لـــدي بعض الاسئله في خاصيه الربط في الفــرونت بيج

[=|| شبح الأوبرا ||=]

هي خمســه أسئله أغلبها عن خاصيه الربــط وأرجو ألا تأخــذ الكثير من وقتكــم

1- كيف يتم الربط بين صفحه وأخرى جديده أنشأتها في البرنامج في نفس الوقت ؟

2- كيف يتم الربط بين صفحــه ومستند (Word) مثــلا أو اكسل أو صورة حتى ؟

3- كيف يتم الربط بين صورة موجوده في الصفحه ومستند؟

4 - إدراج صورة متحركة أو فلاش في صفحه الفرونت بيج ؟

5- إنشــاء البوم صور ؟ وفي هذه النقطة ألمح اني ادرجت البوما لكنه لم يكن جميلا هل هناك طرق اخرى

مع العلم اني ربما استخدم برنامجا اخر في انشاء الألبوم ثم اربط صفحته مع الصفحه الرئيسيه للفرونت بيج !

قط خطر ببالي أنه قد توجد لكم اراء اخرى في هذا الأمر

وآخر استفسار بما تنصحونني إذا اردت ان اضع روايه تتكون من عدة صفحات في الموقع بحيث تعرض متتابعه ؟

وفي النهايه اعذروني على نقص خبرتي في هذه الامور علما بأني مازلت اتابع مواقع التعليم

[The Crash]

السلام عليكم..
أهلاً بNet C@T والله ...كيفك ^.^

1-عليكي وضع جميع الصفحات داخل مجلد واحد ثم ..اكتبي أي كلمة في الصفحة و حدديها ثم باليميني اختاري

"ارتباط تشعبي" ثم "ملف موجود أو صفحة ويب موجودة"


2-نفس الطريقة السابقة بس حددي الملف بدلاً من الصفحة.

3-نفس طريقة النص السابقة انقري على الصورة باليمين ثم ارتباط تشعبي.

4-الصورة المتحركة من إدراج ثم صورة ثم من ملف و حدديها Gifبالنسبة للفلاش اختاري إدراج ثم Web

Combonent ثم في نوع المكون اختاري عناصر تحكم متقدمة ثم اختاري"فيلم بتنسيق Flash" و أدرجيه

^.^

5- الألبومات الموجودة في الفرونت بيج هي الأحلى تقريباً و إلا عليكي استخدام برامج أخرى و في هذه الحال

رح تتعقد الأمور و يمكن البرامج ما تدعم العربي منيح.
إدراج ثم Web Combonent ثم في نوع المكون اختاري معرض صور فوتوغرافية ..

ولا يهمك ^.^ بس الFront Page ضعيف ترا.

[The Crash]

بما تنصحونني إذا اردت ان اضع روايه تتكون من عدة صفحات في الموقع بحيث تعرض متتابعه

بنصحك بملف فلاش أو بطريقة الإشارة المرجعية في الFront Page ولو بتحبي بساعدك بها الموضوع ^.^ ولو كم قطة عنا

[هزيـم الرعـد]

وعليكم السلام ورحمة الله وبركاته

طبعاً اخوي اياس كفى ووفى وما قصر

وحبيت اساعد ولو بالقليل

* شرح وضع الفلاش بالفرونت بيج :

أدارج > صورة > فلم بصيغة flash



وتختاري الفلاش من الملفات وبعده اوكيه .. ومبروك عليك

واي مساعدة ثانية انا في الخدمة ^__^

هزيمـ ،،

[عبقرينو2]

السلام عليكم

أخويي The Crash سبقني وجاوب الأسئلة

بس بغيت أقول أنه إذا ما كان يعجبك معرض الصور في الفرونت بيج لك حلين

1:- إذا كان موقعك يدعم PHP تقدري تستخدمي جاهز بس تركبي قاعدة البيانات

وهو أسهل من الفرونت بيج في الإستخدام وإذا تبين ترى عندي سكربتات PHP كثيرة وأقدر أساعد

2:- جربي تصنعي واحد بنفسك

زي ألحين أنا أصمم لموقعي بالفوتوشوب

بس عيبه الوحيد إنه ما يستخدم قاعدة بيانات

تجي تركبي الملفات والصور بنفسك

صحيح متعب بس مفيد للي ما يستخدم استضافة تدعم PHP

وأي مساعدة في الإثنين ترى حاضر وبرضو في الفرونت بيج

تحياتي

عبقرينو

[=|| شبح الأوبرا ||=]

يامغيث مين وين طلعلي هاد

أهلا أهلا بالمحطم

من أجوبتك تلك أدركت إني كنت بحاجة دفعه صغيرة ..وتلك كانت أن اضع الملفات في مسار واحد

قرأت ذلك من قبل لكني لم اطبقه لأني لم أدرك أهميته وشكرا لك لانك نبهتني يانبهان !



