شمسة : رمست ..حـ..لطيفة .. و خبرتني إن شمة فغرفتها قافلة الباب على عمرها و ما تبى تجابل حد ... و ميتة من الصياح .. شكلهم غاصبينها ..انا لطيفة ما خبرتني ..لكن شمة تروم ترفض .. ما أعرف يا هزاع ..
    هزاع : أنا بظهر أحينه لو يتج علوم دقيلي و خبريني ..
    شمسة : إن شا الله ..
    ظهر هزاع و شمسة يالس تراقبه ... عينه .. عينه ما تدس أي شي .. هو كتوم مرة ..لكن عينه ترمس عنه دوم ..آخ لو تعرف هي شقد تباك .. بس قسمة و نصيب ..الله يعينكم بس..
    فبيت بو راشد ...ريم يالسة تدرس بالليل ...ألحين تتفيج للدراسة .. بطلت شنطتها و ظهرت الكتب ..و بطلت كتاب التاريخ .. و فجاة طاحت ورقة ..حشى حشى حشى ..مب ورقة وحدة ...4 مرة وحدة ..خسج الله يا منى ..بطلت الاولى ..
    (( حبي ...حياتي ...عمري ...ريم ...
    انا ما أروم أعيش من دونج ...
    أنا أحبج ..أموت فيج ..
    دخيييييييييييييييييييييلج ..امشي وياي ..
    اتريا ردج ..و لا تسويلي طاف شرات كل مرة ..دخيلج ..
    مع حبــــــــــــــ منى ــــــــــــــــــي))
    مالت عليج و على حبج ..نشوف الثانية ..
    (( أحبج ...و أحبج ...و أحبج ..))
    أففف يعلج الموت إن شا الله ...مالت عليج و على شكلج و على حبج ..و شلت الرسايل الباجيات ..و عقتهن فالزبالة من دون ما تقراهن ..يعلهن ..كيف يحبن بنات ؟؟ استغفر الله ..و كملت دراسة و بعدين سارت ترقد ...
    أممممممممممممممممم ^_^ ..
    فالوقت نفسه .. فالصالة ..راشد يالس ويا أمه يبى يخطب خلود ...و أماه ما عارضت و مرررة قالت له بتسير تخطبها حقه ...و شاورت بو راشد اللي ما عارض أبد ... و أبدى استعداده للسيره ...عسب يخطب خلود حق ولده راشد ... لكن الله يعلم خلود تبى راشد ولا لا ؟؟؟؟؟؟ في حد فخاطرها ولا لا؟؟؟؟ المهم فهالوقت خلود فغرفة شمسة ...
    خلود : شميس أنا كنت أتحرى إن شموه تحب هزاع و تباه ..
    شمسة اللي كانت مبطلة المسن ترمس ربيعتها ميره ... تمت اطالع خلود ..و بعدين قالت..