لكن جديا ماذا قصدت بأن الفرونت بيج ضعيف أستـــــاذ قرصان !

هل قصدت ان كثير من المواقع لاتستضيف صفحاته أو عنيت ناحيه الاختراق

تؤبرني شو فهيم ونبهان

وعلى الموضوع الذي قلت لك أن تذكرني به ولم تفعل

[The Crash]

السلام عليكم...
والله أهلين بالقطقوطة ^.^
فعلاً بدك نكشات خفيفة كان ...بس بدك الصراحة من المفروض كنتي تعرفي السؤال 3 لحالك..

الFront Page غير مؤهل لتصميم مواقع ضخمة ...و بتحسيه كأنو أشكال جاهزة ...كمان الموقع المصمم بال فرونت بيج بكون مليء بالثغرات الأمنية و هو كما لاحظت يتعامل مع نوع ملفات HTML ...
أما من ناحية أخرى لو أخدنا برنامج Dream Waver بتلاقيه ضخم و قوي بشكل ما طبيعي ...بس صعب التعامل و ليس مرن كالفرونت بيج ... بس الفرونت بيج حلو كتير كبداية ...ما تشغلي حالك بها الأمور كملي طريقك فيه ..
على فكرة هو فكرة وضع الصفحات بمسار واحد مشان لما ترفعي الموقع تبعك على الانرتنت ما تصير مشاكل ..

وعلى الموضوع الذي قلت لك أن تذكرني به ولم تفعل

إنتي ما عاد بينتي ^.^ قصة الصورة قصة طويلة ببقى بحكيل ياها ^.^

[The Crash]

هاي دروس للبرنامج ^.^ :

[=|| شبح الأوبرا ||=]

لا ألله يرضى عليك مابدي دروس مابدي وجع راس أنا بس لو عندي كم سؤال بحطون

أنا بس عطيني اي برنامج بقعد لطش فيه وبتعلمو بيومين لوحدي إنتا ماتاكل همي ابدا

الدروس والكلام الفاضي يبلد المخ إنتا بس تعلم بفطرتك (بإيديك وأجريك)

كترت القهوة بهالموضوع ما

كنتي تعرفي السؤال 3 لحالك..

يااستاذ عبقري يااستاذ زكي يعني مالك عرفان إني حطيتو للدعاية ..

بس الفرونت بيج حلو كتير كبداية

بإذن الله سيكون كنهايه لأني دخلت موقع هاكر اليوم وصرت ارجف بفكرون رح يضربوني بكم قذيفه

مفيرسه وفعلا كنت رح حصل أكله طيبه بس ألله ستر

وبعد كم موضوع اطلعت عليه حرمممت ادخل وسجل بهيك مواقع

إينضربوا الهاكرس واحد واحد فاضيين مامعن شغله غير اسرق ايميل هاد وفجر ايميل هاد

وكمان شفتلك اليوم فيلم عن الهاكرس إهادول الاجانب خربو بيوتنا

لأ شو كمان قال فايروس الدوده قال والحارق والساحق والزيرو كولد إينضربوا خلوني ادخل مواقع هاكرس

لأ شو مفكرة الشغله سهله

بس لما دخلتك هاداك الموضوع لساتني رح نزل البرنامج إلما قريت كم رد سب وشتم ولطم بصاحب الموضوع

قال شو حاططلون فايروس فصلت الاتصال ولشو فضولي يكمل هو دخلت مرة تانيه طمنت لعضو حسيتو منيح

صاير يتفلسف وحط هاد وشغل هاد لما الفيوزات فرقعوا قمت طلعت

يعني من تجربه اليوم (ملل)+(تعقيد) + (خطر) = مافي رجعه مرة تانيه مارح أقرأ الا من الكتب

ماأحلاها الكتب هادئه مسالمه طيبه قائمة على خدمة الوطن

?eeeeh

بعتذر للبقيه كنت كتبتلون رد عريض طويل وبالنهايه مابعرف الا والصفحه تسكرت وإنتا رديت

يامحطم وصار كأني تجاهلتهون وانا مو قصدي هيك

عش طويلا ترى كثيرا ً مجانينا ً

[=|| شبح الأوبرا ||=]

ياجماعه عليكم أن تتحدثوا الفصحه



هزيـم الرعـد

طبعاً اخوي اياس كفى ووفى وما قصر

أمازلت تكرة سيموني لأنها مدلله

ماذا تحب إذن فتاة سيئه الطباع وخبيثه مثل ريلا تناسبك جدا إنها غير مدلله

واي مساعدة ثانية انا في الخدمة ^__^

أظنها المساعده التي طلبتها سابقا

لن أضعها في المكان المحرم أعِدُك

لم أكلف نفسي عناء السؤال مجددا بعدما تجاهلتني أصابتني عقده خطيرة كادت تودي بحياتي و حسنا

هذا يكفي لابد ان ضميرك قد بدأ يعمل الان

ماكنت عرفانة اني غليظه لهالدرجه

يمكن ماتكون عارف يخرب بيتي على هالأكله ماأخبثني

سيد عبقرينوو

وأي مساعدة في الإثنين ترى حاضر وبرضو في الفرونت بيج

وبرضو في الفرونت بيج

دخلك عبقر ليش خديت على كعبول عظمتو رد ليش ماتحكي

زي ألحين أنا أصمم لموقعي بالفوتوشوب

والله علقت معي علقه مافيك تطلع منا بفيوزات سليمة

إنتا جبتا لنفسك فوتوشوب

لكان اسمع ..الصور المتحركة فينا نحركا بمؤثراتا مثل تغيير مواضع الاشياء أو المؤثرات وهيك اشيا بشرط

ان الصورة بتظل نفسا لكن لو بدي اعمل تتابع لأكثر من صورة مختلفه كيف بدي اعمل؟

إنتا بس لمح تلميح ها ----->لحتى مايطلعلي نبهان يخبرني انو لازم كنت عارفه هالشي أنا ماانخلقت جوا

كمبيوتر لحتى افهم بس فهيمه جربني ياعبقر بس وينك إلا ماترجع لكعبول عظمتو وإلا بفترسك

متل طائر النوهس الجزار هاد الطائر بعد أن يقتل ضحيته يطير بها ويعلقها بشوكه على احد الاغصان وبمنقاره

هات يمين وهات شمال ..الله يرحمك يالعقعق مسكين شفتو عمبيعق من وجعو باينتني مارح نام

المهم انا بحس انو النوم رح يفترسني بعد لحظة واحده

لهذا

لهذا

ZZZzzzzzzzzzzzzzzzzz

[عبقرينو2]

لو بدي اعمل تتابع لأكثر من صورة مختلفه كيف بدي اعمل؟

تقدري بسكربتات الجافا

[The Crash]

السلام عليكم...
أهلاً بقطة بلدي ^.^

بإذن الله سيكون كنهايه لأني دخلت موقع هاكر اليوم

الهاكر العرب خدي منون كلام و بس ..

وكمان شفتلك اليوم فيلم عن الهاكرس إهادول الاجانب خربو بيوتنا

قاعدة على الMBC2 ما ^.^ بس بايخ هالفلم ^.^ بعد كيفين ميتنيك ما في بعالم الهاكر ...كيفين فات على السجن و انتهت أسطورة الهاكر ما في حدا قدر يوصل لمستوا ^.^

إنتي اول وحدة عم تستخدم لغة سورية قحيحة .. انا متأكد انو الشباب ما فهمو من كلامك إلا النص ^.^

فوتوشوب

أختي الكريمة ...برنامج الفوتوشوب بيقدر يعمل صور متحركة كمان ..بس هادا ما اختصاصو ...في برامج أقوى منو بكتير...مختصر الكلام في برامج خاصة بمؤثرات صفحات الانترنت ...و أهمها :
Xara 3D
Xara Web Style
Swish Max

هالبرامج بسيطة و ما بدا أكتر من يوم بالنسبة إلك ^.^ أما إنك تعتمدي على البرمجة من أجل المؤثرات هاي كانت أيام زمان ..بس حالياُ في برامج شغلة كبيرة ...و البرامج هاي مطورة على أيادي أجنبية خبيرة ^.^
رح أقلك كلمة لازم تتذكريها ...الأجانب لايمكن منافستهم بالتصميم و لكن يمكن منافستهم بالبرمجة .
بس بتعرفي ..عنجد ليش ماتدخلي معي برمجة ...منروح على مقر المبرمجين السري و بعرفك على الخبراء..وحدة متلك لازم تكون مبرمجة ....