  9. #8
    شمسة : أصلا شموه تبى هزاع و تحبه و تموووووووووووووووووت عليه ...لكن أهلها شكلهم غصبوها ..لأنها فغرفتها قافلة على عمرها الباب ..
    خلود : ما شا الله العلوم كلها عندج ...
    و تمت اطالع شمسة بنظرة تفحص ..
    شمسة : هاه ؟؟؟ ههههههههههه ..لا بس حـ ..أقصد لطيفة خبرتني ..هههههههه ..الصراحة ما ادري ..أنا طرشت لها رسالة ..يا رب ترد علي ..
    خلود : أووووف ..الساعة 12 ..باجر دوام ..سكري يلا ..
    شمسة : انا أتريا شمة ..تدش الساعة 2 ..
    خلود : برايج ..
    و ظهرت من غرفتها و سارت ترقد ...عالساعة 2 شمسة استغربت يوم شافت شمة مبطلة المسن و طرشتلها ...
    شموس : هلا و الله
    الوحيدة : هلا بج زود ...شحالج ؟
    شموس : بخير و سهاله ...علومج انتي ؟
    الوحيدة : لا تتخبرين
    شموس : خبروني
    الوحيدة : منو ؟؟ أكيد لطوف .
    شموس : حليلها مالها خص .
    الوحيدة : لا يكون ...؟؟
    شموس : هيه ..
    الوحيدة : حلفي ؟؟
    شموس : و الله ..
    الوحيدة : غريبة ..أقول ..خلنا نرمس بالتلفون ..ما أروم جي ..
    شموس : أدق ؟؟
    الوحيدة : لا أنا بدق من تلفون حمد ..
    شموس : أوكيه ..
    و سكرن الثنتين ...و رن تلفون شمسة ..و الإسم غيرته من (( أغلى الناس )) حق (( شممممممممممة ))...
    1...2...3...4...5...6...7...8...9...10 ...عشر ميمات ...عسب شمة ترتاح .. هههههههههههه..
    شمسة : ألوووو ...
    شمة : شميس ...إهئ إهئ إهئ ..
    و تمت تصيح ..و ماسكتت إلا بعد سنة .. و شمسة تبى تهديها كثر ما تقدر ..
    شمسة : منو هو ؟؟
    شمة : ولد عمي ... و اسمه حامد ..
    شمسة : كم عمره ؟؟
    شمة : 22 ..كبر ..
    و سكتت .. وكان صوت صياحها هو اللي ينسمع بس ..
    شمسة : كبر هزاع ...
    شمة : هيه ..دوم كنت أتحرى إني له هو و بس ..
    شمسة : يعني ألحين اهلج ردوا عليهم ؟؟
    شمة : باجر بيردون عليهم ..
    شمسة : أففف ...يلا يمكن يكون أحسن من هزاع ..
    شمة : لكني أحبه ...أحبه ..أحبه ...
    و هي تصيح ...
    شمة : ما أعرف شاسوي ...يوم أمايه خبرتني احتشرت و بعدين يا أبويه و قالي بتاخذينه غصبن عنج ...أنا ما أباه ما أباه ما أباه ...
    شمسة : ما اعرف ... وكلي أمرج لله ..
    شمة : أوكيه ... يعني شو بسوي أكثر من جي ؟؟؟
    شمسة : أووووف ...باجر عندي دوام ..بدقلج اليوم عالساعة 9 ..أوكيه ؟؟
    شمة : اترياج ..ما عندي حد ارمسه ...
    شمسة : و لطيفة ؟؟
    شمة : ما فيني عليها ... أترياج ..أوكيه ؟؟
    شمسة : أوكيه ..
    و سكرت و رقدت على طول اليوم الثاني سارت الجامعة ويا ميره ... و فالبريك دقت حق شمة و تمت ترمسها ...
    أما حالة ريم غير ... فالمدرسة فالفسحة كانن البنات كلهن يمشن إلا شوق سايرة ويا هند .. و يوم مرن عند العلم شافن منى و ربيعاتها يشوفن ريم ..
    حصة : شمشكلتهن هذيلا ؟؟
    ريم : والله ...تقولين مب شايفات بنات فحياتهن ..
    غلا : هيه و الله ..لا وبعد يالسات يشوفن ريم ..شرايج روضة ؟؟؟
    روضة : هههههههههههههههههههه ...هيه .. سمعت إن منى تحبج .. صح ريم ؟؟
    ريم : الصراحة ما سلمت منها ...كل يوم أربع خمس رسايل خسها الله ...
    شيخة : و الله ؟؟ تبيني أسير أسنعها ؟؟
    ريم : ههههههههههه لا لا ..سامحتها ..
    طيف : بالله عليكن ألحين هاي حركات بنات ؟؟ أونه كل وحدة تحب و تعجب و ما أدري شو ..شو هالمصخرة ؟؟
    حصة : صدقج و الله ..
    و بعدين دق الجرس ..
    البنات :أفيييييييييييييييييييه ...
    ريم : نحن علينا عربي ..
    حصة : علينا دين .. صح طيف ؟؟
    طيف : هيه ..و أنتوا شويخ .؟؟
    شيخة : تاريخ ..الله يترخ راسهم ... أبله ..شو اسمها ؟؟
    ريم : اعتدال ؟؟
    شيخة : هيه ...هي ..
    ريم : الله يعينكم .. غلا ؟؟
    غلا : ما ادري ..شو علينا روضة ؟؟
    روضة : رياضة .. أتخبركن ..أبله الرياضة ما تعرف تسحي شعرها أو تلفه ؟؟ أو حتى تلبس الحجاب ؟؟ ياخي تلوع جبودنا .. كل ما اتذكر شكلها أتذكر الساحرة (( دولي )) ..
    حصة : ههههههههههههههه خسج الله ...منو هاي بعد ؟؟
    روضة : ما تشوفينه هذاك الرسوم ما أعرف شو اسمه ..الدلو العجيب ..ما اعرف الأرنب العجيب ..شي جي ..
    حصة : قومن نلحق الحصص لا يصفعونا ..
    و افترقن البنات كل وحدة سارت صوب ...


    هذا الجزء الأول أتريا الردود يا حلوين .. gooood

  10. #9

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter